QUELLE | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| DATUM | 1453-12-10  Suche Suche DWUD | ||||||||||||||||
| TITEL/REGEST | Hermann von Enhorst, Holzrichter, lädt mehrere Zeugen vor das Berggericht zu Endorf wegen einer Klage des Gerwin to Delen über einen Grubeneingang (uitgang) auf dem Erbenstein. Der Kläger bemängelt, daß Landdrost Johann von Scheidingen in seiner Abwesenheit ein Urteil gefällt hat. Die Zeugen werden befragt über die Rechte und den Abbau am Erbenstein durch Cord von Bönkhausen, Heinrich de Were, den verstorbenen Wernken von Stockum und seinen Sohn Hans. | ||||||||||||||||
| TEXT | Ich Hermann van Enhorst, holtforste [1] myns gnedigen lieven herren van Colne, do kund und bekenne in und myt dussem breve, dat ich op hude data diss breyffs zo Endorpe van wegen desselve myns gnedigen herrn eyn berghgerichte gesetten hebe, dar vor my komen syn vor dat selve gerichte, gewunnen und vorboden na des berghgerichten rechte Rotger van Helvelden [3], Volmeke Berndes Mencke, Rotger Hencke, knap, und Gert die aulde Kemper van clage wegen Gerwyn to Delen, die selve Gerwyn overmitz Wennemar Gropper, synem vorspreken, ansprack dusse selven vorgenomeden und bad umme god woldat und des rechten wyllen ub to seggen und to bekennen, wes en kundich were und sy van dem uitgange by Endorpe up dem Eruensteyne, as sie van Corde van Boynchusen [4] und Heydenrich dem Were gehort hedden, wante Gerwyn to Dele verneme, dat eyne gericht solden gescheyn syn, as Johan van Scheydingen [2], droste to Arnsbergh, up dem berge gewest were, dar dan Gerwyn Hunt [5], holtforste, noch Gerwyn to Dele nicht by gheeschet weren, als sich dat wol gebort hedde na gelegenheyt der sachen, up welke sprake sey sich bereden und brachten weder in antworden und sachten und juwelich besunder sprack by synen eyden dar sey blyven wolden, da sey van Corde von Boynchusen und van Heydenriche dem Were gehort hedden seggen und bekennen, dat sey Werncken van Stochem [6] seliger gedechtnisse, die ploich op dem Eruensteyne gehalden und gedreven hedde von vere, dat boven Werneken vurscr. wer und sy, sy en unkundich merer Rotger, Ghert, Mencke, und Hannes Smet ouch myt rechte vor dat selve gerichte geladen, forder spraken und bekanten up eren eyd, dat Hans Werncken, des vursc. Werncken son, boven solik land dey vursc. Cord und Heydenreich dem vursc. Werneken van Stochem geert und gebuwet hetten in vorledenen jaren und do ginge Hans Werneken staen up die hoefore boven dat selve land und segede, hie wolde dat land von syn vaderlike moderlike erve as em geborde und hedde dat gehat und behalden restliken und ruwelichken twyntych jare und mere jare van yemande unbesprocken etc. Dat dusse bekenntnisse aldus vor my Hermans gescheyn synt, des ich myn orkunde dar op van Gerwyn to Delen entfangen hebbe, synt myt my by an und over gewest standenoten des berghgerichts Hin(rich) van Geyseke, borgermester to Arnßbergh, Hans Wygandes, borgermester tom Grevensteyne, Johan Styner, richter to Aldendorpe [7], Hin(rich) Styner, richter tom Sundern, Beneke Koifoiget, Clouwes van dem Fryenole, Herman van Rorue und vil mer berver lude genoch. So hebbe ich Herman holtforste vursc. in eyn tuych der warheyt myn segel umme bedde wyllen und van gerichts wegen beneden an dussen breyff gehangen to gans vaster stedichen alle dusse vursc. dinge. Gegeven in den jarn unses hern dusent vierhundert dreindvyfftich up den dinsdagh nest na unser lieven vrouwen dage concepcionis. | ||||||||||||||||
| PROVENIENZ |  Landesarchiv NRW Abteilung Westfalen | ||||||||||||||||
| BESTAND | Herzogtum Westfalen, Landesarchiv | ||||||||||||||||
| SIGNATUR | 274, fol. 11 | ||||||||||||||||
| QUELLE | Reininghaus, Wilfried / Köhne, Reinhard | Berg-, Hütten- und Hammerwerke im Herzogtum Westfalen im Mittelalter und in der Frühen Neuzeit | S. 437f. | ||||||||||||||||
| FORMALBESCHREIBUNG | Abschrift. [uFN1] Zur Person: Hermann von E(i)nhorst (Enste ?) vgl. Günther 1994, S. 49f. [uFN2] 1444 als Amtmann in Arnsberg nachgewiesen, Feaux de Lacroix 1895, S. 155. [uFN3] Sundern-Hellefeld. [uFN4] Sundern-Bönkhausen. [uFN5] Zur Person vgl. Feaux de Lacroix 1895, S. 149, 161; Günther 1994, S. 48f. [uFN6] Sundern-Stockum. [uFN7] Sundern-Allendorf. | ||||||||||||||||
| PROJEKT | Montanwesen im Herzogtum Westfalen | ||||||||||||||||
| SYSTEMATIK / WEITERE RESSOURCEN |
| ||||||||||||||||
| DATUM AUFNAHME | 2008-01-31 | ||||||||||||||||
| AUFRUFE GESAMT | 1979 | ||||||||||||||||
| AUFRUFE IM MONAT | 189 | ||||||||||||||||
 Seiten-URL: http://www.westfaelische-geschichte.de/que4695 | |||||||||||||||||
 zurück | Drucken / Speichern Empfehlen Neue Suche Kommentar Urheberrecht | Seitenanfang  | |||||||||||||||||
