Regest

• Datum: 1497-02-20 (Gegeven in den jaren unses Hern dusent vierhondert seven ind negentych des nesten manendages na dem sonendage in der vasten reminiscere)
• Urheber/Aussteller: Hermann Hoppenbrower, Richter zu Bochum

Titel/Regest

Vor dem Richter Hermann Hoppenbrower zu Bochum (Boechem) vergibt Dietrich Ovelacker zu Goldschmieding (Goltsmeynck) [1] zwei Malter Korn (gudz haiden claren schultkorns), halb Roggen und halb Gerste, nach Dortmunder Maß, aus dem Feldgut zu Somborn (Soneborn), das Grete (Greite) op dem Water mit ihren Kindern gepachtet hat, an Seyr Smede zu Lütgendortmund und seine Ehefrau Katharina als Jahresrente. Smede erhält ein Pfändungsrecht.

Zeugen: die Büttel Christian (Kerstien) Revesche und Heinrich Kleberch, Johann Bolte aus Lütgendortmund und Hermann Mertyn aus Somborn.

Hermann Hoppenbrower und Dietrich Overlacker kündigen ihre Siegel an.

[1] Haus Goldschmieding bei Castrop.

• Text: Ich, Herman Hoppenbrower, rychter to Boechem in der tydt, doe kunt, bekenne ind betuge in und overmitz dessen breyve, dat vor my is gekomen in eyn recht vulmechtich geheget sittende gerichte, dar ich stadt ind stoill des gerichtz van Boechem mit ordell ind mit rechte becledet und besetten had, dey erber und veste Diderick Ovelacker to Goltsmeynck ind bekante dar vor syck und vor alle syne rechte erven, dat hey mit synen guden vryen willen hed verkofft ind verkoffte enes steden, vasten vulmechtigen erffkope then ewigen dagen umb eyne beschedene sume geldz, dey hey mede bekante emen to synen willen deger ind all woll betalt ind verneugt were: twe malder gudz haiden claren schultkorns, halff rogge ind halff gerste Dortmundesscher mathe, uth dem Veltgude to Soneborn an syme dele, dat nu Greite op dem Water mit oren kynderen ingewynne hefft, ind vart uth synen anderen semptliken erven ind gudenn gulden ind renthen, dey hey nu ther tydt hefft und namails krygen mach, Seyr Smede to Lutkendortmunde, Katherinen, syner echten husfrauwen und oren erven offt dem helder dysz breiffs mit oren willen. Ind dey vorscreven Diderick lovede oen dey twe malder hardz karns jaerlix ind alle jaer op sunte Mertyn in dem wynter, achte dage vor offt na ungevart, to betalen ind to schultrechte to leveren ene mile weges van der stede vrij unbesat ind unbekummert op eres selves kost, schaden, anxst ind eventure in Seyrss ind Katherinen, eluden, ind erer erven offt helders vorscreven secker wysse, behalt und gewalt, so dat en dar alle jaer woll ane geneuge. Wert sake, dat Diderick Ovelacker ind syne erven, vorscreven, des also nicht endeden ind an der betalinge versumelych woirden, so mogen dey vorscreven Seyr ind Katherine, elude, ind ere erven offt dey helder, vorscreven, nemen enen des gerichtz vronen unverclagt des rechten ind penden dey vorscreven jarlix renthe offt sey mogen sey laten peynden uth dem vorscreven Veltgude to Soneborn edder uth synen anderen erven ind gudenn gulden ind renthen, war en dat best beleyvet und gelegen is, gelyck men bynnen jarige renthe uth plegt to penden ind mogen vart mit den panden umb gaen, als vor uth gerichtet gud uth ener hant ind dey ander to verkopen ind dar ere jarlix renthe mit allemm schaden ane to nemenn. Dar op dede dey vorscreven Diderick Ovelacker vor sych und syne erven in dem selven gerichte op dey twe malder harden karns jarlix renthe vorscreven rechte vertychtnisse, oplatinge und overlanginge mit hande ind mit munde. In hande ind to behoeff Seyrss ind Katherinen ind eren erven offt helder, vorscreven, also dat sey nu vartmer mede beervet sollen syn ind blyven, ind Diderick ind syne erven van entervet then ewigen dagen vart, so lovede Diderick, vorscreven, vor syck ind syne erven vor my rychter vorscreven in dem selven gerichte der vurscreven twe malder harden korns jarlix renthen, wo vorgenannte uth dem vorscreven veltgude ind uth synen anderen semptliken erven ind gudenn vorscreven, to warenn ind der vullenkomenn warschop then ewigen dagen to doine ind alle rechte, bysprake off to dragenn so vake und vele als oen des noit ind behoiff is, gelyckx des boven ind beneden in dem lande van der marcke gewonte ind recht is. Ind dyt altzamen sonder all argelist, want dan desse vorscreven erffkoip, vertychtnisse oplatinge, overlanginge ind uthganck vor my Herman Hoppenbroewer, rychter vorscreven, in dem vorscreven gehegeden sittende gerichte gescheyn und gedaen synt ind dar ordell ind recht aingewist vart beorkundet ind besat mit dem umbstande als recht is. Dar weren mede, over ind ane stantgnoten des gerichts, vurscreven, mit namen Kerstien Revesche, Hynrich Kleberch, beyde gesworen vronen des gerichtz, Johan Bolte to Lutkendortmunde, Herman Mertyn to Soneborn ind mer guder lude genoich. Dysz to vorderen der warheit, so hebn ich, Herman Rychter vorscreven, mynen segell van gerichtz wegen und umb bede willen beider parthyen an dissen breiff gehangen, mede, so bekennen ich, Diderick Ovelacker vorscreven, vor my ind myn erven in dessen selven breyve, dat alle desse vurscreven puncte ind inhalt dysz breiffs war synt ind ich den also beleynet, verwilkert, gelovet ind gedaen heb ind love den vor my ind myn erven in guden truwen ind in rechter edestadt dem vorscreven Seyr ind Katherinen, eluden, ind eren erven offt dem helder, vorscreven, war, stede, vast ind unverbrochlych to holdenn sonder all argelist. Ind heb det to vorderen tuge der warheyt mynen segell vor my ind myn erven by des rychters segell, vorscreven, an dissen breyff gehangen. Gegeven in den jaren unses heren dusent vierhondert seven ind negentych des nesten manendages na dem sonendage in der vasten Reminiscere.

Vermerke

Rückvermerke: Alte Verschreibungs zent molder kornes in die velthain eingeloset und gekaufft mitt der

Hove

Item latet desse breiffe bewaren

Dir[ich] Ovelacker Seyr smede xx golt gulden

twe malder korns uth watermans gude

• Sonstige Beteiligte: Dietrich Ovelacker zu Goldschmieding (Siegler) / Seyr Smede zu Lütgendortmund (sonst. Beteiligter) / Katharina, Ehefrau v. Seyr Smede (sonst. Beteiligter) / Grete op dem Water (sonst. Beteiligter) / Christian Revesche, Büttel (Zeuge) / Heinrich Kleberch, Büttel (Zeuge) / Johann Bolte zu Lütgendortmund (Zeuge) / Hermann Mertyn zu Somborn (Zeuge)
• Archiv: Marienborn, Kloster
• Bestand: Urkunden
• Signatur: 32
• Benutzungsort: Landesarchiv NRW Abteilung Westfalen
• Bestellsignatur: Kloster Marienborn, Lütgendortmund - Urkunden, Nr. 32
• Material: Pergament
• Sprache: deutsch
• Überlieferungsart: Ausfertigung
• Siegel: anhängende Siegel: 1: rundes Wachssiegel in brauner Farbe; Oberfläche abgegriffen; Wappenschild mit Umschrift 2: nur Pressel erhalten. Siegelführer: Hermann Hoppenbrower. Dietrich Ovelacker zu Goldschmieding.
• Siegelankündigung: 2
• Siegel vorhanden: 1
• Projekt: Digitale Westfälische Urkunden-Datenbank (DWUD)
• Systematik: Typ 1.3 Einzelquelle (in Volltext/Regestenform); Zeit 2.20 1450-1499
• Datum Aufnahme: 2010-07-15
• Datum Änderung: 2010-11-25