Regest

• Datum: 1467-10-06 (In den jarn unses hern dusent veirhundert seven unde sestich des dynstages na sunte Remigius dage des hilligen confessors [=Remigii: 01.10.])
• Urheber/Aussteller: Johann Hackenberg, Freigraf (Aussteller) / Johann, Pfarrer (Urheber)
• Empfänger: Karde Darboven, Vorsteherin / Stine tom Putte (Puttmann), Vorsteherin / Gertrud Puttmann, Vorsteherin
• Ausstellungsort: [Lütgendortmund]

Titel/Regest

Johann Hackenberg (Johan Hakenbergh, Johanne Hakenberge), Freigraf von Bochum (ffrigreve to Bokem), beurkundet den Verkauf einer Jahresrente von einem Malter Korn aus dem Schelengut (Schelen Gut) an Karde (Karden), Stine (Stinen) und Gertrud (Gertrude), vorgencger des Beginenhauses (begynen huses, begynen huse, bigynen huse) von Lütgendortmund durch den Magister Jacob Meler (mester Jacob Meler) und dessen Vetter, den Pfarrer Johann (pape Johann). Die Verkäufer verzichten fortan auf alle Rechte an der Rente, geloben deren Lieferung jährlich zum Martinsfest (11.11.) oder in der darauffolgenden Woche, entheben die Käufer aller aus zukünftigen Einsprüchen entstehenden Schädigungen und geloben, das Gut nur unter Wahrung der Rentenansprüche der Beginen weiter zu veräußern. Als weitere Mitglieder des Gerichtes waren anwesend: Herr Dietrich (Dirick) van Vrenckyng, Vikar von Lütgendortmund, Christian (Kerstian) der Büttel (vrone), Heinrich Stenwech, Johann Twynel, der Schulte Johann von Dellwig (van Dellwick), Albert Wulf, Arnt Bolte und weitere.

Der Freigraf kündigt sein Siegel an.

Text

Ich, Johan Hakenbergh, ffrigreve to Bokem, bekenne overmytz dissem breyve, dat vor my gekomen synt to Lutikendortmunde an den ffryenstael, dar ick stat unde stoel eyns gehegeden gerichtes to rechten tyden beseten hadde, mester Jacob Meler unde pape Johann, syn vedder, unde bekanden vor my unde vor dem gehegeden gerichte, dat sey verkofft hedden vor sick unde vor ere erven eyns steden, vasten erffkopes ten ewigen dagen, eyn malder karns jarliker rente ute erme gude to Lutikendortmunde, geheiten des Schelen Gut, Karden, Stinen [a] unde Gerdrude, vorgencger des begynen huses to Lutikendortmunde, unde vart den gemeynen junfern unde eren nakomelyncgen in dem selven begynen huse ume eyne summe geldes, dey en to eren willen wol betalt is, so sey vor dem vurscreven gerichte bekanden. Unde dey vurscreven mester Jacob unde pape Johan synt vart des vurscreven malder karns vor my unde vor dem vurscreven gerichte utgegan unde hebt dat vart over gelancget, erffliken, eweliken unde ummer, eyns steden, vasten erffkopes in hant unde behoff, nut [b] unde erbar der vurscreven junfern in dem vurscreven begynen hus to Lutikendortmunde, so dat dey vurscreven vorkoper dar nummer geyn recht mer an dem vurscreven malder karns hebn en sollen, unde sey willen den vurscreven kopern des restliken gebruken [c] laten ten ewigen dagen vart. So bekanden dey vurscreven mester Jacob unde pape Johann vor my, Johanne vurscreven, unde vor dem vurscreven gerichte, dat sei den vurscreven juncfern in dem begynen huse vurscreven des vurscreven malder karns jarliker rente warn willen unde rechte warschop den unbesat unde unbekummert to levern in er seker behalt iarlix unde alle iar to betalen op sunte Mertyn offte achte dage dar na unbelancgen. Wert sake, dat en dat malder karns ummant bebispreke offte betrodede myt rechte, dar willen sey dey vurscreven juncfern van entheven sunder eren schaden. Ock wer sake, dat dusse breyff eynich hinder hedde off stege an schrifften, an pergamente offte off hey nat worde allike wol solt sey myt der karngulde verwisset wesen vart, so loveden mester Jacob unde pape Johann vurscreven den vurscreven juncfern in den begynen huse. Wert sake, dat sey dess landes heren, de in des Schelen Gut offte dat hele ere vorkopen wolden, dat dar dey junfern in dem begynen huse den nesten [d] to syn sollen vart. So loveden dey vurscreven vorkoper vor en unde vor er erven den vurscreven junfern in den begynen huse vurscreven unde ern nakomelyncgen, alle dusse vurscreven punte war, stede unde vast to halden, sunder argelist. Hir warn over unde ane stantgenoten des gerichtes, myt namen her Dirick van Vrenckynck, vicarius to Lutikendortmunde, Kerstian Vrone, Hinrick Stenwech, Johan Twynel, Schulte Johan van Delwick, Albert Wulff, Arnt Bolte unde mer guder lude genoch, wante dusse vurscreven erfkoep, utganck, uplatyncge vor my, Johanne Hakenberge vurscreven, gescheyn is in eyme gehegeden gerichte. So heb ick des to tuge der warheyt myn segel van gerichtes wegen an dussen breyff gehancgen. Gegeven in den jarn unses hern dusent veirhundert seven unde sestich des dynstages na sunte Remigius dage des hilligen confessors.

[a] Übergeschrieben ein weiteres "u"

[b] Geschrieben "Stimen"

[c] Geschrieben "gebuken"

[d] Nicht deutlich zu lesen

Vermerke

Rückvermerke: Pape Johan i. malder korns van seligen her peutlinges wege

Num[mer] 1 von Jahr 1467, für malder korns in Schellenguth [17. Jh.]

• Sonstige Beteiligte: Dietrich van Vrenckyng, Vikar (Zeuge) / Christian , Büttel (Zeuge) / Heinrich Stenwech (Zeuge) / Johann Twynel (Zeuge) / Johann von Dellwig, Schulte (Zeuge) / Albert Wulf (Zeuge) / Arnt Bolte (Zeuge)
• Archiv: Marienborn, Kloster
• Bestand: Urkunden
• Signatur: 13
• Benutzungsort: Landesarchiv NRW Abteilung Westfalen
• Bestellsignatur: Kloster Marienborn, Lütgendortmund - Urkunden, Nr. 13
• Material: Pergament
• Sprache: deutsch
• Überlieferungsart: Ausfertigung, Transfix: durch Siegelpressel mit Nr. 12 verbunden.
• Zustand: leichte Beschädigung des Siegels
• Siegel: dunkles Rundsiegel, anhängend; im Bildfeld Wappenschild mit gekreuzten Hacken; nur kleine Reste der Umschrift erhalten. Siegelführer: Johann Hackenberg, Freigraf von Bochum.
• Siegelankündigung: 1
• Siegel vorhanden: 1
• Projekt: Digitale Westfälische Urkunden-Datenbank (DWUD)
• Systematik: Typ 1.3 Einzelquelle (in Volltext/Regestenform); Zeit 2.20 1450-1499
• Datum Aufnahme: 2010-07-15
• Datum Änderung: 2011-02-07