| <1ra> |
| 1 | Alle de gene de desse tale |
| Horen willen vande(n) g(ra)le |
| Wannen dat he eirsten qua(m) |
| Als ick inden walsche v(er)na(m) |
| 5 | So zal ickt dichte(n) in duesche woert· |
| Jck en zalt nicht laten dorch er voert |
| De benyden mijn gedichte |
| Wante doch alle quade wichte |
| To der doghet tragen altoes nijt |
| 10 | Hijr vm(me) so wil ich in aller tijt |
| Dat doen dat se mij benyden |
| Dus solen se vele de myn verbliden |
| Alze se van mij dan horen tale |
| Desse historie van den grale |
| 15 | Dichte ick to eren hern alabrechte |
| Den heer van vorne wal myt rechte |
| want hoege lude myt hoger historie |
| Manichfolden zulen er glorie |
| Vnde korten dar mede er tijt |
| 20 | Jck wille dat gij des zeker zijt |
| Dat ick de historie vele valsch |
| Ge vonden hebbe in dat walsch |
| Dar ze van gode onsen heren sprak |
| Dat ene dat volck van rome wrack |
| 25 | Dar vmbe merket desse zake |
| Eyn dichte van onses heren wrake |
| Lestmen dat is wijde bekannt |
| Vnde makede eyn pape in vlanderlant |
| Dat saget dat boeck in zijn beginne |
| 30 | Mer ick wene in mynen sinne |
| Dat pape dat nicht en dichte |
| Want men mochte nicht gescriuoe(n) lichte |
| We vullich dat gelogen zij |
| Vnde dat zal ick iv prouoen waer bij |
| 35 | Jn der historie de komet hijr naer |
| Vnde nv biddick iv dat is waer |
| Jacob de coster van merlant |
| Den gij to voren hebbet bekant <1rb> |
| Jn des koninges Allexanders Jeesten |
| 40 | Dat gij bidden dat he volleesten |
| Moete dat he heuet begonnen |
| Vnde he de(n) ghenen moete onnen |
| Jn des ere he dit began |
| Dat he moete werden alzulck ein man |
| 45 | Dat des al dat volck vnde onse heer |
| Moete· hebben loff vnde eer |
| Vnde wij myt em moeten komen |
| Jn de ere de men genomen |
| Noch gescriuoen nicht en mach |
| 50 | Daert sonder nacht is altoes dach |
| <I.> Waer vmbe vnse here wart geboren |
| BEyde vrouwen vnde man |
| De oren zin zetten dar an |
| Dat ze de waerheit willen wete(n) |
| Vnde prouoen dat god de propheten |
| 55 | Hijr in eertrike vor sende |
| De vor segededen myt genende |
| Vnses heren komst in eertrike |
| Jn den tijden sekerlike |
| Dar wij nv hijr aff tellen |
| 60 | So voer dat volck al to der hellen |
| Alle propheten vnde patriarchen |
| Hijr an moghe wij alle merken |
| Dat de duouoele alle twaren |
| Wanden hebben wal geuoaren |
| 65 | Dat ze den menschen hadden bedrogen |
| Mer de gueden mochten em verhogen |
| Want ze onses heren komst ontbeiden |
| Vnsen heren ontfarmede er drofheiden |
| Vnde quam in dit arme ellende |
| 70 | An marien de nye man en kende |
| Ontfenck he menschelike dedane |
| Grote mynne legede he dar ane |
| Omme to verlozene den sonder |
| So nam he an sich vleesch an er |
| 75 | Sine dochter wart zijn moder <1va> |
| Aldus wart he vnse broder |
| Dat was recht want dat eirste wijff |
| Makede den menschen keytijff |
| Hijr vmbe moste bij den wiuoe |
| 80 | De mensche weder werden to liuoe |
| Verstaet wal dat god heuet gesent |
| Tot vns zijn enige kint |
| Dat hebbe wij dicke wal ge verescht |
| Maria bij den hilgen gheist |
| 85 | Ontfenck ene mit hillicheiden |
| Aldus rostede binnen oren leden |
| Alle gader de driuooldicheit |
| Dat is eyne vuol makede godheit |
| Aldus wart geboren van marien |
| 90 | De godes sone des mote wij lien |
| Sonder smitte vnde sunder zonde |
| Wart he mensche als he wal konde |
| Dat was harde grote oetmoet |
| Dat he storten wolde zijn bloet |
| 95 | Vmbe dat hant gewerck zijns vader |
| So wart de driuoldicheit alle gader |
| He makede adame den eirsten man |
| De bij des duouoels rade began |
| Dat he de eerdesche sonde dede |
| 100 | Vnde bij euoen rade oek mede |
| Vnde do ze zonde hadden qedaen |
| Quam em to ene lust van vleesche saen |
| Vnde worden van groten goede |
| Geworpen in de armode |
| 105 | Jn dit arme kranke leuoen |
| Dar groet geslechte aff is gebleuoen |
| Vnde wat van em wart geboren |
| Voer to der helle/ vnde wart verloern |
| To der tijt dat godes sone quam |
| 110 | Vnde he zijn hantgewercke an nam |
| Vte lucifers quaden gewelt |
| Als ons dat ewangeliuom telt |
| Wart he to betlehem geboeren |
| Dat effrata heet dar to voren <1vb> |
| 115 | Van marien zijnre moder |
| Hijr aff is de historie te vroder |
| Dw wet der ewangelia spreket |
| Hijr vmbe ist dat hiet gebreket |
| Onse here wanderde achter lande tware(n) |
| 120 | Vnde was to zinen dertich iaren |
| Ge dopet hijr in eertrike |
| Jn der jordane geweldelike |
| Van sunte johanne babtisten |
| Aldus wart onse here een cristen |
| 125 | Dat alle de em doepen deden |
| Jn de ere der driuooldicheden |
| Vnde em dan hoeden wolden van zonden |
| Dat ze den duuele weren ontfonden |
| ¶ Desse macht gaff god den clerken |
| 130 | De mester zin der hilgen kerken |
| Aldus dwoech he adames sonden |
| Vnde dus verloes to den stonden |
| Luocifer al zijn gewelt |
| Dar he den menschen mede helt |
| 135 | En weer off he zonde dade |
| Vnde god de altoes zine genade |
| To den menschen keert tot allen stonden |
| Want he geheerne valt in sonden |
| So heuet he een ander dope geset |
| 140 | Op dat he in sonden nicht ne let |
| Mer he ga to bijchten ghereet |
| Vnde do dat em zijn preester heet |
| Dus mach he in dessen ertrike |
| Ge winnen wal dat hemelrike |
| 145 | ¶ Oek is dat kunt em allen sonder waen |
| De de ewangelien nv verstaen |
| Do ihesus crist ginck achter lande |
| Dat de van rome gengen in hande |
| Al to male de werlt ront |
| 150 | Hijr vmbe zo was to der zeluer stont |
| Der ioden lant in er gewelt |
| Dar woende een de dat gerichte helt <2ra> |
| To iherusalem vnde heet pilaet |
| Vnde ist alzet inden walsche staet |
| 155 | So hadde he in ziner massenien |
| Enen ridder dar wij aff lien |
| Juo zolen harde vele hijr na |
| Vnde heet iosep van aromathia |
| Mer dat he zijn ridder iet was |
| 160 | En zegge ick nicht dat ick nye las |
| Jn ander historien dan in dese |
| De waerste historie de ik dar aff lese |
| Seget dat pilatus was heiden |
| Vnde oek alle de ridder zijn |
| 165 | De do waren van ziner massenieden |
| Weren vnbesnedene lude |
| Josep was iode vnde harde rike |
| He zach ihesum sekerlike |
| Doen manege teikene goet |
| 170 | Des mynde he ene in zinen moet |
| Mer he endorste dat nicht openbaren |
| Van den anderen ioden twaren |
| Onse here hadde viande vele |
| Vnde luttel de em gonde wele |
| 175 | Want ziner iongeren dar aff een |
| Hateden ene alzet wal scheen |
| Mer ihesus wiste dat wal to voren |
| Wat dode dat he zolde becoren |
| Alze god den alle dinck was kont |
| 180 | Dat was oek vorgeseget lange stont |
| Vnde juodaes was ziner jongeren een |
| Onses heren drossate alzet was scheen |
| Vnde plach to dragene dat men em gaff |
| Suonte johan he screef dar aff |
| 185 | Dat desse zake waer was al |
| Vnde he des den jongeren vele stal |
| Mer dat walsch zeget <in HS: · getilgt durch /> vnde nicht latijn |
| Dat de tende dar aff was zijn |
| Van allen dat men gaff onsen heer |
| 190 | Dar aff quam em grote onneer |
| Alze iv dat boek wal zeggen sal |
| Dat hijr na nv volget al |
| <II.> Wo Judaes Jhesum verkofft··· <2rb> |
| THomas zeget waer bij dat was |
| Dat de verreder judas |
| 195 | Sinen heren o(m)me dertich penninge gaff |
| De ewangeliste zeget hijr aff |
| Do ihesus cristus zat vnde at |
| Vnde sancta maria wiste dat |
| De was geheten magdalene |
| 200 | Se koffte duere zalue rene |
| Vnde storte ze op onzes heren houet |
| Judaes toernde dar vmbe des gelouet |
| Vnde wolde hebben zinen tiende |
| Dar he de helle an verdiende |
| 205 | He segede alze sancte johan bescriuoet |
| Wo is dat· dat men dese cost nv driuoet |
| Waer vmbe is desse zaluoe verloren |
| Hadde men ze verkofft to voren |
| Vnde hadde dar mede dertich pe(n)ninge genome(n) |
| 210 | So weert den armen to hulpe komen |
| Dit sprack he zegede sancte johan |
| Nicht dat he zin legede daer an |
| Dat he de armen icht hadde leef |
| Mer om dat he was eyn deef |
| 215 | Vnde he de alemossen droech |
| Dar he to stelene aff plach genoech |
| Thomaes zeget dat hije was gram |
| Dat men em zinen tiende nam |
| De do dertich penninge was weert |
| 220 | Hijr o(m)me verkoffte he dar ter veert |
| Sinen schepper vnde zinen heren |
| Om dertich penninge to siner vnneren |
| Dar vmbe zeget dat walsch van der wrake |
| Eyne zeer logentlike zake |
| 225 | Dat de penninge zonderlingen |
| Weren van guldenen ringen |
| De redene ze is al gelogen |
| Vnde de des gelouoet he is bedrogen |
| ¶ Hijr latick oek van den walsche bliuen |
| 230 | Dat ik nicht en wil bescriuen |
| Judaes gedinge de ene verkoffte |
| Den zeluen heren de ene gewrochte |
| Want en duchte mij nicht waer |
| Mer dat zegge ick wal openbaer <2va> |
| 235 | He was verkofft op den gudensdach |
| Des anderen dages de dar na gelach |
| Des auendes was he spade gegaen |
| Jn romans zach ich oek staen |
| Dat god myt zinen jongeren sat |
| 240 | Op den witten donredach vnde at |
| To symons hues de lazarus was |
| Mer dat was logene vnde gedwas |
| Symon wonede in bethania |
| Ok scriuet ons dat walsch hijr na |
| 245 | Dat he aldaer waert gevaen |
| Want diet dichte he haddet verstaen |
| Vnde meende wal geweten dat |
| Dat symon wonede in der stat |
| Symon was dat moge wij lesen |
| 250 | Van syner lazerheit genesen |
| Lange eer onse here was gevaen |
| Mer ick late de historie staen |
| Van den romanse vnde telle iv voert |
| Der waeren ewa(n)gelien woert |
| 255 | ¶ Eynes witten donredages sat |
| Onse here to ener tafelen vnde at |
| To synen jongeren sprack he mit stade(n) |
| Juwer een zal my verraden |
| Do weren se drouich <in Hs: / getilgt durch Querstrich> vnde elck reyp zeer |
| 260 | Bin ick dat· bin ick dat leuoe heer |
| Do sprack judaes bin ick dat rabi |
| Dat segestu antworde he |
| Dar leerde he mede den apostelen sine |
| Van water van brode· vnde van wine |
| 265 | Synen licham maken· vnde zijn bloet |
| Vnde zegede zo wanneer gij dit doet |
| So zult gij vmber myr gedenken |
| Do he em hadde gegeuen drinken |
| Sijn bloet/ vnde do se hadden gegeten |
| 270 | Do gengen ze ten berge to oliueten |
| Jn enen wal schonen hoff fijn <2vb> |
| Dar he myt den juongeren zijn |
| Dicke wile wanderde· vnde was |
| We wal wiste dat juodaes |
| 275 | He quam al dar myt ener schar |
| De jongeren worden zeer in vaer |
| Want judaes dar ter zeluer stont |
| Jhesum cussede an zinen mont |
| Dus verreit he den heren zijn |
| 280 | Dat kussen was dat littekin |
| To der stede wart sonder waen |
| Onse here alte hant gevaen |
| Van den joden lasterlike |
| Vnde ze ledden ene dorperlike |
| 285 | Dat was so spade dat ze to samen |
| Al dar mit vackelen· vnde lanteerne(n) q(ua)me(n) |
| Vnde ledden ene in dat gedinge |
| Dar de joden seten tot eynen ringe |
| De alle rieden an synen hals |
| 290 | Dar was manege logene valsch |
| ¶ Des morgens brachten se ene pilaten |
| Vnde clageden ouoer em vtermaten |
| Pylatus zegede gij nemet ene bet |
| Vnde ordelt ene na uwer wet |
| 295 | Neen wij en mogen nemen dot slaen |
| Spreken se· so laet ick ene gaen |
| Sprack pilatus· willic dan |
| Neen lastu gaen desen man |
| So en bistu des keysers vrent nicht ael |
| 300 | Want he zegede desse tael |
| Dat he der joden koninck waer |
| Dus weder segede he openbaer |
| Tiberius sines zelues heer |
| Dit woert ontsach pilatus zeer |
| 305 | Al was et em leet he moste nochtan |
| Jhesum den onsculdigen man |
| Doen gheselen· vnde crucen mede |
| To den berge Caluoarien ter stede |
| <III.> Wo god ge crucet wart |
| Vnde wo he de helle to brack |
| NV weren fel vnde quaet de joden |
| 310 | Vnde vnreine valsche roden <3ra> |
| Sine verrieden mede onsen here |
| Bij den menden ze myt den kere |
| Van synen dode vnsculdich wesen |
| Dur al dat wij van em lesen |
| 315 | Dat pilatus was wal leet |
| Reipen ze dar kegen ghereet |
| Beide meerre vnde mynder |
| Sijn bloet mote op onse kinder |
| Vnde op ons allen gewroken zijn |
| 320 | To den tiden liet de zonne oren schijn |
| Vnde waret donkert alze de nacht |
| Vnde de eerde beuoede myt groter cracht |
| Vnde de doden de verresen |
| De steyne schorden vnde bynnen desen |
| 325 | Sprack eyn ridder de dar stont |
| Dit wirt alder werlde kont |
| Dat dit de godes zone was |
| De iode den zere duchte das |
| De heet joseph van aramathia |
| 330 | He genck to pilate dar na |
| Want he was rijke vnde mylde |
| Vnde hadde onder em tijn schilde |
| He was eyn jonger van ihesu criste |
| Al was dat· dat des de ioden nicht wiste(n) |
| 335 | He hopede dat em god danken solde |
| Vnde bat pilatuse also holde |
| Dat he em den doden gaff |
| Pilatus dar oek zeghet aff |
| Dat romans dat he em gaff |
| 340 | Eynen nap dar ik iv aff |
| Hijr na zal tellen wonder groet |
| Dat was dar vor syner doet |
| Jhesus de eirste mysse in sanck |
| De(n) gaff pilaten dar vmbe danck |
| 345 | Eyn jode de ne aldar gewan |
| Dar jhesus de onnosele man |
| Mit zinen lieuoen jongeren sat |
| Ten lesten etene vnde myt em at |
| Eer he to syner passien gink |
| 350 | Joseph was blide van desen dinck <3rb> |
| He quam vnde nycodemus mede |
| Dar jhesus henck ter seluer stede |
| Se deden ene van den cruce zachte |
| Eyn duore cleit dat joseph brachte |
| 355 | Spreiden se vor em aldaer |
| Dat saghe ik iv al openbaer |
| Dar men jhesum sachte in want |
| Eyn steynen graff hadden se to hant |
| Dat joseph hadde doen maken |
| 360 | Dar grouoen ze ene dit zin waer zaken |
| Jhesus in eyn hoff dar bij |
| ¶ Mer dat romans seget my |
| Dat joseph nam vnses heren bloet |
| Dat wte synen wonden vloet |
| 365 | Vnde dat he dat in den nap dede |
| Vnde heldet myt groter werdichede |
| De joden quemen to den richter do |
| Vnde segeden here hoert ons nv |
| Desse mere sprak desse drogenare |
| 370 | Do he leuoede al openbaer |
| Dat he zolde sonder saghe |
| Verrijsen in den derden dage |
| Hijr vmbe doet hoeden zijn graff |
| Pilatus zegede nv doet dar aff |
| 375 | Al dat iv dunket wesen goet |
| Met den hebben ze dat graff behoet |
| Al vmbe <in Hs: e übergesetzt ergänzt> myt gewapenden luden |
| Nochtan mochtet em luttel duden |
| ¶ Vnde got voer hijr na ter hellen |
| 380 | Dar he verlosede sine gessellen |
| De em liefflick hadden gedient |
| Adame vnde ander <in HS: anders - s gestrichen> sine vrent |
| He stont op an den derden dach |
| So dat ene nyemant en sach |
| 385 | Van den genen de ene waechten |
| De engele quemen dar mit crachten |
| Vnde de ene hoden worden in vaer |
| Vnde do dat dach was openbaer |
| Liepen se alle en wech myt dien |
| 390 | Vnde zegeden wat se hadden geseen |
| ¶ Do de joden dat vernemen <3va> |
| Weren se drouoich· to samene ze quoemen |
| Vnde sochten to hant nuowen raet |
| Nuo hoert wat in den walsche staet |
| 395 | Dar staet gescreuen dat se zegeden |
| Dat ze wolden vangen ze beiden |
| Joseph vnde nycodemuos |
| Offte ieman vragede war is ihesus |
| So solden ze antworden dan |
| 400 | Geuet ons de zeluen man |
| De ene legeden in dat graff |
| Wij zeggen iuo noch dar aff |
| Se woldent doen al dar myt liste |
| Dat men dar nu(m)mer aff en wiste |
| 405 | ¶ Mer nycodemuos he ontleep |
| Vnde joseph moste in den kerkener deep |
| Dat zeget dat romans dat he dar ynne lach |
| Tot an den zeluen dach |
| Dat ene vaspasianus wet dede |
| 410 | Mer dat is alto male logene mede |
| So zolde he dar ynne· xlij· iaer |
| Hebben gelegen dat is waer |
| Oek zeget dat romans hijr aff |
| Dat he em in den kerkener gaff |
| 415 | Sinen nap den he to voren |
| Ene stonde hadde verloren |
| Vnde leerde em dar hemelike woert |
| De he nicht en wolde brengen voert |
| Dat walsch scriuet na mynen wane |
| 420 | So zint de woert dar noch ane |
| Dar dat hillige sacrame(n)t an leget |
| Dat men in den stille zeget |
| Van den nappe mochtet waer wesen |
| Vnde van den woerden· nuo mote wij lesen |
| 425 | Van den personen de waerheit al |
| Dar ick iv nicht an liegen en sal |
| Wo gram dat jodesche volck do was |
| Beide annas vnde cayfas |
| Do joseph ihesum hadde begrauen |
| 430 | Rijkelike myt dure hauoen |
| Se vengen ene zeget de ware lesse |
| Vnde legeden ene in gevencknisse |
| Dar lach he tot in paesche <gestr.: dach> nachte |
| Dat god vp stont mit zijnre crachte <3vb> |
| 435 | Do quam he al dar joseph lach |
| Vnde to alre eirst dar he ene zach |
| Mende he dat· dat Elias waer |
| Mer ihesus dede al openbaer |
| Josepe dar de waerheit verstaen |
| 440 | Dat he dat was al zunder waen |
| Den he van den cruce dede |
| He voerde ene dannen dat is waerhede |
| Vet den kerkener beslotener duoren |
| En wuondert iv nicht der auenturen |
| 445 | Want god mach doen al dat he wille |
| He voerde ene wet den kerkener stille |
| Al tote aramathia |
| Vnde do de joden quoemen dar na |
| Vnde ze ene do nicht en vonden |
| 450 | Twiuelden ze to den zeluen stonden |
| Do quemen de wechters openbaer |
| Vnde zegeden dat ihesus verresen waer |
| De ioden zegeden gij zulene ons geuoen |
| So waer dat he iv is ontbleuoen |
| 455 | Off zo wat gij dar mede hebbet gedaen |
| De wechters antworden saen |
| Geuoet ons josepe den gij vengen |
| Wij geuoen iv ihesum den gij hengen |
| Mer gij ne konden ene nicht gewachten |
| 460 | He ontgenk iv bij godes krachten |
| Wij en kondent ihesum verbieden niet |
| He stont op al sonder verdriet |
| Als he wolde van dode to liuoe |
| Do antworden de kaytiuoe |
| 465 | Segget dat he iv was verstolen |
| Van sinen jongeren so bliuoet dat verholen |
| Wij zulen iv geuen groten scat |
| Se nement ghelt vnde loueden dat |
| Nochtan zegeden se dat openbaer |
| 470 | Pilatus· dat ihesus verresen waer |
| Jn den tiden dat dit geschiede aldus |
| Was ein keyser de heet tiberiuos |
| De dar de keyser van beginne |
| Js dat als ick dat bescreuen kenne· |
| 475 | So lach de keyser vnde quoal· |
| Vnde de fisiciene en deden al· <4ra> |
| Dar to dat em gehelpen mochte |
| Nochtan hilt ene dat ouoel onsochte |
| Vnde de fisike en halp em nyet |
| 480 | Do was dar eyn de em riet |
| Dat he zolde alte hant |
| Senden inder joden lant |
| Vmbe ihesum van nazarene |
| De alle ouoele gemene |
| 485 | Mit zinen woerden kan genesen |
| Vnde den menschen gesont doet wesen |
| Sonder ienige arcedie |
| Vnde tiberius de keyser vrie |
| Belouoede wal alte hant daz |
| 490 | Eynen de em hemelic was |
| Riep he tot em alte hant |
| Dar he em van veren was bekant |
| De gene genk tot em aldaer |
| He sende ene in der joden lant vorwaer |
| 495 | Ombe ihesum onsen scepper fijn |
| De bode gereide em mitteen |
| Vnde voer do tote in surien |
| Ombe ihesum den vrien |
| Dat he queme van iherusalem |
| 500 | Pilatus was blide mit em |
| Vnde makede mit em grote gome |
| Do zegede de bode van rome |
| Waer ombe he dar komen weer |
| Pilatus wart in vruochten zeer |
| 505 | Vnde zegede ihesus de is doet |
| Des hadde den boden wonder groet |
| Vnde groten rouwe dar vnde dreyff |
| Do he vereyschede wo he doet bleyff |
| Vnde dat ene pilatus verdede |
| 510 | Mit groter ouoermodichede |
| Legede he op em al den mort |
| Dat he zonder des keysers woert |
| Vnde zonder recht der senaet |
| Hadde gedaen desse ouoerdaet |
| 515 | Want zulck eyn man mochte vele vrome(n) |
| An dat keyserike van romen |
| Pilatus zeget vnde heuet gesworen <4rb> |
| Dat he des gerne hadde enboren |
| Mer dat de joden myt oren tongen |
| 520 | Op em verrepen vnde dar to dwongen |
| Dus claerde he em van den moert |
| Vnde gaff dat op de joden voert |
| Jn den vertellede men dar den bode |
| Vele teikene groet van gode |
| 525 | Vnde men zegede em zonder waen |
| Dat he de doden op dede staen |
| Do sprack de bode/ men mach wal zeen |
| Dat dit ne was geen visicien |
| Mer he was eyn geweldich god |
| 530 | De ouoer den doet hadde gebot |
| Den joden teech he dar al bloet |
| Dat ze gode hadde(n) gedoet |
| Vnde ze en <in HS: n korrigiert aus m> mochten em nicht ontsculden |
| Vnde he zwoer bij der romescher hulden |
| 535 | Dat ze er guet zolden verliesen |
| Vnde quaden doet alle kiesen |
| De joden weren in vaer |
| Want ze em kenden openbaer |
| Schuldich zere vander sonde |
| 540 | Se nemen verste ene stonde |
| Want ze em beraden wolden |
| Wo ze em ontsculdigen zolden |
| ¶ Kinder dit was omber waer |
| Dat de joden hadden vaer |
| 545 | Wo ze em ontsculdigen mochten |
| Hijr binnen des boden vrende zochten |
| Off ze van ihesus icht mochten vinden |
| Vnder de gene de ene mynden |
| Do vornemen ze van ener vrouwen |
| 550 | De onsen heren was getruwe |
| Want he hadde dat wijff genesen |
| Van der bloet sucht dar wij aff lesen |
| Dar ze ·xviii· iar ane qual |
| Se hadde eyn belde dat ze al |
| 555 | Gewonden to zamen hadde in ein cleet |
| Dat leet na dat men weet |
| Van gedane na onsen here |
| Dar ombe pijnde de bode zere |
| Eer he dat van der vrouwen gewan <4va> |
| 560 | Hijr en binnen hebben de jodesche man |
| Em beraden in er gedochte |
| Vnde zegeden dat nicht wesen en mochte |
| Dat men mochte doden gode |
| Dus late wij dat bliuen van den bode |
| 565 | Vnde vanden joden al den pleit |
| Want dat weer mij god weit |
| To lanck te tellen hijr ter stede |
| De bode voer en wech vnde voerde mede |
| Vnde brachte to rome dat belde |
| 570 | Dar quam den keyser aff grote selde |
| Want to eirst dat he dat belde sach |
| Vloe van em al zijn vngemach |
| Do leet he vor em halen al den senaet |
| Vnde hiet em dat ze er touoerlaet |
| 575 | Alle solden zetten an den god |
| Mer se ontsegeden zijn gebot |
| Des dede he ze doden vnde versenden |
| Jn veren landen· vnde in ellenden |
| Nochtan en was he kersten nicht |
| 580 | Want de eirste kerstene keyser zijt bericht |
| Hette philippus· vnde dat was oek dar naer |
| Ouoer harde manich jaer |
| Ombe dese dinck quam eirst de nijt |
| Vp de joden van langer tijd |
| 585 | Dat stont eer god gewroken wart |
| Nu leget vele van derre vaert |
| Dat duesch van onses heren wrake |
| Want dat zeget in ware sake |
| Dat titus de gene was |
| 590 | De bij den belde dar genas |
| Vnde dat vaspasianuos weer |
| Van aquitanigen de koninck meer |
| Vnde dat herodes zonder waen |
| De· de kinder doet dede slaen |
| 595 | Leuoede do de romesche heren |
| De joden begonde(n) onteren |
| Vnde he em zeluen ok versloech |
| Vnde archelaus crone droech |
| Do men wan de hilge stat |
| 600 | Mer dat gelogen is al dat <4vb> |
| Wil ick prouen hijr vor waer |
| Na des keysers geborte myn dan dre iaer |
| Offte herodes de ene wolde verslaen |
| Achte jaer ok mede zonder waen |
| 605 | Offte myn droech archelaus krone |
| Na zinen vader to lone |
| Vnde he starp ock in ellenden |
| Dus mach ment in josephus vinden |
| Oeck en is dat romans |
| 610 | Jn de redene nicht wal gans |
| Dat zeget dat vaspasian |
| Van lazerschape hadde ontfaen |
| Bij den belde zine gesonde |
| Vnde he dar na in korter stonde |
| 615 | Onsen heren wrack al gader |
| Vnde dat titus was zijn vader |
| Hijr na zal ick iu prouoen ter stede |
| Dat dit al gader gelogen is mede |
| <IV.> Wo god gewroken wart van tytus |
| Vnde van vaspasianuos··· |
| DE auoenture zeget hijr naer |
| 620 | Dat leet wal ·xlii· jaer |
| Van dat gemarteret was ihesus |
| Aldus bescriuet josephus |
| De was do binnen iherusalem |
| Dat titus lach vnde mit em |
| 625 | Dat romesche her vor de stede |
| Eer god de wrake komen dede |
| He gaff den joden tijt vnde stonde |
| Dat ze beteren mochten er sonde |
| De se an ihesum hadden gedaen |
| 630 | Mer ze en wolden zonder waen |
| Hijr vmbe dedet onse here wreken |
| Ouer em er valsche treken |
| Vnde al der hilleger lude bloet |
| Dat jodesche volck was al verwoet |
| 635 | Want se alle versamelt waren |
| Op den paeschen zonder sparen |
| Tot therusalem in de stede |
| Want ze wolden na oren sede |
| [...] <Textverlust: Blatt 5 und 6> <7ra> |
| De mij verkoffe vmbe goet |
| 640 | Vnde he myt mij ter tafelen zat |
| Do genck he hen zinen pat |
| Vnde nu(m)mermeer was he mit mij |
| Mine apostelen do deden zij |
| Eynen anderen in sine stede |
| 645 | Nuo zaltu gedenken mede |
| Der tafelen dar ick to sat |
| Dor de ere do ick dar uppe ad |
| So zaltu ene ander tafele zetten |
| Vnde ropet broen sunder letten |
| 650 | Dinen zwager de een guoet man is |
| Vnde zine kinder des zijt gewis |
| Sin guet vnde oek ander mede |
| Sal he winnen hijr ter stede |
| De men guet zal bekennen |
| 655 | Sech em dat he ga myt mynnen |
| Dar duo em wisest een riuoeer |
| Vnde vange enen visch wal schijr |
| Vnde dat he brenge den eirsten visch |
| Als he en wech is gerede dinen disch |
| 660 | Vnde decke ene vnde nym dit vat |
| Vnde in midden der tafelen zette dat |
| Vnde decke dat mit enen clede |
| Dan so nym den visch gerede |
| Vnde legge ene den vate bij |
| 665 | Dan rope dijn volck waer dat sijn |
| Vnde zech ze zulen weten saen |
| We van em allen heuet mysdaen |
| Dan zaltu in mynen namen zitten |
| Alzo als ick up de witten |
| 670 | Donredage ter tafelen zat |
| Nym broen vnde merke dat |
| We em dar achter trecken zal |
| Als dat volck is geseten al |
| Sal daer bliuen een idele stat |
| 675 | Vnde de zal beduden dat |
| Dat judaes zine stat verloes |
| De stat zal idel bliuen altoes <7rb> |
| Tote dat broens zone heuoet een kint |
| De de stat mit rechte wint |
| 680 | Vnde alze dan broen geseten is |
| So do dan kuondich dinen volke des |
| Wat manne dat he is de gone |
| De an den vader vnde an den zone |
| Gelouoet vnde an den hilgen geest |
| 685 | Vnde de dan gedaen heuet meest |
| Dat ick myt dij myt mynen monde |
| Em geboet he come ter stonde |
| Vnde zitte vnde neme de gracie |
| To der tafelen sonder tribulacie |
| 690 | ¶ Recht alze em onze here zecht |
| Dede joseph vnde anders nicht |
| He zat to der tafelen vnde broen |
| Vnde alzo heet he den anderen doen |
| Een groet deel zat dar neder |
| 695 | Mer vele meer kierde daer weder |
| De to der tafelen nicht en quamen |
| Do ze vervullet was alte zamen |
| Sonder de stat de idel bleef |
| Dar ick iv to voren aff screef |
| 700 | De tuschen broen vnde josepe was |
| De zo idel bleeff wal manigen dach |
| Do de lude de dar zeten |
| To josephus tafelen vnde eten |
| Vernemen der groten soticheit |
| 705 | Vnde ze worden vervullet gereit |
| Van al dat er herte wolde |
| Vnde hadden al vergeten bolde |
| Der anderen de dar nicht <in HS: korrigiert aus niet?> en zeten |
| Do sprack een van den de dar eten |
| 710 | Tot den genen de daer stonden |
| He vragede em off ze icht konden |
| Gevoelen des se hadden daer |
| Se zegeden neen wij nicht een haer |
| Peter hiet he de des vragede |
| 715 | Wo wal em des woerdes behagede |
| He zegede do nv moge gij verstaen |
| Dat gij de zonde hebbet gedaen <7va> |
| Dar gij josepe vmbe vragen |
| Gar ouele em dat woert behaget |
| 720 | Se schaemden em vnde gengen wet |
| Er eyn mende noch ouoerluoet |
| Noch wal gebeteren zijn leuoen |
| Vnde de gene is noch dar gebleuoen |
| He en wolde nergen gaen |
| 725 | Do de denst was al gedaen |
| Do hiet joseph daer elken <gestr.: dar> bi name(n) |
| Dat ze dar alle dage quamen |
| Ombe de gracie to ontfane |
| Do gengen ze alle gader dane |
| 730 | Dar de ander lude waren |
| Duos kende joseph de sondaren |
| Bij der krafft van onsen heer |
| Vnde dit was noch myn noch meer |
| Dat van den vate de eirste prouoinge |
| 735 | Dit zin doch wonderlike dinge |
| Vnde weelcke tijt dat was de getijde |
| Gengen ze dar in alle wal blide |
| Vnde de gene de dar in nicht <in HS: nicht übergesetzt ergänzt> quemen |
| Vrageden wat ze dar vernemen |
| 740 | Se zegeden dat en mach tonge vertellen |
| Noch herte gedichten noch verspellen |
| Onse grote blijtscap dat is waer |
| De wile dat wij sitten daer |
| Vnde alze wij op staen duoredet alzoe |
| 745 | Tote des anderen morgens vroe |
| Se vrageden wannen mach dat iv kome(n) |
| Da gracie de men genomen |
| Noch vul prisen nicht en kan |
| Peter sprach de guede man |
| 750 | De here geuet ons geuoech |
| De josepe wt den kerkener droech |
| Se zegeden wat mach zijn dat vat |
| Wij en zegen nye to voren dat |
| Peter sprack dat heuet verscheden |
| 755 | De geselscap van ons beden |
| Want dat en laet in zijn couoent |
| En genen sonder vngeschent <7vb> |
| Dat moget ir nv wal bekennen |
| Men zeget wat gij van binnen |
| 760 | Do joseph iv dar in sitten hiet |
| Vnde zegeden gij en wistens niet |
| De gene zegede gij moget mede |
| Merken wal we sunde dede |
| Dar ze de pine aff ontfaen |
| 765 | De ander zegede wij moten gaen |
| Vnde ruomen dat lant gelijk keytiuen |
| Mer waer late wij iv bliuen |
| Wat zole wij zeggen off men ons vraget |
| Segget dat gij ons achterst zaget |
| 770 | Vnde lijet mede in der genaden |
| Der driuoldicheit de ons beraden |
| Vnde helpen zal wt alre scult |
| Vnde in den gelouoen dat joseph holt |
| De quade zegeden wij gaen onser strate |
| 775 | Wat moge wij zeggen van den vate |
| Wo zole wij dat heten waer wij gaen |
| He zegede dat vat dar wij aff ontfaen |
| Hebben gracie vnde glorie |
| Vnde dat wij leuen sunder vernoije |
| 780 | Dar wij aff eten dat zoete mael |
| Dat sal van genaden hieten de grael |
| Dat het den genen so wal bereit |
| De em in sine geselscap meit |
| So grote blijtscap hebbe wij to dische |
| 785 | Dat ons to mode is alze vische |
| De in ener groten vloet saen |
| Des menschen handen zint ontgaen |
| De quade <gestr.: scheiden> segede(n) <in HS: segede(n) a.r.R. nachgetragen>/ myt rechte vnde wale |
| Heuet dat den namen van den grale |
| 790 | Dus zole wij dat hieten waer wij gaen |
| Vnde de dar bleuen sonder waen |
| Segeden josepe dat hiete also |
| Des was joseph harde vro |
| Vnde welcke tijt dat tercie tijt was |
| 795 | so plegen de guede das |
| Dat ze dan segeden sunder hale |
| Ga wij to den denste van den grale |
| Dus was de grael dat selue vat <8ra> |
| Dar god zijn leste mael wt at |
| 800 | Vor dat he zine pine doegede |
| Dar he ons allen mede verhoegede |
| Vnde hijr ombe zo hetet alto male |
| Dit boek de historie van den grale· |
| <VI.> Van moyses/ vnde van der ydeler stat |
| De tuschen josep vnde brone was |
| Do den tijden dat ze verscheden |
| 805 | De quade vanden gueden luden |
| Was dar een de moyses hiet |
| Vnde he en wolde altoes niet |
| Dat geselscap laten vanden grale |
| He was geraket in zine tale |
| 810 | Vnde to der werlt harde vroet |
| Vnde van buten scheen he goet |
| He zegede ick ne schede nicht hen |
| Want ik in den willen bin |
| To wesene mit desen volke goet |
| 815 | Dat got mit zijnre genaden voed |
| He weende vnde dreef mysbaer |
| Alze off dat em wal leet waer |
| Vnde bleff dar myt josepes luden |
| Vnde de anderen do dannen schieden |
| 820 | Welke tijt dat he der eynen zach |
| Riep he vmber owi owach |
| Soete vrent bidde vor my |
| Dat mij joseph genedich zij |
| Dat ik de gracie hebben moete |
| 825 | De iv aldus zere is zoete |
| Dit riep he in den gebeer |
| Offt et em in erenste weer |
| So lange bat he des den luden |
| Dat ze em dar vp berieden |
| 830 | To biddene josepe vmbe moyses |
| So zere ontfarmede em des |
| Se nemen moyses myt em allen |
| Vnde gengen tote josepe vallen |
| Vnde genade bidden alto zamen <8rb> |
| 835 | Josepe wonderde waer ombe ze quamen |
| Vnde zegede zegget wat gij begert |
| Se zegeden hoert here herwert |
| Eyn groet deel van onsen luden |
| De met ons van den joden schieden |
| 840 | Sint gegaen erre strate |
| Seder dat wij van dinen vate |
| De gracie eirst werff ontfengen <in HS: t ergänzt> |
| Nu is hijr een in waren dingen |
| De hetet moyses als wij scouwen |
| 845 | Den zere zine sunden rouwen |
| He en wille ons nv nicht laten |
| He biddet ons allen wtermaten |
| Dat dijn couoent tot dij gae |
| Vnde bidde dat he mede ontfae |
| 850 | De gracie de ons geuoet dijn vat |
| Here nv bidde wij iv alle dat |
| Dat dit dijn wille mote wesen |
| Josep antworde tot desen |
| De gracie en is nicht mijn |
| 855 | Mer de hemelsche trechtijn |
| Geuoet ze em daert em donket goet |
| Dat daer den genen de eren moet |
| To den dogeden zetten altoes |
| Mer is desse in dat herte loes |
| 860 | Vnde he em buten maket scone |
| So vruchte ick dat he my hone |
| Hijr ombe bin ick een deel gevreest |
| Mer he hoent em zeluen meest |
| Js dat he ons wil bedregen |
| 865 | Neen zegeden ze kan desse man liegen |
| So ne gelouoe wij man nu(m)mer meer |
| Mer doet dat dor god lieuoe heer |
| Vnde laet ene in der genaden wesen |
| Joseph sprack prouet an desen |
| 870 | Off he zulck zij als he ons toent |
| Dat he em zeluen nicht en hoent |
| Jck zal vor em vnde vor iv |
| Onsen heren bidden nv <8va> |
| Sine gesellen vnde moyses |
| 875 | Segeden here god loen iv des |
| ¶ Vor de schotele de men het den grael |
| Dar god wt at zijn leste mael |
| Genck joseph allene staen |
| To der eerden zeech he neder zaen |
| 880 | Vp ellenbogen vnde op kneen |
| Vnde bat onsen heren myt dien |
| Dat he em dar makede openbaer |
| Offte moyses alzolich waer |
| Alze he buten togede wale |
| 885 | Do sprack van den hilgen grale |
| Eyne stemme vnde zegede |
| Nuo is komen de waerheide |
| Dar ick iv aff zegede hijr to voren |
| Du zalt zeen de stede koren |
| 890 | De tuschen broen is vnde dij |
| Vmbe moyses biddes du mij |
| Menestu dat he is zulck man |
| Als he buten togen kan |
| Gij vnde uwe gesellen gaet |
| 895 | Ter taffelen zitten dat is mijn raet |
| Wan dat is tercie tijt |
| Doet moyses komen dar gij zijt |
| Vnde zegget offt he mynnet alre meest |
| De gracie van den hilgen gheest |
| 900 | Gelijck dat gij hebbet verstaen |
| So ga he <in HS: he übergesetzt ergänzt> dan zitten zunder waen |
| Jn de idele stede beneuoen dij |
| Dar zalstu zeen wal wat he zij |
| ¶ Alzo alzet em onse here hiet |
| 905 | Dede joseph vnde anders niet |
| He quam weder to zinen gesellen |
| Vnde zegede moget gij mij vertellen |
| Off moyses is zulck van binnen |
| Dat he de gracie mach gewinnen |
| 910 | Nyeman en mach ze em ontseggen |
| Mer will he ons to voren leggen |
| Ander sake dan al waer <8vb> |
| Dat sal em seluen wesen zwaer |
| Se zegeden dit to moyses alzo |
| 915 | He antworde dar vnde was vro |
| Jck ne ontsee lude noch stille |
| Ne gene dinge de joseph wille |
| Jck wene wal weerdich zijn dar off |
| Se zegeden du heuest den orloff |
| 920 | Se dat duo doest zinen wille |
| He zegede he en lietes lude noch stille |
| ¶ Mit em weren ze alle blide |
| Vnde gengen do to den getijde |
| Al daer men diende van den grale |
| 925 | Joseph sprack ten zeluen male |
| Moyses du zalst nicht genaken |
| Eneger dinck off eneqer zaken |
| Dar du aff onwerdich zijs |
| Want du ne machst in gener wijs |
| 930 | Nyeman honen alzo wel |
| Alze dij zeluen bistu fel |
| Se dat du zijst alzo goet |
| Alze dit volck/ want in zinen moet |
| Moyses sprack off ick goet bin |
| 935 | So ne late mij god nu(m)mer hin |
| Van iv scheiden/ nv komet voert |
| Sprack joseph/ zegestuo waer woert |
| Dat zule wij alle nv wal zien |
| Joseph sat neder myt dien |
| 940 | To der taffelen/ vnde zijn zwager broen |
| Vnde alzo begonden de anderen doen |
| Elkerlijck op zine stat |
| Dar he plach to zittene vor dat |
| Vnde alze ze weren geseten daer |
| 945 | Stont moyses vnde hadde vaer |
| De tafele genck he al omtrent |
| He ne zach onder al dat couoent |
| En gene stat to zinen done |
| Dan tuschen joseph vnde brone |
| 950 | Ton eirsten dat he was zitten gaen |
| Dar sanck he neder alzo saen <9ra> |
| Men mochte nicht gemerken dat |
| Dat he to der stede ie sat |
| Vnde joseph was to vngemake |
| 955 | Vnde de anderen van der sake |
| Vnde haddens alle groten toern |
| Dat moyses dus was verloern |
| Alze de denst was gredaen |
| Vnde ze op weren gestaen |
| 960 | Sprack in groten rouwen vnde leide |
| Een de hiet peter vnde zeide |
| Tot josepe wij zint to ongemake |
| Wij bidden iv here ombe eyne zake |
| Dor eme dar wij an gelouen |
| 965 | Dat is onse here van hijr bouen |
| Dat gij ons zegget sonder sparn |
| Waer moyses nv is gevaern |
| Joseph sprack des en wetick niet |
| Mer ick bidde em de dat al be ziet |
| 970 | Off dat zijn wille nv zij |
| Dat he dat doch vertoge my |
| ¶ Joseph quam to den hilgen grale |
| Otmodelike vnde rechte wale |
| Kneede he neder vnde zere bat |
| 975 | Here god de in maniger stat |
| Manege schone miracule tones |
| Dar du dijn volck mede verschones |
| Al dat du doest here dat is goet |
| Want du ware vlesch vnde bloet |
| 980 | Ontfengest an sancta marien |
| Vnde wij des ock wal gelijen |
| Dat ze maget van iv genas |
| Vnde gij gehengen wolden das |
| Dor ons to dogene manich leet |
| 985 | Vnde gij to mij quemen gereet |
| Vnde my voerden in myne stat |
| Vnde my mede geloueden <in HS: zweites e ergänzt> dat |
| Wat dat ick iv bede hijr voren |
| Dat gij my des solden gehoren |
| 990 | Vmbe dese zaken so bid ick iv |
| Dat gij rechte desen laster nv <9rb> |
| Van my doet van dessen wane |
| Vnde gij my brenget de waerheit ane |
| Waer desse man gebleuen zij |
| 995 | Alzo dat dat volck an mij |
| De myt my de gracie ontfaen |
| De waerheit mogen verstaen |
| ¶ Binnen den dat joseph lach op der eerde |
| Antworde em de stemme weerde |
| 1000 | Joseph dat ick vor zegede |
| Dat is nv worden waerheide |
| Do du de tafele makedes eirst |
| Dine wijsheit is dar bij gemeert |
| Want de stat de idel was |
| 1005 | De bedudet dat juodaes |
| Sijn erue verloes vnde zine stat |
| Doch zegede ick dij to voren dat |
| Dat de stat zolde idel staen |
| Tot den vierden sonder waen |
| 1010 | Van Euogenien vnde brone |
| De zal zijn weert van dessen done |
| De in desser stat sal wesen |
| Vnde in ene ander na desen |
| Geset sal zijn in desser eer |
| 1015 | Vnde dar du ombe vragest so zeer |
| De bij dij zat ick salt dij tellen |
| Alze enwech gengen zine gesellen |
| So en bleef he vmbe nicht el |
| Dan he dij wolde honen wel |
| 1020 | Want he nye gelouoede niet |
| Dat gij leuet sonder verdriet |
| Hijr ombe genck he alzo liegen |
| Ombe dat he dij wolde bedriegen |
| Vnde is versonken in abisse |
| 1025 | Van em des zijt wal gewisse |
| Ne werdet nu(m)ber meer tale gemaket |
| Eer de gene to em geraket |
| De dese stat vervullen sal |
| Vnde he ene vint in dat deipe dal |
| 1030 | Want he sal leuen sunder macht |
| Tote den dat dit is to gebracht <9va> |
| Dus eret onse here sine steden |
| Van moyses is de tale geleden |
| Tote dat ene vint de selue mede |
| 1035 | De zitten sal in dese stede |
| Vnde dat volck dat dan zal zijn |
| Jn zine geselscap vnde in de dijn |
| Solen ene heten lichname moyses |
| Do kundich dinen volke des |
| 1040 | Nv siet offt iv wal behaget |
| Want gij hebbet ane mij belaget |
| ¶ Dus makede kuondich onse here |
| Josepe· moyses van valschen kere |
| Vnde joseph zegedet brone voert |
| 1045 | Vnde peter mede desse woert |
| Vnde synen iongeren alle gader |
| Do zegeden ze alle here vader |
| He is dul de dor dit cranke leuoen |
| Juwen denst wil begeuoen |
| <VII.> Van broene· vnde van synen ·xii· zonen |
| vnde wat dar aff komen zal·· |
| 1050 | DVs weren lange in dit doen |
| Eugenie/ vnde er man broen |
| Vnde ze hadden twelff sonen |
| De nyeman en mochte verschonen |
| Dar ze mede/ weren verladen |
| 1055 | So dat de vrouwe begonde raden |
| Brone eren manne vnde zeide |
| Here wij zin verladen beide |
| Mit onsen kinderen harde zeer |
| Vraget josepe onsen heer |
| 1060 | Wante he is mijn leue broder |
| Wat wij dar mede mogen doen· he is vroder |
| Dan wij/ vnde wij en zulen nicht doen |
| Dan sinen raet here broen |
| Dat he zeget dat louoe wij al |
| 1065 | Donket iv guet ick wene ick sal |
| To josepe gaen vnde zoken raet |
| De vrouwe zegede here jaet |
| Do genck broen alto hant <9vb> |
| Dar he heren josepe vant |
| 1070 | Vnde zegede lieue here mijn |
| Hijr moet iv guede raet to zijn |
| Ju suster here vnde ock ick |
| Hebben to samene gesijn lange tijt |
| Vnde wij hebben twelff sonen |
| 1075 | De schoensten de in dessen lande wonen |
| Dar bidde wij iv vmbe raet |
| Joseph sprack dar dat al an staet |
| He mote ze to sinen denste staden |
| Vnde ick willes my oek beraden |
| 1080 | Dit leten ze staen tot den dage |
| Dat joseph in stilre lage |
| Alleyne bij zinen vate stoet |
| Vnde em quam in sinen moet |
| Van sinen neuoen vnde he bat |
| 1085 | Onsen heren vor zijn vat |
| Al wenende zegede he lieue heer |
| Weer dat dijn wille· vnde dur dijn eer |
| So bede ick gerne vor myne neuoen |
| Dat du em gracie woldest geuen |
| 1090 | Vnde doet my here nv to verstane |
| Offte dar icht geleget ane |
| ¶ Do josepes bede was gedaen |
| Quam de engel dar gegaen |
| Vnde zegede ick bin hijr gesent |
| 1095 | Dine bede de is vollen ent |
| Dat du biddest vor dine neuoen |
| Heuoet dij god al gegeuoen |
| He wil dat ze to den denste horen |
| Vnde dat ze sine iongeren zin verkoren |
| 1100 | Vnde ze sonder mester leuoen |
| Vnde men em wijff sal geuen |
| Den genen de se willen ontfaen |
| Vnde den genen de dar weder staen |
| De sal erre aller mester bliuen |
| 1105 | Van den genen myt den wiuoen |
| Vnde alze se wijff hebben de broder |
| So bidde vader vnde moder <10ra> |
| Dat ze dij den genen geuoen |
| De zonder wijff dar is gebleuoen |
| 1110 | Vnde alze du ene heuest kom ten grale |
| Dar suldij horen onses heren tale |
| De zal van dinen neuoen zeggen |
| De engel liet de tale leggen |
| Vnde voer weder dannen he quam |
| 1115 | Vnde alze joseph dat vernam |
| Was he des vtermaten vroe |
| Dat dat komen zolde alzoe |
| To broene quam he vnde zegede |
| Vmbe raet bede gij mij beide |
| 1120 | Van uwen kinderen mynen neuoen |
| Jck rade dat men em wijff zal geuoen |
| De zolen ze holden myt truwen |
| Vnde winnen kinder vnde de werlt bouwen |
| Den gij nicht dar to kuonnen dwingen |
| 1125 | Den zule gij to mij bringen |
| Broen zegede al uwen wille |
| Wille wij doen lude vnde stille |
| Do zegede broen zinen wiue voert |
| Josepes tale vnde zine woert |
| 1130 | Vnde ze sprack do mit sinne |
| Haestet dar to lieue mynne |
| ¶ Broen sprack sinen kinderen toe |
| Vnde zegede nv zegget my woe |
| Dat gij iv leuoen nv willen leiden |
| 1135 | Se zegeden wat duonket goet iv beiden |
| Vnser moder vnde ock iv |
| Vnde onsen ome dat do wij nv |
| Op dat zij de wille onses heren |
| Broen zegede ick wille dar to keren |
| 1140 | Dat gij huwelick alle doet |
| Den dar to staet zijn moet |
| Vnde gij dat holden myt truwen |
| Alze ick do myt myner vrouwen |
| Do ze dit hoerden weren ze blide |
| 1145 | Vnde zegeden do tot allen tide |
| Wille wij doen dat gij gebiet |
| Vnde des en wille wij laten niet |
| Vnde myt dien dat broen vernam <10rb> |
| Waer hen dat er wille quam |
| 1150 | Beiagede he dat ze hadden wijff |
| Vnde beuoal em op er lijff |
| Voert to holdene als de kerke gebiet |
| Vnde de twelffte en wolde niet |
| Jn gener wijs huwelick doen |
| 1155 | Ombe al dat mochte bidden broen |
| Vnde de heet alein de groes |
| Vnde aldus bleef he wiue loes |
| Des wuonderde zere den vader |
| Vnde zegede do dat alle gader |
| 1160 | Sine broeder hadden wijff |
| Waer ombe makestu des een blijff |
| Wo ne do gij nicht als uwe broder doen |
| Jck en mach lieue vader broen |
| Ne gene van dessen ioncfrouwen |
| 1165 | Aldus dede broen dar truwen |
| Wijff zinen eluen kinder |
| De twelffte bleef do ginder |
| Des lachgede joseph vnde zegede dit kint |
| Willic dat men my to zent |
| 1170 | Vnde gij my dat geuet vnde iv wijff |
| Broen zegede wij doen zuonder blijff |
| Dus geuen ze josepe er kint |
| Vnde alze alein dat hadde bekent |
| Dat men eme josepe gaff alzoe |
| 1175 | Was he des vtermaten vroe |
| Vnde zegede dat et em weer lieff |
| Joseph nam ene seget de breef |
| Jn zinen arm ter zeluen stont |
| Vnde kustene an synen mont |
| 1180 | Vnde zegedede ick mynne dij zeer |
| Do zegede he to zinen heer |
| Vnde to ziner zuster mede |
| Gaet to hues desse bliuet hijr ter stede |
| ¶ Se gengen en wech dat kint bleeff daer |
| 1185 | Joseph zegede do dat is waer |
| Lieue neue iv sal groet eer |
| Gescheen clat iv onse heer |
| To zinen denste heuet verkoren |
| Vnde gij zult oek als to voren <10va> |
| 1190 | Bouen iv broder wesen man |
| Hijr ombe bliuet myt my dan |
| Gij zult horen vnses heren krafft |
| Vnde bidden em dor zine macht |
| Dat he my zine stemme sende |
| 1195 | Vnde he my zegge van iv dat ende |
| Wo gij leiden zult iv leuoen |
| Do he der tale hadde begeuoen |
| Antworde em een stemme alleine |
| Dijn neuoe is simpel vnde reyne |
| 1200 | Vnde van wal gueden zinne |
| Wat zo du em makes <gestr.: in> inne |
| Des gelouoet he wal te voren |
| Telle em wo ick was geboren |
| Vnde wo ick eirst de werlt zochte |
| 1205 | Vnde wo dat men my verkoffte |
| Vnde an den cruce was verheuoen |
| Vnde wo ick dij was gegeuoen |
| Vnde wo du my legedes in dat graff |
| Vnde ick dij myne schotele gaff |
| 1210 | Vnde wo du werest ge vaen |
| Vnde ick dij dede ontgaen |
| Vnde wat gauoe ick dij gaff |
| Vnde wat dij quam dar aff |
| Vnde omber meer sal komen |
| 1215 | De my sal denen to sinen vromen |
| Vnde dat ick dij hebbe gegeuoen |
| Eerdeschen willen in dit leuen |
| Vnde ok alle dinen gesellen |
| Vnde alle den genen de dar aff tellen |
| 1220 | Volmakedelike zulen kuonnen |
| Den sal ick mynre gracien guonnen |
| Vnde beholden er eruoe |
| Noch ze en zulen in gener weruoe |
| Jn hogen houoen vor landes heren |
| 1225 | Ontwiset zijn van ziner eren |
| Eren licham sal ick bevreden |
| Gelouen der dryuoldicheden |
| Vnde alze du em dit heuest geseit |
| So toghe em myn vat gereit |
| 1230 | Vnde zegge em dat mijn bloet |
| Dar inne is vnde ock stoet |
| Dus sal he dij gelouoen de bet <10vb> |
| Wise em wo de duouoel let |
| De gerne willen dienen my |
| 1235 | Sech em dat he em wal besee |
| Vnde van quaetheiden wal wachte |
| Vnde he merke vnde achte |
| Ombe de saken de ene oek leren |
| Wo quade gedanken van em keren |
| 1240 | Heuet he dit in em geuoest |
| Dit zin saken de ene best |
| Van den duuelen zulen vreden |
| Vnde dat he van onsuouoerheden |
| Sinen licham wal wachte |
| 1245 | Bij dage vnde bij nachte |
| ¶ Logene zech em dat he scuwe |
| Vnde de waerheide vernuwe |
| Van my to sinen gesellen |
| War hen dat ze henen willen |
| 1250 | Off in wat lande dat he se leed |
| Dat he van my spreke gereet |
| Als he van my spreken begint |
| Js dat sake dat he my mynt |
| So he meer to sprekene vint |
| 1255 | Sech dat he winnen sal een kint |
| Dat myn vat sal achter warn |
| Dus saltu em dit openbaren |
| Wo he zal leren mijn Couoent |
| Vnde als he dit al heuet bekent |
| 1260 | Sech em dat he wese hoeder |
| Siner suster vnde siner broeder |
| Vnde ten westen gae to hant |
| Jn dat alre woeste lant |
| Vnde dat he tote elker stede |
| 1265 | Minen namen verhoge mede |
| Vnde heten geuen sinen vader |
| Aleine sine gracie alle gader |
| ¶ Morgen als dat is tercie tijd |
| Vnde gij alle versamelt zijt |
| 1270 | So zult gij ene claerheit zeen |
| Een breeff sal komen myt deen |
| De iv de claerheit brengen sal |
| He sal verluchten iv couoent al |
| Den breef saltu peter geuoen <11ra> |
| 1275 | Vor dijn couoent vor dine neuen |
| Vnde heete em dat he gaet |
| Dar em dat herte meest to staet |
| Vnde dar he em nicht ontsiet |
| Jck ene begeuoe ene niet |
| 1280 | Vraget eme waer he begert |
| He zalt dij zeggen ter vart |
| Dat is in dat lant van auoaroen |
| Ten westen wert draget dat doen |
| Dar sal he beiden aleyns kint |
| 1285 | De doet en wirt em nicht gesent |
| Eer he heuet den seluen man |
| De em den breyff beduden kan |
| De zal em zeggen al wt vnde wt |
| Van den vate de virtuet |
| 1290 | Vnde van moyses al de meer |
| Als he dit weet openbaer |
| Sal he steruoen vnde komen my |
| Sech dinen neuoen dat hetick dij |
| Se zolen de bet ten dogeden staen |
| 1295 | Vnde des de meer gracien ontfaen |
| ¶ Eyne stemme sprack alzo |
| Des was joseph harde vro |
| Vnde zegedet synen neuoen aleyne |
| Dat he wiste groet vnde cleyne |
| 1300 | Robrecht zegede van borioen |
| De in dat walsche screeff dit doen |
| De dat bescriuen zolde al |
| Dat he em leerde groet vnde smal |
| Dat dar alzo vele an weer twewerff |
| 1305 | Alze nv to al den boke bedarff |
| Mer elick man merke de dat bevroet |
| Dat he em leerde manich goet |
| Vnde als he ene hadde geleert |
| Segede he neuoe zeet dat gij keert |
| 1310 | Jv to gode al dat gij leuoet |
| De iv zo vele gracien geuoet |
| He leide ene weder tot den vader |
| Vnde joseph zegede em al gader |
| Beide den susteren vnde den broder <11rb> |
| 1315 | Sijns vader kint vnde sijnre moder |
| Solen alle wesen onder desen |
| Segget em dat ze <gestr.: an> vnderhorich wesen |
| Em als off he weer er vader |
| God sal em helpen alle gader |
| 1320 | Js dat ze gueder zeden plegen |
| Dar ze alle to zolen zeen |
| Giff dine gracie aleyne |
| Se zolen em al gemeyne |
| Gelouoen dar na vele de bet |
| 1325 | Vnde holden oek zine wet |
| He sal ze <gestr.: lan> wal mede behoden |
| Alzo lange alze ze bevroeden |
| Dat ze sinen willen doen |
| Dit sprack joseph tote broen |
| 1330 | ¶ Des anderen dages to tercie tijde |
| Quemen ze to den denste blide |
| Dar zegen se ene claerheit |
| De enen breyff brachte gereit |
| Vnde als ze ene op hadden genomen |
| 1335 | So is joseph dar to gekomen |
| Vnde nam den breyff in sine hant |
| Peter riep he alto hant |
| Vnde zegede wal lieue vrent |
| Jhesus den gij hebben gedient |
| 1340 | De iv koffte myt sinen blode |
| Dat is vnse vader de goede |
| Dar to heuet he verkoren iv |
| Dat gij dese boetscap nv |
| Sulen doen den he gebiet |
| 1345 | Peter sprack ick en meende niet |
| Weerdich zijn van desen rade |
| Dat ick desse bodescap dede |
| God zegede he kent bet iv doget |
| Dan gij iv seluen kennen moget |
| 1350 | Mer ick bidde iv ombe gode |
| De iv coes to sinen gebode |
| Dat gij ons zegget waer gij zult gaen |
| Peter de antworde saen |
| Nicht en zach men man in stede |
| 1355 | Noch messelgier zo schijr gerede |
| Jck sal myne boetscap doen <11va> |
| Jn dat lant von auoaroen |
| Jn ene harde woeste stat |
| Ten westen wert so licht dat |
| 1360 | Vnde ontbeiden dar der godes genaden |
| Jck bidde iv off gij des zijt beraden |
| Dat gij bidden dat ick volbrenge |
| Vnde ick altoes in genen dinge |
| Onses heren wille en mote begeuen |
| 1365 | Alzo lange als ick sal leuen |
| Vnde my de duouel nicht en wijse |
| Dat ick de mynne godes verliese |
| Want dat weer my een groet verloes |
| Se zegeden alle god gonne iv des |
| 1370 | ¶ Orre alre sprake was alzo |
| Vnde gengen to samene do |
| Beide merre vnde mynder |
| Vnde broen vnde sine kinder |
| Broen segede ick bin iv vader |
| 1375 | Vnde gij myne kinder alle gader |
| Gij moten onderhorijch sijn |
| Wil gij komen dar der sonnen schijn |
| Ewelike is sunder nacht |
| Des zijt alle wal bedacht |
| 1380 | Hijr is aleyn de groes iv broder |
| Doet zinen raet he is vroder |
| Jck geuoe em al dar ick sta beneuoen |
| Al de gracie de ick mach geuoen |
| Vnde ick bidde em naest onsen heer |
| 1385 | Dat he iv hoede vnde bekeer |
| Vnde zijt em alle onder daen |
| Alze uwen heren dat is wal gedaen |
| Soeket sinen raet in alre tijt |
| Dar gij aff in twiuoel zijt |
| 1390 | Want he sals iv wal berichten |
| Doet gelike gueden knechten |
| Vnde werket vroe vnde spade |
| Altoes bij sinen rade |
| ¶ Se zegeden lieue vader broen |
| 1395 | Wij zolen dat harde geerne doen |
| Aldus verschieden se alle ginder |
| De herre broen vnde sine kinder |
| Aleyn de gros er broder |
| Al was he ionger he was vroder <11vb> |
| 1400 | Vnde was er mester vnde joseph hiet |
| Dat ze alle en leten niet |
| Se en deden dat he gebode |
| Aldus leide he ze naest gode |
| Jn vremeden lande aleyn de grote |
| 1405 | Sine broder sine genote |
| Vnde in wat lande dat ze quemen |
| Dar ze guede lude vernemen |
| Sprack he van onses heren doet |
| Vnde he hadde de genade zo groet |
| 1410 | Dat men ene geerne hoerde spreken |
| Aldus zin de kinder en wech gestreken |
| Vnde nu(m)ber en weerden ze hijr genomet |
| Eer de redene weder komet |
| Hijr moet daer aff de tale bliuen |
| 1415 | Vnde moet van anderen dingen scriuen |
| <VIII.> Van den riken vischer· vnde va(n)den grale· |
| waer dat he quam·· |
| DE auoenture zeget do desse kinder |
| Van daer schieden alle ginder |
| Riep peter josepe vnde alle de ander |
| Vnde segede dat is tijd dat ick wander |
| 1420 | Daer dat onsen heren donket goet |
| Do quam in ore alre moet |
| Dat ze beden dat he noch bleue |
| To der tijd dat em god gracie geuoe |
| Peter sprack my en lustes niet |
| 1425 | Mer ombe dat gij dat <gestr.: alle> geerne ziet |
| So bliue ick hijr huoden meer |
| Vnde morgen zo en schiede ick nicht eer |
| Dan de denst is al gedaen |
| Dus bleeff peter sonder waen |
| 1430 | Vnde god de dat al to voren wiste |
| Eer dat gesciede myt zijnre liste |
| Sende he to josepe enen bode |
| De em zegede dar van gode |
| Vnde sprack ick kome hijr to dij stille |
| 1435 | God wil dat du does <in HS: dogest - gest gestrichen und -es nachgetragen> zinen wille |
| Weestu wanen quam dese(n) moet |
| Dat men peter bliuen doet <12ra> |
| Dat was ombe dat onse here wolde |
| Dat he waerheit zeggen solde |
| 1440 | To em de en wech gaen erre strate |
| Al dat komet van dinen vate |
| Vnde dar to van anderen saken |
| De ick iv wal kondich sal maken |
| Want alle de zaken de beginnen |
| 1445 | Se moten omber ende gewinnen |
| Onse here weet wal dat broen |
| Eyn vol maket man is in zijn doen |
| Want he moet den visch noch vaen |
| De tot uwen denste zal staen |
| 1450 | Jck wille dat he alto male |
| De hoede hebbe van den grale |
| Dijn leuen zaltu em dan leren |
| Wo he em sal to gode keren |
| Vnde wo dij god mynnede· vnde du gode |
| 1455 | Vnde wo he dij sende zine gebode |
| Gebodescapet was he an eyne maget |
| Vnde al dat dijn herte draget |
| An wijsheiden dat lere em al |
| Vnde wo dat he gelouoen zal |
| 1460 | Telle em wo dat god to dij quam |
| Vnde he dij wt den kerkener nam |
| Vnde he dij gaff zijn hilge vat |
| Vnde dar to lere em al dat |
| Dat dij god leerde in stiller hale |
| 1465 | Dat sacrament van den grale |
| Kenlike lere em al dat |
| Vnde dan giff em dijn vat |
| Dat moet he holden vnde dragen |
| Vnde wen dat he hoert vragen |
| 1470 | Sule den rijken vischer nomen |
| Ombe dat noch de tijd sal komen |
| Dat he eynen visch zal vaen |
| Vnde dit moet wesen zonder waen |
| Recht alze de werlt vart |
| 1475 | Van beginne ten eynde wart |
| Dan moten dine lude west |
| Dar em dat herte draget best |
| Vnde to ener stat dar broen zal tijden |
| Moet he zines kindes kint ontbieden |
| 1480 | Vnde de hoede van den vate <12rb> |
| De em komen is ter bate |
| Sal he dan al op geuoen |
| Da van zinen zone is gebleuen |
| Dus wirt bij iv dren gereit |
| 1485 | Beteikent ene dryuoldicheit |
| Als he dat vat heuet ontfaen |
| Vnde dine leringe mede verstaen |
| Vnde du dar aff bist ontset |
| So mach peter zeggen bet |
| 1490 | Ouoer waer vnde zonder waen |
| So waer he dan zal hinne gaen |
| Vnde he den grael besitten zach |
| Den rijken vischer op enen dach |
| Hijr ombe bleyff he tot morgen vro |
| 1495 | Vnde alzet den vischer dar alzo |
| Bezet is de hilge grael |
| Ouoer berch vnde ouoer dal |
| Ouoer zee vnde ouoer lant |
| Sal he gaen dan alto hant |
| 1500 | Vnde den grael dragen to zijnre zijden |
| Vnde de here de tot allen tijden |
| Vnde altoes is myt den goeden |
| De zal ene harde wal behoeden |
| Vnde alze du dit heuest gedaen |
| 1505 | Saltu de werlt wesselen zaen |
| Vnde komen tot den paradijse |
| Vnde dat geslechte van Euogenise |
| Dat omber meer dar aff zal komen |
| Sal ick to mynre bliscap nomen |
| 1510 | Vnde we zo hijr aff spreken kan |
| Sal zijn een gemynnet man |
| Vnde myt al den luden lieff |
| Dus tellet de historie vnde de breyff |
| Langer ne sprack de engel niet |
| 1515 | Vnde joseph was de nicht en liet |
| Al gader dat he em beuoal |
| Des morgens quemen ze ton denste al |
| Vnde joseph zegede em gerecht |
| Al dat de engel hadde gesecht |
| 1520 | Sonder de heymelike woert |
| Dar gij nv aff hebbet gehoert |
| Den rijken vischer heuoet he de gegeuoen <12va> |
| Alzo alze men ze em gaff bescreuen |
| Vnde he leerde ze em hemelike |
| 1525 | Do ze hoerden gemeenlike |
| Dat ze van josepe zolden varen |
| Bedrouoeden ze em ze(re) twaren |
| Vnde to eirsten dat peter sach dat |
| Dat joseph op gaff zijn vat |
| 1530 | Dar god zijn leste mael wt at |
| Vnde zine gracie mede ombe dat |
| So stont he op vnde nam oerloff |
| Vnde ruomede do joseph hoff |
| To den geschiede was groet geween |
| 1535 | Vnde versuchten mede ouoer een |
| Vnde oetmodicheit vnde bede |
| Vnde joseph bleeff noch to der stede |
| Mit den rijken vischer dree dage |
| Ton veirden dat en is gene sage |
| 1540 | Segede he to josepe lieue heer |
| My lustet nv to wandere zeer |
| Js dat iv leeff he zegede jaet |
| Na den dat is onses heren raet |
| Vnde wete gij wat draget dar |
| 1545 | Vnde wat iv zal volgen naer |
| Nyeman en weet dat alzo wal |
| Als gij vnde ick vnde nyeman el |
| Nv gaet alzet iv dunket goet |
| Jck bin de hijr bliuen moet |
| 1550 | Aldus schieden ze ginder bede |
| De rijke vischer genck en wech gerede |
| Vnde er couent erre straten |
| Dar manich schone woert wtermaten |
| Seder aff vertellet was |
| 1555 | Vnde joseph zijd zeker das |
| De bleyff dus in vromeden lande |
| Jck wene nyeman bekande |
| Noch wijff de dat lant genomen konde |
| Dus scriuet robrecht wt zinen monde |
| 1560 | Mijn her robrecht van barioen |
| De in dat walsch screyff al dit doen |
| Vnde sonder rime al gader dichte |
| He seget dat men nicht mach lichte |
| Al verstaen desse auoenture <12vb> |
| 1565 | He en mote dat weten wal ter cure |
| Waer hen genck aleyn de grotze |
| Broens zone vnde zine genotze |
| Vnde wat geslechte van em quam |
| Vnde wat leuene he an nam |
| 1570 | Vnde wat daer oeck aff komen zal |
| Van peter vnde zijn leuoen al |
| Vnde in wat steden men ene vant |
| Vnde waer moyses was bewant |
| Want he de den grael ontfenck |
| 1575 | Van broene dat is ware dinck |
| He vant moyses onverscheden |
| Hijr to sal ons robrecht leden |
| So dat wij dat zolen verstaen |
| Oeck moet he weten sonder waen |
| 1580 | Waer de rijke vischer genck |
| Desse redene vnde desse dinck |
| Heuet he al in viuoen gedeelt |
| Vnde to enen boke al verheelt |
| Vnde ne mach nyeman zeget he |
| 1585 | Geweten he en were dar bij |
| Dat he <gestr.: dan> ouoer leze dan alto male |
| Dat grote boeck vanden grale |
| Vnde eer dat van em wirt ge openbaert |
| Wetick wal dat to pinen wart |
| 1590 | Vnde zo ne wiste nyeman twint de tale |
| Dan in dat grote boeck van den grale |
| Aldus heuet he ze een deel bescreuoen |
| Des dankede he gode de dat al mach geuoen |
| Hijr lat he dat bliuen van dessen vieren |
| 1595 | Tot der wilen dat he bij manieren |
| Weder sal komen an de tale |
| Dan sal he dat openbaren wale <in HS: e übergesetzt ergänzt> |
| Vnde liete he dat aldus dat en weer neen ma(n) |
| De dat wal geopenbaerde dan |
| 1600 | War hen al dat volck quam |
| Vnde jacob de to dichtene nam |
| Secht vint he dat alzo veer in dat walsch |
| Dat he dat in ryme sonder valsch |
| Alzo vere oeck dijchten zal |
| 1605 | Dat dit boeck wirt versamelt al <13ra> |
| Want em der pinen ne verdroet |
| Aldus so endet dat eirste boeck |
| <IX.> Hijr begint dat boek van merlijne· |
| Vnde wo de duouoele be nyden· |
| Dat god de helle to brack· |
| Vnde syne vrent daer vet verlozede· |
| NV hoert gij heren al bij sonder |
| Van onsen here een groet wonder |
| 1610 | Want na ziner pine vnde ziner doet |
| Voer onse here to der hellen oeck |
| Hijr aff spreket dit boeck voert meer |
| He dede den duouoelen groet onneer |
| Want he em or zielen nam |
| 1615 | Des worden ze wonderlike gram |
| Vnde hadden des wonder harde groet |
| Do makeden ze onder er genoet |
| Eyne sameminge des gelouoet |
| Se zegeden we heuet ons berouoet |
| 1620 | Vnde onse veste aldus to broken |
| Wij en meenden nicht al was dat vore <in HS: e übergesetzt ergänzt> sproken |
| Dat he van wiuoe mochte komen |
| De onse macht heuoet genomen |
| Wij meenden hebben alle de lude |
| 1625 | Mer desse dar ons dat aff geschiede |
| Wo is he tor werlde komen |
| Wij en hebben nicht vernomen |
| Dat zijn moder nye gewan |
| Wille off lust to ienigen man |
| 1630 | Alze dar vrouwen kint aff ontfaen |
| Do antworde dar een duouoel saen |
| Dat wij tot onsen vromen deden |
| Js ons komen al to schaden |
| Gedenket iv nicht dat de propheten |
| 1635 | Lange wile hebben beheten |
| Dat god sal zijn geboren |
| Vnde verlosen dat oek <gestr.: geb> verloren |
| Heuet gewesen manich jaer |
| De dit zegeden vorwaer |
| 1640 | Den dede wij alre meest verdriet |
| Mer ze en achten des myt alle niet <13rb> |
| Vnde se troesteden de sondaren |
| Vnde zegeden al sonder sparen |
| Dat he omber zolde komen |
| 1645 | Desse here tot eren vromen |
| So lange zegeden ze dat is geschiet |
| Vnde heuet ons allen als gij wal ziet |
| Berouoet al myt synen listen |
| Wo quam <gestr.: dat> dat wij des nicht en wisten |
| 1650 | Nuo doet he de sonderen dwaen |
| Jn een water sonder waen |
| Alze ze komen van vrouwen leden |
| Jn de ere der dryuooldicheden |
| Dus hebbe wij de kinder verloren |
| 1655 | De onse weren hijr to voren |
| Dat en sy dat ze in zonden vallen |
| Noch heuet he meer ontrecket ons allen |
| Want he heuoet papen gelaten |
| De ze gewisen ter rechter straten |
| 1660 | Se en moegen nicht zo vele sneuoen |
| Mer willen ze der sonden begeuoen |
| Vnde doen dat ze castien horen |
| Wij en hebben ze al verloren |
| Seer hadde he den menschen lieff |
| 1665 | Dat he em liet vaen als een dieff |
| Ombe to quitene den man |
| Vnde menschen forme dede an |
| Sonder man van eyner maget |
| Jck wene gij dat prouoet vnde saget |
| 1670 | Jn al den dat gij prouoen mochten |
| Gij weten wal dat gij besochten |
| Sine manier in manigen stonden |
| Vnde gij en vonden ene nye in sonden |
| Mer dor de man koes he den doet |
| 1675 | Als he wolde vnde geboet |
| Owij segeden de viande dan |
| Nuo hadde he harde leyff den man |
| Na den dat he dat dor em dede |
| Wij mogen geerne pinen mede |
| 1680 | Ombe den menschen to hebbene echt |
| He zeget dat he geen onrecht |
| Ons an den menschen en doet <13va> |
| Wij moten setten onsen moet |
| Ombe den menschen to werpen neder |
| 1685 | So dat he nu(m)ber meer weder |
| Van onsen denste moge keren |
| Noch gespreken de kercheren |
| De <in HS: Rasur> em raden van den sonden |
| Do spreken ander de dar stonden |
| 1690 | Mach men luden aldus vergeuoen |
| Er mysdaet alze ze sneuoen |
| Bij rade van der hilgen kerken |
| So verliese wij alle onse gewerken |
| <X.> Wo de duuele alle vergaderden·· |
| Vnde koren enen procurere·· |
| DO de duuele zegen dar naren |
| 1695 | Dat ze aldus bespottet waren |
| Do riepen ze to samene gereede |
| Alle de helleschen quaetheide |
| Vnde koren vnder em allen daer |
| Eynen procurerre schalck vnde zwaer |
| 1700 | De was geheten <gestr.: mach> mascheroen |
| Den wart beuoolen al er doen |
| Vnde dat ze solden varen mede |
| Jn onses heren jegenwordichede· |
| Gelijck dat procurere plegen· |
| 1705 | Nv mochte jeman <in HS: m korrigiert aus n> zeggen dar kegen· |
| Wo een verdoemde em mochte togen |
| Jn de iegenwordicheit des scheppers oge(n) |
| Dar op antworde ick in twen saken |
| Dat eirste mach zijn myt spraken |
| 1710 | Bij gelijken in enigen dingen |
| Dat wij mogen zeggen zonderlingen |
| Alze van bouoen tote beneden |
| Js dat al in onses heren jegenwordicheden |
| De ander is zijt zeker des |
| 1715 | De pine de in den duouoele is |
| Dat de van em nicht gaet in schijn |
| Se en bliuet myt em waer ze zijn |
| Gelijck dat de zeke nicht heuoet bat |
| Al weer he in ener koninchliken stat |
| 1720 | Sine pine en weer de mynre niet |
| Aldus is dat myt den duuele nv ziet |
| Waer dat ze god gehenget to syne <13vb> |
| Altoes volget em na er pine |
| Vnde dit was de eirste procurere mede <in HS: e übergesetzt ergänzt und aus myt korrigiert> |
| 1725 | Den de duuele nv hebben geset |
| De vor nicht en was/ mer na desen stonde(n) |
| Heuet men procurerre altoes gevonden |
| ¶ Desse procurerre/ treckede sonder beide |
| Jn de iegenwordicheit godes/ vnde zegede |
| 1730 | O schepper/ vnde aller dinge gerechticheit |
| Jck bin procurere alre quaetheit |
| Van der hellen/ dy moet genoegen des |
| Want dij van gerechticheit an geboren is |
| Mij to hoeren/ alze bode der hellen |
| 1735 | ¶ Onse here/ antworde den fellen |
| Bistu procurere/ toge dine breuoe nv |
| Mascheroen zegede ick wille eer iv |
| Bevroeden op een puonte wal hoge |
| De roert de bene al onse vermoge |
| 1740 | De in der hellen zin/ vnde op dat |
| Beziet onse procuracie nv ter stat |
| ¶ Onse here sprack/ hijr vormaels wal |
| So kande ick dine schalcheit al |
| Vnde onderwint iv nicht gij |
| 1745 | Mit uwen woerden to leidene my |
| Want du en heuest hijr gene pertije |
| Jegen dij dat donket my |
| Nv toge dine procuracie al hier |
| Off men sal dij wt werpen schijr |
| 1750 | Desse ontsach den rechten dor daz |
| Ombe dat he des onwillich was |
| Doch toende he de procuracie zijn teiken |
| Dar wij aff gemeenlike spreken |
| Dat harde wal gedichtet was dan |
| 1755 | Dat dar nicht to beterne was an |
| ¶ Do segede onse here wultuo icht spreken |
| So spreck vaste op dijn teken |
| De viant clagede/ vnde antworde mede |
| Alze een procurere van zijnre heerlichede |
| 1760 | Want ick/ vnde de gene dar ick vor spreke |
| Hebben gehat wal ontellike |
| Ja by ongeendeden tijden sonder verlaten |
| Vnde alle gescreuene tijde achter gelaten <14ra> |
| Alze in rasten to hebbene mede |
| 1765 | To pinene/ vnde to tormenten gerede |
| Vnde to berichtene al onse helle duore |
| Alle menschlike creatuore |
| Vnde nv neuwinge is achter gelaten |
| Alle rechte/ vnde alle baten |
| 1770 | Vnde en geyne pertije is geroepen daer toe |
| Vnde wij zint berouoet/ wij en weten woe |
| Myt crachte van onser hebbinge nv |
| Dat clage wij weynende vor iv |
| Waer bij off dij genoge onse clage |
| 1775 | Vnde du beriepes to enen zekeren dage |
| Dat menschelike geslechte to komene zaen |
| To antwordene hijr op sonder ontgaen |
| Want ick eirst toge dat men ons is |
| Schuldich te done restor van des |
| 1780 | Van den zielen volcomelike mede |
| De inden hemele zin/ vnde gerede |
| De in puorgatorien nv zin genomen |
| Vnde de vor em weren/ vnde na em zole(n) kome(n) |
| Vnde er kinder/ vnde tot desen |
| 1785 | Al dat van em geboren sal wesen |
| ¶ Onse he(re) sprack ick hore wal dij |
| Du begerest enen dach dar bij |
| De procurere antworde dar naer |
| De zake is groet vnde engestlike zwaer |
| 1790 | Vnde oeck ontfarmelike in allen houoe |
| Gelijck eyner sake van groten rouoe |
| Vnde ombe dit beger ick/ dij haeste dar toe |
| Men legge den dach morgene vroe |
| ¶ Do sprack onse here/ vnde zegede |
| 1795 | Sone des viandes/ vnde alre quoaetheide |
| Verdomede schalck al vallende onweerde |
| Heuoestu gemeten tuschen hemel vnde eerde |
| Jck legge dij dach alze procurere gerede |
| Vnde den menscheliken geslechte to komene med |
| 1800 | Vor my alze to eynen zekeren dage |
| Alze in den hilgen vriedage |
| Op den weleken ick gecruocet was |
| Mascheroen antworde to hant na daz |
| Den dach ick nicht ontfangen sal <14rb> |
| 1805 | Want den dach viertmen ouoer al |
| ¶ Onse here sprack ick makede dat recht |
| Vnde ick latet hijr op nv vnde echt |
| O· gabriel roep des menschen diet |
| Dat ze komen to desen dage/ en komet ze niet |
| 1810 | Men sal voert dat recht doen schinen |
| Do keerde de viant to hant to den sinen |
| Vnde toende sinen gesellen desse dinge |
| Dat ze em betruweden onderlinge |
| Want ze segen wal in daz |
| 1815 | Dat em de richter nicht ontsculdich was |
| ¶ Do sprack luocifer to der stat |
| En ontsiet iv nicht dor dat |
| Men zecht cristus gerechticheit wesen |
| Dat valsch is/ donket my in desen |
| 1820 | Want is he gerecht/ zo sole wij dan |
| Onse sake beholden/ vnde prouoen voert an |
| Vte sines zelues monde zijt zeker des |
| Dat he nicht gerechtich en is |
| Vnde du zalt weder ten dage varen |
| 1825 | Mascheroen zegede/ ick hadde lieuer twaren |
| Hijr myt iv werden gepijnet vorwaer |
| Dan weder to gane/ vor em dar |
| Dar alle blijtscap is van vroyden |
| Vnde dar ick nicht aff mach vervrouwen |
| 1830 | Mer meer my bedrouoen hijr bij |
| Ombe er blijtscap/ de nicht mach in mij |
| Mer ick moet gehorsam wesen |
| Vnde ock doen dat steet to desen |
| ¶ Op den dach de dar geset was |
| 1835 | Quam mascheroen zijd zeker daz |
| Recht in de dage raet/ vnde genck |
| Jn eynen winkel/ na de dinck |
| Jn dat pleidoen/ want he wiste dat |
| Wal/ dat des eyschers stat |
| 1840 | Eerst vnde gestediger moet wesen |
| Dan de men eyschet to desen |
| Vnde dar ombe quam he vroe god weet |
| Vnde hadde beide zine oren gereet |
| Vnde zine ogen op gedaen oek wijde |
| 1845 | Ombe to hoerne/ vnde to zene in elke zijde <14va> |
| ¶ Vnde doet den myddage beguonde naken |
| Quam mascheron voert myt zinen saken |
| Jn de iegenwordicheit godes/ vnde zegede |
| Hilge vader/ ick quam vor/ vnde noch beide |
| 1850 | Nv doe my recht/ ick beide to lanck |
| Do zegede crustus/ duouel nv ganck |
| Want al dese dach to rechte staet |
| Do keerde he weder in sinen winkel de quaet |
| ¶ Omtrint vesper tijd gaff he do wet |
| 1855 | Eynen vresliken/ gruweliken/ geluoet |
| Vnde sprack god waer is dine gerechtichede |
| Onse here antworde em to der stede |
| Ja en zegede ick dij nicht vuole quaet |
| Dat al desse dach to rechte gaet |
| 1860 | Do keerde he weder in den winkel daer |
| Vnde wachtede bet der nacht wal naer |
| Do riep he/ waer is de gerechtichede |
| Se gebreket my in den hemel mede |
| ¶ Onse here dede ene do ropen voert |
| 1865 | Do sprack mascheroen desse woert/ |
| Al dessen dach heb ick gebeit |
| Jn dat rike der gerechticheit |
| Vnde en vinde gene gerechtichede |
| Onse here antworde dar ter stede |
| 1870 | Mascherone vnde zegede/ nv ze |
| Wat du eyschende bist hijr bije <in HS: e übergesetzt ergänzt> |
| Mascheroen zegede/ de sitacie siet |
| Want al dat menschelike diet |
| Hijr is gedaget to antwordene my |
| 1875 | Alze procuorere/ merket waer bij |
| Js hijr ieman de dar to hoert |
| Dat he vor alle menschen kome(n) wil voert |
| Vnde nyeman en quam to dessen done |
| ¶ Do sprack onse here to mascherone |
| 1880 | Wat wiltu dat men nv do echt |
| Jck beger here een gemene recht |
| Dat men elken sculdich to done is |
| Vnde ick beger ock litteren des |
| Dat alle menschen weren vor dij |
| 1885 | Gedaget hijr to antwordene my |
| Vnde ick hebbe den dach al wt gewacht |
| Vnde nyeman en quam hijr van ore macht <14vb> |
| Vnde vmbe dit beger ick vorwert nv wesen |
| Vnde eysche myne litter van desen |
| 1890 | Do wolde onse here <gestr.: voert gaen> myt dessen dinge(n) |
| Meer voert gaen myt effeningen |
| Dan he wolde myt gerechticheden |
| He wiste wal mascheroens doen vnde zeden |
| Duo zegede he de vele weest vnde heuest gehoert |
| 1895 | Du weest wal dat bewilen voert |
| Eyn recht gaet tuschen twen partijen |
| Vnde bewilen in effeningen belien |
| Alzo alzet em duonket best |
| Want ick nv wille dat zij gevest |
| 1900 | Alle desse stucke in effeningen |
| Vnde wil den dach tot morgen verlengen |
| Jn den seluen ponte dat hude was |
| Tot prime tijt durende zijt zeker daz |
| ¶ Dus stont op onse here dar naer |
| 1905 | Vnde mascheron genck to den zinen daer |
| Vnde vertellede dit al den gesellen |
| De dat zwaerlike verdrogen in der hellen |
| Vnde luciffer sprack to em zaen |
| Du zalt morgen weder gaen |
| 1910 | To der rechten vren· vnde alzo holde |
| Leerde he wat he zeggen zolde |
| <XI.> Wo onse vrouwe wart eyn vorsprake· |
| Van al cristenheit kegen den viant· |
| ALze desse beropinge quam to voren |
| Der reynen maget wt irkoren |
| Bedrouede ze er ombe den pleit |
| 1915 | Mit oetmodeliker ontfarmicheit |
| Vnde do ze vernam dat verlenget was |
| De dach sprack ze do openbaer daz |
| To der menscheit nv laet iv sorgen |
| Want op den dach van morgen |
| 1920 | Sal ick uwer aller vorsprake wesen |
| Dat hemelesche volck wart verblidet van desen |
| ¶ Des morgens is onse here geseten |
| Mit zinen engelen myt zinen propheten |
| Mit ener geselscap ongetelt |
| 1925 | Do quam zijn moder myt gewelt |
| Mit engelen myt propheten myt patriarchen |
| De songen myt luder stemme starken <15ra> |
| God groete dij des hemels koninginne |
| God groete dij der engele mynne |
| 1930 | Dus quam ze gegaen alzo vermogen |
| Dar ze an zach myt wreden ogen |
| Oren wedersaken in oren rijke |
| Do genck ze zitten verweendelike |
| Bij oren zone to oren wille |
| 1935 | Vnde zegede nv zwiget al stille |
| ¶ Nv zuldij hijr horen beduden |
| Wo ze een vorsprake waert allen luden |
| Jn een gedinge van iamerheden |
| Ouoermyddes er grote ontfarmycheden |
| 1940 | Wante des duuels na radicheit |
| Hadde den menschen zere beleit |
| Dat weder stont onse vrouwe schone |
| Vnde sprack aldus to oren sone |
| ¶ Jck hore zeggen sone mijn |
| 1945 | Dat geslechte dar wij aff komen zijn |
| Gij vnde ick dat is dat menschelike diet |
| Wirt hijr an gesproken nv ziet |
| Van eynen verdometen verreder quaet |
| Van eynen valschen de hijr staet |
| 1950 | Jn mynen rike vnde dit ongevoech |
| Geroert mynen licham de dij droech |
| Want al zulke en plegen nyet |
| Hijr to komene mer dat du gebiet |
| Want in dij alle gerechticheit zij |
| 1955 | So kome he vnde zegge sine tale dar bij |
| ¶ Vnde hijr aff verblide <in HS: verblidede - de gestrichen> de hemel al |
| Dat ze een voerspreker wesen sal |
| Vnde riepen den verdomeden to der stede |
| Comet verwijsede vnde verbannen mede |
| 1960 | Du vindest hijr wedersake in dit doen |
| Aldus zo quam dar vorwert mascheroen |
| Vnde ne dorste nicht zonder waen |
| Sine ogen op onsen vorspreke slaen |
| Do sprack onse here wan antwerstuo |
| 1965 | Vnde he antworde aldus zegge ick iv |
| ¶ O ongeloefflike gerechtichede |
| O waerheit vnde sonder valscheide |
| Hoere my armen in dessen dage |
| Wes ick my vor iv beclage |
| 1970 | En laet dijn vleysch noch bloet nicht roren <15rb> |
| Jck bidde to spreken sonder verboren |
| Vnde onse here sprack to em doeen |
| Spreket als dat betamet mascheroen |
| ¶ Do sprack he ick wil dat ellick verstaet |
| 1975 | Dat in elken rechte voert gaet |
| Drie persone heb ick vereyst |
| De vader de zone de hilge geyst |
| Den richter ze ick alzet behouoet |
| Dat ick eyscher bin is er geprouoet |
| 1980 | Bij mynen breuoen als men zicht |
| Den sculdegen persoen en ze ick nicht |
| Sonder wen dat recht is twint |
| ¶ Onse vorsprekersche antworde omtrint |
| Den richter mer nicht den viand |
| 1985 | Sone myn zegede ze to hant |
| Seet my berede to antwordene hijr |
| Do zegede mascheroen dat quade dier |
| Hilge vader nv toge ick dij des |
| Dat dijn moder nicht en es |
| 1990 | Schuldich to komene dor desse sake |
| Noch vor en geyne myt orre sprake |
| Wante ombe dat ze is dijn moder |
| So weer ze my een zwaer stoer roder |
| Pertije to dragene tegen my |
| 1995 | Want ze mochte lichte getrecken dij |
| To erwert al weer dat onrecht |
| Vnde voert ock want ze is echt |
| Eyn wijff· vnde de gemeyne loep van desen |
| Verbedet wiuoen vorsprake to wesen |
| 2000 | ¶ Dus sprack de quade mascheroen |
| Do wart gestoert om dat doen |
| Vnse vrouwe· vnde sprack to oren zone voert |
| Dese verbannene de my dus stoert |
| Vnde mynen rike verkeert dat recht |
| 2005 | He zecht my dijn moder wesende echt |
| Vnde versmaet my lieue sone |
| Du weest dat wal al bin ick de gone |
| De dij droech vnde een wijff nochtan |
| Vnde my berispet ton rechte voert an |
| 2010 | Sone bin ick nicht moder als ander wijff |
| Dar ick wart drachtich was een blijff |
| Van alre smitte der menschlichede |
| Jck waert zwaer sonder pine mede <15va> |
| Vnde sonder rouwe kint brengende voert |
| 2015 | Waer is dat recht dat my verboert |
| De gene de zin beropen vor iv |
| En mach ick er tale nicht spreken nv |
| Vnde vor em to stane als een persone |
| Vnde hijr to antwordene mascherone |
| 2020 | Al weer ick ongelouoich off te banne |
| Des nicht en is an my nochtanne |
| So zolde ick to rechte hijr to gaen |
| Alze de dar to gedaget bin zonder waen |
| ¶ Du weest dat wal zone in dinen zin |
| 2025 | Dat ick van allen ordenen bin |
| Want al de werlt off we dar in es |
| De is van huwelike zijt zeker des |
| Off van megeden off voert anne |
| Vntholden van wiue off van manne |
| 2030 | Jck was van allen ordenen gerede |
| Jck was josepe gegeuoen mede |
| Vnde bleyff dar na ock wal geacht |
| Vnde wart bij em dragende dracht |
| Vnde bleeff bij em ontholden daer |
| 2035 | Dat ick nye gekreech een haer |
| Begferte to genen manne wart |
| Ombe dit wirt hijr wal geopenbaert |
| Dat ick bin sculdich to zine vorsprake |
| Vor den menschen van alre zake |
| 2040 | ¶ Vnde dat de viant oek nv zeget |
| Dat wiuen is dit ambet ontweget |
| Dat gebreket oek in dessen done |
| Want elick mach ouoer arme persone |
| Spreken alze ouer wedewen vnde wesen |
| 2045 | De desse bose viant in vresen |
| To brengene steet vnde to bliuene |
| To sinen denste de zeilen to ontliuene |
| Vnde ewelike sonder eynde verdoemen |
| Hijr ombe eysche ick vnde bin komen |
| 2050 | Dat men dit ambacht my <in HS: my am Ende der Zeile nachgetragen> late |
| Voert hen to zine een aduoocate |
| Want my en lettet nicht an dit ambacht |
| Dat he op my voert heuet gebracht |
| ¶ Do antworde hijr op mascheroen |
| 2055 | Jnterloquitorie wil ick doen <15vb> |
| Dit bedudet als wij dat ontknopen <in HS: zweites n übergesetzt ergänzt> |
| Als eynen dat recht to na zolde lopen |
| Dat he eynen wech dan vinden moge |
| To prouoene mede dat em toge |
| 2060 | ¶ Do sprack onse here to desser zake |
| Mine moder late ick zijn een vorsprake |
| Want er nicht mach letten in dit doen |
| Dat hijr getoent heuet mascheroen |
| Nv heuoestu pertije sprack onse here |
| 2065 | Wiltu icht spreken spreck hijr an mere |
| ¶ Mascheroen sprack to spreken ick behouoe |
| Jck hebbe pertije des ick drouoe |
| Want my dunket dat myne sake |
| Geuoeert is bij orre sprake |
| 2070 | Nochtan zegge ick na dessen gelike |
| Dat kenlijck genoech is in dessen rijke |
| Dat de duuele dar ick bin vor komen |
| Vnde al or zake hebbe an genomen |
| Weren in rasten van hebbinge |
| 2075 | Van zo manigen iaren sonderlinge |
| Dat des nyeman gedenket nv ter wilen |
| To pinene vnde to tormenten de zielen |
| Ja alze van begynne alle de storuoen |
| Nye en wart er een ontborgen |
| 2080 | Vnde nv zin alle ordine van rechte |
| Achter gelaten als in enen verplechte |
| Vnde myt eynen wille vnde <gestr.: nicht> ere delinge |
| Sin wij berouet nv onser hebbinge |
| Vnde want den wijsen to behoert |
| 2085 | Eerstwerff restor to eyschene voert |
| So eysche ick eirst restor vorwaer |
| Van onsen verluse vnde dar naer |
| Sal men in desse zake gaen voert |
| Want wij de bloet zin als men hoert |
| 2090 | Vnde berouoet· wij en mogen ons niet |
| Setten tegen gewapende diet |
| ¶ Do sprack de zone ter moder weert |
| Antwort hirj op· vnde ter veert |
| Sprack ze ten zone en zee gij nicht dat baraet |
| 2095 | Vnde de ombegange des viandes quaet |
| Aldus to verslitene den dach mede |
| Mit woerden myt groter valschede <16ra> |
| Dat en doech nicht he eyschet restor |
| Alze off he berouet weer hijr vor |
| 2100 | Vnde hijr an lieget he echt |
| Want eirstwerff zo spreket dat recht |
| Den beroueden to verstoerne wesen |
| Dat is in den genen gelike desen |
| De berouet is de en eyschet niet |
| 2105 | Nv is he eyscher als men ziet |
| Vnde aldus verkeert he dat recht |
| Alzo als he valsch is echt |
| Aldus he eirstewerff valscheit begenck |
| Want nye zo en wart bekent |
| 2110 | Dat du vnde de dine int schouwen |
| Nye besat myt gueder trouwen |
| Ander lude erue want dat is kont |
| Ern allen schone dat du ter stont |
| Mit diner wijsheit makedes den man |
| 2115 | Na diner gelike vnde nochtan |
| Al hebben de duuele gepinet daer |
| Lange tijt de zielen vorwaer |
| Dat en deden ze van ors selues rechte niet |
| Mer alze knapen der hellen nv ziet |
| 2120 | Vnde ouermyddes dijn gebot mede |
| De duuel en hadde nye stede |
| Noch de ziele· mer du haddest heer |
| Want alle dinck is myn noch meer |
| Jn des namen in des gewolt |
| 2125 | Dar men ze aff ontfaet vnde holt |
| Wo mochten de duuele rastelike |
| Besitten eens anders guet vnde rike |
| Want de propheten zegeden to voren |
| Dat wt eyner steeruen solde zijn geboren |
| 2130 | De zonne de godes zone bolde |
| De zijn volck verlosen zolde |
| Hijr ombe wondert my zone dat |
| So vele loesheide nv ter stad |
| Jn uwen rike wirt wt getrecket |
| 2135 | ¶ Mascheron antworde vnde heuet gemecket |
| De gemeynen sprake to hebbene mede |
| De he echt eyschede ter stede |
| De moder antworde sone ick wal weet |
| Dat alle rechte na dat steet |
| 2140 | De in den hemel gegeuen zin <16rb> |
| Vnde an der eerden vnde in den name dijn |
| Boegen alle kneen myner dracht |
| Desse en merket nicht op dine macht |
| De du heuoest· vnde bespottet nv |
| 2145 | Dine mogentheit dat he eyschet iv |
| So vele vetgange tegen my |
| Do sprack god ick ontzegge dij |
| Hijr aff restor nv to doene |
| ¶ Do sprack de moder to oren zone |
| 2150 | Vraget em off he wil zeggen meer |
| Do sprack de viant ongehuoer |
| Tote noch heb ick nicht geseit |
| Jck zal noch zeggen wonder god weit |
| Dit woert wondede onse vrouwen ter stede |
| 2155 | Ombe de mynne der menschelichede |
| Do zegede de richter to den viand |
| Do dine zake sonder schelden to hant |
| ¶ De viant treckede de bible vet |
| Vet eynen sacke vnde sprack ouoer luet |
| 2160 | Mit eyner groter stemmen nv hoert |
| Gij hemele wat ick sal zeggen voert |
| Vnde ze zwegen alle na dat |
| Do keerde he ombe dar een blat |
| Jn den anbeginne der werlt voert |
| 2165 | Dat god to adame sprack dit woert |
| Vnde to euoen mede· dat zult gij weten |
| Van aller frucht zult gij eten |
| Sonder van desser· vnde op wat vren |
| Gij dar aff etet zole gij dat besuren |
| 2170 | Vnde steruoen van dode to dode |
| Do sprack he voert tote gode |
| Here eirstewerff zo vrage ick iv |
| Off desse woerde dijn sin nv |
| ¶ Do sprack maria nv zegge voert |
| 2175 | He zegede he en wille nicht een woert |
| Want ick bin in dat rike der waerheit |
| Vnde vor den genen de zeget gereit |
| Dat he waerheit is geheten |
| Vnde dar ombe wil ick eirst weten |
| 2180 | Dat desse woerde zin de waerheide |
| Vnde ze zwegen alle ter stede <16va> |
| ¶ Do sprack onse here/ dese woert zin myn |
| De viant antworde des wil ick zijn |
| Jn den gelouoe· vnde in desen |
| 2185 | Wil ick dat ze besloten wesen |
| Want do adam vnde euoa alleyne |
| Weren in den paradijse gemeyne |
| Vnde alto male ongehorsam gingen |
| Tegen dijn gebot dus sonderlingen |
| 2190 | So eysche ick dat dine woerde ombe dat |
| Staende bliuen in hore stat |
| Vnde ze· vnde de na em komen dan |
| Ewelike zolen steruoen voert an |
| Vnde wultu dine woert verwandelen icht |
| 2195 | So is dat proeflick dat du nicht |
| En bist de waerheit lude noch stille |
| Vnde hijr op antworde· de spreken wille |
| ¶ Do sprack maria to oren sone |
| Leuoe kint wannen is desse hone |
| 2200 | Vnde desse schalck den duouoelen koemen |
| Dat ze so vele schalcheit om dat verdoemen |
| Pinsen om verderuen des menschen diet |
| Mer de duuele als men hijr ziet |
| Weten wal dat den onseligen troest is |
| 2205 | Gesellen to hebbene donket my dor des |
| Jn orre armode om em dat wreken |
| Sone nv wil ick hijr tegen spreken |
| Want dat waer is dat du vor nv |
| Desse woerde sprekest zegge ick iv |
| 2210 | Mer een ander litter spreket voert |
| Vnde de hijr op aldus antword |
| De zeget dar loesheit vnde schalchede |
| Nyeman mogen bescudden mede |
| Dar men myt rechte voert sal gaen |
| 2215 | Want de duuele <in HS: letztes e übergesetzt ergänzt> sonder waen |
| Daer desse vorkomet de rieden adamen |
| Vnde euoen mede dat ze namen |
| Den appel de verboden was |
| Want in den boke staet na das |
| 2220 | Dar he desse woerde vet track |
| Dat een serpent to euoen sprack |
| Vnde to adame de desse dieff |
| Desse procuorere in sinen breyff <16vb> |
| Valschelike vorzwiget vor dij |
| 2225 | Vnde dit weren de woerde nv zij |
| De se euoen deden verstaen |
| Ete gij desse vrucht gij zult saen |
| Alze iv meyster wesen geschapen mede |
| Van desser logene vnde valschede |
| 2230 | Dat dit do dede de man |
| Al by des duuels rade dan |
| So willen de viande den menschen wrogen |
| Mer ouoermyddes dessen ongevogen |
| Vnde ok ombe dit pont zo wil ich ter stede |
| 2235 | Den menschen to rechte beschudden mede |
| ¶ De viant zach em bespottet zeer |
| Van zulker antworde· vnde zegede heer |
| Her richter desse vorsprekersche |
| Menet aldus ontgaen mynre lesse |
| 2240 | Mer nicht aldus· want vader dar staet |
| Bescreuen· daer een openbaer mysdaet |
| Geschiet· de gerechte richter nochtan |
| Al en wroget nyeman den sculdigen man |
| He is sculdich voert to varne |
| 2245 | Mit zinen herten· vnde nicht to sparne |
| Mit der mysdaet vnde myt der pinen mede |
| Al is dat sake dat de vorsprake zegede |
| Dat men my nicht sculdich to hoerne is |
| Dat ick nochtan nicht ne lije des |
| 2250 | Men sal my antworden van desen |
| Vnde al weer des nicht nochtan zolde wesen |
| Sculdich de richter voert to gaene |
| Mit syner heerlicheit na mynen waene |
| Waer ombe· want du bist gerecht |
| 2255 | Des wil ick dan zeen nv vnde echt |
| Off dijn name is volgende den |
| Want ik wil zwigen vnde an zeen |
| Dine heerlicheit hijr an vorwaer |
| Want de mysdaet is openbaer |
| 2260 | Vnde en behouoet gener prouoe dan |
| Vnde dar en is geen twiuel an |
| De mensche en brack dat gebot gereet |
| Nu sal ick zeen dine heerlicheit |
| Vnde mede dat ick en gene partijen <in HS: r übergesetzt ergänzt> <17ra> |
| 2265 | Holden ne mach kegen marien |
| So an rope ick al hijr ter stede |
| Dine edele heerlichede |
| ¶ Nuo wart vorsaget de moder godes |
| Want ze ontsach er des gebodes |
| 2270 | Dat de gerechticheit zolde gaen |
| Ores lieuoen sones ouoer dwers saen |
| Alze van heerlicheit· van gerechte nicht |
| Vnde waert wenende ouoer dat menschliche slecht |
| Vnde schoerde er cleder ten bruosten dan |
| 2275 | Se sprack do sone nv ze an |
| Den licham de dij droech gerede |
| Vnde de bruoste de du zoges mede |
| Nuo ze de dij schenden de gene |
| Vnde bespegen· vnde cruceden gemene |
| 2280 | He an ropet dine heerlicheit hijr |
| Alzo alze zeget desse ongehuer |
| So sal dat bij dinen willen vet gaen |
| Nicht bij den sinen sonder waen |
| Vnde bidde oek mede darkegen dij |
| 2285 | Offte doe aff vet den boke my |
| Des leuoens· want en geen recht |
| Ne wiset dat du nv vnde echt |
| Voert zalst gaen myt heerlicheiden |
| Mer alze dat an hoert diner rechticheiden |
| 2290 | Nuo sal ick zeen wen du to voeren |
| Best zalst gelouoen vnde hoeren |
| Offte diner moder· offte den verraeder |
| Dus wart de sone vet den vader |
| Beroert dar he sine moder sach an |
| 2295 | So wijfflike wenen· vnde sprack dan |
| Den viant an in dat pleit |
| Jck ontsegge dij to hant myne heerlicheit |
| ¶ De viant sprak do vleysch vnde bloet |
| Heuoet dij geraden dat gij dit doet |
| 2300 | Vnde nicht de hemelsche gerechticheit |
| Jck hadde dat wal to voren geseid |
| Dat my harde zwaer solde wesen |
| To hebbene des richters moder to desen |
| Kegen my nv to eynen aduoocaet |
| 2305 | ¶ Do sprack maria· du vuole quaet |
| Wiltu icht meer hijr to versynnen |
| He sprack ick wil nv eirst beginnen <17rb> |
| Vnde op de ewangelia oeck mede <in HS: zweites e übergesetzt ergänzt> |
| De wt der scriffturen van der wet |
| 2310 | Vnde zal der rede volgen mede |
| Ouoermyddes alle gerechtichede |
| ¶ Eirstwerff zegge ick dat dat recht |
| Dat gotlike her is komen echt |
| Dat ze dar ynne leren de richters dan |
| 2315 | Als em een twist rijset an |
| Tuschen personen in erflicheden |
| Vnde van anderen dingen in dat scheden |
| De gerechte richter sal scheden al geheel |
| Gemeyne dinck vnde geuoen zijn deel |
| 2320 | Elken· want gemeyne dinge |
| Brenget qroet twist in sonderlinge |
| Want de scrijfftuer der waerheit fijn |
| Orcondet mij vnde den gesellen myn |
| Dat wij sin vorsten der werlt vrij |
| 2325 | Nochtan en zegge ick dat nicht bedij |
| Duo en heuoest dar wal een deleken an |
| Du almechtige god nochtan |
| Ja een deleken alzo groet gesecht |
| Als een zenep zaet in eyn muodde gelecht |
| 2330 | Vnde dar ombe om desse twe woerde |
| Mijn vnde dijn als ment hoerde |
| Eyn twist dagelikes rijsen mochte |
| Tuschen dij vnde mij onsachte |
| Almechtich god vnde diner moder mede <in HS: zweites e übergesetzt ergänzt> |
| 2335 | De vorsprake der werlt is geset |
| So begher ick ouoermyddes dine gerechtichede |
| Dat mijn deel weerde gescheden mede |
| Vnde alzo dat dan de myne |
| Dat zin de sonden· to mijnre pine |
| 2340 | Vnde to mynen rechte horen to |
| Vnde de waldaet bliue dijn alzo |
| Dit en mach ontseggen richter geen |
| Jck late wesen nv dit alleen |
| De al recht heuoet gemaket dan |
| 2345 | ¶ De sone sprack de moder an |
| Vorsprekersche der werlt/ antwoerd |
| Do zegede onse vrouwe desse woert |
| Dat he eyschet heuoet he en weghe |
| He eyschet gewichte van gewege <17va> |
| 2350 | Dat lange vor nv gedaen is |
| En gedenket iv nicht sone des |
| Dat gij dat al hebbet verdinget |
| Al dar gij an den cruce henget |
| Alze doget der werlt in dij woege |
| 2355 | Vnde op de ander zijde op de ander vlaege |
| Henck de mordener woe so dat gaet |
| Alze sonde der werlt dat verstaet |
| Sone dat ick dij do an sach |
| Mit drouoegen herten op den dach |
| 2360 | Vnde myt wenenden ogen mede |
| Dar was gewegen ter seluer stede |
| Mit eyner effener schalen de doeget |
| Vnde de quaetheit onverhoget |
| Vnde du de weerst de doget gereit |
| 2365 | Verwonnest dar alle de quaetheit |
| Alzo dat du neder vorest daer |
| To der hellen ombe de zielen vorwaer |
| Vnde treckedes dar vet de keytiuoe |
| Vnde off dan zulke wage bliuoe |
| 2370 | De vor alle de werlt feestelike |
| Gedaen was· vnde ock hogelike |
| Op den berch van caluoarien eer |
| So en wil ick wegen nuomber meer |
| Mer ick holde my an dat alleyne |
| 2375 | Vnde en wille ander gewichte ne geyne |
| ¶ De procurere wart vorsaget dar zeer |
| Vnde gaff wt een vreslijck gebeer |
| Vnde sprack tot noch so hebbe wij |
| Biesen gestrouwet· vnde dar bij |
| 2380 | So wil ick trecken ten hardesten saen |
| Jck se my nv alleyne hijr staen |
| Alze een procurere ick nv beger |
| Van rechtes wegene in myne wer |
| Eynen aduoocaet offte twe dessen dach |
| 2385 | De men mij nicht weygeren en mach |
| Vnde dar to so kenne ick desse beide |
| Gerechticheit vnde waerheide |
| ¶ Onse vrouwe sprack nym de du wolt |
| Hijr ombe woldende menichfolt |
| 2390 | De engele vnde ontsegen mede |
| Sine scalcheit· vnde zegeden ter stede |
| Conyngynne van hemelrijke <17vb> |
| Vnde ock mede van eertrike |
| Mit groter eren so moge gij nv |
| 2395 | Aduoocate nemen tote iv |
| Vnde se gehoerde rades dar bij |
| Se zegede do· so kiese ick to mij |
| Ontfarmherticheit vnde den vrede |
| Duos waert hijr een gedinge ter stede |
| <XII.> Wo gerechticheit· vnde waerheit |
| Degedingeden tegen ontfarmicheit |
| vnde vrede··· |
| 2400 | NV wart hijr voert een gedinge |
| Onder dessen vieren sonderlinge |
| Want do ze dus weren ontfaen |
| So is ontfarmherticheit op gestaen |
| Alze to helpene der menscheit |
| 2405 | Vnde dar kegen stont op gerechticheit |
| Vnde waerheit mede· vnde toende vnde zeide |
| Dat men den sonder zunder beide |
| Doemen solde al ongespart |
| Ontfarmherticheit antworde ter vart |
| 2410 | Vnde off ze guet werden mochten |
| Vnde em namaels <in HS: zweites a korrigert aus e> dan bedachten |
| So zolden ze geropen werden dan |
| Gerechticheit antworde nochtan |
| So en sal ze god nicht ontfaen |
| 2415 | Noch en mach· want sonder waen |
| De quade en solde he sparen niet |
| Ontfarmherticheit sprack nv besiet |
| Vnde offte god en spaerde nyemanne dan |
| so en hadde he nuombermeer goeden man |
| 2420 | Gerechticheit antworde· ick nicht en mach |
| Noch en mach op genen dach |
| An seen de boesheit van eertrike |
| Ontfarmherticheit antworde dessen gelike |
| De gracie godes solde ouer vloyen |
| 2425 | To vorgeuoene alle vernoyen |
| ¶ Do god sach desse manichfolde dinge |
| Js he geseten to dessen gedinge |
| Want desse twe nicht ouoer een |
| En mogen comen alze dat wal scheen |
| 2430 | He sprack et is gescreuoen ouoer al <18ra> |
| Dat god ontfarmycheide sal |
| Vnde de gerechticheit to gader mynnen |
| Gerechticheit wil dat in allen zinnen |
| Dat men alle sonden wreke |
| 2435 | Vnde ontfarmicheit ock zekerlike |
| Wil dat alle dinge zin vergeuoen |
| Vnde desse twe en mogen to gader nicht leuoen |
| Hijr ombe in enen deyle de sonden |
| Van den menschen· zolen ter stonden |
| 2440 | Ouoermiddes de gerechtichede |
| Some gedomet werden mede |
| Vnde ouoermiddes de grote ontfarmicheit |
| Sal de sonde ock werden gereit |
| Jn eynen deyle ock zijn verlaten |
| 2445 | Gerechticheit wil er nicht maten |
| Se en comet in des menschen herte |
| Vnde ropet ene myt groter begerte |
| Vnde wroget ene al dat ze mach |
| Do ontfarmherticheit dit gesach |
| 2450 | Weder stont ze dit wal zeer |
| Vnde zegede aldus vor onsen heer |
| Vader du dedest ons verstaen |
| Do du de menscheit haddest ontfaen |
| We dat gedopet vnde gelouoich weer |
| 2455 | Vnde gebijchtet ock weer meer |
| Dat de beholden zolden bliuen |
| Wil gij dit nv weder scriuoen |
| ¶ Onse here sprack noch laet ick dat alzo |
| Des was ontfarmherticheit wal vro |
| 2460 | Vnde sprack kegen de gerechticheit |
| Vnde mede kegen de waerheit |
| Dat weer onrecht zegede onse vorsprake |
| Dat alzo edele creature gebreke |
| Vnde de gemaket weren na den liue |
| 2465 | Ores scheppers dat de verloren bliue |
| Want dar ombe makede he ene van mynnen |
| Ombe dat he ene solde leren kennen |
| Vnde als he ene kende zolde he dan |
| Ene mynnen· vnde dar na voert an |
| 2470 | Solde he zijns vrijens gebruokich wesen |
| Al was dat de engele vor desen |
| Misdeden· de hadden gebot en gene <18rb> |
| Nochtan mysdeden se myt allen gemene |
| Dar ombe hebben ze er verdeynte dar bij |
| 2475 | Mer de mensche al verbrack he |
| Dat gebot· dar ombe wart he sterflijck |
| Dar ombe en salt nicht zekerlijck |
| Achter bliuen dat de prophete |
| Seget aldus in eynen behete |
| 2480 | ¶ De sone en zal nicht draegen |
| De quaetheit des vaders noch gewaegen |
| Vnde god en sal oeck nicht vergeten |
| To irbarmene dat is beheten |
| ¶ Ock spreket een prophete meer |
| 2485 | Op wat vren dat de sondeer |
| Versuchtet ombe sine zonden zere |
| Jck en wil er gedenken nuomber mere |
| ¶ Vnde dauoid doet ock mede gewis |
| Want de tijd van ontfarmicheiden is |
| 2490 | Gekomen nv to den menschen in schine |
| Vnde de heuet gedoget manige pine |
| Vor sine zonde· want in dat zweet |
| Van sinen ansichte moeste he gereet |
| Sijn broet eten sonder waen |
| 2495 | ¶ Na dessen woerden is op gestaen |
| De vrede· vnde sprack alze de fijr |
| Sinen susteren an in desser manier |
| Gerechticheiden vnde waerheiden mede |
| Vnde ock mede de ontfarmichede |
| 2500 | Hoert myne suster hijr ouoer al |
| Wat ick hijr to zeggen sal |
| Vnde gelouoet my de is een bant |
| Der ewicheiden· vnde nicht den viant |
| Den verrader sijt zeker vnde gewis |
| 2505 | De een bant alre quaetheit is |
| Want gelouoet gij mij ick sal iv saen |
| Prouoen dat elken is genoech gedaen |
| Want mijn suster de gerechtichede |
| Se eyschet ombe dat de man mysdede |
| 2510 | Ongeorlouoet· <in HS: Ongeendet - gestr.: endet> dat he dar bij |
| Sonder ende gepinet ock zij |
| Vnde dit is gescheen· want de gone |
| Onse beholder de godes sone |
| Den doet an genck ouoermyddes dan <18va> |
| 2515 | De menscheit de he dar nam an |
| Vnde em seluen dar offerde mede |
| Ouoer al da menschelichede |
| Alze to lozene den ewigen doet |
| Der menscheit· vnde ombe desse noet |
| 2520 | So hadde mogelijck gewesen int behouoen |
| Dat de engele de nicht mogen drouoen |
| Dar ombe hadden geloset mede |
| Want de ongeende dogedichede |
| God vnde mensche gepineget zin an |
| 2525 | Ombe de ongehengeden sonde dan |
| Dat iamer is to zeggene iv |
| Ombe dit so laet dij genogen nv |
| ¶ Lieuoe suster gerechticheit |
| Mine ander suster de waerheit |
| 2530 | Eyschet de woert godes vnde cracht |
| De to bliuene in orre macht |
| De dus zin· op wat vren gij eten |
| Van dessen holte so zuldij moten |
| Steruoen· vnde hijr aff is genoech gedaen |
| 2535 | Want de mensche sunder waen |
| Vor der sonden so en hadde he nicht |
| Den lichamen sterfflijch |
| Vnde ouermyddes de sonde so wart he |
| Sterfflijck· vnde mede dar bij |
| 2540 | So wart he to asschen alze wij zeen |
| Dagelikes ouoer al gescheen |
| Want solde men ene pinen nv ten stonden |
| Twiuooldelijck van eren sonden |
| Dat weer suster kegen de mede |
| 2545 | Want du heitest waerheide |
| ¶ Nuo moet er ock genogen laten |
| Mijn suster ontfarmicheit· vnde gematen |
| Want god em heuoet onfarmelike |
| Laten pinen· vnde oetmodelike |
| 2550 | Ombe to beholdene den menschen vor waer |
| Vnde hijr ombe off elk dar naer |
| Van iv dren hijr heuoet ontfaen |
| Vnde em van rechte an sal gaen |
| Vnde to sinen namen dan behoert |
| 2555 | Jck de vrede bin· rade dan voert |
| Wal dat vrede werde ter stede <18vb> |
| ¶ Vnde hijr op spreket dauid mede |
| Dat de ontfarmicheit ter stat |
| Vnde waerheit de was kegen dat |
| 2560 | Eyn weder kegen er genomen |
| Sin aldus to samene komen |
| Vnde droegen ouer een aldaer |
| Vnde de gerechticheit oeck dar naer |
| Vnde de vrede op dit beheet |
| 2565 | Vnde onder kuosseden em al gereet |
| ¶ Vnde om dessen vrede oeck mede |
| De procurere aller quaethede |
| Js omblijde van daer gescheiden |
| Vnde bleyff altoes voert an in veden |
| 2570 | Op onsen getruwen aduoocaet |
| Vnde noch alt henne de vede staet |
| Ombe ons to brengene to eren slike |
| Vnde hijr ombe zolde wij gemeenlike |
| Wij euoen kinder an ropen er |
| 2575 | De so krefftelike in der wer |
| Was ombe onse mysdaet groet |
| Se is onse vorsprake ter noet |
| Vnde ombe dit edele maget vrij |
| Dat en geen dinck so groet en sij |
| 2580 | Gij en hebbet dar een verdingen an |
| So mote gij ons allen verdingen dan |
| <XIII.> Wo de duuele visierden wo ze eynen |
| man mochten maken |
| ALze mascheron to der hellen komen is |
| Vnde ze de waerheit weten des |
| Dat he den pleit heuoet verloren |
| 2585 | Hadden se des allen groten toren |
| Vnde visieerden eynen anderen raet |
| Do zegede een duouoel harde quaet |
| Mochte wij eynen/ man gemaken |
| Vnde he dan konde al onse zaken |
| 2590 | Alzo alze wij macht hebben des |
| Dat wij wal weten dat geleden is |
| Hadde wij der gelijke eynen man |
| Vnde de myt den luden weer dan |
| Vnde de dan zegede sonder liegen |
| 2595 | Dat gescheen is· he zolde bedriegen <19ra> |
| Vele lude vnde verraden |
| Alze ons de propheten daden |
| Do ze spreken van onsen heer |
| Vnde wij des en wisten myn noch meer |
| 2600 | Aldus zolde de gene weten |
| Alle de dinge de zin vergeten |
| Vnde waer dat he dit vertelde |
| Manich weer de em dar an helde |
| ¶ Prouoet zegeden ze wat groter vromen |
| 2605 | Ons van em mochte komen |
| De zulken man mochte maken |
| Men zolde gelouen al zijnre zaken |
| Weret dat he weer sonder waen |
| Do sprack eyn ander duouoel zaen |
| 2610 | Jck hebbe de macht van dessen zaken |
| Dat ick wiuoen mach genaken |
| Had ick ze to mynen wille |
| Jck weet ene de lude vnde stille |
| Geerne doet al mijn gevoech |
| 2615 | Al weer de nicht men vint er genoech |
| De nemen konnen mans gelijke |
| Vnde wandelen myt vrouwen heymelike |
| Mer men moet hemelike konnen |
| Aldus hebben ze des nv begonnen |
| 2620 | Eynen man to makene· de al |
| Er behendicheit leren sal |
| Anderen luden achter lande |
| Se meenden dat dit god nicht en kande |
| ¶ Aldus so quam de duuel an |
| 2625 | To maken alzo eynen man |
| De zinen zin vnde sine natuer |
| Weten zolde wal to de kuor |
| Ombe to krigene godes hantgewerke |
| Nuo prouoe ick wal vnde merke |
| 2630 | Dat ze weren harde zot |
| Se en dachten nicht dat god |
| Er saken al vernam |
| Nuo moge wij zijn harde gram |
| Dat dus krancke dinck ons hoent |
| 2635 | Alze <gestr.: dus> de duuele dus hadden grecroent |
| Legeden ze dar en er gedachte |
| De gene de zegede dat he mochte <19rb> |
| Mit wiuoen doen al zinen wille |
| Makede em en wech harde stille |
| 2640 | Vnde quam dar he ene vrouwe vant |
| To zinen willen alto hant |
| Van allen dingen de ze helt |
| Gaff ze den duuele de ene helfft |
| Er man de en was nicht daer |
| 2645 | De rike was dat is vmber waer |
| Van lande vnde van groter hauoe |
| Was he riker dan manich grauoe |
| Dre dochter hadde he· vnde eynen sone |
| Bij der vrouwen hadde he de gone |
| 2650 | Dar sathanas an hadde zijn deel |
| Sathanas pinsede ombe geen heel |
| Mer ombe der vrouwen schade |
| Doch quam he to eren rade |
| Vnde vragede wo he honen mochte |
| 2655 | Oren man· eyne wile se dachte |
| Do zegede ze du zalt ene verirren |
| Dat zaltu wal doen zunder myrren |
| He en zals em nuowet hoeden |
| He en zal em moyen vnde verwoeden |
| 2660 | Nemestu dat ick dij op gaff |
| Do keerde sathanas dar aff |
| Vnde genck an des mannes queck genoet |
| Vnde sloges em harde vele doet |
| ¶ Alze de heerden dat versegen |
| 2665 | Do er beesten doet legen |
| Hadden ze des wonder· vnde zegedent den heer |
| Do wart he zick moyende harde zeer |
| Vnde hadde wonder wat em waer |
| Den hierden vragede he des aldaer |
| 2670 | Wat den beesten weer geschiet |
| Se zegeden ze en wistens niet |
| ¶ Ouoele behagedet den manne das |
| Ton eirsten dat dit wiste sathanas |
| Dat de man dus was verirret |
| 2675 | Was em dat leyff· vnde he en myrret |
| Nicht langer he en dede em schade |
| An sinen ve vro vnde spade |
| Dat he em moyen zolde de meer |
| Vnde he ene to zinen willen keer |
| 2680 | Do sloech he em tijn perde doet <19va> |
| Des hadde de man den rouwe zo groet |
| Ombe dat zijn guet dus waert to stoert |
| Dat he sprack eyn verdomet woert |
| Dar ene de quaetheit to dreeff |
| 2685 | He gaff den duuele al dat dar bleeff |
| ¶ Ton eirsten do dat de duouoel wiste |
| Was he des blijde· vnde en reste |
| He en dreeff ene noch to meerre noet |
| He sloech al zine beesten doet |
| 2690 | Dus dede he zine quaetheit vervuollen |
| Vnde den man wal zeer verdullen |
| Do sathanas wiste desse dinck |
| Dat he buten allen luden ginck |
| Wiste he wal dat he vollbrengen mochte |
| 2695 | Al dat he to em wert dachte |
| Do dodede he em zinen zone |
| Dar allene sleep de gene |
| Des morgens als men ene vant doet |
| Hadde de man den rouwen so groet |
| 2700 | Dat he al zunder hopene was |
| Vnde zijn gelouoe zijd zeker das |
| Wart em zere gekrenket alzoe |
| Des was de duuel harde vroe |
| Want he den man hadde gevangen |
| 2705 | Dat he em nicht en konde ontgangen |
| ¶ Rechte do dit al was geschiet |
| Genck he to er de dat al gereet |
| Vnde dede ze staen op eyne kiste |
| Eyne line dede he er myt liste |
| 2710 | An den balken vaste knopen |
| Eynen strick de to mochte lopen |
| Dede he an er kele dwingen |
| Vnde dede ze van der kisten springen |
| Aldus zo bleeff dat wijff verdaen |
| 2715 | Do de man dit hadde verstaen |
| Vnde he verloren hadde zijn goet |
| Wijff vnde kint· do wart zijn moet |
| So bedrouet vnde zo gram |
| Dat em to een ziecheit quam |
| 2720 | Dar he aff starff van rouwen |
| Aldus zo moget gij my getrouwen |
| Heuet de duuef man vnde kint |
| De he to sinen denste vint <19vb> |
| Sathanas was blijde vander daet |
| 2725 | Do visierde he enen nuowen raet |
| Want dar weren dochtere dre |
| Wo he gehonen mochte de |
| He wiste wal zolde he ze hoenen |
| He moste ze waer mede schonen |
| 2730 | Vnde mede oeck ores willen doen |
| Dar was een schone gartsoen |
| De vele zines willen dede |
| Den leidede sathanas to der stede |
| Aldaer de ioncfrouwen do saten |
| 2735 | De ene vrijede he vtermaten |
| Vnde bat er vele vnde loech |
| So lange dat he ze bedroech |
| Vnde ze dede dat he er bat |
| Vnde de duuel was vroe ombe dat |
| 2740 | Vnde als he enige dinck voldriuet |
| He en wil nicht dat verholen bliuet |
| op dat he des de bouoen zij |
| He wil verre vnde oeck bij |
| Dat dat werde meer achter lande |
| 2745 | Ombe to merene des menschen scande |
| Dus openbaerde he daer er zonden |
| ¶ Dat was zede in den stonden |
| So wat wiuoe zo mysdede |
| Se en weer gemeyne in elke stede |
| 2750 | Dat ze verboert hadde er lijff |
| Ton eirsten hrart dat kondich onder de wijff |
| So lange dat dat quam vor dat gerichte |
| Do quemen des richters knechte |
| Vnde hebben dat ionge wijff gevangen |
| 2755 | Mer de knape is em ontgangen |
| Do wart ze bracht vor de man |
| Sere em des irbarmen began |
| Want ze oren vader kenden |
| Den ze alle zeer mynden |
| 2760 | Vnde zegeden zeet hijr vroeme dinck |
| Wo dat dessen goeden manne mysgenck |
| De des iongen wiuoes vader was |
| Nicht dor lanck en was noch das |
| Dat men binnen dessen lande |
| 2765 | En genen rikeren man en kande |
| Nu heuet ze verbort dat leuoen |
| Mer dorch er guoede neuoen <20ra> |
| Sal men se grauoen heymelike |
| Dat ene god bezwike |
| 2770 | ¶ Sathanas den duuel· he onteert |
| Aldus de gene de he verkeert |
| Nu was eyn hillich man in dat lant |
| De desse dinck al onder vant |
| He troestede de iongfrouwen |
| 2775 | De he vant in groten rouwen |
| Ombe er sonderlinge mysuoal |
| He onder vragede de zaken al |
| Beide van vader vnde van moder |
| Vnde oeck van oren broder |
| 2780 | Vnde erre suster ongeuoal |
| Se zegeden wij en konnen dat al |
| Gemerken we dat ons gevalt |
| Dat is rechte dullike gekalt |
| Antworde dar op de guede man |
| 2785 | Want god nyeman haten en kan |
| Em is leet dat ieman em seluen sleit |
| Vnde zijd des zeker dat de quaetheit |
| Van groten zonden is geschiet |
| Vnde van uwer suster dat verdriet |
| 2790 | Wiste gij icht dat dat geschiede alzo |
| Alzo make ons ihesus vro |
| Alze wij des en wisten myn noch meer |
| Do antworde de guede heer |
| Hoedet iv van zondeliken saken |
| 2795 | Se brengen den menschen in schaden |
| Vnde doen ene lasterlike steruoen |
| Want de altoes ombe zonden weruoen |
| Steruoen geerne quader doet |
| De guede man zegede em vnde geboet |
| 2800 | Manich guet woert sonder waen |
| Op dat ze dat wal wolden verstaen |
| De oldeste zuster hoerde dar wal naer |
| Vnde de guede man dat is waer |
| Sprack em vele van onsen heer |
| 2805 | Vnde de oldeste pijnde or zeer |
| Ombe to done dat he or zegede |
| He sprack wil gij gelouoen megede |
| Dar an dat ick iv sal leren |
| Jck sal iv mynnen to uwen eren <20rb> |
| 2810 | Noch iv en geschiet nuomber de noet |
| Noch de zake gene zo groet |
| Nuo en mystroestet iv nicht zo zeer |
| Bij der hulpen van onsen heer |
| Jck sal iv harde wal beraden |
| 2815 | Doet dit dat en sal iv nicht schaden |
| Want ick en wone hijr nicht vere |
| Doet gij en werdet des nuomber erre |
| ¶ Ton eirsten dat he ze hadde gewiset |
| Vnde den gelouoen aldus gepriset |
| 2820 | So genck de guede man van dane <in HS: e übergesetzt ergänzt> |
| De oldeste hilt er vaste dar an |
| Se hielt er an den prediker |
| Al zijn doen bequam wal er |
| Vnde alze de duuel dit vernam |
| 2825 | Waert he des vtermaten gram |
| Want he meende desse hebben verloren |
| Al legede he er iet to voren |
| He ontsach dat dat nicht en diede |
| Dat en weer off dat enich wijff beriede |
| 2830 | ¶ Nu hadde he ene de zine sagen |
| Dicke wile hadde gedragen |
| Der zegede he dit to gener stede |
| Nu hoert wat de quoene dede |
| Se nam de ionge to eynen rade |
| 2835 | Vnde vragede er wat ze dede |
| Vnde off ze der suster iet hadde weert |
| Se antworde do ter veert |
| Jck wene ick guedes rades wal behouoe |
| Mijn suster is althen so droue |
| 2840 | Vnde so gram vnde zo zuoer |
| Ombe onse quade auentuer |
| Dat ick des hebbe grot ongemack |
| Eyn man de to er sprack |
| Van gode· de heuet ze so bekeert |
| 2845 | Dat ze doet dat he er leert |
| ¶ De quene sprack alzo lange |
| Als gij zijd in oren bedwange |
| So en geschiet iv nuomber meer vrome |
| Van lichame wo dat kome |
| 2850 | Mer mochte gij de lusticheit bekennen |
| De de vrouwen hebben alze ze mynnen <20va> |
| Gij zolden luttel prijsen dat guet |
| Hadde gij de lusticheit in uwen moet |
| De komet van mannen zegge ick iv |
| 2855 | Gij zolden dar bij vervrouwen nv |
| Wat is schoenre vnde soeter dan mynne |
| Dit zegge ick dor iv vrendynne |
| Al hadde gij aldus desse werlt groet |
| Nochtan voer gij bet weer gij doet |
| 2860 | Gij en weten nicht wat blijscap zij |
| Vnde ick zal iv zeggen waer bij |
| Juo suster is older dan gij zijd |
| Vnde ze sal to eirst doen er delijt |
| Aldus ze dat iv verbieden sal |
| 2865 | Vnde zal uwes vergeten al |
| Dus zuldij van uowen schonen liuoe |
| De blijschap verliesen keytiuoe |
| ¶ Se zegede do ick en dorste nicht ane gaen |
| Dat gij my hijr nv doet verstaen |
| 2870 | Mijn suster bleue dar ombe doet |
| Juo suster doet nv domheit groet |
| Vnde ze heuet nv quaden raet |
| Gij zult doen dat daer to staet |
| Vnde doen al dat iv lijff begert |
| 2875 | Vnde zijd der doet al onverveert |
| Jck en weet nicht zegede ze van dessen treken |
| Vnde en daer iv nv nicht meer spreken |
| Ombe myne suster nv gaet henen |
| Segede de maget tot der quenen |
| 2880 | Mer anderwerff als gij hijr komet |
| So moge gij mij spreken dat iv vromet |
| ¶ Alze dit wiste de duuel al |
| Was he vro vnde wiste wal |
| To zinen willen hebben de gene |
| 2885 | Als en wech was de quene |
| Pijnsede he ombe er tale |
| De duuel merkede dat gene wale |
| Dat ze beroert was to sinen wille |
| Vnde daer ze allene was stille |
| 2890 | Sprack ze dar aff in oren zin |
| Vnde do stack he dat er noch vaster in |
| To hant dar na eyns auoendes spade |
| Sat ze in orre kemenade |
| Vnde besach or schone lede <20vb> |
| 2895 | Vnde zegede ia is dat waerhede |
| Dat my zegede dat vroede wijff |
| Verloren is mijn schone lijff |
| Dat olde wijff dede ze halen |
| Se zegede to hant van uwer talen |
| 2900 | Weet ick de waerheit al gemene |
| Mijn suster geuet ombe my wal clene |
| De quene zegede dat wiste ick wal |
| Se zolde iv noch haten al |
| Hadde ze ores willen bet een deel |
| 2905 | Wij en zint gemaket ombe geen heyl |
| Dan ombe to hebbene man |
| De ander zegede ick queme dar an |
| Mer dat ick ontsee den doet |
| De quene zegede· cleyne noch groet |
| 2910 | En doruoet gij den doet ontseen |
| Mer wille gij uwe suster vleen |
| Wille gij ick zegge iv wat gij doet |
| De ander zegede wat iv donket goet |
| Wil ick doen groet vnde clene |
| 2915 | De quene sprack· zo zijd gemene |
| Allen mannen zonder merre |
| Vnde vleet dan uwer suster vere |
| Dus moge gij doen dat gij begert |
| Vnde nicht en zijd der doet verveert |
| 2920 | Dat men iv dar ombe doet enige ande |
| Dus zint gij buten uwer suster bande |
| Nochtan sal wal na desen |
| Eyn goet man blijde wesen |
| Jv to truwene dor iv goet |
| 2925 | Lieuoe mynne aldus so doet |
| So hebbe gij uwen willen al |
| De ander zegede· vnde ick sal |
| Vnde vlo van ore suster dannen |
| Vnde waert gemene allen mannen |
| 2930 | Bij den rade van der quene |
| Vroe was de duuel ombe dat gene |
| Dat ze aldus was gevaen |
| ¶ Als dit de oldeste suster heuoet verstaen |
| Genck ze to hant to den goeden man |
| 2935 | De ze to voren leren began |
| Sere drouoich· do he ze sach <21ra> |
| Vragede he er wat er was |
| Hem ontfarmede van eren rouwe |
| Vnde sprack zegent iv ioncfrouwe |
| 2940 | Vnde beuoelet iv onsen heer |
| Gij zijt beweget harde zeer |
| Dat is recht dat ick hebbe toern |
| Segede ze want ick hebbe verloern |
| Mine suster want ze is gemene |
| 2945 | Allen mannen groet vnde clene |
| Do ze dit sprack do wart he irre |
| He zegede ick wene de duuel merre |
| Noch onder iv dat donket mij |
| Vnde he en lat iv nuomber vrij |
| 2950 | Eer gij gehoent zijd alle gader |
| Ons en helpe ihesus onse vader |
| ¶ Ach here zegede ze helpet mij bevroeden |
| Wo dane wijs ick mij sal hoeden |
| Van den duuele hebbe ick grote vaer |
| 2955 | De here zegede ick zegge dij waer |
| Wiltu volgen al mynre tale |
| Jck sal dij behoeden wal |
| Ja ick zegede ze althenen gader |
| Gelouoestu dan an den vader |
| 2960 | An den sone an den hilgen geist |
| Vnde dar an ock alre meist |
| Dat een god sin desse dre |
| Vnde dat de zone ombe dij |
| Vnde ombe ons allen gemeenlike |
| 2965 | Hijr neder quam op ertrike |
| Ombe dat he ons zolde beholden |
| Vnde alle de em deynen wolden |
| Vnde an de gebode der hilger kerken |
| Vnde dat he papen vnde clerken |
| 2970 | Jn ertrike heuet gelaten |
| De ons wijsen ter rechter straten |
| Wultu hijr an gelouoen al |
| Ja ick here groet vnde small |
| Alzo gewaerlijck als ick gelouoe |
| 2975 | Bidde ick gode dat he my rouoe |
| Van sathanas behendicheit |
| De here sprack dit is wal gezecht |
| Vnde ick bidde iv tot alre hoede |
| Dat gij iv hoedet van tornen moede |
| 2980 | Vnde gij nicht gram slapen en gaet <21rb> |
| Want dat is de dinck dar zijn baraet |
| De duuel vele in gewint |
| Alze he de lude toernich vint |
| Hijr ombe hoede dij als duo bist irre |
| 2985 | Dat du my zokes ick en bin nicht verre |
| So wat moyenissen dat du heuoest |
| Se dat du dij sculdich geuoest |
| Goede vnde sinen vrenden to |
| Vnde mij preester· vnde dan doe |
| 2990 | Als du gaest slapen vnde op staes |
| Dat du een cruce vor dij slaes |
| Jn de ere der driuoldicheit |
| In de ere des cruces dar cristus menscheit |
| Ane starff omb onse noet |
| 2995 | Ombe ons to lozene van der doet |
| Doestu dit in gener staden |
| So en mach dij de duuel nicht schaden |
| Dar du zolt slapen dar holt lecht |
| De duuel hatet dat ick zegget dij echt |
| 3000 | want he schuwet de claerheit zeer |
| Do desse dinck wat zal dij meer |
| ¶ Aldus leerde ze de goede man |
| Er· de sorge legede dar an |
| Dat ze de duuel nicht en solde schenden |
| 3005 | Do liet ze er des genenden |
| Dat ze to hues doch dorste keren |
| Se zette or to den denste onses heren |
| Oetmodich was ze kegen de armen |
| Gueden luden began des ontbarmen |
| 3010 | Vnde zegeden aldus to der ioncfrouwe |
| Dat gij driuoet dus groten rouwe |
| Omb uwen vader omb uwe moder |
| Omb uwe suster omb uwen broder |
| De gij ouoele hebbet verloren |
| 3015 | God late iv gueden raet verhoren |
| Gij hebbet noch so schone guet |
| Manich guet man set sinen moet |
| Ombe iv to wiue to ontfane |
| God brenge iv ton besten dar an+e |
| 3020 | Aldus troesten ze ze manich warff |
| God geue my dat mij bedarff |
| Sprack de ioncfrow dan dar naer |
| Aldus was se wal twe iaer |
| Dat ze de duuel nicht mochte schenden <21va> |
| 3025 | Noch in genen sunden vinden |
| Dat was em vtermaten leet |
| He wiste oeck dat wal gereet |
| Dat he ze dar aff ock nicht en keerde |
| Van dat er or bijchter leerde |
| 3030 | He en mochte ze gemaken gram |
| ¶ Mit den he er suster nam |
| Vnde brachte ze op einen saterdach |
| Dar de ander to gesach |
| Ombe dat he ze wolde toernen doen |
| 3035 | Er volgede manich quaet gartsoen |
| Dat en was den auende nicht verre |
| Alze ze se zach wart ze erre |
| Se sprack alzo lange als gij dit leuoen |
| Suster nicht en wil-1et begeuoen |
| 3040 | So en komet nicht meer to desser stede |
| Gij doet my dar laster mede |
| Des ick wal ontberen mochte |
| De ander zegede dat ze dachte |
| Alze dar de duuel rastede in |
| 3045 | Gij zijt arger dan ick bin |
| Jv confessoer is iv poytier |
| Wiste dat dat volck dat wonet hijr |
| Gij zolden dar ombe ontliuoet wesen |
| De ander waert toernich van desen |
| 3050 | Alze se er zegede dessen orloff |
| Suster zegede ze ruomet mynen hoff |
| Jck en ruomes nicht alzo wal is dat mijn |
| Sprack de ander nv alze dijn |
| Do wolde ze ze wt stoten myt crachte |
| 3055 | De ander werde er harde onsachte |
| Vnde de portier sprongen ze an+e |
| Vnde myshandelden ze myt slane |
| De ioncfrowe eer ze em ontbrack |
| Hijr aff quam er groet ongemack |
| 3060 | Ombe dit was de duuel vroe |
| To eirst dat de ioncfrowe ontfloe |
| Liep se in de kamer vaste |
| Vnde sloet de dore kegen de gaste |
| Er knape vnde er ioncwijff ze twe |
| 3065 | Weren in den hues vnde nicht me |
| Dor hen en lieten de anderen niet <21vb> |
| Se en deden do dat em riet |
| De duuel er leydes man |
| De em al quaetheit brachte an |
| 3070 | Oeck en liet de ioncfrowe niet |
| Se en dogede alleyne er verdriet |
| Vnde lach op er bedde in oren clede |
| Vnde wenede zere vnde gerede |
| Alze se de duuel dus zach allene |
| 3075 | Sere verirret vnde in wene |
| Vnde nacht was· do sprack zijn raet |
| Dat ze weer wal begaet |
| Se gedachte orre moder |
| Vnde ores vader· vnde ores broder |
| 3080 | Vnde dar to orre suster beyde |
| Se weynde van rouwen vnde van leyde |
| So dat ze alto male vergat |
| To done dat er de here bat |
| Er confessoer dat he er beual |
| 3085 | Dit zo merkede de duuel al |
| Vnde was vtermatene blide |
| He sprack nv lest ze er getijde |
| Se is buten der hoede van onsen heer |
| Vnde buten ores mesters leer |
| 3090 | Jn desser quaetheit waert ze in slape alzo |
| Dat ze er nicht zegende do |
| Do zegede de duuel· nv mach men dar an |
| Harde wal maken onsen man |
| <XIV.> Wo merlijn gewonnen wart.. |
| Vnde dar na wo he geboren wart.. |
| NV hoert voert de auentuore |
| 3095 | De duuel de eirst zegede ter vore |
| Dat he myt wiuoen wesen mochte |
| Do men em desse bodescap brochte |
| Was he wal gereet to er daer |
| Vnde dar ze sleep lach he myt er |
| 3100 | Vnde wan een kint an er saen |
| Vnde ze wart in wake sonder waen |
| Vnde dachte ombe ores mesters tale |
| Mit den zegende ze er wale |
| Vnde ze riep sancta marie |
| 3105 | Wat is my geschiet acheste fie <22ra> |
| Mij donket ick bin in arger dinck |
| Dan do ick to bedde ginck |
| Helpet maria moder onses heren |
| Biddet uwen sone dat he keren |
| 3110 | Mine zele mote tor goeder stede |
| Vnde he mynen licham bevrede |
| Van den quaden bosen viand+e |
| Do stont ze op alto hant |
| Vnde zochte den genen de er dat dede |
| 3115 | Se mende ene vinden to eniger stede |
| De dore dat was wonder groet |
| Vant ze besloten alze ze besloet |
| Do genck ze in allen hoeken |
| Beide tasten vnde zoeken |
| 3120 | Ombe den dar er dat was aff gescheet |
| Mer ze en vant ene altoes niet |
| Do dachte ze wal dat se sathan |
| Hadde gehoent vnde anders geen man |
| Se w+aert drouich vnde riep zeer |
| 3125 | Genade sprack ze lieue heer |
| Dat gij den duuel nicht moten gehengen |
| Dat he mij to der schanden mote brengen |
| ¶ De nacht genck hen vnde dat woert dach |
| Sathanas de zijn beiach |
| 3130 | Mit orre suster hadde voldaen |
| Dede ze nv vte den hues gaen |
| Vnde er portier alto male |
| De em gedeent hadden wale |
| Vnde do ze en wech weren gegaen |
| 3135 | De ioncfrowe quam alzo saen |
| Vet ore kameren· vnde to hant |
| Riep ze dar do eren seriant |
| Vnde hiet ene ombe twe vrouwen zenden |
| Dat ze dar quemen wolden ze gevinden |
| 3140 | Er to zokene den goeden heer |
| Doch quam ze dar myt groten zeer |
| ¶ Do ze de goede man versach |
| Vragede he or wat er was |
| Want he sach oren zin verzeert |
| 3145 | Here zegede ze ick bin onteert |
| Mit rechte is mij dat herte zeer |
| Mij is geschien dat nye eer |
| Wiuoe en geschiede dan my <22rb> |
| Ombe raet kome ick nv to dij |
| 3150 | Gij zegget dat zo grote zonde |
| Geen mensche gedoen en konde |
| Sreke <sic; wohl Verschreibung für Spreke> he des bijchte vnde weert em leet |
| Vnde he dan dar mede dede gereet |
| Den raet van zinen confessoer |
| 3155 | God vergeuoet em op de ver |
| Here ick hebbe zere mysdaen |
| Vnde dat zuldij wal verstaen |
| Dat mij gehoent heuoet de viant |
| Do zegede ze em alto hant |
| 3160 | Van erre suster wo ze dar quam |
| Vnde wo ze dar ombe waert gram |
| Vnde ock wo ze was to blouwen |
| Vnde wo ze van groten rouwen |
| Ongesegent sloet de dore |
| 3165 | Vnde vergat al dor vnd dore |
| De leringe de gij mij tonet |
| Des heuet mij de viant gehonet |
| Vnde genomen myne renichede |
| Jck dore zochte to elker stede |
| 3170 | Mine kamer ick en vant dar in |
| Man noch wijff meer noch myn |
| De dore was besloten wal |
| Vnde ick en wiste nicht al |
| Wat dinge dat mij quam to schaden |
| 3175 | Here des biddick uwer genaden |
| Off ick den doet dar ombe kiese |
| Dat ick de ziele nicht verliese |
| ¶ De goede man de hoerde er zeer |
| Hem verwonderde des io lanck io meer |
| 3180 | Vnde he en gelouede des nicht een woert |
| Want he en hadde des nye gehoert |
| Vnde he sprack de duuel is in dij |
| Vnde du bist der vol dat donket my |
| Wat penitencien zoltu ontfaen |
| 3185 | Dat du my logene doest verstaen |
| Nye en was in der werlde wijff |
| Dan myt manne sonder blijff |
| Se en hadde ene getastet off gesien |
| Den man daer er dat mochte off geschien |
| 3190 | Wo wiltu mij gelouoich maken |
| Dat dij gescheen zin desse saken <22va> |
| ¶ Do antworde dat trorige wijff |
| Alzo behoede my god myn lijff |
| Als ick iv waerheit do verstaen |
| 3195 | De goede man antworde saen |
| Js dat waer dat wert ons beiden kont |
| Mer du heuest dij zere besond |
| Dat du nicht en dedes dat ick dij heet |
| Hijr ombe en saltu dat laten niet |
| 3200 | Du en zalt vasten den vrijedach |
| Alzo lange alze du leuen machs |
| Vnde van den keuoesdome do dan |
| Des ick gelouoen nicht en kan |
| Dat dij dat alzo geschiede |
| 3205 | Penitencie de ick dij gebiede |
| Js dat sake dat du machst |
| Se zegede do na mijnre macht |
| Wil ick doen dat gij mij hiet |
| He sprack god helpes dij gereet |
| 3210 | Du komest hijr gode to genaden |
| Vnde to der hilgen kerken to raden |
| De god koffte myt sinen bloede |
| Dat was myt enen duoeren goede |
| Dat was warege bijchte |
| 3215 | Was dat bij dage was dat bij nachte |
| Alzo alze de dinck geuoel |
| Dat du alzo zegedes nv vnde nicht el |
| Vnde dan doest dat men dij raet |
| Here sprack ze al dat dar to staet |
| 3220 | Wil ick doen al dat ick kan |
| God helpes dij leuoe sprack de man |
| Js dat waer dat duo mij doest verstaen |
| Jck hoepe du zoldes wal ontgaen |
| ¶ Alzo gewaerlijc sprack echt dat wijff |
| 3225 | So moete mij god behoeden dat lijff |
| Als ick iv waerheit do verstaen |
| De goede man antworde saen |
| Du zalt doen al mynen raet |
| Vnde schuwen meer voert al quaet |
| 3230 | Here zegede ze dit is al waerhede |
| So vortije dan voert vnkuoeschede |
| Sprack de man vnde· des en laet niet |
| Sonder dat slapende geschiet <22vb> |
| Jck do here sprack de ioncfrouwe |
| 3235 | Nuo weset mijn borge getrouwe |
| Off ick do dat gij my hiet |
| Alzo wal alze iemen de men weet |
| Dat my god vergeuen sal |
| Here hijr aff myne mysdaet al |
| 3240 | ¶ Ene discipline gaff he er dar |
| Vnde sette er penitencie zwaer |
| De nam ze wenende vnde myt trouwen |
| Als enen den zine zonden rouwen |
| He zegende ze myt goeden zinne |
| 3245 | Vnde leerde er onses heren mynne |
| He dachte wo dit wesen mochte |
| Dat ze em to voren brochte |
| He dachte dat dat de duuel dede |
| Do leide he ze to ener stede |
| 3250 | Dar he er drinken dede wijwater |
| Nu mote dij zegenen zegede he pater |
| Et filius· et sanctuom flamen |
| Nu drinck in den name amen |
| ¶ Nu dencke zegede he omb de gebode |
| 3255 | De ick dij geleert hebbe van gode |
| Vnde alze du noet heuest kom to my |
| He zegende ze· vnde do zegede he |
| Gaet to gode· vnde al dat goet |
| Vnde de alemissen de gij doet |
| 3260 | Sette ick iv vor uwe zonden |
| Dus genck ze ton zeluen stonden |
| Vnde leide een hillich leuoen |
| De viant sach dat ze begeuoen |
| Sijn doen in derre gebeer |
| 3265 | Alze off ze sonder zonde weer |
| Des wart he vtermaten gram |
| Mit den de tijd so vere quam |
| Dat de vrucht in er wes |
| Vnde de licham er op blies |
| 3270 | So dat dat volck wart gewar |
| Vnde zegeden do tote er |
| Joncfrouwe gij dicket nv zeer |
| Se sprack danck hebbe onse heer |
| Se zegeden leuoe bij wat manne |
| 3275 | Heb gij dat kint ontfangen danne |
| So helpe mij god vt aller noet |
| Alzo ick des en weet clene noch groet <23ra> |
| Heuet dat volck gewesen myt iv alle gader |
| Dat gij nicht en kennet den vader |
| 3280 | Se zegede zo mote mij de godes krafft |
| Nuomber van desser dracht |
| Mij verlosen off ick ie man |
| Mit tastene offte myt ziene gewan |
| Mij zo na nit zulken sachen |
| 3285 | Dat he my mit kinde mochte maken |
| Se zegenden em do vnde spraken |
| Lieue mynne myt dessen saken |
| En geschiede dit nye vrouwen |
| We sal iv des getrouwen |
| 3290 | Guet is dat to zene dat gij ene mynt |
| Den dar gij aff draget dit kint |
| Dat gij des nicht en wilt openbaren |
| Mer dat is schade twaren |
| Dat dar iv ombe to steruoene steet |
| 3295 | Ton eirsten alze dat de richter weet |
| ¶ Faise de mor deus omplasier |
| Sprack de ioncfrow· he vint my hier |
| Mer alzo beholde my god mijn leuoen |
| Als ick en weet wen dat kint geuoen |
| 3300 | De vrouwen hilden dar er spot |
| Vnde schieden danne vnde zegeden wete god |
| Juo schoenheit vnde iv schone gelat |
| Vnde iv simpelheit is worden quaet |
| Want gij hebbet dat nv al verloren |
| 3305 | Dat stont er so ze moste dat horen |
| Des was er harde we to moede |
| Se sochte raet alze de vroede |
| Vnde genck to eren confessoer |
| Vnde tellede em er auoentur |
| 3310 | Wat de vrouwen to er zegeden daer |
| De goede man waert al gewaer |
| Dat ze droech leuoendich kint |
| He sprack ia en heb gij nicht sint |
| Gelaten van dat ick iv hiet |
| 3315 | Here sprack ze neen ick niet |
| Geschiedet zegede he· iuo nicht meer |
| Dat wonder dat iv geschiede eer |
| Here zegede ze dat en is my scheet |
| Mer eens dar my aff komet dit verdreet |
| 3320 | Des wonderde den goeden man <23rb> |
| Vnde he bescreeff de wile dan |
| Vnde de nacht dat dat er geschede |
| He sprack van den quaden diede |
| Laet de tale al gader gaen |
| 3325 | Vnde weset des al zonder waen |
| Segge gij mij waer· wetet dat to voren |
| Alze dit kint wirt geboren |
| Sal ick de waerheit weten wal |
| Hoepe ick an gode anders nyeman al |
| 3330 | Js dat waer dat gij my doet verstaen |
| Gij zolen der doet wal ontgaen |
| Wat wonder is dat al hebbe gij vaer |
| Alze dat vor dat gerichte wirt openbaer |
| Solen ze iv willen ontliuoen |
| 3335 | Ombe dat iv goet em zolde bliuen |
| Mer ton eirsten dat gij zijd gevaen |
| So doet my dat myt enen boden verstaen |
| Jck sal iv helpen· vnde geuoen iv troest |
| Jck weet wal gij werdet verloest |
| 3340 | Van gode· ia zint gij zulck van binnen |
| Als gij my buten doet bekennen |
| Gaet to hues vnde weset zonder sorge |
| Doet wal ick bin hijr aff iv borge |
| Eyn guet leuoen doet steruoen wal |
| 3345 | Se genck to hues vnde dede al |
| Dat beste dat ze mochte |
| ¶ Mit den quam dat gerochte |
| Vor den richter van der dinck |
| Schire he de ioncfrouwe vinck |
| 3350 | Men brachte ze vor de schepene danne |
| Vnde ze ontboet dat den goeden manne |
| De er to radene plach |
| He quam dar op den seluen dach |
| Mit den quam dar de richter nv |
| 3355 | De lude zegeden here hoert ons nv |
| Desse vrouwe zecht dat ze van man |
| Ne en gene scult gewan |
| ¶ He zegede do· is dat iv waen |
| Dat vrouwe kint macht ontfaen |
| 3360 | Sonder gemeenschap van manne |
| Er confessoer antworde danne |
| Jck en zegge iv nicht al dat ick weet |
| Mer dat zegge ick iv gereet <23va> |
| Doet mynen raet dat is iv goet |
| 3365 | Dat gij dar geen gerichte ouoer en doet |
| Eer ze vanden kinde is genesen |
| Want dat en donket mij geen recht wesen |
| Dat kint en heuoet gener doet verdient |
| Do zegede de richter lieue vrent |
| 3370 | So wille wij des doen al uwen wille |
| Hoert <in HS: t nachgetragen> here zegede he vnde zwiget stille |
| Doet ze in enen torn besluten |
| Vnde wechters genoech dar buten |
| Vnde myt er twe vrouwen de ze verhoegen |
| 3375 | Vnde in de pine gehelpen mogen |
| Dus mosten ze besloten wesen |
| Tote den dat ze was genesen |
| Vnde dat kint mach alleyne eten |
| Mach men dan dar anders icht aff weten |
| 3380 | So richte dar ouer her baliuo |
| Desse dinck rade ick iv nv |
| Dit is dat beste dat ick dar aff weet |
| Do gij icht anders dat is mij leet |
| ¶ De goede man gaff dessen raet |
| 3385 | He en duochte den richter nicht quoaet |
| He dede ze doen in enen steen |
| Dar ne was an dore en geen |
| Se en weren vaste verhameit |
| Twe vrouwen weren myt er geleit |
| 3390 | De vrodesten de men vinden konde |
| Een vinster dat bleeff open staende |
| Dar men in trecken mochte |
| Sulke zake alze em dochte |
| De goede man de dit geriet |
| 3395 | He sprack opwert vnde hiet |
| Der ioncfrouwen· vnde zegede |
| Giff den kinde zine kristenhede |
| Ton eirsten als dat geboren is |
| Alze du machst gemerken des |
| 3400 | Dat men ouer dij sal richten |
| Sende na mij myt dinen knechten |
| Geerne here riep ze naer |
| ¶ Dus bleyff de ioncfrouwe dar |
| Jn den torne de dat zwaer verdroech |
| 3405 | Vnde dat gerichte gaff er genoech |
| Do quam de tijt dat ze genas <23vb> |
| Vnde do dat kint geboren was |
| Soldet hebben gehad des duouoels zin |
| Want et was duuels gewin |
| 3410 | Mer he haddet ouoele vorhoet |
| Vnde ihesus starff dor grote oetmoet |
| Vnde he hoende de ioncfrouwe |
| Jn den slape des ze hadde rouwe |
| Wo ze gehoent was vnde verraden |
| 3415 | Se riep ton alre eirsten genaden |
| An onsen heren harde starke |
| Vnde beuoal er der hilgen kerke |
| Vnde em allen de myt gode zin |
| Hijr ombe zo wolde onse here fijn |
| 3420 | Dat de duuele dar ane vonden |
| De dinck dar ze dat ombe bestonden |
| ¶ <in HS: ¶ interlinar zwischen 3421 und 3422> Se wolden dat zeget de hystorie |
| Dat dat kint hebben zolde er memorie |
| Van allen dingen de weren geschicht |
| 3425 | Des en gebrack em nichtes nicht |
| Mer god kende der vrouwen zin |
| Dat er leet was zulck gewin |
| Des wolde he dat der moder zonde |
| Den kinde nicht geschaden konde |
| 3430 | Vnde gaff em dat et konde vorsien |
| Alle de dinge de zolden geschien |
| Duos hadde he van den viande <in HS: e übergesetzt ergänzt> |
| De vorgeledene dinge bekant |
| Vnde dat gescheen zolde ombermeer |
| 3435 | Wuste dat kint van onsen heer |
| Dus mochtet em keren daer id wolde |
| Wilt ock dat mochte bolde |
| Onsen heren geuoen zijn recht |
| Vnde den duuele zijn deel echt |
| 3440 | Want dat vleysch quam van den viand |
| Vnde god hadde dar de ziele in gesant |
| Ombe dat de lude zolden dar in |
| Prouoen mogen des duuels zin |
| He gaff em meer synnes dan enen anderen |
| 3445 | He heuet des noet he mach dar wanderen |
| ¶ Wes dat kint sal plegen moget gij hoeren |
| Mer aldus zo was et geboren |
| Vnde de vrouwen weren vervaert |
| Ombe dat id was alzo gehaert <24ra> |
| 3450 | Se lietent der moder schouwen dar ze lach |
| Se zegende er alze ziet zach |
| ¶ Dat kint verveert my sprack de vrouwe |
| So doedet ock ons bij mijnre trouwe |
| Antworden de anderen wijff |
| 3455 | Dat wij wenen verliesen dat lijff |
| De moder sprack nv doet id doepen |
| Men zalt an ene lijne knopen |
| Vnde latent vt den venster neder |
| De wijff antworden er weder |
| 3460 | Wo salment hieten wete gij des ieet |
| Se zegede als mijn vader hiet |
| ¶ Se lietent neder myt goeder stade |
| Vnde hieten dat ment kerstenen dede |
| Vnde dat ment hiete na den older vader |
| 3465 | Geerne riepen ze do alle gader |
| Dat mote ter goeder tijd zijn |
| Do hiet ment na den manne merlijn |
| Merlijn was et kristen gedaen |
| Men gaff et der moder weder saen |
| 3470 | Want dat nyeman anders dorste sogen |
| De moder hildet ze mostet gedogen |
| Tote den dat et hadde maende tijne |
| De vrouwen zegeden zo onsiene |
| Kint· en zeghe wij nye eer |
| 3475 | Des wonderde em io lanck io meer |
| ¶ Do id tijn maent was olt twaren |
| Duchtet em wesen van twen iaren |
| Do et was van anderhaluen iaer |
| Segeden de vrouwen openbaer |
| 3480 | Vrouwe wij willen hene gaen |
| Al daer onse woninge staen |
| Tot onsen vrenden want dat is tijd |
| Se zegede als gij hene zijd |
| Sal men my to hant ontliuen |
| 3485 | Wat moge wij des wij en mogen bliuen |
| Mit iv hijr nicht ombermeer |
| De ander weende do harde zeer |
| Want ze was zere vervart |
| Vnde ze gengen to den vinsterwert |
| 3490 | Vnde de moder nam er kint |
| Jn oren arm vnde ze begint |
| Maken een groet hantgeslach <24rb> |
| Lieue kint sprack zi owij owach |
| Dor dich moet ick den doet ontfaen |
| 3495 | Nochtan en hebbe ick nicht mysdaen |
| Jck en weet wo mij dat is geschiet |
| Vnde men wil des mij gelouoen niet |
| Dus moet ick steruoen myt onrechte |
| Do ze dus sprack to genen knechte |
| 3500 | Vnde ze zegede off god dat heuet gekoren |
| Dat du wordes van mij geboren |
| Dus clagede ze er grote leet |
| ¶ Dat kint zach op er vnde sprack gereet |
| Lieuoe moder en bedrouoet iv niet |
| 3505 | Ombe dat iv noch is geschiet |
| So en werdest du nicht verdaen |
| Do dat de moder hadde verstaen |
| Bezweech er dat herte· vnde al de lede |
| Er arme ontgingen er mede |
| 3510 | Vnde dat kint vel neder vnde scree |
| Do quemen de anderen vrouwen twe |
| De to den venster weren gestaen |
| Vnde zegeden wil gij dat kint verslaen |
| War ombe liete gij dat ter eerden vallen |
| 3515 | De moder zegede vor em allen |
| Vnde antworde alze de bloede |
| Dat zolde ick doen harde node |
| Mer dor een woert dat et mij zegede |
| Ontvellet mij· do spreken ze beide |
| 3520 | Wat wonder zegedet iv hijr toe |
| Twaren zegede ze dat zegede zo |
| Dat men mij hijr ombe nicht verdede |
| Et zolde noch spreken haddet stede |
| Antworden de wijff vnde myt dien |
| 3525 | Nemen ze id vnde hebbent besien |
| Vnde besochten off id wolde spreken voert |
| Mer dat en zegede nicht een woert |
| ¶ De moder sprack nv zegget schire |
| Dat men mij zal in enen viere |
| 3530 | Verbernen nv dor sinen wille |
| He en sal nicht lange zwigen stille |
| Jn oren arm nam et myt dien |
| De moder de geerne hadde gesien <24va> |
| Dat dat kint nv hadde geseget ieet |
| 3535 | De wijff zegeden do god weet |
| Dat is schade dat iv schone lijff |
| Ombe dessen leliken keytijff |
| So iamerlike wirt verloren |
| He weer bat gebleuoen ongeboren |
| 3540 | ¶ Gij lieget antworde merlijn |
| Al hiet iv de moder mijn |
| Do worden de wijff in vare |
| Vnde zegeden dat dat de duuel were |
| Dat en weer geen kint dat spreken konde |
| 3545 | Vnde er tale zo wal verstonde |
| Do spreken ze em an de twe |
| Vnde he en amtworde do nicht meer |
| Dan laet mij in <in HS: am Ende der Zeile nachgetragen> vreden staen |
| Gij hebbet zeluen meer mysdaen |
| 3550 | Dat zegge ick iv· dan mijn moder doet |
| Dit wonderde em in oren moet |
| Vnde zegeden/ dit grote wonder |
| Moet dat volck weten hijr onder |
| Wij en zolen dat nicht verhelen |
| 3555 | To eirst dat ze dat mochten gestellen |
| Quemen ze neder vnde zegeden |
| Van merline de vroemedicheden |
| So dat de richter wiste de zake |
| Dat duchte em wonder dat dit kint spreke |
| 3560 | Vnde zegede spreket he nv de knecht |
| So is dat tijt dat men ouer er richte |
| Vnde men ze voert brenge |
| Vor de schepenen in dat gedinge |
| <XV.> Wo merlijns moder vor gerichte quam |
| Vnde wo ze merlijn quijt makede |
| DE richter hete dat de schepene(n) quamen(n) |
| 3565 | Binnen viertich dagen to samen |
| Vnde er recht geuoen wt |
| Do men er dat zegede ouoer luet |
| Vnde ze wiste er leste ver |
| Do ontboet ze dat eren confessoer |
| 3570 | So lange leet ock dat de tijt genaechte |
| Dat der dage en bleuoen mer achte |
| Dat men ze brengen zolde to viere |
| Do er des gedachte wart ze schire <24vb> |
| Seer wenende ombe dat doen |
| 3575 | Merlijn genck do achter den prijson |
| Vnde sach wo zijn moder scree zeer |
| Do makede he spellicheide meer |
| De vrouwen zegeden al gemeyne |
| Nu dencket dit kint wal cleyne |
| 3580 | Dat men binnen der naesten weke |
| Sine moder sal bernen zekerlike |
| De stonde mote god verdomen |
| Dat he ter werlde zolde komen |
| ¶ Mit den dat kint to der moder gaet |
| 3585 | Vnde zegede moder nv verstaet |
| Alzo lange als ick sal leuoen |
| So en zal nyeman gerichte ouoer iv geuoen |
| Suonder god ouoer iv lijff |
| Dit hoerde de moder· vnde de ander wijff |
| 3590 | Dit kint zegeden ze kan zo wal spreken |
| Et sal noch konnen vele treken |
| Want keyser noch koning noch ammirale |
| En spreken ne zo schone tale |
| Alze merlijn sprack· dit en is gene sage |
| 3595 | Hijr binnen quam <in HS: qmam - Verschreibung> dat to den dage |
| Dat men de vrouwe aff komen dede |
| Vnde ze brachte merlijne mede |
| De schepenen vrageden den vrouwen |
| Off dat waer weer in goeden trouwen |
| 3600 | Dat dit kint wal spreken konde |
| Se zegeden bede ter seluer stonde |
| Wat tale dat ze van em hoerden |
| Em wonderde van zulken woerden |
| Vnde zegeden zo moet he voert bringen |
| 3605 | Manich woert sal he ze ontdingen |
| ¶ Do dat de schepenen hadden gesecht |
| Quam de goede man echt |
| De altoes was der vrouwen raet |
| Nu zegede een schepene de dar staet |
| 3610 | Vrouwe heb gij icht to done al |
| Keert iv ombe gij weten wal |
| Gij moten liden desse pine |
| Se zegede do al stillekine |
| Jck wil hebben des mans raet |
| 3615 | Se zegeden haestet iv vnde gaet |
| Jn ene kamer ze se sluten <25ra> |
| Vnde merlijn bleeff dar buten |
| To em so spreken vele lude |
| Dat em harde luttel dude |
| 3620 | De moder zegede al dat ze weet |
| Mit wenenden ogen gereet |
| Do ze gebijchtet hadde aldaer |
| Vragede de man off dat weer waer |
| Dat er kint wal spreken <in HS: erstes e korrigiert aus a> konde |
| 3625 | Se zegede ia· do sprack he ter stonde |
| Hijr zal groet wonder aff geschien |
| Do quemen ze voert myt den |
| Mer de vrouwe was ontcleed |
| Jn enen hemede brachte men ze geleet |
| 3630 | Vnde enen mantel ouoer er |
| Se vant er kint aldaer |
| Vnde brachtet gedragen vor dat gedinge |
| Se zegeden to er <in HS: to er übergesetzt ergänzt> zegget zonderlinge |
| We van den kinde de vader zij |
| 3635 | Se zegede· ick ze wal dat men mij |
| Verbernen sal· mer nuomber meer |
| Ontfarme mijns god onse heer |
| Off ick den vader ie gesach |
| Vnde off ock ie bij mij lach |
| 3640 | Jn genen dingen erdesch man |
| Jck en weet wo ick dit kint gewan |
| De schepenen zegeden wij en mogens niet |
| Gelouoen dat et dus is geschiet |
| Wij zolen des vragen anderen vrouwen |
| 3645 | Vnde wijs de mogen getrouwen |
| Want wij nye dar en quemen |
| Dar wij zulck wonder vernemen |
| ¶ De schepenen repen nv darto |
| Alle de anderen wijff alzo |
| 3650 | Vnde leiden ze vten ringe |
| Vnde zegeden em· dus dane dinge |
| Geschiede ne vrouwen en gene |
| Dat men weet groet off cleyne |
| Dat ie vrouwe sonder man |
| 3655 | Kint droech offte wan |
| Se zegeden dat en mach nicht gescheen |
| De vrouwe en moet mans plien |
| De kint zal dragen offte winnen |
| Alze de schepenen dat bekennen <25rb> |
| 3660 | Quemen ze dar de vrouwe was |
| Vnde zegeden dat weer gedwas |
| Dat ze em dede verstaen |
| Vnde hieten ze to den vuere gaen |
| ¶ Van oren arme spranck merlijn neder |
| 3665 | Vnde sprack to der moder weder |
| Gij en hebbet gene noet zijd onverveert |
| Do keerde he em ten schepenen wert |
| He sprack dat en wirt nicht dus schire |
| Dat mijn moder sal gaen to den vuere |
| 3670 | Want ze en heuet des nicht verdient |
| Vnde zolde gij alle uwe vrent |
| Beide manne vnde ock wijff |
| De mvsdaen hebben· nemen dat lijff |
| Bueten oren bedde genoet |
| 3675 | De twe deel zolde bliuoen doet |
| Van den genen de <in HS: hinter e angedeuteter n-Strich> hijr staen |
| Dat weet ick wal al zonder waen |
| Alzo wal alze ze dat zeluen weten |
| Des daer ick mij wal vermeten |
| 3680 | Dat ick des lijckteken weet openbaer |
| Vnde de vrouwen de <gestr.: gij> spreken daer |
| Sin sculdiger dan mijn moder is |
| Want ze gene scult en heuet des |
| Vnde dat se hijr an heuoet mysdaen |
| 3685 | Heuoet he op em ontfaen |
| Desse goede man de hijr steet |
| De al er mysdaet weet |
| Des moge gij em wal vragen |
| Alze de schepenen dat gesagen |
| 3690 | Riepen ze den goeden man daer |
| Vnde vrageden em off dat weer waer |
| De guede man zegede iaet |
| Al dat van der moder mysdaet |
| He heuoet gesecht is waerheit al |
| 3695 | Vnde is dat men er recht doen sal |
| Geschied <in HS: d korrigiert aus h> alze ze mij heuet don verstaen |
| So en heuet ze nicht mysdaen |
| Noch iegen gode noch kegen iv |
| Salmen er recht doen nv |
| 3700 | Se zegede mij in ware dinck |
| Dat ze slapende dit kint ontfinck |
| Vnde ze en wiste nicht we er dat dede |
| Se genck to bijchte vnde dede mede <25va> |
| De penitencie de men er hiet |
| 3705 | Mer ick en hoerde ne niet |
| Dat desse dinck mochten ge vallen |
| Vnde ick en gelouoedes nicht al myt allen |
| Merlijn zegede vor alle de lude |
| De wile dat er dit geschiede |
| 3710 | Hebbe gij gescreuoen vnde den dach |
| Gij weten wal welcke tijd ze gelach |
| Er leuoen is iv wal openbaer |
| De goede man zegede du zeggest waer |
| Jck en weet we dit dij dede verstaen |
| 3715 | Do haelde men de twe vrouwen saen |
| De weren dar dat kint was geboren |
| Ombe dat ze de waerheit wolden horen |
| Se zegeden welke tijd dat ze genas |
| Vnde do de tijd gerekent was |
| 3720 | Wo dat was geboren vnde ontfaen |
| De schepenen antworden saen |
| Dat en doncket ons geen recht dar bij |
| Dat desse vrouwe quijt zij |
| Want wij des nicht gelouoen konnen |
| 3725 | He en zegge ons wo he was gewonnen |
| ¶ Merlijn he waert harde gram |
| Do he desse dinck vernam |
| He zegede twaren her baliuo |
| Vele bet zo kenne ick nv <in HS: n korrigiert aus i> |
| 3730 | Minen vader dan gij doet den uowen |
| Gij en doruoet myne moder nicht verspuwen |
| Jv moder kennet bet uwen vader |
| Dan de myne den mynen/ al gader |
| Hoerden ze dit de weren al daer |
| 3735 | De richter antworde dar naer |
| Sech op myne moder echt |
| Weestu dar icht aff ick do dij recht |
| Ja ick antworde dat kint |
| Jck hebbe van er bekent |
| 3740 | Dat ze der doet heuoet bet verdient |
| Dan de myne lieuoe vrend |
| Laet myne moder in vreden wesen |
| Se en heuet nicht mysdaen in desen |
| Vnde ze en lieget iv nicht en twint |
| 3745 | De richter wart tornich op dat kint |
| Vnde sprack doestu my dit bekennen schijr |
| Du quites dine moder van den vuer <25vb> |
| Beliegestuo oeck myne moder |
| So dat ick bin de vroder |
| 3750 | Jck sal dij doen bernen vnde de dine |
| Dat en sal nicht zijn dat de myne |
| Sprack merlijn· zal zijn verbrant |
| Alzo lange als men my leuendich kant |
| Somelijc maket em vroet vnde harde reyne |
| 3755 | He vnde zijn moder gemeyne |
| Weren beter van den liuoe |
| ¶ Men nam verste der dage viuoe |
| De richter dede zine moder halen |
| Vnde he geboet in korter talen |
| 3760 | Luden den he dorste betrouwen |
| Dat kint to holdene vnde zine vrouwen |
| Ock wachte he ze zeluen wal |
| Vor merlijne was manige tale |
| Van ziner moder dar binnen vertrecket |
| 3765 | Vnde oeck ander dinck ontdecket |
| Mer ze en mochten ene nicht doen spreken |
| Jn vijff dagen myt genen treken |
| Vor dat des richters moder quam |
| Vnde alze merlijn dat vernam |
| 3770 | Dat ze was komen dede men ene saen |
| Vnde zine moder vet den prisone gaen |
| Vnde komen doen vor dat gerichte |
| De richter sprack to den knechte |
| Wat zegges du dit is mijn moder |
| 3775 | Merlijn sprack gij menet vroder |
| Vele wesen dan gij zijd |
| Leidet ze en wech in corter tijt |
| Dar dat heymelick is· vnde uwen raet |
| Vnde myne moder de hijr staet |
| 3780 | Vnde oren raet sal ick dar bringen |
| Dat is got de weet van allen dingen |
| Vnde dar to desse goede man |
| Sere em wonderne began |
| Do he desse tale brachte voert |
| 3785 | Se dorsten kuome spreken een woert |
| De richter zegede wal aldaer |
| Dat em dat kint zegede waer |
| Merlijn zegede mach ick nv |
| Mine moder quiten kegen den baliuo |
| 3790 | Darff ze ontseen dinck anders en gene <26ra> |
| Neen· riepen ze algemeyne |
| Ontgaet ze nv van dessen mane <in HS: e übergesetzt ergänzt> |
| Er en spreket nyeman an |
| ¶ Dus gengen ze in de kemenade |
| 3795 | De richter myt sinen rade |
| Dat is zijn moder vnde ze twe |
| Mertijn quam vnde nyeman meer |
| Mit em dan de goede man |
| Vnde zijn moder dar dat ombe began |
| 3800 | Vnde do de baliuo was beraden |
| Sprack he to merline myt staden |
| Segget op myne moder dat du wolt |
| Vnde wo du de dine quiten zolt |
| Merlijn zegede op de dine |
| 3805 | Ne zegge ick nicht waer bij de myne |
| Quijt van dij solde gaen |
| Weer dat ze ieet hadde mysdaen |
| Want kegen recht wil ick nicht spreken |
| Godes recht laet ick node breken |
| 3810 | Wante wetet vorwaer dat ze der doet |
| Verdient en heuoet cleyne off groet |
| Gij lieten ze quijt dede gij wal |
| Vnde en vraget vander uwer/ vorder nicht al |
| ¶ Neen sprack de baliuo zonder waen |
| 3815 | Aldus en zole gij nicht ontgaen |
| Gij moten ander zaken toegen |
| Merlijn sprack vor zinen ogen |
| Gij zolt myne moder laten gehermen |
| Dat zegede he mochte he ze beschermen |
| 3820 | Vnde op de uwe dit prouen nv |
| Dat is waer zegede de baliuo |
| Want wij komen horen vnde scouwen |
| Wat du wilt zeggen op myne vrouwen |
| Merlijn sprack ia en holde gij nicht dan |
| 3825 | Mine moder ombe dat ze my wan |
| Jn keuoesdome vnde nicht in echte |
| We mijn vader was myt rechte |
| Se <gestr.: zolde - in HS: l übergesetzt ergänzt> zolde dat bet weten wolde ick dan |
| We he was de my wan |
| 3830 | Dan du dinen vader kennest |
| Vnde dijn moder de du zo mynnest |
| Solde bet nomen dan de myne |
| Dinen vader al stillekine <26rb> |
| ¶ De richter zegede lieuoe vrouwe |
| 3835 | Den manne den gij geuoen trouwe |
| Was dat de gene nicht de my wan |
| Lieuoe zone we zolde dat wesen dan |
| Dan mijn here de dar is doet |
| Merlijn zegede· vrouwe al bloet |
| 3840 | Mote gij de waerheit doen verstaen |
| Sal men ons quijt laten gaen |
| Jck lietet aldus wolde dat iv zone gedoegen |
| De richter zegede gij moten togen |
| Van mijnre moder de waerhelt |
| 3845 | Merlijn zegede al dit gepleit |
| Dat gij dar an winnet holt al bloet |
| Gij menet dat iv vader is doet |
| He leuoet noch oerkonde uwer vrouwen |
| Den anderen wonderde des de dat scouwen |
| 3850 | Vnde merlijn sprack zegget uwen zone |
| Vrouwe we he was de gene |
| Se zegende er als de gram was |
| Wat zegge gij zegede ze sathanas |
| Jo weet ick dat wal· merlijn zegede |
| 3855 | Gij weten wal vor waerheide |
| Dat ene de man nicht en wan |
| De vrouwe zegede zech we dan |
| Dat was de pape zonder gijle |
| To lijctekene dat to der zeluer wijle |
| 3860 | Do he ton eirsten myt iv was |
| Dat gij zegeden gij vruchtet das |
| Dat gij wenet eyn kint ontfaen |
| He zegede vrouwe laet dit staen |
| Van my en werde gij nicht bezweert |
| 3865 | Want he was altoes verveert |
| Dat iv een ander zolde bezwaren |
| Hijr ombe bescreef he dat twaren |
| Welke tijt dat he myt iv was |
| Jck en liege iv nicht zijt zeker des |
| 3870 | Vnde gij weren ouoele myt uwen mane <in HS: e übergesetzt ergänzt> |
| Do men dessen sone an iv wan |
| Dat gij nicht vele do bij em en leget |
| Vnde gij ouoer em do claget |
| Vnde zegeden gij drogen bij em kint |
| 3875 | Dit en is logene nicht een twint |
| Vnde gelouoet gij des nicht hijr mede |
| Jck zegges iv meer al hijr to der stede <26va> |
| ¶ O wy wo gram was de baliuo |
| Sijn moder sprack gelouoet gij nv |
| 3880 | Lieuoe zone dessen viande |
| Merlijn sprack alto hant |
| En gelouoet gij des nicht bij dessen saken |
| Jck zal iv des harde wal vroet maken |
| De vrouwe ze antworde saen |
| 3885 | Jck weet wal wat ick hebbe gedaen |
| So do ick oek/ nv hoert dar naer |
| Do gij dit kint drogen hadde gij vaer |
| Vnde beden den papen dat he den vrede |
| Gestedelike wesen dede |
| 3890 | Tuschen iv vnde uwen here |
| Ombe to decken iv onnere |
| Vnde do he den vrede hadde beiaget |
| Dede dat gij to samene laget |
| Dus dede gij uwen manne verstaen |
| 3895 | Dat gij dat kint van em hadden ontfaen |
| Aldus menden dat alle de lude sint |
| Vnde desse weende wal wesen zijn kint |
| Dit leuoen hebbe gij lange geleit |
| Vnde noch doet· hoert wat ick des weet |
| 3900 | Des nachtes do gij her <in HS: h korrigiert aus b> solden tijden |
| Do lach he bij uwer ziden |
| Des morgens genck he myt iv een stick |
| Vnde wat he zegede dat weet ick |
| Al lachgende sprack he lude vnde stille |
| 3905 | Doet al dat mijn zone wille |
| Want he weet wal dat he is zijn zone |
| Bij zinen gescriffte· do ze dat gene |
| Hoerde dat he zegede waer |
| Vel ze neder vnde hadde vaer |
| 3910 | Se wiste wal ze moste geen |
| De richter heuet dit geseen |
| Vnde zegede moder ick bin iv kint |
| So wal vader gij my to sint |
| Guoet kint bliue ick iv omber meer |
| 3915 | Genade zegede ze omb onsen heer |
| Jck en mach des gelochenen geen |
| Alzo he dat zeget is dat gescheen |
| ¶ Pardeuo zegede de baliuo |
| Dit kint zegede de waerheit nv |
| 3920 | Et wiste zinen vader bet |
| Dan ick den mynen· dat en is gene wet |
| Dat ick zine moder wise to den vuore <26vb> |
| Jck en verberne de myne ock schire |
| He zegede to den kinde· nv bidde ick dii |
| 3925 | Dat du my zegges we dijn vader zij |
| Ombe dat ick dij mach dar bij ontsculden |
| Vor den luden/ omb dine hulden |
| Do ick dat meer dan dor bedwanck |
| Sprack merlijn al zonder wanck |
| 3930 | So was mijn vader eyn viant |
| Dar he myne moder slapende vant |
| Was he myt er gelouoet my des |
| ¶ Vnde zulke hetet men aguipedes |
| Desse duuele des mach men my gelou+uen |
| 3935 | Wonen in der lucht hijr bouoen |
| Vnde omb dat my een duuel wan |
| So gedogede onse here dar an |
| Dat ick hebbe oren zin |
| Vnde er liste meer noch myn |
| 3940 | Vnde ick weet dat geleden is |
| Vnde van myner moder zijd zeker des |
| Dor de doget de an er was gevonden |
| Vnde de berouwenisse van oren zonden |
| Vnde ombe den afflaet de er dede |
| 3945 | Desse goede man ock mede |
| Ombe der hilgen kerken gebode |
| De ze helt vnde gelouoede an gode |
| So heuoet my god gegond des |
| Dat ick weet wat dar gescheen sal/ des |
| 3950 | Dit machstu prouoen nv ten tijde |
| He nam den baliuo ouer ene zijde |
| Vnde zegede dijn moder de zal gaen |
| Vnde zeggen dit dinen vader saen |
| Alle gader dat hijr is gescheen tor stont |
| 3955 | Vnde als he weet dat et dij is kont |
| Sal he van herten zijn versaget |
| Vnde vleen off he weer geiaget |
| De duuel den he heuoet gedient |
| Sal ene leiden alze zinen vrent |
| 3960 | Dar he em verdrenken sal |
| Hijr bij merke dat ick <gestr.: dat> weet al |
| De zake de zolen gescheen |
| De baliuo antworde myt dien |
| Js dit waer ick sal dij bij mijnre wet |
| 3965 | Ombermeer gelouoen de bet <27ra> |
| ¶ Quijt scolt de richter merlijne |
| Vnde dar to de moder zine |
| De mere was vor den volke vor hoelt |
| Desse zegede he hefuoet wal vortaelt |
| 3970 | Mit schoner rede zine moder |
| Vnde weet ock wal dat geen vroder |
| Jv nuomber meer to zene steet |
| Na den dat ick de waerheit weet |
| ¶ Dat volck riep al myt vlijte |
| 3975 | Got hebbe des danck dat ze is quijte |
| De richter sende zine moder hene |
| Vnde boden mede de al dat gene |
| Prouoeden dat dat kint dede verstaen |
| Do ze was komen alzo saen |
| 3980 | Segede ze den papen al de woerde |
| He wart versaget do he dat hoerde |
| Vnde vlo van groter schame |
| He dachte alze de richter queme |
| Dat he ene zolde doen verslaen |
| 3985 | Alze he was vet der poerten gegaen |
| Quam he to hant op ene riuoeer |
| Vnde zegede my is beter dat ick schier |
| Verdrinke dan he my doden zal |
| To laster desser werlt al |
| 3990 | Dus leidene de duuel eer ieet lanck |
| Dar he em zeluoen verdranck |
| ¶ De myt der vrouowen weren gesent dar |
| Stonden vnde zegen al dat vorwaer |
| Dit boeck zecht al is een erre |
| 3995 | Dat he den luden nicht ontferre |
| Vnde alze de boden weder quemen |
| Segeden ze dat ze vernemen |
| Vnde dat de pape verdronken was |
| Den richter hadde groet wonder das |
| 4000 | Vnde merlijn lachgede do vnde zegede |
| Merke en zegede ick dij nicht waerhede |
| Nuo bidde ick dat du dat zegges dan |
| Blasise den goeden man |
| Blasijs hiet he de altoes hoeder |
| 4005 | Hadde gesijn van merlijns moder |
| He vortelde em wo dat was geschiet |
| Mit den papen vnde anders niet |
| ¶ Blasijs genck to hues myt der vrouwen |
| De quijt was van groten rouwen <27rb> |
| 4010 | Vnde merlijn genck myt den baliuo |
| Desse blasijs zegge ick iv |
| Was een harde duoer clerck |
| Vnde he bescreef ons eirst dit werck |
| ¶ Desse redene merkede blasijs wale |
| 4015 | Vnde vernam al merlijns tale |
| De mer derdehalff iaer was olt |
| Wonder hadde he des menichfolt |
| Wannen em quam de grote zin |
| He prouoede ene zere in dat begin |
| 4020 | So lange dat em merlijn hiet |
| Blasijs en prouoet my niet |
| Dij zal des wonderen io lanck io meer |
| Mer do dat ick dij leer |
| Jck sal dij wisen lichtelike |
| 4025 | To gewinnen dat hemelrike |
| Blasijs zegede ia en zegedes du nicht |
| To my dat dij de duuel wan |
| Vnde dat donket my wesen waer |
| Hijr ombe hebbe ick grote vaer |
| 4030 | Dat du my ienige wijs willes honen |
| Merlijn sprack aldus zo kronen |
| Quade lude vnde hebben hoede |
| Meer vor dat quade dan vor dat goede |
| Eynen hoepe heb ick dij gesecht |
| 4035 | Alzo als ick hebbe gesecht |
| Dat de duuel was mijn vader |
| So zegge ick dat ny god al gader |
| Gaff dat ick mach vor zeen |
| Alle dinge de zolen gescheen |
| 4040 | Vnde bistu wijs proeff vnde merke |
| Na welken leuoene ick meest werke |
| Vnde merke dar an do my god <in HS: gond - d korrigiert aus n und d radiert> gonde |
| Dat ick zulke zaken konde |
| Dat ick den duuelen bin ontgaen |
| 4045 | Nochtan weet ick zonder waen |
| Oren zin· vnde ick holde |
| Van em dat ick holden zolde |
| Dat en zal em nicht gehelpen konnen |
| Dat ze my an myne moder wonnen |
| 4050 | Weren ze dul· want dat vat |
| Dat ze menden hebben gehat |
| Dat is al verloren bleuoen |
| Dor myner moder reyne leuoen <27va> |
| Mer hadden ze my an ene quade |
| 4055 | Gewonnen· zo zolde groet schade |
| Vnde er wille hebben geschiet |
| Vnde zo en wiste ick van gode niet |
| Van em quam al leet myner moder |
| Van oren zustern van oren broder |
| 4060 | Van orre moder van oren vader |
| Mer holt dij an my al gader |
| Jck zal dij zeggen dat neman en weet |
| Sonder god daer dat al an steet |
| Vnde scriuoet ons in ene hystorie |
| 4065 | De dar an leggen er memorie |
| Se zolen vele de bet gevroeden |
| Vnde em de meer van zonden hoeden |
| Dus zette dij to der bester wijs |
| ¶ Dat do ick gerne zegede blasijs |
| 4070 | Mer bij den vader mane ick dij |
| Vnde bij den sone ock dar bij |
| Vnde bij den hilgen geeste gereet |
| Alzo waerlike als ick wal weet |
| Dat een god zin desse dre |
| 4075 | Vnde bij der vrouwen mane ick dij |
| <in HS: an dieser Stelle durch Streichung getilgte Zeilen, die den Versen 4071-4075 entsprechen> |
| Dar ihesus cristus aff is geboren |
| Vnde dar to bij den negen koren |
| Der engele· de mit gode resten |
| Bij den apostelen bij den ewangelisten |
| 4080 | Bij mertelaren bij confessoren |
| Bij allen megeden verkoren |
| Bij allen santen vnde santtinnen |
| Vnde bij em allen de gode mynnen |
| Vnde bij den mesters der hilgen kerken |
| 4085 | Vnde bij leken vnde bij clerken |
| Vnde bij al onses heren creatuoren |
| Dat du my nicht en hones ter vren |
| Vnde my nicht en does in genen rade |
| Sake de ick iegen gode dade |
| 4090 | ¶ Merlijn zegede al de woert <27vb> |
| De ick van dij nv hebbe gehoert |
| Al hijr to der stede nv nomen |
| Moeten mij omber meer verdomen |
| Off ick dij rade voert omber meer |
| 4095 | Dinge de zin iegen onsen heer |
| He zegede zo zech dat dij goet duonket |
| Merlijn zegede· gewinne ons enket |
| Vnde zet ons nv in dat perkement |
| De zake de nyeman en bekent |
| 4100 | ¶ Schire zo was dat gedaen |
| Vnde merlijn hete em scriuoen zaen |
| De mynne van der schoenre marien |
| Vnde van josepe van aramathien |
| Alze men hijr vor hoerde tellen |
| 4105 | Vnde van aleyne vnde sinen gesellen |
| Wo dat ze de vader lieet |
| Vnde wo peter dannen schiet |
| Vnde wo joseph bezitte den grael |
| Vnde dat bloet mede in dat vromde vael |
| 4110 | Vnde wo de duuele weren bedacht |
| Dat ze verloren hadden er cracht |
| De ze hadden ouoer den man |
| Vnde van den gedinge ock voert an |
| Dat ze hadden myt groten rouwen |
| 4115 | Tegen marien onser zoeter vrouwen |
| Ombe de zielen de em weren behieten |
| Vnde wo ze clageden ouoer de propheten |
| Ombe dit wolden ze enen man visieren |
| De konnen zolde er manieren |
| 4120 | Sprack merlijn· vnde makeden mij |
| Alze mijn moder vortellede dij |
| Se deden er manich leet |
| Mer bij der dulheit de em besteit |
| Verloren ze mij vnde al vervaren |
| 4125 | Dus visierde merlijn twaren |
| Dit werck· vnde dede dar ombe onderzoek |
| Dar ombe zo hetet merlijns boeck |
| ¶ Blasijs hadde des wonder in sinen moet |
| Jdoch zo dochtet em wesen goet |
| 4130 | Vnde zette dar an zine memorie |
| Do ze gevisiert hadden desse hystorie |
| Sprack merlijn vor sinen ogen |
| Du moest grote pine doegen <28ra> |
| Hijr aff vnde ick zal de mere dragen |
| 4135 | Blasijs de begonde em vragen |
| War bij· vnde wo· do sprack merlijn |
| Jck zal van westen gesocht zijn |
| Vnde de mij zolen zoeken zeer |
| Hebben gelouoet oren heer |
| 4140 | Dat ze my nemen zolen dat lijff |
| Vnde brengen mijn bloet sonder blijff |
| Eme· mer to eirst dat ze mij zeen |
| Vnde spreken· zo en zal des nicht geschien |
| Jck zal myt em hinne varen |
| 4145 | Vnde du zalt hene gaen twaren |
| Dar dat volck is van den grale |
| Vnde dijn boeck zal to elken male |
| Lieff zijn de dar meer aff visieert |
| Vnde he en wirt nicht gecalegiert |
| 4150 | Want nicht een zin der apostele woert |
| Se en scriuen dat ze hadden gehoert |
| Vnde dat ze zegen vnde anders niet |
| Mer dat en is mij nicht geschiet |
| Anders dan ick dat dij hebbe vertrecket |
| 4155 | Alzo als ick bin bedecket |
| Dar ick wille to elker stede |
| Alzo wirt desse hystorie mede |
| Vnde luttel ieman zal er gewagen |
| Alze ze volmaket is zaltu ze dragen |
| 4160 | Jn dat lant dar du hene zalst tijden |
| Vnde ick moet myt den genen rijden |
| De schire zolen zoeken my |
| Vnde dan kome ick weder to dij |
| Vnde alze du dit heuoest vollend |
| 4165 | Saltu zijn in er couoent |
| Vnde samelen dinen boeck in den oren |
| Dus wirt onse pine groet twaren |
| Alze ze dit hebben· zolen ze to merre |
| Vor ons bidden onsen herre |
| 4170 | Twe boeke zin er nv myt desen |
| Dit zal een schone boeck wesen |
| Vnde beyde spreken van ener zaken |
| Nu moet ick ander ieesten maken |
| <XVI.> Wo vtegier koninck wolde werden· |
| Vnde hier begint dat derde boeck <28rb> |
| IN dessen boke zule gij verstaen |
| 4175 | Van groten stride zonder waen |
| Want engelant hade manich iaer |
| Gestaen dat lestmen ons vorwaer |
| Eer de koninge worden kristin |
| Mer al de koninge de hebben gezijn |
| 4180 | En staet mij nicht to brengene voert |
| Sonder de to der hystorien hoert |
| De alle de koninge wille weten |
| De dat lant to voren hadden beseten |
| Vnde er verlues vnde er waengen |
| 4185 | He lese de hystorien van britaengen |
| De brutus boeck geheten is |
| Meyster mertijn zijt zeker des |
| Van rore dichtede dat vet den latijne |
| Jn dat romans myt ziner pine |
| 4190 | Dar inne vint he desse historie gans |
| Eyn koninck was· vnde heet constans |
| He was lange koninck lestmen mij |
| He hadde schoner zone dre |
| He dede den oldesten hieten doen |
| 4195 | Moynes den anderen pandragoen |
| Vnde voter was de derde genant |
| Dar was een man in constans lant |
| De was geheten vtegier |
| Eyn stolt ridder vnde een fijr |
| 4200 | Vnde wiste der werlde wijsheit wal |
| Constans was olt vnde <in HS: radiertes s oder f> vol |
| Jn ene zueke vnde bleiff doet |
| Mit den was dar de twiuel groet |
| Wen dat men koninch maken zolden |
| 4205 | Do drogen ouoer een de olden |
| Ombe dat moynes de oldeste weer |
| Dat men ene koninck koes aldaer |
| Al was he ionck dat en weer nicht schone |
| Geuoe men ieman anders de krone |
| 4210 | ¶ Dit louoede mede vteger |
| Men wijgede ene koninck lestmen hijr |
| Vnde makeden vtegier drossate |
| Nu was dar stolt volck vtermate |
| Heiden· vnde de hieten sennes |
| 4215 | Vnde ze plegen dickewile des |
| Dat ze op de cristenen vochten <28va> |
| Vnde den koninck in schaden brochten |
| Vnde vtegier dede myt den rijke |
| Sinen willen want zekerlike |
| 4220 | De koninck moynes was nicht olt |
| Vnde dat volck was vteger holt |
| He wiste wal dat men ene hielt vroet |
| Des verhoeff he em in zinen moet |
| Vnde sprack eens myt zinen monde |
| 4225 | Dat he em strides nicht onderwonde |
| Want he wal ock wiste mede |
| Dat nyeman en mochte doen dat he dede |
| ¶ Dus dede he em vt den twisten |
| Als de heidenen dit wisten |
| 4230 | Dat he den strijt hadde gelaten |
| Nemen ze groet volck vtermaten |
| Vnde quemen op den koninck schijre |
| De koninck clagede dat vtegiere |
| Vnde zegede helpet ons holden dat lant |
| 4235 | Wij hebben manigen viant |
| Dit lant staet al tot uwen gebode |
| Vtegier sprack bij gode |
| Jck var hen myner straten |
| De anderen helpen iv de mij haten |
| 4240 | Want my nyeman gebidden en kan |
| Dat ick my icht kere dar an |
| ¶ Vteger de antworde alzo |
| Des de koninck harde onvro |
| Vnde de anderen de dar hoerden to |
| 4245 | De koninck nam zijn her do |
| Vnde quam kegen de heidine |
| De sennes verwonnen de sine |
| Des hadden de cristenen torn |
| Vnde zegeden wij hebben vele verloren |
| 4250 | Dit en weer ons nicht geschien al hier |
| Hadde myt ons gewesen vtegier |
| ¶ Dus begonden ze den koninck haten |
| Lange stont dit vtermaten |
| So dat ze zegeden de koninck is quaet |
| 4255 | Wij en gelijden nicht dat dit dus gaet |
| Do quemen ze to den drossate |
| Vnde zegeden lange vtermate |
| Hebbe wij gewesen sonder heer <28vb> |
| Se zegeden desse en doech myn noch meer |
| 4260 | Weset onse here want dar en is geen man |
| De dit bet volbrengen kan |
| He zegede dat ne mach nicht zijn |
| Alzo lange alze leuoet de here mijn |
| Se zegeden beter weer ons vele |
| 4265 | Verliepe em de doet zine kele |
| Vtegier zegede weer he doet |
| Vnde wolden dan de genoet |
| Jck wolde dan koninck wesen |
| Se hoerden wal spreken desen |
| 4270 | Vnde dachten wat dat mochte beduden |
| Mit den ze alle danne schieden |
| Schire ze to lande quamen |
| Vnde berieden em to samen |
| Een was dar de de tale zegede |
| 4275 | De em vtegier to voren legede |
| Do zegede dar een to hant zaen |
| Dat is best dat wij ene doet slaen |
| So mach de drossate merken des |
| Dat he bij ons dan koninck is |
| 4280 | Dan sal he em an ons keren |
| Dus moge wij werden grote heren |
| Do nemen ze em twelue saen |
| De eren koninck doet zolden slaen |
| ¶ Desse twelue zin nv komen |
| 4285 | Dar ze oren koninck hebben vernomen |
| Beide myt zwerden vnde myt kniuoen |
| Liepen ze oren heren ontliuoen |
| Vnde ze hadden ene to hant verslagen |
| Want dar nyeman en street kegen |
| 4290 | To vtegier quemen ze myt den |
| Vnde zegeden nv zalt geschien |
| Dat gij zult wesen here groet |
| Want wij hebben den koninck doet |
| Alze dit vtegier vernam |
| 4295 | Do liet he off he were gram |
| Vnde zegede gij deden quaetheit groet |
| Dat gij slogen uwen heren doet |
| Vliet henen dat is mijn raet |
| Dat iv dat gerichte nicht en verslaet |
| 4300 | Mij is leet dat gij hijr zijt <29ra> |
| Se ruomeden dat hues to der zeluoen tijd |
| ¶ Dus bleef de koninck moynes doet |
| Do versamelden em de genoet |
| Ombe to kiesene enen heer |
| 4305 | Vtegier als ick zegede eer |
| Hadde er meest de em to horen |
| Dus waert he koninck dar gekoren |
| ¶ Twe goede man weren ginder |
| De hilden de twe ander kinder |
| 4310 | Vter vnde pandragone |
| Do ze vernemen van dessen doene |
| Dat men vtegier koninck koes |
| Se gedachten dat moynes verloes |
| Sijn lijff bij sinen valschen rade |
| 4315 | Elck vragede anderen wat he best dade |
| Na den sprack de ene dat he ene versloech |
| Vnde als he mechtich is genoech |
| Sal he desse doden beide gader |
| Wij mynneden constante oren vader |
| 4320 | He goedede ons myt schonen lene |
| Wij mynnen de kinder/ al zin ze clene |
| Dat is quaet late wij ze doet slaen |
| Alze wij ze in hoede hebben ontfaen |
| ¶ ouoer een drogen ze beide doen |
| 4325 | Dat ze vt den lande ontfloen |
| Vnde de kinder myt em beide |
| Ten oestenwert voren ze gereide |
| Want dannen weren ze geboren |
| Dus zin ze gevloen to voren |
| 4330 | Vnde nuombermeer en spreke ick dar van |
| Eer my de historie brenget dar an |
| Mer dat zegge ick iv zonder sparen |
| Se weren gevloen twaren |
| Tote atens in ene poert |
| 4335 | De men borges nomen hoert |
| Dar weren ze lange inne gevoedet |
| Elck man merke ite dat qevroedet |
| Dat men nicht verliesen en kan |
| Dat men doet dorch goeden man |
| 4340 | ¶ Bij desser tale prouoet myt der vart |
| Dat vtegier do koninck wart |
| Do he gewijget was koninck mit vreden <29rb> |
| Quoemen to em de gene de dat deden |
| Van den koninck moynes den moert |
| 4345 | He dede ze vaen vnde brengen voert |
| Mer he makede eirst samblant |
| Off he ze nicht en hadde bekant |
| Dor ons zegeden ze heb gij desse eer |
| Dor iv sloge wij onsen heer |
| 4350 | He zegede gij hebbet iv zeluen bedrogen |
| Dat gij den konninck hebbet geslagen |
| So zolde gij mij ock hadde gij des macht |
| Jck zal my des hoeden heb ick geacht |
| Here zegeden ze dor uwen vromen |
| 4355 | Sin wij to dessen schaden komen |
| De koninck sprack ick zal iv leren |
| Wo men zal eren dusgedane heren |
| He nam ze alle twelue to samen |
| Vnde bant ze an perde bij den hamen |
| 4360 | Vnde slepede ze in zo manigen stuecken |
| Dat men ze nicht en konde gemicken |
| ¶ De he verdede aldus myt crachte |
| Lieten een harde groet geslechte |
| De quemen to vtegier dar achter |
| 4365 | Vnde zegeden· koninck groten laster |
| Heb gij ons gedaen hijr mede |
| Dat men onse mage aldus verdede |
| Wij en dienen iv geerne nuomber meer |
| Alze se em droweden aldus zeer |
| 4370 | Wart vtegier verirret dar kegen |
| Vnde zegede dat en weer dar ze zwegen |
| Dat zelue dede he em gereet |
| Se spreken alze de ene hadden leet |
| Du zalt ons drouwen vtegier |
| 4375 | Alzo vele als dij voget hijr |
| Mer op dat onse vrende vnde onse maege |
| Geduoren· du zalt alle dage |
| Strijt genoech hebben vnde rouwe |
| Wij voten ons hijr diner trouwe |
| 4380 | Want du en bist nicht de gerechte heer |
| Vnde dat lant en bestaet dij myn noch meer |
| Dv holdes dat kegen recht vnde kegen gode |
| Vnde weet ock wal al zulker dode |
| Saltuo steruen als onse vrent |
| 4385 | Want du heuoest des wal verdient <29va> |
| Se gengen dannen· als he vernam |
| Dat drouwen wart he gram |
| He en mochte dar nicht ombe doen een haer |
| Want he en hadde de macht nicht daer |
| 4390 | Constans lant dat lestmen hijr |
| Hilt dus lange vtegier |
| Mer hijr aff quam dat· dat de baroene |
| Tegem em weren in allen doene |
| Vnde ock kegen em vochten |
| 4395 | Want ze groet volck kegen em brochten |
| Vnde verorlogeden zijn rijke |
| Vnde roueden dat geweldelike |
| Dus hilt he lange stont de lande |
| Vnde vacht kegen zine viande |
| 4400 | So lange dat he ze alle verwan |
| Do wart he quaet op zine man |
| Vnde op zine gemeyne diet |
| Do en wolden ze dat langer liden niet |
| Vnde streden kegen em gemeynlike |
| 4405 | Vnde nemen em vele van sinen rijke |
| Vnde zetten em an myt alder cracht |
| Vnde vtegier heuoet em bedacht |
| Dat he schade zolde hebben des |
| Vnde ontboet tot an de sennes |
| 4410 | Dat he wolde maken vrede |
| Se weren blide dat men dat dede |
| ¶ Eyn senne was dar de hete angwis |
| De myt den koninge ontfangen is |
| De deynde den koninge lange tijt |
| 4415 | Den makede he here ouer den strijt |
| He zegede here ick zegget dij gereet |
| Dat dij dijn volck heuet leet |
| Vnde ock zegede he em ander tale |
| De men nicht en kan vertrecken wale <in HS: e übergesetzt ergänzt> |
| 4420 | Vnde ock zegede he em dar to |
| Waer bij dat weer vnde ock wo |
| Vnde vtegier nam angwis dochter |
| Des weren em de sennen de sachter |
| Vnde wat angwis noch meer dede |
| 4425 | Ne vertelle ick al nicht hijr ter stede |
| Mer de kristenen weren des gram |
| Dat vtegier sine dochter nam |
| Vnde vele lude zegeden dar aff <29vb> |
| Dat he ziner ee vele begaff |
| 4430 | Ombe dat zijn wijff heiden was |
| Vtegier prouede wal das |
| Dat ene zine lude nicht en mynden |
| He gedachte van constans kinden |
| Al weren ze veren wech geholden |
| 4435 | Dat ze noch weder komen zolden |
| He wiste wal quemen ze to lande |
| Dat dat weer ombe sine schande |
| Vnde dachte dat he maken wolde |
| Eynen torn to sinen beholde |
| 4440 | Den nyeman gewinnen mochte |
| Vnde dat men steen mester brochte |
| De maken zolden zulke stene |
| Dat ene en wonne man en gene |
| <XVII.> Wo vteger eynen toern dede maken·· |
| Vnde wo men merlijne/ voer zoken·· |
| NV dede vtegier alto hant |
| 4445 | Jn ene stede brengen kalck vnde sant |
| Vnde hiet dat werck bestaen |
| Mer bouoen de eerden en quemen ze ne |
| Meer dan veer vademe offte dre |
| 4450 | De eertbeuoene en was dar alzo groet |
| Dat de torn al neder schoet |
| Alze off he al gader zinken zolde |
| Des en lieten ze nicht alzo holde |
| Alze dat schudden was vergaen |
| 4455 | Se en hebben dat werck weder bestaen |
| Se makeden dat dicke· mer de torn brack al |
| Vtegier de sach dat wal |
| Dat de torn dus moste glijden |
| He zegede he en konde nicht verblijden |
| 4460 | Eer he wiste waer bij dat weer |
| Vnde dede ontbeden na vnde veer |
| Sine wijsen lude al bij sonder |
| Vnde zegede em al dat wonder |
| He bat dat men em gerede |
| 4465 | Do zegede alle zine lude |
| Here dat en mach nyeman weten |
| He en sy goet clerck vermeten <30ra> |
| Want in eren boken staet |
| Dat ons to kennen weer quaet |
| 4470 | De koning zegede gij zegget waer |
| Den wisesten clercken ontboet he dar |
| Vnde zegede em van den toerne al bloet |
| Des hadde em allen wonder groet |
| ¶ He nam de wijsesten dar alleyne |
| 4475 | Vnde zegede wete gij dinck en geyne |
| War bij mijn toern nicht en staet |
| Jck bidde iv dat gij geuoen raet |
| Vnde zegget my wat den toern let |
| En zegge gij des nicht ick bliue ontset |
| 4480 | Do em de koninck dit hadde gesecht |
| Se zegeden ze en wisten des nicht |
| Mer hijr zint zulke de konnen zeen |
| An sternen waer bij dat mach gescheen |
| He zegede zoeket onder iv luden |
| 4485 | Waer bij de dit konnen beduden |
| Dat mijn toern nicht en staet |
| Vnde geuoet my den besten raet |
| ¶ Elck vragede den andern off he icht wiste |
| Enege dinck van gener liste |
| 4490 | Vnde twe de treckeden em dar voert |
| Vnde zegeden wij hebben gehoert |
| Genoech wene wij van desser aert |
| So lange dat er zeuoene wart |
| Den koninge togede men de zeuoene |
| 4495 | He vragede em bij oren leuoene |
| Offte ze zolden weten wal |
| Waer bij de torn so dicke vel |
| Ja wij zegeden ze zoldet ieman weten |
| De koninck heuet em vermeten |
| 4500 | Oren willen al to geuoene |
| De raet schiede mer de zeuoene |
| Bleuoen dar myt den koninge |
| Vnde pijnden om desse dinge |
| Vnde studeerden al gemeyne |
| 4505 | Mer ze en vonden sake mer eyne |
| Vnde ze en was groet noch cleyne |
| Nicht een twint van genen steyne |
| Des weren ze alle to ongemake |
| Vtegier hiet haesten de zake |
| 4510 | Vnde dede de clercke vor em komen |
| Vnde zegede wat heb gij vernomen <30rb> |
| Se zegeden dat is ene grote dinch |
| Dat du an ons zokest here koninck |
| Beide noch achte dage wij en willen nicht meer |
| 4515 | De koninck sprack dat do ick eer |
| Seet dat gij mij zegget dan |
| To rade gengen de zeuoen man |
| De ene zegede wete gij heren |
| Waer hen de zake mogen keren |
| 4520 | ¶ De wijseste sprack komet alle gemeyne |
| Elck na anderen to my alleyne |
| Vnde zegget my wat gij hijr aff wist |
| Jck en openbaer iv anders nicht |
| Gij en willet dat dan alle raden |
| 4525 | Se zegeden dat ze dat gerne deden |
| Elck genck allene to den clerck |
| Vnde he vragede ombe dat werck |
| Alle spreken ze gemene |
| Wij en weten nicht van den stene |
| 4530 | Eyn ander dinck ze wij twaren |
| Dat eyn kint van zeuoen iaren |
| Geboren is zonder eerdeschen vader |
| Dit zegeden de zesse alle gader |
| Vnde als he dit hadde gehoert |
| 4535 | Comet alle zesse zegede he· voert |
| Se quoemen vnde he sprack tor stonde |
| Gij spreket alle vet enen monde |
| Want gij zegget alle gemene |
| Dat gij nicht en weten van den stene |
| 4540 | Al myt alle nicht een twint |
| Vnde dat geboren is een kint |
| Van zeuoen iaren zonder eerdeschen vader |
| Dat is nicht dat gij zegget alle gader |
| Mer ick zegget gelouet des my |
| 4545 | Dat hijr neman en zij |
| He en sach dat em zonder blijff |
| Dat kint zolde nemen dat lijff |
| Oeck zegge ick dat zelue alze gij |
| Vnde dit heb gij gezwegen my |
| 4550 | ¶ Do zegede de ene doet mynen raet |
| Gij beholdet dat lijff wo dat gaet |
| Vnde dat donket my wesen goet |
| Nu zegget wat men dan best doet |
| Gij hebbet geseen al dat wij zegen |
| 4555 | Helpet ons onse lijff ontdregen <30va> |
| De gene sprack verstaet mij wale <in HS: e übergesetzt ergänzt> |
| Laet ons zeggen al ene tale |
| Dat de torn nicht en mach staen |
| Jn dat fondament en zij gedaen |
| 4560 | Dat bloet vanden kinde eirst to voren |
| Dat zonder eerdeschen vader is geboren |
| Vnde weer dat dar ynne zo stonde he schijr |
| Laet ons dit zeggen vtegier |
| Al ouoer een dat is best gedaen |
| 4565 | Dus moge wij myt den liue ontgaen |
| Vnde doden dar onse doet an staet |
| Den koninge zole wij geuoen raet |
| Dat he dat leuendich nicht zeen en moet |
| Mer de dat eirst zeet he brenge dat bloet |
| 4570 | Dus hebben ze den raet geslichtet |
| Vnde hebben den koninck zo berichtet |
| De ene zegede wij en zegen nicht to samen |
| De wijsheit de wij vernemen |
| Mer elck zal zeggen dat he sach |
| 4575 | Dat men dat beste kiesen mach |
| Dus deden ze verstaen myt liste |
| Dat de ene van den anderen nicht en wiste |
| De koninck hoerde elken bij sonder |
| Vnde do ze zegeden dat wonder |
| 4580 | Segede he mach zijn een kint zonder vader |
| So mach desse dinck wal alle gader |
| Dat gij zegget wesen wale <in HS: e übergesetzt ergänzt> |
| Want gij zegget al ene tale |
| Here zegeden ze nv zegget ons dat woert |
| 4585 | De koninck zegede dat gij hebbet gehoert |
| Dat is al eens dat gij hebbet gezecht |
| Do antworden de clerke echt |
| Here nv doet onsen raet hijr naer |
| Ja zegede he mochte dat wesen waer |
| 4590 | Dat een kint weer zonder vader |
| Jaet zegeden ze alle gader |
| He hete ze hoeden to der stonden |
| Dat men dit hadde onder vonden |
| Se zegeden en zeet noch en spreket dat kint |
| 4595 | Mer alre eirst dat men dat vint |
| Sal men dat doden vnde brengen dat bloet |
| De toern zal staen is dat gij dat doet |
| ¶ Quaetheit was dat al dat ze dachten <30vb> |
| Vtegier he dede ze wachten |
| 4600 | Men gaff em des ze hadden noet |
| De koninck em twelue do ontboet |
| Dat ze voren twe vnde twe to samen |
| Dat ze zulck een kint vornemen |
| Vnde dede em zweren to den stonden |
| 4605 | Dat ze dat doden alze ze dat vonden |
| ¶ Nu merket wo he dat zoeken doet |
| Se voren en wech to ors vnde to voet |
| De boden in vroemden lande |
| Vnde omber twe vnde twe in hande |
| 4610 | So lange dat twe messelgiere |
| Gemoten anderen tween do was er viere |
| De vier voren zo lange to samen |
| Dat ze to enen dorpe quamen |
| Dar liepen harde vele kinder |
| 4615 | Jn enen mersche meere vnde mynder |
| Vnde slogen dar eynen bal |
| Merlijn de dit wiste al |
| Sach de boden want he was daer |
| Vnde he trat een deel dar naer |
| 4620 | Vnde gaff den rikesten enen slach |
| Van den dorpe dat he lach |
| Mit ener koluoen vor zine schene |
| Omb dat ene schelden zolde de gene |
| Dat kint weende vnde sprack to merlijne wart |
| 4625 | Onreyne vaderloze bastart |
| ¶ De boden hoerden dat alle gader |
| Dat dat kint weer zonder vader |
| Se quemen to den kinde dat dar weende |
| Vnde vrageden em wat dat meende |
| 4630 | He zegede dit is enes wiuoes zone |
| De nicht en weet we was de gone |
| De dit kint an er wan |
| Alze merlijn hoerde spreken den man |
| Sprack he to hant to em wart |
| 4635 | Jck bin den gij zoeken vaert |
| Gij zworen mij to dodene schijr |
| Vnde mijn bloet to brengene vtegier |
| Se zegeden wannen quam di dat to voren |
| Jck weet wal dat gij dat hebbet gezworen |
| 4640 | Antworde merlijn dar twaren |
| Se zegeden wiltu myt ons varen |
| He sprack ick vruchte mijn leuoen <31ra> |
| Mer wil gij my des zekerheit geuoen |
| So wolde ick myt iv hen myt allen |
| 4645 | Vnde zegge war den toern doet vallen |
| Dar gij myn bloet willet brengen onder |
| Do ze dit hoerden haddes em wonder |
| Vnde zegeden wonder zeget dit kint |
| Wij en doen eme nicht een twinck |
| 4650 | Elck zegede ick zal mij eer vorzweren |
| Eer ick den kinde icht zal deren |
| Merlijn sprack gij zult myt trouwen |
| Herbergen myt myner vrouwen |
| Jck moet hebben oren orloff |
| 4655 | Vnde des mans de wonet myt er in den hoff |
| Wij zolen dar zegeden ze geerne gaen |
| Merlijn leide ze vor hem zaen |
| To ziner moder de was begeuoen |
| Nonne vnde leide een hillich leuoen |
| 4660 | Vnde merlijn ontfenck ze wal gereet |
| Alze ze do alle weren gebeet |
| Leide he ze to blasise zaen |
| Vnde zegede <in HS: zegeder - r radiert> desse zochten my ombe verslaen |
| He zegede to den boden zegget em nv |
| 4665 | Hijr aff de waerheit des bidde ick iv |
| Jck zolde dat wal weten lieget gij icht |
| Se zegeden du en lieges nicht |
| Mer ick ze wal dat du zegest waer |
| ¶ Merlijn zegede nv hoert dar naer |
| 4670 | Gij zijt gesent van westen hijr |
| Van enen koninge de het vtegier |
| De maket ene borch wal fijr |
| Alze ze is dre vademe offte vier |
| Hoge valt ze neder zonder merren |
| 4675 | Dit doet vtegier vererren |
| So dat he ombe clerke zende |
| Do en was dar neman de bekende |
| Waer bij he vel· do worpen ze lot |
| Nochtan bleuen ze des euoen zod |
| 4680 | Do vonden ze dat ick was geboren |
| Vnde em duchte dat ze verloren |
| Alle bij my zolden wesen |
| Vnde drogen ouoer een binnen desen |
| Dat ze my doet zolden doen slaen |
| 4685 | Vnde zegeden dat de toern zolde staen |
| Als mijn bloet weer dar onder <31rb> |
| Vtegier den hadde des wonder |
| Vnde mende dat dat weer waer |
| Vnde dede my zoken dar naer |
| 4690 | De clercke hieten em vnde den boden |
| Dat ze my omber zolden doden |
| To eirst dat ze my vinden mochten |
| Vnde myn bloet myt em brochten |
| Do nam twelff boden de koninck |
| 4695 | Vnde dede em zweren desse dinck |
| Dat ze mijn bloet brengen zolden |
| So zolde de toern vaste holden |
| Van den tweluen zin dit de viere |
| Se quemen nv geriden schire |
| 4700 | Dar gene kinder speleden al |
| Vnde ick de weet wo dat komen zal |
| Dar ze my zochten· ick sloech een kint |
| Omb dat et my zolde schelden gint |
| Vnde verwiten my myner moder zonden |
| 4705 | Jck wolde dat my desse boden vonden |
| Blasijs vraget em off ick zegge waer |
| He vragede des em ze lieden <gestr.: wae> daer |
| ¶ Se zegeden alzo laete ons keren |
| God to landewert myt eren |
| 4710 | Als he en lieget nicht een woert |
| Blasijs zegede als he dit hoert |
| He zal noch wesen harde vroet |
| Dat is schade is dat gij ene verdoet |
| Wij breken lieuer onsen eet |
| 4715 | Dan wij em deden ienich leet |
| He kan zo vele he weet dat wal |
| Off wij to em ock dragen hat al |
| Blasijs zegede gij zegget waer |
| Vnde ick zal ene ropen naer |
| 4720 | Vnde vragen em dit vnde ander saken |
| Des he my wal vroet sal maken |
| ¶ He riep merlijne de was dar vet |
| Ombe dat ze wolden ouoerluet |
| To samene hebben er tale |
| 4725 | Blasijs sprack al zonder hale |
| Se willen dat ick dij vrage |
| Wat is et zegede merlijn dat zage |
| He zegede zolt du myt em varen |
| Ja ick antworde merlijn twaren <31va> |
| 4730 | Willen ze my gelouoen gereet |
| Dat men my vor den koninck leet |
| Vnde my en laten geen quoaet gescheen |
| Eer ick ene spreke vnde hebbe geseen |
| Se gelouoeden em zijn leuoen |
| 4735 | Blasijs sprack wultu my begeuoen |
| Wo zal ick my gehelpen konnen |
| Mit den dat ick hebbe begonnen |
| He zegede ick en zegge dij myn noch meer |
| Want du zeest dat onse heer |
| 4740 | My de genade geuet to voren |
| Dat my gene hebben verkoren |
| De my meynden hebben to oren gebode |
| Verkoren bin ick oeck van gode |
| To zinen denste ick zegge dij wo |
| 4745 | Dat en doet neman dat ick do |
| Want dat en weet neman alzo gereet |
| Dat gescheen zal als ick dat weet |
| Want ick weet bet dat zal gescheen |
| Dan alle de in der werlde sijn |
| 4750 | Vnde ick moet in dat lant wesen gebracht |
| Dar men my vte heuoet gesocht |
| Vnde doen dat men my sal gelouoen |
| Naest gode onsen heren hijr bouoen |
| Bet dan dat ie dede man |
| 4755 | Vnde du zalt my helpen dan |
| Maken dat werck van dessen boeken |
| Vnde ick zal dij som wijle soeken |
| Vnde vrage omber omb merlant |
| Dat is woeste vnde onbekant |
| 4760 | Want de twe deel van den lande |
| Segge ick dat neman en kande |
| Dar zaltu wonen vnde ick sal dij |
| Beraden dat dijn orber zij |
| Tote al gader dessen boeken |
| 4765 | Vnde du en zalt my nicht zoeken |
| Dij zal dar aff komen groet geval |
| Wetestu wat ick dij geuoen zal |
| <a.d.Stelle fehlt Vers in der HS> |
| Vnde gueden eynde na dit leuoen |
| Men zal dijn werck geerne horen |
| 4770 | Vnde van joseph de(n) hijr to voren |
| God onse here gracie gaff |
| Alze du gepijnt heuest hijr aff |
| Dor em vnde dor zijn geslechte |
| Dat god to zinen denste achte <31vb> |
| 4775 | Saltu zo vele hebben verdient |
| Dat du zalt zijn myt josep vrent |
| Vnde ock in de geselscap myn |
| Jck sal dij wijsen waer ze zijn |
| Dar zaltu zeen de schone gauoe |
| 4780 | De joseph ontfenck dar auoe |
| Dat he ihesum van den cruce dede |
| Vnde wes zeker ock darmede |
| Dat ick in dat rijke dar ick zal varen |
| De gueden lude zal twaren |
| 4785 | Doen arbeiden bij dage vnde bij nachte |
| Jck kenne <gestr.: unlesbarer Buchstabe> enen van josepes geslechte |
| De grote pine en zal nicht komen |
| Eer men den veirden koninck zal nomen |
| De sal artur zijn genant |
| 4790 | Du zalt hene gaen alto hant |
| Jck zal dij zoeken dar du zalt bliuoen |
| Vnde zeggen wat du zalt bescriuoen |
| Wetet ock wal dat iv gewerke |
| Prijsen zolen leke vnde clerke |
| 4795 | Ja sprack merlijn oeck dar na |
| Alze dat gescreuen is zo ga |
| Jn dat geselscap dar ick sprack auoe |
| Dar zaltu zeen de scone gauoe |
| Dinen boeck zaltu myt dij dragen |
| 4800 | Gene historien ne gene sagen |
| Ne werden zo wal geprijset ter kur |
| Alze van den koninge artur |
| Vnde de dan zal wesen heer |
| Dan heuoestu verdient de eer |
| 4805 | De ze hebben al to male |
| De behoren to den grale |
| Dijn boeck zal dar aff ontfaen zijn woert |
| Vnde he wirt geerne ock gehoert |
| Want luttel woerde zolen zijn in desen |
| 4810 | Se en zolen to prijsene wesen |
| Dus sal he werdich zijn van prijse |
| Dit sprack merlijn tote blasise |
| Vnde zegede wat he zolde ontfaen |
| Alze ene blasijs hadde verstaen |
| 4815 | Was he blijde vnde sprack |
| Merlijn geen ongemack <32ra> |
| Mach dat my benemen noch geen leet |
| Jck en zal doen dat gij mij heet |
| ¶ Merlijn sprack to den boden saen |
| 4820 | Jck moet to myner moder gaen |
| Vnde nemen orloff an er |
| Do gengen ze myt em al dar |
| He sprack ick bin alto hande |
| Ontboden vrouwe van vromden lande |
| 4825 | Ombe orloff kome ick tote iv |
| Want gij moet gode dienen nv |
| Van der gracien de he mij gaff |
| Vnde ick en mach des nicht komen aff |
| Jck moet in vroemde lant varen |
| 4830 | Blasijs moet oek en wech twaren |
| Dus werde gij quijt van ons beiden |
| Se zegede god mote iv geleiden |
| Vnde ick en bin nicht zo vroet |
| Dat ick iv icht letten moet |
| 4835 | Jck wolde dat blasijs hijr bliuen mochte |
| Weer iv dat lieff· neen dat en dochte |
| Nicht moder sprack do merlijn |
| Orloff nam he dat moste zijn |
| Vnde voer myt den messelgieren |
| 4840 | Blasijs voer en wech in desser manieren |
| Vnde genck dar em merlijn hiet |
| De anderen reden vnde sparden niet |
| Den enen dach den anderen voert |
| Tot dat ze quemen to eyner poert |
| 4845 | Alzet dar was een market dach |
| Vnde merlijn dar vorsach |
| Enen dorper de twe schoe dar cochte |
| Vnde leder mede dar men aff mochte |
| Starke lappen maken saen |
| 4850 | He wolde pelgrimasije gaen |
| ¶ Vnde merlijn lachgede de he ze droech |
| De boden vrageden waer ombe he loech |
| He sprack om den dorper myt den schoen |
| Prouoet wat he wil mit den leder doen |
| 4855 | He wil de schoe dar mede maken |
| Jck zegge iv dat in waren zaken |
| Eer he to hues komet sal he zijn doet |
| Volget em vnde zeet wonder groet <32rb> |
| Em wonderde des do ze dat hoerden dar |
| 4860 | Wij zolen weten off dat mach zijn waer |
| Se vrageden den manne myt den schoen |
| Wat he <a.d. Stelle fehlt wohl myt in HS> den leder zolde doen |
| He zegede ick zalt nv orbaren |
| Jck zal pelgrimasije varen |
| 4865 | ¶ Kenlich wonder dochtet em allen wesen |
| Wo dat merlijn wiste van desen |
| Vnde ze <gestr.: g> zegeden to der zeluer stont |
| Dässe man donket ons gesont |
| Wij twe zolen em volgen naer |
| 4870 | Vnde zeen off dit mach wesen waer |
| De twe volgeden em ene wijle |
| Se en gengen nicht ene myle |
| Dat de man doet vor em lach |
| Se keerden op den zeluen dach |
| 4875 | Vnde zegeden wat ze hadden geseen |
| De anderen antworden myt deen |
| Dul weren de clerke zonder waen |
| De ons dessen hieten doet slaen |
| Lieuer weer ons dat ons mysqueme |
| 4880 | Dan men em zijn leuoen neme |
| Dit zegeden ze hemelike vnde mit liste |
| Se en waenden nicht dat dat merlijn wiste |
| Vnde do ze quemen bet voert |
| Dankede em merlijn der woert |
| 4885 | War aff danke gij ons zegeden ze |
| Van dat gij zegeden antworde he |
| Em wonderde zere ombe dat woert |
| Vnde zegeden wij en mogen nicht een woert |
| Gespreken du en wetes dat al |
| 4890 | ¶ Dus voren ze hene berch vnde dal |
| Vnde quemen in vtegiers koninckrijke |
| Eens dages gereden gemeenlijke |
| Dor ene stat dar geschiede |
| Dat ze zegen vele armer lude |
| 4895 | Want men droech dar een kint to grauoe |
| De maghe weenden zere dar auoe |
| De papen songen vnde de clerke |
| Merlijn begonde lachgen starke |
| War omb lachget gij zegeden de gesellen |
| 4900 | Merlijn begonde em vertellen <32va> |
| Vnde zegede ze gij genen man |
| De ginder wenet· ja wij wat is et dan |
| Vnde den papen de dar zinget |
| Vor den doden den men dar bringet |
| 4905 | De pape zolde myt rechte wenen |
| Nu merket wo ick dit mach meynen |
| Den dat nicht en bestaet zine hande wring(et) |
| Des dat kint is lude he zinget |
| Se zegeden wo zole wij dit weten |
| 4910 | Gaet ick dar my wal vermeten |
| To der moder vnde vraget er we |
| Dat er man zo drouoich zij |
| Se zal zeggen ombe zijn kint |
| Segget dan dat en bestaet em nicht zint |
| 4915 | Alzo wal wete wij dat alze gij |
| Dat dat myt rechte des papen zij |
| De ginder singet alzo hoe |
| Vnde he weet wal zeluen alzo |
| ¶ Dus vrageden de gene der vrouwen |
| 4920 | Ombe ores mannes trouwen |
| Alzo als em merlijn hadde geraden |
| Se zegede to hant genaden |
| Vnde dat iv god wijse van der hellen |
| Jck zal iv de waerheit vertellen |
| 4925 | En latet mynen heren nicht verstaen |
| Want he zolde my doet slaen |
| Do ze dit hoerden gengen ze wanderen |
| Vnde de ene zegede den anderen |
| Wij en zegen ne zegeden de vier |
| 4930 | Waer sager van desser manier |
| ¶ Dus voren ze hene myt der vart |
| Tot dat ze quemen in ener dachvart |
| Dar vtegier or here was |
| Vnde ze vrageden merlijne das |
| 4935 | Wat he em to antwordene riede |
| Vor den koninge vnde zine lude |
| Wij zolen zegeden ze senden em tween |
| De zeggen zolen ouoer een |
| Wat ons to voren komen zij |
| 4940 | Wat wultu dat men zegge van dij |
| ¶ Laet des my gebruken sprack merlijn <32vb> |
| Dat zal uwer alre vrome zijn |
| Want gij zegget dat dor mijn goet |
| Jck zegge iv dan wat gij doet |
| 4945 | Vnde gij en werdet ock nuomber gescolden |
| Se zegeden zegget ons wij zolen dat holden |
| Varet zegede he to vtegier |
| Vnde zegget dat gij my hebbet al hier |
| Vnde dat ick em al sonder waen |
| 4950 | Sal zeggen wo zijn torn zal staen |
| Ombe dat he my dan alzo rijchte |
| Ouoer de quaden vuolen knechte |
| De my wolden doen verslaen |
| Vnde ick zal em zonder waen |
| 4955 | Seggen waer ombe ze em dat rieden |
| Dit zegget em vor alle zinen luden |
| Vnde dan doet dat he iv hiet |
| De boden voren en wech gereet |
| Vnde quemen tote vtegier |
| 4960 | Do he ze sach verblijde he schier |
| Vnde vragede wo em dat is gegaen |
| Se zegeden wal vnde beeten saen |
| Vnde wo ze vonden merline |
| Vnde al bij den willen zine |
| 4965 | Vnde dat he gerne myt em quam |
| Do de koninck dat vernam |
| He zegede wat zegge gij alle gader |
| En zochte gij nicht dat kint zonder vader |
| Ombe dat gij brengen zolden zijn bloet |
| 4970 | Se zegeden dat en is geen zo vroet |
| Waer sager alze is dat kint |
| De clerke en weten nicht een twint |
| Waer bij de torn nicht en mach staen |
| Mer he zal iv dat zeggen zaen |
| 4975 | Js dat he vor iv komt myt talen |
| Wil gij wij doden ene eer wij ene halen |
| Ene hoeden onser gesellen twe |
| De koninck sprack ick en wil nicht me |
| Dor gij dat nemen op ip iv allen |
| 4980 | Dat he zegge wat den torn doet vallen |
| Vnde op iv lijff ick late ene leuoen |
| Se zegeden ja wij dat weer quaet gebleuoen |
| <XVIII.> Wo merlijn vtegier zegede waer bij sijn |
| torn vol· vnde van den roden draken/ vnde |
| Van den witten draken······· <33ra> |
| NV voren dese boden omb merlijn sae(n) |
| Vnde vtegier volgede em zonder wae(n) |
| 4985 | Alze merlijn de bode(n) heuoet vernome(n) |
| He zegede to hant gij hebbet genomen |
| My op iv lijff· dat is waer zegeden ze |
| Wij hebben dat lieuoer dan gij |
| Doet bleuoen· dat wij ons auenturen |
| 4990 | Jck zal iv lozen wal ter kuoren |
| Sprack merlijn vnde voer myt em schijr |
| Do gemoten ze vtegier |
| Merlijn grotte ene bij lieuer stade |
| Vnde nam ene buten to eynen rade |
| 4995 | Gij deden my zoken zegede he heer |
| Ombe uwen torn de iv moyet zeer |
| Vnde hieten dat men my zolde doet slaen |
| Ombe dat myt mynen blode zolde staen |
| Jv torn dit was iv beduet |
| 5000 | He loech de dat was de iv dat riet |
| Mer zegeden ze dat he myt my |
| Solde staen zo segeden ze waerheit dij |
| Vtegier sprack to em gereet |
| Segestu my hijr aff de waerheit |
| 5005 | Jck sal myt em doen al uwen wille |
| Nu ga wij zegede merlijn stille |
| Tot den clerken ick sal em allen |
| Vragen wat den torn doet vallen |
| Se en zolen dat nicht konnen geseggen |
| 5010 | Aldus gengen ze dar leggen |
| De steyne van den groten werke |
| Aldus ontboden ze de clerke |
| Vnde do ze quemen vor vtegier |
| Vragede em merlijn harde schijr |
| 5015 | Gij heren we vellet dessen steen |
| Se zegeden wij en weten dinck en geen |
| Dan wij zegeden den koninge |
| Vtegier zegede vromde dinge |
| Was dat gij my zegeden alle gader |
| 5020 | Dat ick zolde doen zoken zonder vader |
| Eyn kint ick en weet wo dat is vonden |
| Merlijn sprack to den zeluen stonden |
| Ouoer dul holde gij den koningk |
| Dat gij deden zoken zolken kint <33rb> |
| 5025 | Dat en was nicht to zinen vromen |
| Gij vonden dat to der eerden was komen |
| Eyn kint zonder eerdeschen vader |
| Dat doden zolde iv allen gader |
| Vnde deden den koninge dat verstaen |
| 5030 | Dat he dat kint dede doet slaen |
| Vnde legede in dat fondament zijn bloet |
| De torn zolde dan wesen goet |
| Dit zegede gij ombe to lengene iv lijff |
| Elck wart vorveert als eyn keytijff |
| 5035 | Alze de steruoen waenden do |
| Merlijn sprack den koninge to |
| Here nv moge gij wal verstaen |
| Dat ze my nicht en willen verslaen |
| Omb uwen torn· mer omb er leuoen |
| 5040 | Vragedes em dar ick zal beneuoen |
| Se en zolen des lochgenen nicht een haer |
| De koninck zegede zeget he mij waer |
| Ja he zegeden ze alle gereet |
| Mer wij en weten nicht wo he dat weet |
| 5045 | Vnde wij bidden iv here goet |
| Dat gij ons nicht en verdoet |
| Eer wij dan zeen sonder waen |
| Wo de torn bij em sal staen |
| Merlijn sprack gij en steruoet niet |
| 5050 | Eer gij dat mit den ogen ziet |
| ¶ Do sprack merlijn to vtegier |
| Gij zolden geerne weten schier |
| Wat dit werck dus vallen doet |
| Wultu doen dat my donket goet |
| 5055 | Gij zolen de waerheit weten schier |
| Onder den torne is ene riueer |
| Vnde onder den water zijn twe steyne |
| Twe draken de ne groet noch cleyne |
| Ne zegen zin dar onder groet |
| 5060 | De eyne is wit de ander roet |
| De eyne weet wal dat de ander is daer |
| Alze em de last dan wirt to zwaer |
| Maken ze zo groet baraet |
| Dat all vallet dat op em staet |
| 5065 | Do dat bezoken du zalt dat vinden |
| Vnde doet my hangen vnde binden <33va> |
| Ne vindestu dat nicht vnde ock verworge(n) |
| Vnde vindes du dat laet gaen myne borge(n) |
| ¶ De koninck zegede zeggestu my waer |
| 5070 | So en is nergen vere noch naer |
| Man zo wijs noch zo vroet |
| Mer zech wo men dit best doet |
| Merlijn sprack myt maniger keer |
| Sal men de eerde nemen veer |
| 5075 | To hant de koninck dat doen dede |
| Dit duchte den luden dullichede |
| Al en dorstens ze em des nicht bevroden |
| Merlijn dede de clerke hoeden |
| Men wachte ginder lange stonden |
| 5080 | So lange dat ze dat water vonden |
| Do ontboet men vtegier |
| Vnde he brachte dar merlijne schier |
| Se zegen dat water harde groet |
| Vnde de koninck he ontboet |
| 5085 | Em twe al dar zijn raet an stoet |
| Vnde zegede dit kint is zere vroet |
| He zeget hijr onder zin twe draken |
| So vele en kostet my nicht dat maken |
| Jck en wil doen al zinen raet |
| 5090 | Do riep he merlijne al dar he staet |
| Van den water zegede gij eerst waer |
| Jck en weet off de draken zin daer |
| Merlijn zegede eer men dat ziet |
| En kan men dat geweten niet |
| 5095 | Merlijn sprack he vrent nv zech |
| Wo zalmen dat water brengen enwech |
| Mit groten grachten zalmen dat wal |
| Leiden in dat diepe dal |
| De grachte zin begonnen schijr |
| 5100 | Vnde merlijn sprack tote vtegier |
| De draken de dar onder wanderen |
| To eirst dat de ene komet ton anderen |
| Sal de ene den anderen doet slaen |
| Ontbiedet iv hoge lude saen |
| 5105 | De schouwen mogen dessen wijch |
| Want dat ore twijer krijch |
| Grote dinck zal beduden |
| De koninck sprack ick zal ze ontbieden |
| Ouoer dach vnde ouoer nacht |
| 5110 | Ontboet he alle zine macht <33vb> |
| Ridders clerke vnde barone |
| Vnde zegede em van merlijns done |
| Vnde wo de draken zolden striden |
| Se zegeden vragede gij em nicht siden |
| 5115 | Welick anderen doet zolde slaen |
| Neen ick zegede he zonder waen |
| ¶ Do dat water vte was al reyne |
| Bleken dar de grote steyne |
| Merlijn zegede ze gij gene saken |
| 5120 | Ja wij wal· dar zin de draken |
| Sprack merlijn al ouoer luet |
| Wo salmen ze best brengen wt |
| Segede vtegier· vnde merlijn sprack |
| Se en doen neman geen ongemack |
| 5125 | Eer de eyne komet an den anderen al |
| Dan zolen ze vechten dan alzo wal |
| Tote den dat de eyne onder gaet |
| De koninck vragede vnde zijn raet |
| Welk er dar to steruoene steet |
| 5130 | Merlijn zegede na dat ick dat weet |
| Vnde sculdich bin to zeggene dan |
| Segge ick dij dat gerne vor dre man |
| De koninck riep dar vet dre |
| Vnde vor de gene zegede he |
| 5135 | Wat merlijn sprack· do zegeden ze alle |
| Vraget welck drake vorwinnen sal |
| Merlijn zegede desse dre manne |
| Sin ze van dinen rade danne |
| Ja ze bet dan ieman al |
| 5140 | So mach ick em dat zeggen wal |
| Sprack merlijn al openbaer |
| De koninck sprack dat is waer |
| ¶ He zegede ick wil dat gij weten ditte |
| Dat winnen sal de witte |
| 5145 | He sal to eerst grote pine dogen |
| Groet lijkteken sal dit togen |
| De konde geweten wat dit beduet |
| Mer neman en zeg ick dat eer dat geschiet |
| He heet dat men den steyn op trake |
| 5150 | Do quam dar vt eyn wit drake |
| To eirst dat ene de lude zagen |
| Begonden ze dar aff versagen |
| He was eyslick vnde groet |
| Den anderen vonden ze de was roet <34ra> |
| 5155 | Dar aff weren ze versaget meer |
| Want he was to ontsiene zeer |
| De koninck wan op em den zege |
| Merlijn sprack laet gaen er wege |
| Mine borgen want ze zin quite |
| 5160 | De koninck sprack dat zij myt vlijte |
| Mit den quemen zo na de draken |
| Dat ze em dar onder staken |
| Porrende dar elck den andern vernam |
| Mit den woerden ze zere gram |
| 5165 | Vnde voren to samene myt tanden |
| Noch man in genen landen |
| Beesten in strijde zach zo sture |
| Se vochten den dach al dure |
| Vnde den andern tot den myddagen |
| 5170 | Alle de lude de dat zagen |
| Menden wal de waerheit bekennen |
| Dat de rode zolde winnen |
| So lange dat de witte vt warp |
| Vt der nasen vt den monde eyn vuer zo scarp |
| 5175 | Dat de rode verbrande van der hette |
| Do lach neder ock de witte |
| Vnde en leuoede mer dre dage dar naer |
| Do zegeden alle de weren dar |
| Dit wonder en zach neman eer |
| 5180 | ¶ Do zegede merlijn koninck heer |
| Nu maket uwen casteel weder |
| He en zal nv nuomber vallen neder |
| Vtegier hiet dat men dat werck |
| Maken zolde hoge vnde starck |
| 5185 | Dicke he an merlijne zochte |
| Wat de strijt beduden mochte |
| Vnde war ombe de rode zo lange hadde beste |
| Merlijn antworde em in dat leste |
| Dat bedudet al zonder waen |
| 5190 | Alle de dinge de zin gedaen |
| Vnde de noch to geschiene zin |
| Wultu my geuoen de truwe dijn |
| Dat dar my nicht aff geschiet |
| Jck zal dij zeggen wat dat bedued |
| 5195 | Vnde desse zekerheide my do |
| Vor de gene de dar horen to |
| ¶ Dat do ick gerne sprack vtegier |
| So gaet vnde doet komen hier <34rb> |
| Vwen raet vnde de clerke saen |
| 5200 | De omb den torn zin gevaen |
| Vtegier he dede ze halen |
| Merlijn zette de clerke in talen |
| Vnde zegede wo dul dat gij waert |
| Do gij plegen zulker aert |
| 5205 | Vnde gij nicht en weren zulke lude |
| Alze betaemde geleerden diede |
| Vnde gij wal ock wesen mochten |
| Hijr ombe vonde gij dat gij zochten |
| Gij zegen wal dat ick was geboren |
| 5210 | De iv dat brachte to voren |
| Togeden dat ick iv zolde doet slaen |
| Omb dat ick em bin ontgaen |
| Wolden ze dat gij my hadden verslagen |
| Mer ick hebbe dar eynen heer kegen |
| 5215 | De my hoedet kegen er bedregen |
| Vnde ick zal ze seer doen liegen |
| Van my en komet iv nuomber quaet |
| Wil gij doen al mynen raet |
| Quaet en duchte den clerken niet |
| 5220 | Dat em merlijn dar onthiet |
| Blidelike hebben ze geantwoert |
| Vnde zegeden du en brengest nicht voert |
| Dat ons te doene onweert heuet |
| Want du bist de wiseste de leuoet |
| 5225 | Merlijn sprack van desser art |
| En onderwint iv nicht vorwart |
| Dit zekert my vnde dan gaet |
| To bijchte dat is myn raet |
| Doet penitencie gij hebbet gesondet |
| 5230 | Dat gij de ziele nicht verwondet |
| Vnde ick late iv varen quite |
| Se dankeden des em myt groten vlijte |
| Vnde zegeden dat ze dat gerne deden |
| Dus zin ze van der doet ontleden |
| 5235 | Alle de dat zegen sprekens em eer |
| De koninck sprack to merline meer |
| Vnde zegede du ne zeggest my niet |
| Wat der draken camp beduet |
| Van den andern heb ick wal gehoert |
| 5240 | Noch berichte my bet voert |
| ¶ Merlijn sprack de rode drake <34va> |
| Bedudet dij vnde dine sake |
| Vnde de witte constans kinder |
| Vtegier schaemde em ginder |
| 5245 | Do zegede merlijn is dij dat leet |
| Jck zwige dan van dat ick des weet |
| Vtegier sprack hijr ne staet |
| Neman he en is wal myn raet |
| Dar ombe zech my wat dat beduet |
| 5250 | De waerheit vnde anders niet |
| Merlijn sprack du hoerst van my |
| Dat de rode beteykent dij |
| Jck zal dij zeggen wo ick dat meyne |
| Constans kinder de bleuen cleyne |
| 5255 | Do ze oren vader verloren |
| Vnde haddes du ze alzo verkoren |
| Alze du to rechte zoldest hebben gedaen |
| Du haddest em in staden gestaen |
| Tegen alle de nv leuoen |
| 5260 | Nu heuoestu ze slaens verdreuoen |
| Vnde holdes dat lant al in dijn gewolt |
| Omb dat dy dat volck al was holt |
| Alze ze raet an dij gesochten |
| Des ze nicht ontberen en mochten |
| 5265 | Dedes du dij vt oren rade |
| Se do engelant nam scade |
| Vnde dat volck kroende do vor oren here |
| Du zegedes du en mochtes nuomber mere |
| Coninck zijn ouoer de genoet |
| 5270 | De koninck moynes en weer doet |
| Vnde ze verstonden dat wal de dat hoerden |
| Dus dedestu dinen koninck vermoerden |
| Sine broder ontfloen to hant |
| Noch ontholdestu em er lant |
| 5275 | Vnde als de gene to dij quemen |
| De den koninge zijn leuoen nemen |
| Dedestu ze ontliuoen gereet |
| Alze off dy zijn doet weer leet |
| Mer dat du beheldes zijn rijke |
| 5280 | Dat eyne quade gelijke was |
| Omb dijn behold makestu den steen |
| Mer dij en mach helpen dinck ne geen |
| Robert zegede dat de koninck zegede |
| Merlijn du zeggest al waerhede <34vb> |
| 5285 | Ombe raet bid ick dij sekerlike |
| Du bist de vrodeste van ertrijke |
| Hijr ombe zech my zonder blijff |
| Wo ick vorliesen zal myn lijff |
| Merlijn sprack en dede ick des niet |
| 5290 | So ne zegede ick nicht al dat beduet |
| Jck weet dij des danck sprack vtegier |
| Merlijn zegede verstant my hier |
| Dine macht bedudet de roede drake |
| Vnde de witte der kinder zake |
| 5295 | De vt den lande zin gereden |
| Vnde dat ze ock lange streden |
| Bedudet dat du er lant |
| Lange heuoest gehat in diner hant |
| Dat de witte den roden brande |
| 5300 | Bedudet alzo ick dat bekande |
| Dat du zoldes bernen van oren vuore |
| En gelouoe des in gener maniere |
| Dat dij dijn steen helpe vt der noet |
| Du en zalt aldus bliuen doet |
| 5305 | ¶ Alze dit hoerde de koninck ginder |
| Vragede he waer zin de kinder |
| Merlijn zegede in genen mer |
| Dar ze hebben een krefftich her |
| Vnde zolen hijr komen ombe vechten |
| 5310 | Vnde zeggen dat ze willen richten |
| Ouoer dy al zonder bliuoen |
| Dat du moynes dedes ontliuoen |
| Se zolen hauoenen· vnde manich scip mester |
| Ouoer dre maende to wincester |
| 5315 | ¶ Gram was de koninck omb de meer |
| Vnde vragede merline schijr |
| Off dat anders nicht mochte zijn |
| Neyn twaren sprack merlijn |
| Se zolen dy bernen dat en mach nicht bliuoen |
| 5320 | Alzo als du zegest ontliuoen |
| Den witten den roden draken |
| Dus eynde merlijn zine sprake |
| ¶ Do dit merlijn zegede to voren |
| Eynes dages als gij mogen horen |
| 5325 | Dede he to samene zine lude |
| Aldus meyne ick dat geschiede <35ra> |
| Do quam merlijn to wincester |
| De maniger wijsheit was mester |
| Dar constans kinder zolden landen |
| 5330 | Vtegiers lude <gestr.: de> nicht en kanden |
| Waer ombe ze versamelt quemen |
| Eer ze dat van merline vornemen |
| Vnde to hant merlijn van danne schiet |
| Do he dit vtegier hadde beduet |
| 5335 | Vnde genck to blasijse wart |
| Vnde zegede em dat he zine vart |
| Wal na willen hadde volbrocht |
| Dar he ombe was gesocht |
| He vortelde blasise al de zaken |
| 5340 | Vnde hiet ze em in dat boeck maken |
| ¶ Lange wijle was merlijn ginder |
| Tot dat ene zochten constans kinder |
| Vnde vtegier ontbeide den dach |
| Des em merlijn dede gewach |
| 5345 | Des dages zegen de van wincester |
| Geschepet volck vnde manigen mester |
| De constans kinder dar brochten |
| Vtegier zach dat ze ene sochten |
| Vnde hiet wapenen zijn her |
| 5350 | Vnde vor de hauoene staen to der wer |
| Mer de to voren op em vochten |
| Letten ene dar al dat ze mochten |
| Vnde constans kinder wolden landen |
| Vnde to eerst dat ze de lude bekanden |
| 5355 | Haddes em wonder wannen ze quemen |
| ¶ De kinder do hauene nemen |
| De vor de hauene stonden ter wer |
| Vrageden do wes is dat her |
| Vnde ze antworden em aldus |
| 5360 | Dat is auoreliuos vnde ambrosius |
| Vnde voter/ vnde pandragoen |
| Vnde komen vnde willen wrake doen |
| Ouer vtegier alto hant |
| De valschelike holt er lant |
| 5365 | Vnde oren broder moerden dede |
| Hijr ombe komen ze hijr ter stede |
| Vnde als de van der stat vernemen |
| Dat ores heren kinder quemen |
| Vnde ze krafft van luden brochten <35rb> |
| 5370 | Gevel dat ze dar kegen vochten |
| Dat dar em schade aff mochte gescheen |
| Vnde ontsegeden vtegier myt dien |
| Vnde aldus van vtegier schieden |
| Dat meeste deel van zinen luden |
| 5375 | Do hadde he vaer van dessen dingen |
| He heet de em nicht ontgengen |
| Dat ze de hues zolden bezetten |
| Se deden dat to hant al zonder letten |
| Nu hebben de schepe hauoene genomen |
| 5380 | Vnde de ridders zin vet gekomen |
| Vnde de van wincester groet vnde cleyne |
| Quemen kegen em gemeyne |
| Vnde ontfengen ze vor heren |
| De em an vtegier keren |
| 5385 | Helden de borch myt groter wer |
| Op em zo vacht al dat her |
| So lange dat in eynen tijde |
| Pandragoen in eynen strijde |
| Den casteel ontstack myt vuore |
| 5390 | Vnde verbrande dar vtegire |
| Aldus wonnen ze al dat lant |
| Vnde ontboden alte hant |
| Achter lande na vnde veer |
| De dar kegen em nv weer |
| 5395 | Dat ze ze aldus zolden besoeken |
| Hijr is dat eynde van tween boeken |
| <XIX.> Hijr begint dat derde boeck· wo pandragon |
| Vnde vter merlijne doen zoken··· |
| Dyt boeck zeget voert openbaer |
| To eirsten dat dat lant wart gewar |
| Weren de heren harde blijde |
| 5400 | Vnde ontfengen ze to strijde |
| Aldus zo wonnen ze dat lant |
| Aurelius ambrosius makeden to hant |
| Eynen koninck van pandragone |
| Vnde weren em getrouwe in allen done |
| 5405 | Vtegier de hadde in den lande |
| Den sennes geset in de hande |
| De castele vnde ock de borge |
| Des hadden de cristenen zorge |
| Pandragoen zat een halff iaer <35va> |
| 5410 | Vor eyner borch dat was waer |
| Dar ynne belegen was hangis |
| Sine lude berieden em des |
| Wo men gewonne den casteel |
| Do weren dar lude eyn deel |
| 5415 | De van merline spreken |
| Wo he bedude van den draken |
| Vtegier al zijn doen |
| Se nemen vter vnde pandragoen |
| Buten den luden vnde al bijsonder |
| 5420 | Vnde zegeden em van merlijns wonder |
| Dat he weer de beste diuijn |
| De in der werlde mochte zijn |
| Vnde wolde he ock he dede bekennen |
| Off men de borch icht mochte gewinnen |
| 5425 | Pandragoen sprack waer zolde men dan |
| Vinden alzo wijsen man |
| Se zegeden wij en weten waer |
| Mer dat wete wij wal openbaer |
| Als men van em spreket dat he dat weet |
| 5430 | Vnde wolde he he queme gereet |
| Pandragoen sprack alto hant |
| Jck zal ene vinden is he in dat <in HS: datt - zweites t gestr.> lant |
| ¶ Dus dede de koninck pandragoen |
| Merlijne nv zoeken doen |
| 5435 | Jn dat lant dar men ene vinden mochte |
| Do merlijn wiste dat men ene zochte |
| Nam he an blasise orloff saen |
| Vnde is in een dorp gegaen |
| Dar he des koninges boden wiste |
| 5440 | Quam he in gegaen myt liste |
| Op zinen hals myt eyner maetsue |
| Twe groete schoen al nuowe |
| Vnde eynen quaden rock hadde he ane |
| Nu was he in ziner gedane |
| 5445 | Rechte als he eyn wilt man weer |
| Dus quam he gegaen al daer |
| Dar des koninges boden legen |
| Vnde to alre eirst dat ze ene zegen |
| Wonderdes em vnde zegeden dan |
| 5450 | Dit donket ons wesen een quaet man |
| He genck to em vnde zegede desse tale |
| Gij en doet nicht zegede he wale <in HS: e übergesetzt ergänzt> <35vb> |
| Juowes heren bodescap to zinen vromen |
| Dar gij ombe her zint gekomen |
| 5455 | Ombe to zokene den diuijn |
| De geheten is merlijn |
| ¶ Do ze dit hoerden ze zegeden gemene |
| Welck duouoel zegede dat dessen vileyne |
| He zegede do weer dat geheten my |
| 5460 | Jck hadde ene vonden eer dan gij |
| Weestu dar icht aff zegeden ze myt dien |
| Off heuoestu ene iergen gesien |
| Gezeen heb ick ene sprack merlijn |
| Vnde ick weet wal waer zine pade zin |
| 5465 | Vnde dat gij ene zoket vnde doet arbeit |
| En helpet iv nicht heuet he my geseit |
| Al myt alle nicht eyn twinck |
| Al is dat zake dat gij ene vint |
| He ne vore nicht noch myn noch meer |
| 5470 | Als gij comet tot uwen heer |
| Segget dat he de borch wint in geenre wijs |
| Eer dat doet is hangijs |
| Vnde van al des koninges luden |
| De merline to zokene rieden |
| 5475 | So is erre nv twe myn dan viuoe |
| Van em allen nv to liuoe |
| Juwen heren zegget van den dren |
| Vnde zegget wat gij hebbet geseen |
| Vnde zegget em zochte he ene in dessen wolde |
| 5480 | Dat he ene dar ynne vinden zolde <in HS: zolden - n radiert> |
| He en zal myt neman willen varen |
| Dan myt den koninge twaren |
| Dus sprach he dar dat de boden horen |
| Vnde eer ze dat wisten hadden ze ene verloren |
| 5485 | Vnde elkerlijck sach op anderen |
| Vnde zegeden laet ons hene wanderen |
| Dat was de duuel dat wij spreken |
| Wat wille wij doen myt dessen saken |
| Dat is best zint dat ons is gevallen |
| 5490 | Dat wij dat onsen heren verkallen |
| En wech voren de boden saen |
| Do ze er dachvart hadden gedaen |
| Quoemen ze to pandragoene |
| Do he ze zach in den done |
| 5495 | Vragede he off ze hadde(n) gebrocht <36ra> |
| Den genen den ze hadden gesocht |
| Here zegeden ze versamene de lude dijn |
| De dij zegeden van den diuoijn |
| Pandragoen dede ze ontbieden |
| 5500 | Vnde alze ze quemen tot em luden |
| Segeden ze wat em was geschiet |
| Vnde wat em de dorper riet |
| Vnde dat der twe doet zolden wesen |
| Van den de reden to zokene desen |
| 5505 | Dat is waer zegeden ze |
| De coninck sprach dat donket mij |
| Em wonderde in er <gestr.: d> gedochte |
| We de dorper wesen mochte |
| Se ne dachten nicht van merline |
| 5510 | Dat he ander gedane dan de zine |
| Enege wijs genemen mochte |
| Se dachten do in er gedochte |
| Dat neman van hangijs doet |
| Dan merlijn en wiste cleyne noch groet |
| 5515 | ¶ Den boden vrageden <gestr.: off dat> ze waert weer <in HS: waertweer - durch Schrägstrich getrennt> |
| Dat em de dorper brachte de meer |
| Se zegeden in nort tomberlant |
| Dar wij eten quam he to hant |
| Jn de herberqe tot ons gaende |
| 5520 | Do sprack dar eyn dat he waende |
| Dat dat merlijn wal wesen mochte |
| Vnde wolde dat ene de koninck sochte |
| Pandragoen sprach ick zal dar varn |
| Vnde laten vter hijr twaren |
| 5525 | Vnde de merline hebben geseen |
| Solen dar my ombe helpen speen |
| ¶ Se voren in norttomberlant |
| Ombe mere vrageden ze to hant |
| En gene en hebben ze gevreest |
| 5530 | De koninck quam in enen foreest |
| Vnde eyn van zinen luden vant |
| Eynen hierden al to hant |
| De vele beesten hodde dar |
| Vnde he vragede wannen he weer |
| 5535 | He zegede van norttomberlant |
| Bin ick eynes gueden mannes seriant |
| Mer ick sprach gistern eynen man |
| De my dat zeggen began |
| Dat ene de koninck pandragoen |
| 5540 | Solde zoken dat is een zwaer doen <36ra> |
| De bode sprach zech waer he sy |
| He zegede ick zegge dat node dy |
| Dat ick den koninge zolde vertellen |
| So com myt my to mynen gesellen |
| 5545 | Jck late dy den koninck zeen |
| We wolde dan myner beesten plegn |
| Jck en hebbe eyn twinck ock nicht to done |
| Mit den koninge pandragoene |
| Mer weer he hijr ick wijsede em dan |
| 5550 | Waer he vinden mochte den man |
| He zegede ick zal ene dij halen to hant |
| He voer dar he den koninck vant |
| Vnde vortellede em van den zaken waer |
| De koninck zegede vare wij dan daer |
| 5555 | ¶ Aldus quemen ze tot den kornuod |
| De knape sprack al ouoer luet |
| Seet waer ick den koninch brenge |
| Nu vertelle ons alle de dinge |
| Du zoekest merline du en kanst ene nicht tware(n) |
| 5560 | Vinden he en wille dich openbaren |
| Mer vare tegen de porte gereet |
| He zal dar komen dat ick wal weet |
| Wo gelouoe ick des sprack pandragoen |
| Merlijn zegede wil gij des nicht doen |
| 5565 | En trouwen zo laet dat staen |
| Mer dat is dompheit zonder waen |
| Hoert men na valschen rade ieet |
| De koninck sprack ick en mystrouwe dij niet |
| Do zegede merlijn alze dat dij nv staet |
| 5570 | So geuoe ick dy den besten raet |
| Dan ieman de iv is bij |
| Vnde vorwaer zegge ick dat dij |
| De coninck voer to der eirster poert |
| De he daer nomen hoert |
| 5575 | ¶ Do quam dar to houoe een man |
| De guede cleyder hadde an |
| Vnde zegede laet my to pandragoene |
| Men dede dat· he sprack alze de koene |
| Here zegede he merlijn zent my her |
| 5580 | Vnde zegede my dat he de gene weer |
| Den gij in genen bosche vonden |
| Eyn waerteiken sprach zijn mont |
| Dat he hijr to komene zegede |
| Huden vnde dat is waerhede |
| 5585 | Mer du en heuest zijns gene noet <36va> |
| De koninck zegede ick do wal groet |
| Vnde ick zegge dy dat ick en zolde |
| En genen man spreken alzo holde |
| ¶ Merlijn zegede guede mere |
| 5590 | Ontbiedet he dy bij my here |
| Dijn broder vter heuet gedoet |
| Hangijs dinen viant groet |
| Den koninge wonderde des vnde zegede |
| Vrent zeges du my waerhede |
| 5595 | Do zegede he tote pandragoene |
| Wat heb ick dar mede to doene |
| Gelouoestu des nicht zo bistu nicht wijs |
| Onder vinde de waerheit des |
| Vnde geloues off dat is waer |
| 5600 | De koninck zande twe boden dar |
| Op perden van goeden lusten |
| Vnde heet em dat ze nicht en ruosten |
| Wente ze de waerheit hebben vernomen |
| Hijr en binnen ander boden komen |
| 5605 | De dessen boden gemoten |
| Vnde pandragoene voren groeten |
| De em de waerheit zolden ontbinden |
| To eirst dat ze em onder kenden |
| Reden ze to den koninge to samen |
| 5610 | Mit den ze den raet dar namen |
| Wo vter hangijse sloech |
| De koninck zegede dat is genoech |
| Swiget alze lieff gij wilt leuoen |
| ¶ Aldus is de tale gebleuoen |
| 5615 | Wonder haddes den koninch in zijn gedochte |
| Wo dit merlijn weten mochte |
| He wolde omb em dar noch dagen |
| Want he em geerne zolde vragen |
| Wo hangijs weer bleuoen doet |
| 5620 | Do quam to em een man groet |
| De goede cleder hadde an gedaen |
| Al daer de koninck quam gegaen |
| De man ontboet em goeden dach |
| Vnde vragede ern waer ombe he dar lach |
| 5625 | He zegede merline ick hijr ontbeide |
| Went dat he kome als he zegede |
| Gij ne zint nicht zegede he alto vroet |
| Dat gij ene zegen vnde vor iv stoet |
| Vnde gij ene nicht kennen mochten in den |
| 5630 | Roep ze de ene hebben gesien |
| Vnde vraget off ick dat icht wesen mochte <36vb> |
| Mit den men de dar brochte |
| ¶ De koninck sprach ombe den diuijn |
| De geheten is merlijn |
| 5635 | Hebbe wij hijr lange gedaget |
| Kende gij ene icht off gij ene saget |
| Here zegeden ze dat en mochte nicht zijn |
| Wij en zolden kennen zijn anschijn |
| Bij den koninge stont de man |
| 5640 | Vnde antworde den luden dan |
| Js hijr ieman van hijr binnen |
| De merline mochte kennen |
| Se antworden/ zine zede |
| En mochte wij nicht kennen mede |
| 5645 | Al wete wij wo he is gedaen |
| De man zegede gij zult verstaen |
| Dat gij den man nicht kennet wal |
| Bij ziner gedane vnde nicht al |
| Kende gij ene off gij ene zegen in de ogen |
| 5650 | Jck zal iv zine gelijke togen |
| ¶ Do riep he in ene kemenade |
| Pandragoene to eynen rade |
| Vnde zegede here ick bin merlijn |
| Jck wil zijn de raet al dijn |
| 5655 | Vnde vters uwes broder mede |
| Hijr ombe zoke gij my gerede |
| Ju volck en kent nicht wal mij doen |
| Ropet ze hijr in her pandragoen |
| Se zolen zeggen ick bin gevonden |
| 5660 | Vnde wolde ick ze en konden |
| Mij gekennen nember meer |
| Pandragoen was blijde zeer |
| Vnde he riep de gene dar binnen |
| De zegeden dat ze merline kennen |
| 5665 | Vnde merlijn was alzo gedaen |
| Alze ze ene to eirst zegen zonder waen |
| Dit is merlijn zegeden ze al |
| De koninck zegede wete gij dat wal |
| Ja wij zegeden ze dit is merlijn |
| 5670 | He zegede ze weten nv den fijn |
| ¶ Do sprack de koninck to der zeluer stat |
| Merlijn geerne bede ick iv dat |
| Dat gij my weren van herten holt |
| Want manich man ionck vnde olt |
| 5675 | Heuet my gezeget dat gij zint wijs |
| Merlijn zegede in gener wijs |
| Vrage gij my icht dat ick weet <37ra> |
| Jck zal iv dat zeggen wal gereet |
| De koninck zegede sprack ick iv ieet |
| 5680 | Sint dat ick vten wolde schiet |
| Merlijn zegede do her koninck |
| Jck was de bij den beesten ginck |
| Vnde de iv zegede van hangijs doet |
| Den koninge hadde des wonder groet |
| 5685 | ¶ Do sprack de koninck pandragoen |
| Gar ouele wiste gij merlijns doen |
| Se zegeden here dusdane zaken |
| En zege wij em nicht <gestr.: nicht> maken |
| Vnde he mach doen vnde berichten |
| 5690 | Dat ander luden zolde ontfechten |
| Conde gij my dat gezeggen ieet |
| Sprack de koninck/ wo hangijs hiet <sic - wohl fehlerhaft für liet> |
| Sijn lijff vnde wo gij dat vernemen |
| Merlijn sprack do gij hijr quemen |
| 5695 | Wolde hangijs vter doet slaen |
| Vnde ick dede em dat to wetene saen |
| Danck hebbe he· he gelouoede my |
| Vnde ick zegede em waer bij |
| Hangijs doen vnde zine krafft |
| 5700 | Vnde dat he zolde als dat weer nacht |
| Alleyne komen in dat pauoloen |
| ombe dat he ene steruoen waende doen |
| Ouoele dochte em dat wesen waer |
| Mer zo vele helt he em daer naer |
| 5705 | Dat he zijn pawelon bij nachte |
| Dat neman en wiste alleyne wachte |
| So lange dat hangijs quam |
| Vnde als ene vter vernam |
| So liet he ene wal binnen komen |
| 5710 | Vnde als he vter nicht en heuoet vernomen |
| Wolde he em zeluen doden van rouwen |
| Mer vter de was eer entrouwen |
| Vnde sloech ene al dar to der doet |
| Des hadde de koninck wonder groet |
| 5715 | ¶ Merlijn wo were gij do gedaen |
| Want my wondert des zonder waen |
| Dat ick des gelouoe myn noch meer |
| Jck was gedaen do heer |
| Als een olt man vnde een vroet |
| 5720 | Mijn raet dochte em wesen goet |
| Jck zegede em zeet dat gij iv wacht |
| En do gij des nicht gij steruoet to nacht |
| Ondeckede gij ern anders ieet <37rb> |
| Sprack de koninck· here neen ick niet |
| 5725 | Vnde he en zal des weten nicht een woert |
| Eer he iv dat vertellen hoert |
| ¶ Do sprack he wil gij myt my varen |
| Jck hebbe uwer to done twaren |
| Merlijn sprack ick dat do vele de eer |
| 5730 | Nochtan zolen ze vele de meer |
| Juwe lude tornen gelouoet gij my |
| Mer ze gij dat ick iv nuotte zij |
| Dor em zolt gij de myn doen |
| Do sprack de koninch pandragoen |
| 5735 | Gij hebbet my nv des gemaket vroet |
| Js dat waer dat gij hebbet behoet |
| Vter vnde zinen doet gelettet |
| Jck zal iv gelouoen de bet |
| Coninch zegede he vragedes uwen broder |
| 5740 | Vnde dan moge gij des zijn de vroder |
| Off he des lijet gelouoet my dan |
| Vnde ick weet wal als ick do an |
| De gedane als ick hadde ane |
| Do ick em dat dede to verstane |
| 5745 | Ne zole gij my mogen kennen niet |
| Vnde dat zal zijn wo dat geschiet |
| Van huden ouoer twelff dage |
| De koninch sprach al zonder sage |
| Wistick gerne als gij wolden |
| 5750 | Dat gij vter spreken zolden |
| Gij zolt dat weten mer hodet iv des |
| Dat gij nicht en zijt onwes |
| Dat dat ander lude weten mogen |
| Bevinde ick iv myt ener logen |
| 5755 | Jck en betrouwede iv nember meer wale |
| Jck zal iv prouoen to menigen male |
| Dat is my lieff sprack pandragoen |
| Merlijn zegede gij weten mijn doen |
| ¶ Dit zal ouer twelff dage zijn |
| 5760 | Dat ick zal spreken den broder dijn |
| Mit den nam merlijn orloff |
| Vnde gench tote in blasijs hoff |
| Vnde blasijs heuoet al dit bescreuoen |
| Vnde van em is ons dat gebleuoen |
| 5765 | De coninch voer an zine zijde |
| Vter zijn broder de was blijde |
| To eirst dat he ene comen sach |
| Was he blijde al den dach <37va> |
| De koninch leide ene buten luden |
| 5770 | Vnde zegede em de zake de em geschieden |
| Van angijse alze dat merlijn zegede |
| Vter zegede dat is waerhede |
| Jck meynde ick dat wiste vnde neman al |
| Vnde een goet man de my wal |
| 5775 | Hoede dat ick nicht en bleff verloren |
| Here wannen quam iv dit to voren |
| He zegede gij wetet wal dat ick dat weet |
| Broder nv zegget my gereet |
| De iv warnde wat manne he was |
| 5780 | Jck wene gij nicht en weten daz |
| Dat iv hangijs geerne hadde gedoet |
| Bij der truwen de god geboet |
| Jck en weet we he wesen mochte |
| Mer een goet man he my dochte |
| 5785 | Des gelouoe ick ouoer een |
| Dor al dat dat logene scheen |
| Dat hangijs hijr komen solde |
| Ombe dat he my moerden wolde |
| Pandragoen zegede broder |
| 5790 | Off gij ene zegen weer gij des icht de vroder |
| Vter zegede ia ick meyne dan |
| De koninck sprack holt iv dar an |
| Dat he iv binnen eluoen dagen sal |
| Spreken dat en do groet ongeuoal |
| 5795 | Mer al den dach weset myt my |
| Tote den dat dat auoent zij |
| So dat ick beschouwen mach |
| Alle de iv spreken op den dach |
| To wetene off ick ene kennen konde |
| 5800 | Jn eneger wijs to eneger stonde |
| Vter sprack wat des geschiet |
| Dan en scheide ick van iv niet |
| Jck en sal eer weten neen off ia |
| Eer ick iergen van iv ga |
| 5805 | ¶ Elck heuoet dit den andern gelouoet |
| Vnde hebben to samene gehouoet |
| Vnde merlijn de dit wiste alle gader |
| Segede dat blasise den geestliken vader |
| Wo vter vnde pandragoen |
| 5810 | Visierden onder em dit doen |
| Vnde wo ene de koninch prouoen wolde |
| Blasijs vragede em wat he zolde <37vb> |
| Doen dat he dat volbrengen mochte |
| He zegede ich merke in mynen gedochte |
| 5815 | Dat ze ionck zin vnde blijde |
| Vnde mochte ze an myne zijde |
| To mynen willen nicht bet gebreken <in HS: korrigiert aus gespreken> |
| Dan myt spraken de ick kan spreken |
| Vnde doen wonderlike saken |
| 5820 | Dat ick ze lachgende sal maken |
| ¶ Vnde oeck zo kenne ick ene vrouwe |
| De vter mynnet op gerechte trouwe |
| Jck sal em eyn par litteren bringen |
| Van zinen lieue in zulken dingen |
| 5825 | Dat he sal holden vor waerheit |
| Want ick weet al er hemelicheit |
| Als dat vter van my hoert |
| Sal em wonderen derre woert |
| Want dat is er hemelicheit |
| 5830 | Dan sal de dach lijden gereit |
| Dat ze my nicht zolen zeen |
| Vnde nicht bekennen in dien |
| Des anderen dages zal ick my |
| Em ontdecken dan zolen ze |
| 5835 | My des weten meren danck |
| Hijr enbinnen quam der sonnen op ganck |
| Van merlijns gelouoe |
| Dat he zolde komen to houoe |
| Vnde was gedaen als een knecht |
| 5840 | Den vter hadde geseen echt |
| Wonende myt zinen lieue |
| Do he quam myt sinen breue |
| Sprach he here myn vrouwe grotet iv |
| Vnde zent iv desse litteren nv |
| 5845 | Des was vter harde vro |
| Vnde meynde dat dat were alzo |
| De litteren zegeden gelouoet den knechte |
| Want gij moget wal doen myt rechte |
| Wat dat he zeget dat is waer |
| 5850 | Juo amije zend ene daer |
| Merlijn zegede em dar al de woert |
| De he weet dat he gerne hoert |
| ¶ Dus was merlijn dat is waer |
| Tot den auoende vor em daer |
| 5855 | Vnde vter was myt em blijde |
| Do dat was komen na vespertijde |
| Wonderde des den koninge vnde was gram |
| Dat merlijn ginder nicht en quam <38ra> |
| Phy dachte he heuoet merlijn gelogen |
| 5860 | Mit den wilt em merlijn togen |
| Vnde genck ouoer eyne zijde staen |
| Vnde was rechte als de man gedaen |
| De eirst tote vter quam |
| Vnde als vter den man vernam |
| 5865 | Kende he ene vnde bat dat he ontbeide |
| Tote dat he dat den koninge zegede |
| He zegede geerne· vnde vter genck |
| Vnde zegede dat zinen broder den koninch |
| Dat de man dar komen weer |
| 5870 | De koninch vragede der meer |
| Js he dat de iv warnde dan |
| Ja sprack he dat is de zeluoe man |
| De koninch zegede gaet vnde prouoet bet |
| Vnde zegget my dan bij uwer wet |
| 5875 | Vter komet weder vnde zeet |
| Den man den he ginder leet |
| De noch dar zijns ontbeide |
| He kende ene wal vnde gerede |
| Segede de here hebbet danck groet |
| 5880 | Dat gij my loesten van der doet |
| Wilkomen mote gij mij nv zijn |
| Mer wonder heb ick in dat herte mijn |
| Wo myn here de koninck |
| Geweten mochte desse dinck |
| 5885 | Want he my tellede dat gij my zegeden |
| Dar to zegede he my ock gereit |
| Al dat my is geschiet |
| Seder dat he my hijr liet |
| Vnde dat gij hijr zolden komen huden |
| 5890 | Dar to heuoet he my gebeden |
| Dat ick em dat to wetene dede |
| Als ick myt iv weer to rade |
| He zegede my ock off gij weren dat |
| Dat ick em dat ontbode ter stat |
| 5895 | Vnde dat he dit weet al bloet |
| Des heuoet my wonder alto groet |
| ¶ Merlijn sprack haelt ene dar he zij |
| Vnde vragedes em vor my |
| Vter genck ombe zinen heer |
| 5900 | Vnde beuoal den luden zeer |
| Dat ze dar neman in laten gaen |
| Alze vter en wech was alzo saen |
| Verkeerde em merlijn vnde nam <38rb> |
| Sine gelijke de myt den litteren quam |
| 5905 | Vnde alze vter den koninck brochte |
| Vonden ze den knecht· vnde vter zochte |
| Den goeden man vnde he zwoer zeer |
| He stont hijr nv bij onsen heer |
| Nu vinde ick hijr den messelgier |
| 5910 | De my de litteren brochte hier |
| Ontbeidet here ick zal den luden vragen |
| Off ze hijr ieman wt gaen zegen |
| offte dessen knecht hijr in gaen |
| De koninck begonde lachgen saen |
| 5915 | Vter zegede zege gij hijr iet |
| Enegen man in corter tijd |
| Sint dat ick ombe den koninch ginck |
| Se zegeden neen wij waerliker dinck |
| He sprack to den koninge na desen |
| 5920 | Jck en weet wat dit mach wesen |
| He sprack to den knechte· hoerstuet |
| Genck hijr ieman in offt vt |
| He zegede ick was hijr bij iv dan |
| Do gij spreken kegen den man |
| 5925 | ¶ Do sprack vter to den koninge myt der vart |
| Alzo mote ick zijn bewart |
| Alze my dit geschiede ne |
| Dat ick nv myt den ogen ze |
| De koninck makede dar aff groet spil |
| 5930 | Dat dat merlijn was wiste he wal |
| Ay lieue broder sprack pandragoen |
| Wete gij we he <gestr.: unlesbarer Buchstabe> is desse garssoen |
| He zegede my he was to iv gesent |
| Nu prouoet off gij ene icht kent |
| 5935 | He zegede ia ick· wat donket iv dan |
| Sprack de koninck· mochtet zijn de man |
| Den gij sochten nv hijr na desen |
| Vter zegede dat en mochte nicht wesen |
| Ga wij en wech sprack pandragoen |
| 5940 | Wil he em to kennen doen |
| So hebbe wij ene lichte gevonden |
| Vt gengen ze to den stonden |
| Als ze een stucke hadden gegaen |
| Riep ze een ridder saen |
| 5945 | Gaet zeet we dar ynne sy |
| Als he dar quam zo zach he |
| Waer de man op den bedde sat <38va> |
| He keerde weder vnde zegede dat |
| Vter sprack genade god heer |
| 5950 | Jck wene ick ze dat neman eer |
| Ne zach de in der werlde was |
| Dit is de man de my genas |
| ¶ De koninck was blider dan ze zome |
| Vnde hiet ene wesen willekome |
| 5955 | De koninck zegede en weer iv dat nicht leet |
| Jck zegede em gerne wo gij hiet |
| Vnde ock we dat gij zijd |
| Merlijn sprack tor zeluer tijd |
| Dat is my lieff· de koninch zegede echt |
| 5960 | Vter broder waer is de knecht |
| De tot iv quam de messelgier |
| Vter sprach he was nv hier |
| Do riep merlijn den koninch vt |
| Vnde zegede em al ouoerluet |
| 5965 | Wat meren he van der vrouwen zegede |
| Vnde wat he em to voren legede |
| Do riep de koninch vter vt |
| De iv brachte dat saluet |
| Van uwen lieuoe waer is he nv |
| 5970 | Jck zolde en gerne spreken vor iv |
| De iv de goede litteren gaff |
| Vter zegede wat wete gij dar aff |
| De koninch zegede dat ick des weet dan |
| Sal ick iv zeggen vor dessen man |
| 5975 | Van den dat staet in den breyff |
| Vter zegede dat is my lieff |
| He en wiste nicht dat et em was kont |
| De koninch zegede al dat dar inne stont |
| Vter sprack do tot den koninck |
| 5980 | Here wo wete gij desse dinck |
| Vnde dat gij achterst zegeden |
| De koninck zegede ick zegge dat gereet |
| Gebiedet my desse goede man |
| Vter sprack wat gaet des em an |
| 5985 | De koninck zegede ick en zegget iv niet |
| Dat en zij dat he dat my gebiet |
| Des wonderde vter zeer |
| Vnde zegede is v dat lieff dat myn heer |
| My vertellet al dit wonder |
| 5990 | Latet mer ons dren bij sonder |
| ¶ Gar ouoele sprack de koninch dan <38vb> |
| Wete gij we he is desse man |
| Mer dat weet ick wal zekerlike |
| He is de vrodeste van eertrike |
| 5995 | He heuet de macht de ick iv zal zeggen |
| Dar ons vele an zal liggen |
| Dit is de knape de iv gaff |
| De litteren dar ick iv zegede aff |
| ¶ Vter sprack mach dat waer wesen |
| 6000 | So en hoerde ick ne zulck wonder lesen |
| De koninch zegede geloue des bet |
| Van eneger zake de gij wetet |
| Jck en geloues nicht zonder waen |
| Eer he my dat anders doet verstaen |
| 6005 | De koninch bat merline hertelike |
| Dat he em togede de gelijke |
| Gerne zegede he gaet dar vt beide |
| Jck toge em den knecht gerede |
| ¶ Se gengen vt vnde keerden saen |
| 6010 | Do was he als de knecht gedaen |
| Vnde vragede wat he wolde ontbieden |
| Sinen lieuoe eer ze schieden |
| De koninch pandragoen sprack echt |
| Wat donket iv van desen knecht |
| 6015 | Gelouoe gij dat he dat is gereet |
| Vter zegede ick ne weet |
| Wat ick hijr aff mach zeggen |
| De koninch sprack laet neder leggen |
| Allen twiuoel vnde allen waen |
| 6020 | Dit was he de iv dede verstaen |
| Dat iv hangijs doden zolde |
| Vnde den ick zochte in genen wolde |
| He weet dat gescheen is al |
| Vnde ock dat gescheen sal |
| 6025 | Jck wolde dat he ons ock wolde geraden |
| Vnde wij al bij sinen willen deden |
| Vter sprach wij hadden des noet |
| Do deden ze des an em bede groet |
| Dat he em zolde wesen bij |
| 6030 | He zegede wetet dat wal van my |
| Al dat ick wille dat ick dat weet |
| Se zegeden dat wete wij gereet |
| Vnde dat gij de waerheit weten van my |
| Merlijn gij en logen my nye <in HS: e übergesetzt ergänzt> |
| 6035 | Vter ia vnde heb ick iv waerheit <39ra> |
| Jv van hangijse geseit |
| Vnde dar to van uwer mynnen |
| De gij ne en lieten bekennen |
| Vter zegede ia gij· gij doet |
| 6040 | Vnde ombe dat gij zijd zo vroet |
| So zege wij vele de eer dat gij |
| Minen heren altoes weren bij |
| ¶ Merlijn sprach ick do dat vele de eer |
| Mer gij twe vnde neman meer |
| 6045 | Mogen weten wo dat myt my staet |
| Vnde ick moet zo wo dat gaet |
| Jn brytanigen wesen saen |
| Mer dat en mach zo nicht vergaen |
| Jch en sal meer denken op iv |
| 6050 | Dan ombe ieman de leuoet nv |
| Vnde wat node iv to gaet |
| Jck sal wesen al iv raet |
| Al ga ich en wech en achtes niet |
| Als gij my weder komen ziet |
| 6055 | So doet my vor iv lude eer |
| Men sal mijns achten de meer |
| Den quaden zal dat wesen leet |
| De my vnde iv haten gereet |
| Mer ze en zolens nicht doren togen |
| 6060 | Do gij my ere vor eren ogen |
| Jck en verkeer my nv in langer tijt |
| Sonder dar gij twe zijd |
| To hant zal ick komen in dat zale |
| Dan zolen ze dat weten alto male |
| 6065 | Vnde zeggen dat ick gekomen bin |
| Dan doet my ere vor em |
| Se zolen my prisen dar gij staet |
| Vraget my dan dat is myn raet |
| Vnde wat dat gij my vraget dan |
| 6070 | Sal ick iv zeggen vor uwe man |
| ¶ Jn oren rade vnde in den hoff |
| Bleef merlijn vnde nam orloff |
| Beide to komene vnde to gane |
| Vnde em to togene in de gedane |
| 6075 | Dar he inne best bekennet was |
| Vnde alze ze worden gewar das |
| De ene zegen in ziner manier |
| Weren ze des verblidet schier |
| Men zach den koninch kegen em gaen <39rb> |
| 6080 | Do zegeden de lude zaen |
| Seet waer de koninch komet tegen iv vt |
| Dar was blijtscap vnde gelut |
| Jn des koninges zael wart he geleit |
| Des coninges man nemen ene gereit |
| 6085 | Ouer eyne zide vnde spraken |
| Seet hijr merline in waren saken |
| De de beste diuijn is |
| De nv in der werlde is |
| Here biddet em to zeggene al |
| 6090 | Off men de borch iet winnen sal |
| Vnde wo dit orloch zal vergaen |
| Wil he· he zal iv dat zeggen saen |
| ¶ De koninck zegede ich sal em des vragen |
| Eer desse achte dage verdagen |
| 6095 | Des derden dages hilt de koninch feeste |
| Dar weren do de alre meeste |
| De in den lande weren geboren |
| Merlijn zegede den koninge to voren |
| Des em zine lude beden |
| 6100 | Pandragoen sprack myt staden |
| Men zeget my van iv merlijn |
| Dat gij zijd en geen diuijn |
| Jck bidde iv dat gij my zegget eyn deel |
| Wo men winnen zal den casteel |
| 6105 | Vnde ick wil doen al uwen raet |
| Merlijn sprack dat verstaet |
| Vnde prouoet off ick bin wijs |
| Sint dat de sennen verloren hangijs |
| Ne zegen ze anders geen pant |
| 6110 | Dan to ruomene dit lant |
| Gebiedet em vrede vnde wetet <gestr.: dat> vorwaer |
| Se en steken an iv nicht een haer |
| Dan gij em dat laten alle gader |
| Dat em quam van uwen vader |
| 6115 | Mer des en zole gij nicht gehingen |
| Noch em laten dat volbringen |
| Willen ze dat lant ruomen gerede |
| Dat gij em geuoen zulk geleide |
| Vnde schepe dar ze mede varen |
| 6120 | ¶ Do sprack pandragoen twaren |
| Desse dinck wil ick em ontbieden |
| He nam vte alle zinen luden |
| Eynen ridder de hiet vlfijn |
| De de bode zolde zijn <39va> |
| 6125 | Kempe en was in genen tijde |
| De zo stoltelike genck to stride |
| Alze vlfijn voer to den vianden |
| Als ene de sennen verranden |
| Quemen ze iegen em alzo holde |
| 6130 | Vnde vrageden wat de koninch wolde |
| Vnde off he weer des koninges bode |
| He zegede ia ick bij gode |
| Vnde he zent iv vrede dre weken |
| Se zegeden wij willen des ons bespreken |
| 6135 | Vnde do er raet versamelt waert |
| Se zegeden wij zin bezwaert |
| Van onses heren angijs doet |
| Wij en hebben spise cleine off groet |
| Dar ons iet aff weer de bet |
| 6140 | Onthiet/ vnde ons queme ontset |
| Vnde men ontbiedet ons vesten vrede |
| Des hebbe wij to doene mede |
| Vnde dat is wesen harde quaet |
| Dar dat zo nouwe van spise staet |
| 6145 | Mer wij zolen em o(n)tbieden |
| Dat he en wech var myt zinen luden |
| Vnde late ons borge vnde lant |
| Wij zolen dat ontfaen van ziner hant |
| Vnde geuoen em to elken iaer |
| 6150 | Dertich ridder vnde dar naer |
| Tijn vrouwen vnde elke er kamerier |
| Vnde dar to tijn ioncfrouwen fijr |
| Van knapen de den vrouwen dienen |
| Wille wij em senden em tijnen |
| 6155 | Hondert valken vnde hondert perde |
| Vnde hondert orsse van goeder werde |
| ¶ Dit dochte em allen goet raet wesen |
| Vnde gengen ten boden myt desen |
| Vnde zegeden em dit behiet |
| 6160 | Do genck vlfijn en wech gereet |
| Vnde zegede den koninge desse tale |
| Vnde em de waren in den zale |
| Alze de koningh dit verstaet |
| Sochte he des an merline raet |
| 6165 | Merlijn zegede ne doet nicht duos |
| Dar zolde aff komen groet verluos |
| Bliuen ze in den lande dat is verloren |
| Mer gij zult mynen raet horen <39vb> |
| Ontbiedet em dat ze ruomen dat lant |
| 6170 | Vnde op geuoen de borch to hant |
| Se zolen dat doen alle gerne |
| Want ze en hebben nicht to verterne |
| Vnde beheet em lijff vnde lede |
| Vnde schepe to varne mede |
| 6175 | Segget em dat ze nicht ontgaen |
| Js dat ze dit nicht an en gaen |
| Want gij en vredet nember meer zoe |
| Se en zolen des wesen alte vroe |
| ¶ Des morgens de koninch nicht en liet |
| 6180 | He en dede dat em merlijn hiet |
| Langer en sparden nicht de sennes |
| Do ze zeker weren des |
| Dat ze beholden mochten varen |
| Vnde ze ontboden dat twaren |
| 6185 | Achter lande oren vrenden |
| Pandragoen hiet de em dienden |
| Dat ze ze to der zee zolden leiden |
| Dus mosten ze van danne scheiden |
| Dus zegede merlijn pandragone |
| 6190 | Wat den heldenen stont to done |
| <XX.> Wo merlijn des koninges raet wart·· |
| Vnde wo ene een ritter verraden wolde· |
| NV is merlijn al raet gebleuoen |
| Do de sennen dat lant hadden begeuoen |
| Mit den koninge pandragoene |
| Was he van harde groten done |
| 6195 | Vor den koninge helt he de tale |
| Dat en bequam nicht wale |
| Eynen barone de dat zach |
| De gene merkede zinen slach |
| Vnde zegede here dat is vromede dinck |
| 6200 | Dat gij holdet dessen vondelinck |
| Al dat he weet komet em van den viand |
| Dat wil ick prouoen alte hant |
| Dat gij zeluen to zolt zeen |
| Wijl gij dat here laten gescheen |
| 6205 | De koninch sprach zin gij zo vroet |
| Op dat gij ene nicht vertornen doet |
| Dat gij ene prouoet wil ick wal |
| Here zegede he ich en wil nicht al <40ra> |
| Vnde ick en wil ene nicht doen erren |
| 6210 | De ridder en wolde do nicht merren |
| Do em des de koninch orloff gaff |
| He was harde blijde dar aff |
| ¶ De zelue man was harde vroet |
| Vnde harde quaet in sinen moet |
| 6215 | Verreder vnde ock wal geboren |
| To eynen tijden quam he vorn |
| Jn des koninges hoff onder de barone |
| Vnde pijnde em merlijn ere to done |
| He nam ene to rade vor den koninck |
| 6220 | Dar geschiede do desse dinck |
| Dar weren tijne des koninges man |
| Vnde he sprack den koninch an |
| Her koninch zegede he zekerlike |
| Dit is de vrodeste van ertrike |
| 6225 | He vor zegede vtegier |
| To steruene van uwen vuore |
| Hijr ombe bid ick em zekerlike |
| Ombe dat ick bin dus to ongereke |
| Dat he my zegge mynen doet |
| 6230 | Off he dar aff weet cleyne off groet |
| Want wil he· he zalt wal doen |
| Do bat des em de koninch pandragoen |
| Vnde alle de dar weren ginder |
| Vnde merlijn de zine felheit kende |
| 6235 | He zegede gij doet bede groet |
| Ombe to wetene uwen doet |
| Gij zult vallen van eynen perde |
| Vnde breken den hals bouoen der erde |
| Dus zole gij uwen eynde doen |
| 6240 | De ander zegede here pandragoen |
| Merket nv van enen vroeden |
| God mote my dar vor behoeden |
| ¶ Mit den leide he den koninch vt |
| Vnde sprack to em al ouerluet |
| 6245 | Gedenket here wal der woert |
| De gij van merline hebbet gehoert |
| Jck zal ene prouoen harde schier |
| Noch in ener anderen manier |
| Do genck hene de man |
| 6250 | Vnde dede ander cleider an |
| Vnde keerde zo he eirst mach |
| To der stede dar de koninch lach <40rb> |
| He makede em zieck vnde bat to handen |
| Dat ene de koninch zolde vanden |
| 6255 | Vnde he merline brachte myt liste |
| So dat he ziner nicht en wiste |
| De koninch zegede he zolde dar gaen |
| Merline en dede he des nicht verstaen |
| ¶ De koninch zegede merlijn ga wij |
| 6260 | Tot eynen zieken ick vnde gij |
| De hijr leget in de poert |
| Merlijn zegede koninch nv hoert |
| Geen koninch en zal in ertrike |
| Nergen gaen zo hemelike |
| 6265 | Dat en zij dat dertich myt em gaen |
| Do riep de koninch to em saen |
| Dertich ridder vnde myt dien |
| Gengen ze den zieken besien |
| Se quemen dar vnde vonden de vrouwe |
| 6270 | Alze off ze hadde groten rouwe |
| Se zegede here dor iv oetmoede |
| Vraget merline uwen vroede |
| Off myn man icht sal genesen |
| Op merline sach he myt desen |
| 6275 | Vnde zegde vrent wete gij icht dit |
| Dar my de vrouwe ombe bit |
| Here sprack merlijn ick bin des wedde |
| He en steruoet nicht in dit quale bedde |
| ¶ Do verstreckede em de man |
| 6280 | Vnde zegede wo zal ick steruen dan |
| Vnde merlijn de antworde weder |
| Du zalt steruoen op vnde neder |
| Want du zalst verhangen wesen |
| Vnde merlijn genck en wech myt desen |
| 6285 | Vnde gebeerde off he were gram |
| Vnde als de ander dat vernam |
| Sprack he to den koninge gereet |
| Hoert wat desse sot nv zeit |
| Prouoet dat he heuet gelogen |
| 6290 | He zegede twe dinge vor uwen ogen |
| Dat neman alzo en starff |
| Jck zal ene prouen derde werff |
| Vnde ick wil in eyne abdie |
| Gaen liggen in eyne formenie |
| 6295 | Vnde bij den abbete iv onbieden |
| De sal zeggen tot den luden <40va> |
| Dat ick eyn zieck broder zij |
| Vnde zo zieck dat men my |
| Meynet zolen vorscheiden |
| 6300 | Vnde gij zult merline myt iv leden |
| Vnde ick en prouoe ene nember bet dan nv |
| De koninck sprack ick kome tot iv |
| Vnde brenge merline ock mede |
| ¶ De gene genck to gener stede |
| 6305 | Vnde dede do aldus desse dinck |
| Vnde zende do ombe den koninck |
| De koninck quam vnde merlijn mede |
| Alze ze quemen to gener stede |
| Hoerden ze mysse vnde do saen |
| 6310 | Quam de abbet tot em gegaen |
| Vnde vijff vnde twintich moneke myt den |
| Vnde beden dat he genge beseen |
| Eynen zinen zieken broder |
| Vnde brenge merline he is vroder |
| 6315 | Dar an dan dit volck is al |
| De koninch sprack gerne ick sal |
| Merlijn he en wil des laten niet |
| He ne wil al dar de koninch to ziet |
| Vter zinen broder spreken |
| 6320 | Vnde ondecken em desse treken |
| ¶ Nu donket my zegede he in mynen synne |
| So ick iv twen bet bekenne |
| So gij my donket dulre wesen |
| Mende gij ick en wete wal van desen |
| 6325 | De my prouoet wo he sal steruen |
| Jck sal ene noch eneweruoen |
| Seggen dat iv sal wonderen meer |
| Dan dat noch dede van dessen heer |
| De koninck sprach mochte dat waer wesen |
| 6330 | Dat du heuest geseget van desen |
| Merlijn zegede em daer naer |
| Men hange my en is dat nicht waer |
| Vnde dat zegge ick vter mede |
| Dat zal zulck horen hijr to der stede |
| 6335 | De dar van en scheidet niet |
| Eer em dit al is geschiet |
| ¶ Hijr lieten ze de tale staen |
| Vnde volgeden den abbete saen <40vb> |
| De abbet sprach vraget koninch heer |
| 6340 | Off desse man nember meer |
| Van dessen ouoele genesen mach |
| Merlijn gebeerde als he ene sach |
| Genoech als off he were irre |
| De doet sprack he is em noch vere |
| 6345 | Dat is ombe nicht dat he my bekoert |
| Al dat gij van my hebbet gehoert |
| Vnde dat is wonderlike vele |
| Want als he steruet wetet dat wale |
| Dat zijn hals sal breken ontwe |
| 6350 | Vordrinken vnde hangen dit is wonder mer |
| Hijr is zulc de zeen sal de saken |
| He en darff em nicht zo zieck maken |
| Want ick kenne zijn herte wal |
| Vnde zine gedanken valsch al |
| 6355 | ¶ De man zat op vnde sprach· koninck |
| Here nv merke desse dinck |
| Vnde de dulheit van desen |
| Wo dit waer mochte wesen |
| Dat ick breken zolde den hals |
| 6360 | Verdrinken vnde hangen dit is valsch |
| Dit is dat nicht gescheen en kan |
| Van my noch van andern man |
| Merket wo gij wijs mochten wesen |
| Dat gij iv holdet an desen |
| 6365 | De koninck zegede ick en do dar to niet |
| Dat is zo vromde dinck geschiet |
| ¶ Desse dinck bleff to der stont |
| Vnde dat wart den luden kont |
| Dat merlijn zegede van dessen man |
| 6370 | Manich legede den zin dar an |
| To prouoene wo dat mochte wesen |
| Dat merlijn geseget hadde van desen |
| Onder de lude liep de zage |
| Do geschiede in eynen dage |
| 6375 | Dat de man quam gereden |
| Mit vele luden to eyner steden |
| Op eynen riuoeer de was deyp |
| Dar eyne brugge ouoer liep |
| Sijn pert was verdich vnde snel |
| 6380 | Vnde dat snevede vnde he vel |
| Vnde brack alzo den hals ontwe <41ra> |
| Sijn voet voer noch myn noch mer |
| Jn een gat van der bruggen gerede |
| Dus verdrank he vnde brack den hals bede |
| 6385 | Dat houet vnde sculderen henck em inde beke |
| Vnde bij den beyne ock zekerlike |
| Bleef he hangende ter zeluer wijle |
| Dar weren ze twe zonder gijle |
| De al dit vor zegen beide |
| 6390 | Dat merlijn to voren zegede |
| ¶ Schire was dar groet gekrij |
| Van eynen dorper wonede <sic> dar bij |
| Dar quam aI dat volck gelopen to |
| Vnde nemen den doden ridder alzo |
| 6395 | De lude de hoerden dese sproken |
| Vrageden is em de hals to broken |
| De dorpers antworden ia he |
| Do ze dit hoerden spreken ze |
| Twaren merlijn en zegede geen valsch |
| 6400 | He zegede du zalt breken den hals |
| Vnde hangen mede vnde verdrinken |
| He mach ons harde wal nv denken |
| Dul de em mystrowet hijr naer |
| Want he zegedet ons al vorwaer |
| 6405 | ¶ Den man groeff men in korter stont |
| Al dit was merline wal kont |
| Vnde zegede dat vter in hemelicheden |
| Vnde zegede dat he dat den broder(e) zegede |
| Vnde vter vortelde dat den koninck |
| 6410 | Do sprach de koninch desse dinck |
| Heuet merlijn al vor gezeget |
| Vnde is dat dus worden waerheit |
| Vraget em zegede welcke tijt dat was |
| Vnde vter he vragede em das |
| 6415 | Gisterne antworde merlijn |
| Vnde de boden zolen hijr zijn |
| Van nv ouoer den zesten dach |
| Vnde ick ga henen al dat ick mach |
| Want ick en wil hijr nicht wesen |
| 6420 | Als de mere komet van desen |
| Want men my vele vragen zolde |
| Des ick node antworden wolde |
| Jck en spreke vor dat gemeyne diet |
| Vorwert meer nembermeer niet |
| 6425 | ¶ Dus sprach merlijn vter to <41rb> |
| Vnde vter zegede dat den broder do |
| De koninch mende dat he weer irre |
| Vnde sprack is he noch iet verre |
| Vnde wete gij werwert dat he geet |
| 6430 | Vter zegede here ick en weet |
| Mer he en wolde hijr nicht wesen |
| Als de mere quam van desen |
| Merlijn genck blasise zoeken |
| Vnde doet dat scriuen in den boken |
| 6435 | ¶ Vnde pandragoen ontsach em das |
| Dat merlijn verbolgen was |
| Vnde to den zesten dage na desen |
| Quemen ze de hadden gewesen |
| Al dar gescheet was dat wonder |
| 6440 | De koninck sprach vnde nicht bysonder |
| Vnde zegede do al dar he stoet |
| Nu en is neman alzo vroet |
| Alze merlijn is weet ick wale <in HS: e übergesetzt ergänzt> |
| Nembermeer en zegget he tale |
| 6445 | Jck en zal dat al bescriuen doen |
| Aldus began dar pandragoen |
| Eyn boeck to scriuoen in der manier |
| Van merlijns prophetien schier |
| Vnde van den koninge van engelant |
| 6450 | Dat manigen is onbekant |
| Dat boeck en zeget nicht das |
| We desse vrode merlijn was |
| Want he en brenget nicht voert |
| Anders dan bedeckede woert |
| 6455 | ¶ To den tiden was merlijn al heer |
| Ouoer al den raet myt groter eer |
| Bouoen aureliuos vnde ambrosius |
| De de meesten weren van den hues |
| Mer do ze wolden zine woert |
| 6460 | Scriuen· vnde he heuet dat verhoert |
| Segede he blasise de zaken |
| Blasijs zegede zolen ze maken |
| Sulc een boeck alze is dat mijn |
| Neen ze nicht sprach merlijn |
| 6465 | Se en scriuen nicht al zonder waen |
| Dan dat ze nicht en konnen verstaen |
| Noch nicht geweten wo dat geschiet |
| Hijr na zo en liet merlijn niet |
| He quam to houe men zegede em daer <41va> |
| 6470 | Van den manne al de nie maer |
| Wo he weer bleuoen doet |
| Alze off he des en wiste cleine off groet |
| ¶ Quijt was de koninck alles rouwen |
| Do he merline mochte scouwen |
| 6475 | Vnde makede myt em grote feeste |
| Hijr spreket van merline de jeeste |
| Dat he de bedeckeden woert |
| Alre eirst begonde brengen voert |
| Vnde de prophetien oeck al |
| 6480 | De neman bekennen en zal |
| Eer dat ze verspellet zijn |
| So en mach neman weten den fijn |
| <XXI.> Wo de sennes weder in dat lant quemen |
| Vnde pandragoens doet·· |
| NV spreket merlijn den koninck ter stede |
| Vnde vter sinen broder mede |
| 6485 | Vnde zegede ick pine my nv zeer |
| Ombe iv gewin vnde ombe iv eer |
| Derre woerde hadden ze wonder beide |
| Vnde beden dat he ze dan zeide |
| Vnde al gader dat he myt gebode |
| 6490 | Jck en heles iv nicht sprack he bij gode |
| Jck sal iv tellen iv twen bysonder |
| Des iv zal hebben groet wonder |
| Gedenket iv dat gij hebbet verdreuoen |
| De sennes de weren gebleuoen |
| 6495 | Jn uwen lande na hangijs doet |
| Hangijs liet geslachte groet |
| Do ze sinen doet vernemen |
| Vil balde ze to samene quemen |
| Vnde zworen de iongen myt den olden |
| 6500 | Dat ze zinen doet wreken solden |
| Vnde ze zint versament alto hant |
| Alze omb to winnen iv lant |
| ¶ Em beiden wonderde des alze ze dat vernamen |
| Vnde zegeden hebben ze groet volck to samen |
| 6505 | Se hebben meer volkes dan gij |
| Des moge gij gelouoen my |
| Se zolen iv v lant aff gewinnen |
| Se zegeden konne wij dat bekennen |
| Wij en doen nicht dan uwen raet <41vb> |
| 6510 | Merlijn zegede nv verstaet |
| Welke tijt gij er komst bewaent |
| Des elfften dages in wedemaent |
| Solen ze an uwen lande liggen |
| Vnde dit en zole gij neman zeggen |
| 6515 | Vnde dit en weet neman dan gij |
| Nu doet mynen raet dar bij |
| Doet alle uwe lude ontbieden |
| Vnde geuoet em dan scone meden |
| Elken na den dat he is weert |
| 6520 | Vnde ock na dat he verteert |
| Vnde ock kan decken sinen moet |
| Seet dat gij ze dagen doet |
| Vnde dat ze komen zekerlike |
| Jn wedemaent in der eirsten weke |
| 6525 | Jn dat dal van salesbire |
| Jn den mersch op de riuoere |
| Vnde dar gereet zin altehant |
| Alze dar to beschermene iv lant |
| ¶ Raet gij dat sprack pandragoen to handen |
| 6530 | Dat wij ze dar dan laten landen |
| Ja ick zegede he van der riuoeren |
| Sol gij ze vere laten logieren |
| So dat ze uwes volkes nicht en weten |
| Vnde alze ze dan zin geseten |
| 6535 | So zendet een deel van ridderschape |
| Tuschen em vnde er schepe |
| Juwer een sal mede varen |
| Aldus zo <gestr.: g> moge gij ze vervaren |
| Vnde vart zo na in desser manieren |
| 6540 | Dat gij ze verre van der riueren |
| Holdet dar dre dage al stille |
| Se zolen hebben eren onwille |
| Ten derden dage zol gij vechten |
| Vnde dat wil ich iv verplichten |
| 6545 | Gij hebbet den zege do gij dat |
| De koninch sprach ter zeluer stat |
| Bliuet onser enich dar in |
| Merlijn sprack hade <in HS: e übergesetzt ergänzt> gij begin |
| So komet dar omber eyn eynde naer |
| 6550 | En geen myn zal hebben vaer |
| Kegen den doet off he den ontfaet |
| Alzo als dat nv geschapen staet <42ra> |
| Want eynde mote wij omber doen |
| Do sprach de koninck pandragoen |
| 6555 | Du heuest gezeget wonder groet |
| Dat du wetest alzo wal mynen doet |
| Alze den zinen de van den perde vel |
| Want dat wistes du harde wal |
| Hijr ombe toech hijr de waerheit dine |
| 6560 | Vnde zech my dan den mynen |
| ¶ Merlijn sprack ick wil dat gij |
| De hilgen brengen vor my |
| Vnde gij my doet eynen eet |
| Vnde dat zole gij doen wal gereet |
| 6565 | Dat ick rade dor iv goet |
| Jck sal mynen bedeckeden moet |
| Vor iv ondecken saen |
| Alze dit de heren hadden verstaen |
| Segeden ze wij hebben gezworen |
| 6570 | Wat zaltu zeggen laet ons horen |
| He sprach ick do al sonder miden |
| Swert dat gij zult zijn goede lude |
| Ten stride den men zal vechten nv |
| Kegen gode vnde kegen iv |
| 6575 | ¶ Jck wil dat gij gebijchtet zijt |
| Gij hebbet des to done op desse tijt |
| Bet dan op een ander vart |
| Want gij op uwe viande vart |
| Vnde zin gij zulc als ick gebiede |
| 6580 | Gij zult verwinnen al de lude |
| Want ze em an gode nicht en keren |
| Vnde verwert iv lant myt eren |
| ¶ Wat manne dat steruet in een gevecht |
| Ombe to beholdene zijn recht |
| 6585 | He is versonet kegen onsen heer |
| Vnde he en zal den doet nicht vruchten zeer |
| Jck zegge iv oeck zint dat in dit lant |
| Cristenheit eirst wart bekant |
| So en was ne zo bitter strijt |
| 6590 | Noch en wirt hijr na in langer tijt |
| Gij vter vnde gij pandragoen |
| Sworen dat gij zult iv beste doen |
| Jck en zegge iv meer noch goet noch quaet |
| Eer ick ze wo dat vergaet |
| 6595 | ¶ De ene van den twen zal hijr steruoen <42rb> |
| Vnde de ander de hijr sal eruoen |
| De zal maken to salesbiere |
| Eynen kerchoff rike vnde dure |
| Al gader na mynen raet |
| 6600 | Alzo lange als de werlt staet |
| Sal myn werck dar ane bliken |
| Jck hebbe gezeget gij en konnen des nicht ontwike(n) |
| Dat de ene van iv twen hijr bliuen moet |
| Nu zijt stolt vnde vroet |
| 6605 | Alzo als ick iv hebbe geseit |
| Elc man sal zijn gereit |
| So he schoenst mach ombermeer |
| To komene vor onsen heer |
| Juwer een de moet daer varen |
| 6610 | Doet iv bijchte zonder sparen |
| Vnde toget uwen volke schone gelaet |
| Vnde zegget em dan wo dat staet |
| Dus kome gij in dat hemelsche sale |
| Dus endede merlijn zine tale |
| 6615 | ¶ Vnde de twe broder hebben dat verstaen |
| Vnde ontboden er volc saen |
| Dat ze dar weren zeget dat gedichte |
| Geuoen ze manegen schone giffte |
| Den hogen luden ze do beden |
| 6620 | Dat ze em ten wapene deden |
| Vnde geboden in er lant |
| Dat volc myt gewapender hant |
| To wesene al gemeenlike |
| Jn wedemaent in der ersten weke |
| 6625 | Jn den plaen to salesbire |
| Op de teemse de schone riuoere |
| Ombe to beschermene dat lant |
| Ne en was dat manne bekant |
| He en zegede dat he dat gerne dede |
| 6630 | ¶ Dus quam dat to den dage bij rade |
| Dar dat volc op ontboden was |
| De heren belouoeden em das |
| Vnde deden dat merlijn hiet |
| To pinxsten en lieten ze des niet |
| 6635 | Se en helden hoff op de riuoere |
| Jn dat dal van salesbire |
| Manege gauoe geuoen ze dar |
| Schire quam de nie meer vorwaer |
| Dat de heidenen in dat lant quemen <42va> |
| 6640 | Vnde als de heren dat vernemen |
| Dachten ze ombe merlijns gewach |
| Dit was op sante barnabas dach |
| ¶ To den tiden geboet pandragoen |
| Dat ze em bijchten zolden doen |
| 6645 | Vnde elc bij zines preesters rade |
| Vergeuoe den andern zine mysdade |
| De heidenen ontschepeden myt liste |
| Vnde deden em op de ruoste |
| Ouoer negen dage begonden ze rijden |
| 6650 | Pandragoen sprack merline ten tijden |
| Vnde vragede wat he zolde doen |
| Merlijn zegede here pandragoen |
| Sendet vter nv darwart |
| Mit vele ridders to der vart |
| 6655 | To erst dat ze komen op dat velt |
| Dar ze hebben er getzelt |
| Sal he em de schepe ontriden |
| Vnde sal ze dwingen to den tijden |
| To wesene verre van der riuere |
| 6660 | Vnde holden ze kort in der maniere |
| Dat ze dar bliuen wen lieff wen leit |
| Dan zo porret dat her gereet |
| Des morgens alze ze willen rijden |
| Dan sal he zere op em strijden |
| 6665 | So dat ze nergen mogen varn |
| Dar ne wirt neman zo kone twarn |
| He en wolde to lande weder wesen |
| Twe dage holt ze in desen |
| Des derden dages komet myt uwen her |
| 6670 | Vnde zet iv dar kegen to wer |
| ¶ De dach zal zijn claer vnde schone |
| Gij zolt dan zeen onder den trone |
| Vnde in der lucht eynen drake |
| De sal beduden uwe sake |
| 6675 | Vnde dan vechtet zonder vaer |
| De zege sal iv wesen zwaer |
| Dit ne hoerde al geen baroen |
| Dan vter vnde pandragoen |
| Se weren blide do ze dat hoerden |
| 6680 | Merlijn sprack na dessen woerden |
| Sijt zonder vaer ick wil gaen |
| Dit is waer dat ick iv do verstaen |
| Denket omb to wesene goede man |
| Vnde stolt dit rade ick iv dan <42vb> |
| 6685 | ¶ Aldus scheden do de dre |
| Vter voer dat zeget men my |
| Tuschen de heydenen vnde de schepe |
| Mit ziner stolten ridderschepe |
| Merlijn beuoal ze gode beide |
| 6690 | To vter keerde he vnde seide |
| Jck zegge dij al vorwaer |
| Du machst wal zijn al zonder vaer |
| Du ne steruoest nicht in dessen strijde |
| Du machst myt rechte wesen blijde |
| 6695 | Merlijn voer in nortomber lant |
| Al daer he blasise vant |
| Blasijs heuoet al dit bescreuoen |
| Vnde van em ist ons noch bleuoen |
| ¶ Vnde vter dede de heidenen schijr |
| 6700 | Vere logieren van den riueer |
| Vnde en liet er nicht to schepe varen |
| So zere dwanck he ze zonder sparen |
| Dat ze op dat dorre velt |
| Ores ondankes legen myt gewelt |
| 6705 | Vnde makede em zo starck dat striden |
| Dat ze nergen dorsten riden |
| Aldus dwanck he ze twe dage |
| Ten derden dage dat is zonder sage |
| Quam pandragoen myt zinen her |
| 6710 | Vnde sach waer ze myt groter wer |
| Legen op dat dorre velt |
| Vnde wo ze do myt gewelt |
| Scharden er her to den tiden |
| Vnde wolden op vter striden |
| 6715 | To erst dat he den koninck sach |
| Schart he zijn her al dat he mach |
| Vnde liet lopen to den vianden |
| Do dat de heidenen becanden |
| Dat ze allenthaluen weren bestaen |
| 6720 | Worden ze harde zeer ontdaen |
| Se en mochten nicht nv to der tijt |
| To den schepen keren zonder strijt |
| Mit den sachmen in der lucht |
| Eynen draken komen myt groter vrucht |
| 6725 | Merlijn hadde dat vor gesecht al hier |
| De drake wart vlamme vnde vuer |
| Op de schepe vte ziner kele |
| Dat zegen lude harde vele |
| De dar aff hadden grote vaer |
| 6730 | Pandragoen riep dar naer <43ra> |
| Slaet myt sporen vnde vter mede |
| Sach wat zines broder her dede |
| Vnde haeste em alzo de meer |
| Des koninges her versamende eer |
| 6735 | Des schamede em vter aldaer |
| Dat zegge ick iv al vor waer |
| Ginder geschiede in elke zide |
| Grote moert in genen stride |
| De heidenen nemen den meren schade |
| 6740 | Jck en hebbe to seggene gene stade |
| We dat dar best dede myt der hant |
| Want ick dat in dat romans nicht en vant |
| Mer dat zegede he de dat bescreeff |
| Dat dar pandragoen doet bleff |
| 6745 | Vnde myt em ziner lude vele |
| Vter wan in den nijt spele |
| Den zege tellet ons de ieeste |
| Ne en las ick noch en vereyschte |
| Dat der heidenen ienich ontstoet |
| 6750 | Se ne moesten alle bliuen doet |
| <XXII.> Wo vter koninch wart· vnde wo·· |
| De zittene van der tafelronde gemaket worden |
| Aldus vnde in desser manier |
| Was de strijt to salesbier |
| Dar bleff doet de koninck pandragoen |
| Dat rike bleeff an vter doen |
| 6755 | Dat recht was na des landes zede |
| Nu hoert wat vter nv dede |
| He dede de cristenen to gader dragen |
| De dar doet verslagen lagen |
| Vnde hiet dat elc zinen vrent neme |
| 6760 | Vnde groeff ene zjnen lijchame |
| Vnde leggen in ene hoge tombe |
| Van schonen steynen al ombe |
| Op elken screeff men wo he hiet |
| Mer op den koninck en screeff men niet |
| 6765 | Den legede he hoger dan neman al |
| He zegede he ne gevrodet nicht wal |
| De des nicht gelouet omber meer |
| Dat en was <in HS: am Zeilenende nachgetragen> erre alre heer |
| Van den genen de dar lagen |
| 6770 | Vter bleff al zine leuoe dagen |
| Des rikes geweldich genoech |
| Als he koninges crone droech |
| So was he komen to lonnen |
| Vnde al zijn volc quam geronnen <43rb> |
| 6775 | Dar he em koninck dede maken |
| Dit weren omber waer saken |
| Abbete papen vnde clerke |
| Vnde prelate van der kerke |
| Dus wart vter na des koninges doet |
| 6780 | Coninck gekoren vor de genoet |
| ¶ Als de manschap was gedaen |
| Van sinen mannen· daer na saen |
| Quam merlijn op den vijffteynden dach |
| To eirst dat ene de koninck sach |
| 6785 | Was he van merline harde vro |
| Merlijn zegede nv zech alzo |
| Den volke als ick lange tijt |
| Dij vor zegede dessen strijt |
| Vnde vter vortellede al de sake |
| 6790 | Sonder alleyne van den drake |
| Dar aff he wiste ne groet noch cleyne |
| Want merlijn hadde gezecht alleyne |
| Pandragoene sinen broder |
| Des zo makede he vter do vroder |
| 6795 | Wat de drake mochte beduden |
| Al daer zo zegede he dat al den luden |
| Dat he bedude des koninges doet |
| Vnde vters ere vele groet |
| Ombe dat de koninck hiet pandragoen |
| 6800 | So wolde merlijn omber doen |
| Dat vters to name dat weer |
| Dor des broders wille openbaer |
| Vnde dor dat teiken van den drake |
| Vnde dor desser twijer sake |
| 6805 | Dede he ene voertmeer vor de baroen |
| Hieten vter pandragoen |
| Van merlijns rade hadde he grote ere |
| Dus bleyff he myt em voert mere |
| So dat de raet an em al lach |
| 6810 | Do geschiede op eynen dach |
| Dat de koninck in rasten sat |
| Vnde merlijn zegede nv zegge my dat |
| Waer ombe ne doestu cleyne noch groet |
| To dinen broder de is doet |
| 6815 | Vnde licht gegrauen to salesbire |
| De koninck zegede nv visiere |
| Dat du willest vnde laet my horen |
| Merlijn zegede du heuoes gesworen |
| Vnde gelouoet oeck zeluen mede <43va> |
| 6820 | Dat wij zolden to der stede |
| Sulk teiken zetten zonder waen |
| Dat nomber meer ne zolde vergaen |
| Loze dinen eet· ick loze mijn woert |
| Vter pandragoen antwort |
| 6825 | Sech dinen willen ich en do des nicht node |
| Merlijn sprack ick wil bij gode |
| Dat gij in irlant nv zendet |
| Ombe grote steyne de men dar vindet |
| Vnde doet ze brengen myt ballingen |
| 6830 | Men kan ze nicht zo groet gebrengen |
| Jck en zal ze wal alleyne op richten |
| Sendet en wech ick vare myt den knechten |
| ¶ De koninch vter pandragoen |
| Hiet al zinen willen doen |
| 6835 | Vnde dede dar vele schepe varen |
| Vnde als ze ginder komen waren |
| Togede em merlijn grote steyne |
| Vnde zegede dit zin ze de ick meyne |
| De gij in engelant zolt voren |
| 6840 | Se zegeden alle vnde zworen |
| Dat de werlt gemeyne |
| Nicht verborden de steyne |
| Wij en voren er nicht wat des geschiet |
| Merlijn zegede zo is dat ombe niet |
| 6845 | Vnde dat gij zijt komen in dit lant |
| Se keerden weder alto hant |
| Vnde zegeden den koninch eren heer |
| Se meynden dat nembermeer |
| Man gedede dat merlijn hiet |
| 6850 | De koninch zegede dat en zegget niet |
| Eer dat merlijn komen zij |
| Schire dar na zo quam he |
| De koninch telde em gereet |
| Wat de schiplude hadden geseit |
| 6855 | ¶ Coninch zegede he na den dat ze |
| My breken truwe· so heb ich my |
| Van mynen gelouoe gequijt |
| Do dede merlijn in corter tijt |
| De groten steyne brengen |
| 6860 | Mit liste zonder ander dingen |
| Jn dat dal van salesbire |
| Dar leide he den koninch schire |
| Vnde ock vele ziner lude |
| To siene wat daer geschiede <43vb> |
| 6865 | Vnde do se zegen de steyne |
| Se zegeden dat de werlt gemeyne |
| De steyne nicht verporren mochte |
| Em hadde wonder we ze dar brochte |
| Want neman hadde ze zeen komen |
| 6870 | Merlijn sprack dat zolde iv vromen |
| Mochte gij de steyne doen gestaen |
| Dat weren de schoensten sonder waen |
| De men iergen mochte vinden |
| Nu wil ick myne tale eynden |
| 6875 | ¶ Do zegede vter pandragoen |
| Dit ne mochte neman doen |
| Dan got zeluen· vnde merlijn seide |
| Nu gaet en wech vnde ruomet de heide |
| Jck wil quijten myn geloff |
| 6880 | Jch hebbe gedaen daer men off |
| Alzo lange sal spreken sonder waen |
| Alze desse werlt sal staen |
| Do richte merlijn gene steyne |
| Vnde dede dar to dinck ne geyne |
| 6885 | Dan zine bedeckeden art |
| Do genck he to den koninge wart |
| Den he mynde vnde deynde wal |
| ¶ Op eyne tijt zo gevel |
| Dat merlijn was wal zeker das |
| 6890 | Dat em de koninch holt was |
| Vnde he em wal gelouoen zolde |
| Van al dat he em zeggen wolde |
| Do gevel in eynen <gestr.: unlesbarer Buchstabe> tijde |
| Dat he ene riep an eyne zijde |
| 6895 | Vnde zegede ick wil my ondecken nv |
| Van neuwen rade kegen iv |
| Gij zijt een ionck man vnde eyn neuwe |
| Vnde al dit koninchrike is uwe |
| Vnde hebbet alzo vele in uwe hant |
| 6900 | Als enich koninch doet zijn lant |
| Hijr ombe zegge ick iv een dinck |
| Gedenket iv icht dat angijs genck |
| Bij nachte allene omb uwen doet |
| Vnde ick lozede iv vt der noet |
| 6905 | Hijr ombe donket my guet recht |
| Dat gij my gelouoet echt |
| ¶ Jck do gerne sprack de koninch |
| Want ick gelouoe dij alre dinch <44ra> |
| Dat du my hetes wil ick doen |
| 6910 | Twaren here vter pandragoen |
| De vrome is uwe zonder scheren |
| Dat zal iu harde luttel deren |
| Dat ick iv zal to voren brengen |
| Vnde gij en moget in genen dingen |
| 6915 | So lichte gewynnen dat hemelrike |
| He zegede ick zal dat doen sekerlike |
| Al zoldet my werden to ongemake |
| Merlijn sprack dat is eyne sake |
| De vromde schint ick zalt dij zeggen |
| 6920 | En wult du dat neman to voren leggen |
| Jck wille dat de eer vnde de vrome |
| Alto male iv dar aff kome |
| ¶ De koninck sprach dat en is geen man |
| De dat van my geweten kan |
| 6925 | Merlijn sprack nv prouoet hijr in |
| Dat my hijr aff den groten zin |
| De duuel geuet vnde anders niet |
| Dat ick weet al dat geschiet |
| Mer god de alle dinck mach geuoen |
| 6930 | Heuoet my gegeuoen dar beneuoen |
| Dat ick weet dat gescheen sal |
| Hijr bij bin ick ontfonden al |
| Den duuele vnde der hellen to |
| Want ick oren willen nicht en do |
| 6935 | Wete gij wannen mij komet de macht |
| De ick hebbe vor geacht |
| Jv to zeggene wat god gebiet |
| Vnde als gij dat wetet en latet niet |
| Gjj en doen onses heren wille |
| 6940 | Nu hoert mij vnde zwiget stille |
| ¶ God quam dor onsen willen her |
| Omb to verlosene den sonder |
| He sprak to der tafelen dar he sat |
| Mit sinen iongeren vnde at |
| 6945 | Mij heuet verraden uwer een |
| Alz dat waer was vnde wal scheen |
| De sculdege he genck henen saen |
| Do onse here was verdaen |
| An den cruce dor onsen wille |
| 6950 | Do dede ene aff eyn ridder stille |
| De onsen heren hadde leeff <44rb> |
| He was gehangen als een deeff |
| An den cruce dor onse zonden |
| He verrees in korten stonden |
| 6955 | Vnde de ridder de ene aff dede |
| Voer wonen in ene woeste stede |
| Vnde zine mage vnde zine lude |
| Tote dat eme ene plage geschiede |
| Vnde van honger groet mysual |
| 6960 | Do clageden ze dat den ridder al |
| Do bat he gode dat he vertogede |
| Dat zijn volc dat leet gedogede |
| Do geboet em onse here |
| Dat he makede in der ere |
| 6965 | Der tafelen dar he to sat |
| Eyne ander vnde zette dar op zijn vat |
| Vnde deckede dat myt eynen clede cleyne |
| Al omb vnd ombe sonder alleyne |
| An eyne zijde de kegen em weer |
| 6970 | Dar zolde he kennen bij de schaer |
| De behoerden to der goeder straten |
| De gene de to der tafelen saten |
| Hadden oren wille dar mede |
| Dar was altoes ene ydele stede |
| 6975 | Dar was de stat betekent mede |
| Dar iuodaes em seluen vt dede |
| Want he track em seluen achter |
| Vnde verriet gode des hadde he laster |
| ¶ Echter zole gij weten hijr naer |
| 6980 | Dat de apostele koren daer |
| Eynen de der stat werdich was |
| Dat is van triere mathias |
| Here dit zin tafelen twe |
| De concorderen myn noch me |
| 6985 | Ouoer eyn onder em beiden |
| Alle de lude de er lijff leiden |
| Mit josepes tafelen to elken male |
| Geuoen em den namen vanden grale |
| Gelouoet gij my van dessen saken |
| 6990 | Gij doet de tafelen maken |
| Jn de ere der dreuooldicheit |
| Vnde ick gelouoe iv ock gereit |
| Dat iv grote ere dar aff zal komen |
| Vnde dat zal iv to der zielen vromen |
| 6995 | Ock sal in uwen tijden geschien <44va> |
| Groet wonder dar gij to zolt zeen |
| Vnde ick iv helpen wil her koninck |
| Dat sal oek wesen een dinck |
| Daer vele talen aff zal gaen |
| 7000 | Want grote gracie zal ze ontfaen |
| De daer aff wal spreken konnen |
| Vnde de den grael hebben gewonnen |
| Vnde de den ock holden twaren |
| Sin to den westenwert gevaren |
| 7005 | Alzo als dat onse here geboet |
| Vnde een ander geselscap groet |
| De nicht en weten van den vate |
| Gaen westwert de rechten state |
| ¶ Gelouoe gij des mij gij zolt doen maken |
| 7010 | Dor desse dinck al ander saken |
| Do gij dit gij werdes vro |
| Merlijn sprack den koninge so |
| Vnde dat duchte den koninge goet |
| Mij is leef dat men dit doet |
| 7015 | Jck wil al dat wil onse here |
| De koninck sprack to merline mere |
| Jck legge den last al op dij |
| Du ne mogest nicht geheten mij |
| Jck ne wille dat al gader doen |
| 7020 | Dat sprack vter pandragoen |
| Vnde liet em al gewerden das |
| Des merlijn wal blijde was |
| ¶ Fier wart merline dat herte binnen |
| He sprak here helpet bekennen |
| 7025 | Waer men best do desse dinck |
| Dar iv dat best donket sprack de koninck |
| Vnde dar du er gode mede best betalest |
| Merlin sprack to caredol in walsch |
| Dar zole gij to pinxsten houoen |
| 7030 | Weset dar blide men sal iv louoen |
| Vnde geuoet dar schone gifften |
| Jck ga vor de dat sal dichten |
| Geuoet mij tymberman vnde lude |
| De dat doen dat ick gebiede |
| 7035 | Dat dede de koninck alto hant |
| Vnde ontboet in al zijn lant |
| Dat he to caredol zonder sage |
| Hoff wolde holden in pinxste dage |
| ¶ Vnde merlijn visierde in de poert |
| 7040 | Dat to der tafelronden behoert <44vb> |
| Vnde de koninck quam dar corteleke |
| Vor pinxsten in de eirste weke |
| Vnde vragede merline wat he doet |
| Wal sprak he dat is al gespoet |
| 7045 | Mit den mochte men ginder scouwen |
| Ritter komen vnde vrouwen |
| Do vragede vter pandragoen |
| Wat lude zaltu daer sitten doen |
| To derre tafelen· dat zolt gij zeen |
| 7050 | Morgen sprack merlijn mittien |
| Dat gij nicht en wenet gebieden |
| Jck sal nemen in corten tijden |
| Vijfftich ridder zekerlike |
| De besten van alle desen rike |
| 7055 | Alze se to der tafelen zin geseten |
| Se en zolen em nicht vermeten |
| Weder to kierene to eren houe |
| Dat zolen zijn ridders van louoe |
| Als gij de ydele stede ziet |
| 7060 | Ne verget der tafelen niet |
| Dar desse was gemaket naer |
| Aldus dede merlijn daer |
| Als he hijr zegede ouoerluet |
| ¶ Des andern dages koes he vt |
| 7065 | Vijfftich ridder alle bij namen |
| Vnde bat em dat ze sitten quamen |
| Tote gener tafelen vnde aten |
| Se zegeden gerne vtermaten |
| Merlijn de vele wijsheit konde |
| 7070 | Genck al ombe de tafelronde |
| De den koninch riep dar to mede |
| Vnde wijsede em de idele stede |
| He sach ze vnde manich ander man |
| Mer neman en wiste wat dar an |
| 7075 | Gelach· al sach he ze wal idel staen |
| Dan merlijn al sonder waen |
| ¶ Dat werck hadde merlijn voldaen |
| Den koninch hiet he eten gaen |
| Jck en do des nicht zegede he lieue vrent |
| 7080 | Eer dessen heren is vol dient |
| Vnde do men hadde voldient den heren |
| Do ginck de koninch eten myt eren |
| Al de achte dage hilt he hoff |
| Vnde gaff vele des hadde he loff |
| 7085 | Beide heren vnde vrouwen |
| Genoech des moge gij mij getrouwen <45ra> |
| Do de heren dannen schieden |
| Vragede de koninck den luden |
| De to merlijns tafelen zeten |
| 7090 | Wes dat ze em vormeten |
| Here zegeden ze onser alre wille |
| Dat is hijr to bliuene stille |
| Wij en willen nicht henen schieden |
| Wij en mogen to pinxsten gereden |
| 7095 | Hijr to sine to tercie tide |
| Vnde hijr dan to wesene blide |
| Wij willen ontbieden onse masseniede |
| Vnde leuen hijr alze guede lude |
| Js dit iv wille sprack de koninck |
| 7100 | Ja spreken ze weerliker dinck |
| Ons wondert wat dat beduden mach |
| Vnde onser en geen ne anderen sach |
| Vnde elc den andern nv dus mynt |
| Off he weer sijns selues kint |
| 7105 | Dat en do de doet wij en schieden niet |
| Als de konjnck dat gesiet |
| Hiet he dat men em dede eer |
| Als off he dat zeluen weer vnde meer |
| ¶ Bij merlijns sinne de vele konde |
| 7110 | Was gemaket de tafelronde |
| Vnde de hoff schiede al to male |
| De koninck sprack desse tale |
| Merlijn du dedes mij verstaen |
| Waer bij geloue ick des sonder waen |
| 7115 | Dat dit gode doch bequeme sy |
| Desse tafele wiste ick doch bij dij |
| Wat bedudet desse idele stede |
| Jck zolde gerne vragen mede |
| We dat dar ynne sitten sal |
| 7120 | Merlijn zegede ick zegget dij al |
| Jn dinen tijden en wirt ze niet |
| Vervullet wat dat des geschiet |
| He en is gewonnen noch geboren |
| De to der stede is verkoren |
| 7125 | Vnde dat sal wesen gelouoe des my |
| Jn des koninges tijden na dij |
| Vnde de vervullet desse stat |
| He sal ock vervullen dat |
| Dat to den grale idel is bleuoen |
| 7130 | Vnde de den grale sin beneuoen <44rb> |
| Ne zegen de stat vervullet ne |
| Voert zo bid ick ock mere dij |
| Dat du holdes in dese poert |
| Dinen hoff nv hoert voert |
| 7135 | Dine getijde zaltu hijr doen |
| Vnde alle dine hoge baroen |
| Ere de tafele de hijr staet |
| He zegede ick do dinen raet |
| ¶ Here sprak merlijn ick moet gaen |
| 7140 | Du ne ziest my nicht zonder waen |
| Jn langer tijt· war zaltu dan |
| Antworde do de edele man |
| Jck hebbe hijr myne feeste genomen |
| En zaltu hijr nicht weder komen |
| 7145 | He zegede ick en wil hijr nicht houoen |
| Jck wil dat ze des gelouen |
| De gene de dar zolen to zeen |
| Wat saken dat hijr zal geschien |
| Dat ick hijr zelue nicht en bin |
| 7150 | Aldus scheide he do van em |
| Vnde merlijn geck <sic - fehlender Nasalstrich?> dar blasijs was |
| Vnde zegede em de waerheit das |
| Wo de tafele was geschicht |
| Lange beide he zeget dat gedicht |
| 7155 | Meer dan dre iaer als ick dat vernam |
| Was dat eer merlijn weder quam |
| ¶ Vnde vele de merlijn wolden niden |
| Quemen do in corten tijden |
| Tote caredole in den houoe |
| 7160 | Mit menegen van louoe |
| Vnde vrageden ombe de idele stat |
| Wat beduden mochte dat |
| Vnde waer ombe dat sete geen groet man |
| De tafele weer vervullet dan |
| 7165 | De koninck sprak merlijn my selde |
| Dar aff wonder vnde vromedicheide |
| Dat ze onvervullet bleue |
| Alzo lange als ick leuoe |
| Vnde de dar to zal zijn gekoren |
| 7170 | Dat he noch nicht en is geboren |
| Se zegeden dat ne <in HS: über zweitem n-Bogen i-Punkt> weer niet |
| Vnde he loge als een bose diet |
| Gij zijd zeluen alzo groet |
| Alze ieman de na iv komen moet <45va> |
| 7175 | Vnde gij hebbet in uwen lande binnen |
| Alzo guede lude wil gij dat bekennen |
| Alze de to der tafelen eten |
| He zegede ick en dar my des nicht vormeten |
| Van al dat gij my zegget hijr aff |
| 7180 | Nu en doge gij nicht een kaff |
| Gij ne prouet de idele stede |
| He zegede dat he des nicht en dede |
| Jck vruchte merlijns ouoelen moet |
| Wij ne willen nicht dat gij dat doet |
| 7185 | ¶ Gij zegget dat merlijn al weet |
| Wat talen dat van em geet |
| Js dat waer zo weet he wale <in HS: e übergesetzt ergänzt> |
| Dat wij van em nv hebben tale |
| Moyet em dat icht wo zo dat gaet |
| 7190 | He komet want he ze nicht prouoen laet |
| Vnde ombe zine logentlike tale |
| Wille wij dat prouoen wale <in HS: e übergesetzt ergänzt> |
| Geuet ons orloff gij moget zeen |
| Wat dar aff mach gescheen |
| 7195 | De koninck zegede mer dat ick vruchte |
| Dat em merlijn toernen mochte |
| Jck en dede zo gerne gene dinck |
| Do zegeden ze weder her koninck |
| Leuoet merlijn he en lat des nicht gescheen |
| 7200 | Latet ons prouen gij moget zeen |
| To pinxsten zegede he doet alzo |
| Se dankeden em vnde weren vro |
| ¶ Jn groter hope weren ze das |
| Tote den dat pinxsten was |
| 7205 | Vnde merlijn de dat wal wiste ter kur |
| Telde blasise de auentur |
| Vnde wat ze nv zolden bestaen |
| Dar ombe en wolde he dar nicht gaen |
| Ombe dat ze prouen wolden de stede |
| 7210 | He sprak my is lieuoer mede |
| Dat ze prouen nv de quade |
| Dan ieman goeders dar an mysdade |
| Queme ick dar oek dat men my solde |
| Tijen dat ick dat benemen wolde |
| 7215 | Se ne zolen gelouoen niet |
| Eer ze zeen wat dar geschiet |
| Hijr ombe wil ick dar nicht varen |
| Aldus bleef dar merlijn twaren |
| Tote na pinxsten vijffteyn dage <45vb> |
| 7220 | Vter pandragoen de gerne sage |
| De prouen wolde de idele stat |
| Vnde de zegede ock den koninge dat |
| Dat merlijn doet weer geslagen |
| Van dorpers de em quemen iegen |
| 7225 | Vnde dat de koninck hilt vorwaer |
| Omb dat merlijn nicht quam daer |
| Op den pjnxsten dach was de koninck |
| To karedoel vnde een iongelinck |
| Ontboet dat he komen zolde |
| 7230 | De de idel stat prouoen wolde |
| De koninck sprack al openbaer |
| Vnde vragede welc de gene waer |
| Do zegede een de stont dar bij |
| Coninck men zal ze prouoen mit mij |
| 7235 | Ombe dat he wal myt den koninge mochte |
| Vnde he was de dat eirst op brochte |
| Vnde he was harde wal geboern |
| De des em dede aldus to vorn |
| Mit em hadde he bracht al daer |
| 7240 | Clerke de zegeden openbaer |
| Dat merlijn doet wesen zolde |
| Omb dat he de stat besitten wolde |
| De hoff was groet ze gengen eten |
| De ridder weren alle geseten |
| 7245 | He sprak ick kome tot iv nv |
| Se zwegen alle dat zegge ick iv |
| Vnde zegen wat he zolde doen |
| Dar stont vter pandragoen |
| Vnde vele ziner lude dar mede |
| 7250 | De gene genck to der stede |
| Vnde sat dat men zine deen |
| Ene korte wile nicht en conde zeen |
| Do sanck he neder in derre manier |
| Als een loet in een vuoer |
| 7255 | Noch cristen mensche dat zecht men my |
| En was zo snel versonken nye |
| De lude de dat zegen gescheen |
| Worden versaget alle myt deen |
| ¶ Als se den man hadden verlorn |
| 7260 | Quemen de andern vnde hadden des toern |
| Vnde wolden zitten ock op de stat |
| Mer de koninck verboet em dat |
| Vnde hiet de ritter alle op staen |
| So en zolde men nicht bekennen saen <46ra> |
| 7265 | De stede dar de man versanck |
| Dat deden ze alle eer iet lanck |
| Jn den hoff was rouwe vnde zeer |
| Den koninge was dat herte vorzeert de meer |
| Omb dat merlijn em dat zegede to voren |
| 7270 | Dat to der stat nemant en was geboren |
| Vnde heuet den edelen man becroent |
| He hilt em zeluen vor gehoent |
| Al hilt he dat vor gedroch |
| Hijr mede ontsculdegede he ene doch |
| 7275 | ¶ Vnde merlijn quam op den vijffteynden dach |
| Do des de koninck hoerde gewach |
| Quam he kegen em gegaen |
| Do he ene sach do zegede he saen |
| Dat hem dulheit was geschiet |
| 7280 | Dat he zolde gedogen iet |
| Dat men prouede de idel stede |
| He zegede ick bin gehoent dar mede |
| Merlijn sprack dit is dicke geschiet |
| Men vint manigerhande diet |
| 7285 | De de lude willen beliegen |
| Vnde em zeluen meest bedriegen |
| Du machst weten ock dar bij |
| Dat ze zegeden dat dorpers my |
| Vor wilt slogen to der doet |
| 7290 | De koninck zegede dat is waerheit groet |
| ¶ Do zegede merlijn koninck heer |
| De stat ne prouet nember meer |
| Dar zolde off komen groet onvrede |
| De stat vnde de tafele mede |
| 7295 | Segge ick dat noch beduden |
| Sal· grote ere vele luden |
| De in dessen koninchrike zin |
| De koninck zegede lieuoe merlijn |
| Jck hebbe wonder groet twaren |
| 7300 | Waer desse man zij gevaren |
| Here zegede he dat en zaltu nicht vragen |
| Want dat en mach dij nicht voert dragen |
| Al wistes du dat wal koninck heer |
| Mer omb to done al eer |
| 7305 | Den genen de to der tafelen horen |
| Vnde ick zegget iv to voren |
| Al dine feeste nv meer voert |
| Saltu holden in dese poert |
| Dor de tafele de hijr is |
| 7310 | Des zijt zeker vnde gewis <46rb> |
| Dat ze is werdich groter eer |
| Nu do voert dat ick dij leer |
| Jck moet hene myner straten |
| Jck zal dij denen gerne vtermaten |
| <73l5> ¶ Merlijn genck en wech na desen zaken |
| Vnde hiet den koninck dar huse maken |
| Vnde zine feeste drewerff in dat iaer |
| Holden to cardole binnen daer |
| Do zegede vter pandragoen |
| 7320 | He zolde zinen willen doen |
| <XXIII.> Wo de koninch vter pandragoen·· |
| Des hertogen wijff mynde van tintaniel· |
| Vnde den koninch artur dar an wan·· |
| EEn lange tijt dar na geschiede |
| Dat de koninck sal zine hoge lude |
| Ontboet dar to zinen houoe |
| Vnde ze deden dat alle myt louoe |
| 7325 | Vnde elc brachte dar zine vrouwe |
| Sine kamerere vnde zine ioncfrouwe |
| Sine dochter vnde zine nichten mede |
| Vnde zine mage dar to der stede |
| Dor zijn ere vnde dor den hogen dach |
| 7330 | Dar zine feeste op gelach |
| Jn kerstes dage ze alle quamen |
| Sine hoge lude alle bij namen |
| Dar quemen vele scone wibe |
| Vnde ritter van firen libe |
| 7335 | Jn dat walsch zo en is neman genomet |
| Sonder dar de mere aff komet |
| Der nomet he een deel |
| ¶ Dar was de hertzoge van tintanieel |
| Vnde zijn wijff de schone ygerne |
| 7340 | De vter pandragoen zach gerne |
| Se was de schoenste de dar was |
| Wal behagede den koninge das |
| Nochtan legede he er des nicht to voren |
| Dat he ze dus hadde verkoren |
| 7345 | Sonder dat he meer zach op er |
| Des zo wart de vrouwe gewar |
| Dat he ze gerne do an sach |
| Se schuwede ene weder al dat ze mach |
| Vnde quam vor den koninck node |
| 7350 | Want ze was simpel vnde blode |
| Vnde scone vnde eren manne getruwe <46va> |
| De koninck begauoede manige vrouwe |
| Als he sach dat ze des gewar |
| Was worden· nochtan zende he er |
| 7355 | Al dat he wiste dat er bequam |
| He wiste wal vnde vernam |
| Dat ander vrouwen hadden genomen |
| Vnde ze en mochte des nicht aff komen |
| Se moste nemen dat men er gaff |
| 7360 | Vnde ze merkede wal dar aff |
| Dat de koninck al openbaer |
| De vrouwen begauoede al dorch er |
| Anders en zegede he njcht dar off |
| Dorch er hilt de koninck hoff |
| 7365 | Noch to was he zonder wijff |
| Ygernen mynnede he vor zijn lijff |
| Want he in ommacht vel dorch er |
| Als he dachte wan ze en wech var |
| Vnde als de hoff zolde schieden |
| 7370 | Bat he heren vnde vrouwen bieden |
| Dat ze to paeschen zolden houoen |
| Aldus mosten ze dat belouoen |
| ¶ Alze de hertoge van tintanieel |
| Voer en wech geleide he ene een deel |
| 7375 | Vnde zegede vart gesond vnde blide |
| Ygerne leide he ouer ene zide |
| Vnde zegede vrouwe wetet dat wal nv |
| Dat gij myn herte voret myt iv |
| So voer off ze des nicht en verstode |
| 7380 | Dat he ze mynde dorch er goede |
| Mit den zegede he vart gesont |
| Vnde keerde weder in korter stont |
| De vrouwe voer myt oren mane <in HS: e übergesetzt ergänzt> |
| De koninck voer to karedol dan |
| 7385 | Den heren van der tauelronden |
| Dede he grote ere to den stonden |
| Dar na voer he in zijn lant |
| To richtene dar he des to done vant |
| War zo he voer em brande de mynne |
| 7390 | Van der sconen hertoginne |
| So lange dat was paeschen bij |
| To des koninges houoe quemen ze |
| Beide heren vnde vrouwen |
| Vro mochte men den koninck scouwen |
| 7395 | Do de hertoge quam vnde ygerne |
| Vele gaff he do vnde gerne |
| Heren vrouwen wil gij dat weten |
| De koninck genck zitten vnde eten <46vb> |
| Den hertogen nam he bij zine ziden |
| 7400 | Vnde ygernen to den tiden |
| Gaff he manege giffte rike |
| Vnde toende er zolke like |
| Dat ze dat ontseggen nicht en mochte |
| Vnde dat ze er wal des bedochte |
| 7405 | Dat ze de koninck mynde vorwaer |
| Des was ze in groter vaer |
| Men mochtet wal merken in oren ogen |
| Dat stont zo ze moste dat gedogen |
| ¶ Do de feeste was gedaen |
| 7410 | Wolde elc to sinen lande saen |
| Vnde nemen orloff an oren heer |
| De koninck bat em allen zeer |
| Dat ze quemen als he ze ontbode |
| Se zegeden here dat late wij node |
| 7415 | Alze dat volc was gescheden |
| De koninck moste zijn lijff leden |
| Mit pinen dor de hertoginne |
| Eyn iaer was he wal dar ynne |
| Do ontdeckede he dat zinen vrenden twe |
| 7420 | Dat em van mynnen were we |
| Se zegeden wat mochte wij iv raden |
| Do zegede he mochtet my gestaden |
| Dat ick in er geselscap weer |
| Se zegeden voere gij nv al daer her |
| 7425 | Vnde legen binnen oren lande |
| De lude zolden iv des spreken scande |
| Als ze de waerheit wisten van desen |
| He zegede wat rade sal mijns dan wesen |
| Wij zolen iv dat beste zeggen |
| 7430 | Gij zolt enen anderen hof doen leggen |
| To karedole vnde men ontbiede |
| Dar to komene alle de lude |
| Vnde dat se em alzo bespreken |
| Dar to liggene twe weken |
| 7435 | Vnde elc brenge zine vrouwe |
| Dus moge gij beteren uwen rouwe |
| Vnde spreken ygernen iv touoerlaet |
| Dit dochte den koninge een goet raet |
| ¶ Dus hiet vter pandragoen |
| 7440 | Dat men ontbode de baroen |
| To houe to komene we dat mochte |
| Vnde elc zine vrouwe dar brochte |
| Se quemen tot den houoe schone <47ra> |
| Vnde de koninck de droech krone |
| 7445 | Vnde he gaff dar scone gifften |
| Ritteren vrouwen vnde nichten |
| Dar em dat goet dochte ten tijde |
| De koninck de was harde blijde |
| Do zochte he raet vnde vrouode |
| 7450 | An eynen den he best betrowde |
| Vnde dar he ene an sochte was vlfijn |
| De koninck sprak wo sal dit zijn |
| Dat my ygerne dus doet lusten |
| Jch en kan geslapen noch rusten |
| 7455 | Noch gegaen noch sitten noch rijden |
| Jck wene steruen tot allen tijden |
| Als ick se myt ogen nicht en scouwe |
| Vnde als ick ze zee vliet my al rouwe |
| Dat en zij dat men my raet mach geuen |
| 7460 | Jck en mach aldus nicht lange leuoen |
| ¶ Gij zijd kranck sprak vlfijn van liuoe |
| Dat iv de mynne van enen wiuoe |
| Aldus zere nv leget an |
| Jck bin myt iv eyn arm man |
| 7465 | Nochtan mende ich van myner mynnen |
| Stondet my aldus wal raet gewynnen |
| We hoerde ye zeggen dat wijff mochte |
| Er verweren dar men ze versochte |
| Vnde men er mochte clagen |
| 7470 | Spreken· eyschen· vnde vragen |
| Vnde ere doen al oren gesellen |
| Van zulken wiuoe hoerde ick ne tellen |
| De des mochte ontgaen in alre tijt |
| Vnde gij here vnde koninck zijt |
| 7475 | Gij steruet ombe eyner vrouwen mynne |
| Dat komet iv al van cranken synne |
| ¶ He sprak du zegges de waerheit al |
| Vnde off du wetes wat dar to sal |
| Ganck in de kamer vnde giff miede |
| 7480 | Al der vrouwen masniede |
| Elkerlijck dat he begert |
| Vnde dan spreket to em wert |
| Van my off dat mach zijn |
| Laet my gewerden sprak vlfijn |
| 7485 | Jck sal dar myne macht to doen <47rb> |
| Nv heuet vter pandragoen |
| Mit vlfine genomen raet |
| Nu prouet wal woet my staet |
| Mynne to zoken weder oren wille |
| 7490 | Vlfijn zeqede lude noch stille |
| Want gij zijt des hertogen vrent |
| Vnde in geselscap em gedient |
| Vnde getroestet iv zeluen wal |
| De koninck zegede ick do dat al |
| 7495 | ¶ Dit was to prijsene goet raet |
| Bij vlfijns rade zo bestaet |
| De koninck to wesene al vro |
| Achte dage hilt he em also |
| Dat he vnde de hertoge nicht en schieden |
| 7500 | He gaff em vele scoenre myeden |
| So dede he sinen rittern mede |
| Altoes pijnde he em dat he dede |
| Waer zo he mochte zinen wille |
| Beide vro lude vnde stille |
| 7505 | Vnde vlfijn clagede er des koninges noet |
| Manige schoenheide he er boet |
| Dat ze som wijse nicht en nam |
| Eens vlfijn to er quam |
| De vrouwe track ene an eyne zijde |
| 7510 | Vnde zegede vlfijn zech wat nijde |
| Wiltuo nv versonen dar mede |
| Dat du my biedes desse schoenhede |
| Vrouwe sprak he dor iv doget |
| Vnde omb iv schone ioghet |
| 7515 | So biede ik iv desse scoenheit nv |
| Want al dit lant staet an iv |
| Guet vnde lude/ vnde al dat des is |
| Waer bij zegede ze geloue ik nv des |
| Want gij draget des koninges leuoen |
| 7520 | Den al dit koninckrike is bleuoen |
| Na den dat gij zijn lijff beholt |
| So staet dat al in uwer gewolt |
| Wat zechstu zegede ze van wes doene |
| Vrouwe van vter pandragoene |
| 7525 | Se zegende er vnde sprak myt staden |
| Connen koninge dus verraden |
| He vart off he mynen heer |
| Vnde my gerne dede al eer <47va> |
| Jck bidde dat du des nember en zegges |
| 7530 | Noch my ock to voren en legges |
| Jk zolde dat clagen mynen man |
| Vnde du zoldes dar ombe steruen dan |
| Mer zwijch ne zech des nember meer |
| Vlfijn sprak dat weer myn eer |
| 7535 | Word ik dor mynen heren vorslagen |
| Nye en sette er wijff dar kegen |
| Dat ze eynen koninck vorsegede |
| De zulke mynne an er legede |
| Jck wene gij holt dar mede iv spot |
| 7540 | Hebbet des genade doch dorch got |
| Juwes selues vnde uwer eren |
| Gij ne willet dat ton besten keren |
| Dar leget iv schade an |
| Noch gij noch iv goede man |
| 7545 | En moget kegen em nicht gestaen |
| De vrouwe begonde wenen saen |
| Vnde zegede nv zwiget al stille |
| He ne ziet meer na sinen wille |
| ¶ Pijnlike ze vorschieden zin |
| 7550 | De scone ygerne vnde vlfijn |
| Vnde vlfijn zegede dat den koninge voert |
| hlat ze hadde geantword |
| He sprak ze doet als eyn guet wijff |
| Dar ombe en makes geen blijff |
| 7555 | So saen en zecht geen goet wijff ia |
| Op den eirsten dach dar na |
| Sat de koninck vnde at |
| Vnde de hertzoge bij em sat |
| Eyn guldijn kop stont vor em |
| 7560 | Vlfijn sprak· koninck nv nym |
| Dessen cop vnde zende ene ygerne |
| Se zal ene ontfangen harde gerne |
| Vnde zegget den hertoge oren man |
| Dat he dat er ontbiede dan |
| 7565 | Vnde ze ene dor dinen wille ontfa |
| Vnde ze dar vt drinke dar na |
| ¶ De koninck zegede ton hertzogen |
| Sende ygernen de zid in hogen |
| Dessen nap vnde ontbiet er stille |
| 7570 | Dat ze dar vt drinke dor mynen wille |
| Vnde ze ene holde ick gans er wel |
| De hertzoge antworde sonder fel <47vb> |
| Here danck hebbet want ygerne |
| Sal ene van iv ontfangen gerne |
| 7575 | De hertzoge van tintaniel |
| Riep enen ritter de hiet bretel |
| De was van sinen nouwesten rade |
| Nemet dessen cop gij hebbet de stade |
| Vnde gaet dar ygerne zit |
| 7580 | Vnde zegget de koninck zent er dit |
| Vnde dat ze drinke dessen dranck |
| Dorch em vnde ze em des wete danck |
| Bretel dede gerne dat |
| He ginck al dar de vrouwe sat |
| 7585 | Mit anderen vrouwen to oren male |
| He knielde vnde sprak desse tale |
| De koninck zent iv dessen cop |
| Vnde mijn here wil sonder scop |
| Dat gij dar vt drinket he en is nicht quaet |
| 7590 | Vnde dat gij ene dor sinen wille ontfaet |
| ¶ Ygerne hadde des schame groet |
| Vnde ze wart onder den ogen roet |
| Mer ombe dat de hertzoge hiet |
| So ne dorste ze ene ontseggen niet |
| 7595 | Vnde dranck darvt vnde zette ene neder |
| Vnde zegede dat men ene droge weder |
| Bretel zegede de koninck bat |
| Vnde myn here wil oeck dat |
| Dat gij ene holt he geuoet ene iv gerne |
| 7600 | Do pijnsede wal de scone ygerne |
| Vnde wiste wal ze moste ene ontfaen |
| Bretel kierde to den koninge saen |
| Vnde dankede em van der vrouwen |
| Dat ze doch nicht en sprak entrouwen |
| 7605 | ¶ Quale· versuchten· vnde zeer |
| Verloes de koninck vorwert meer |
| Do men em dankede van der vrouwen |
| Vlfijn ginck merken wat rouwen |
| Ygerne dar hadde dar ze sat |
| 7610 | Jn der kamer dar ze sat vnde at |
| He vant ze denkende vnde gram |
| Do ze vlfine dar vornam |
| Riep ze ene want de tafele was en wech |
| Vlfijn bij wat rade nv zech |
| 7615 | Dede men my dessen cop ontfaen |
| Mer wetet nv wal sonder waen <48ra> |
| Dat zijn gewin cleyne sal zijn |
| Jck do dat noch eer morgijn |
| De laster wirt mynen heren geclaget |
| 7620 | Den gij twe to my wart iaget |
| ¶ He sprak gij ne zijd zo ries |
| Want clagede een vrouwe dies |
| Er man solde er mystrouwen de meer |
| Swiget dat is bet iv eer |
| 7625 | Ondanck hebbe he de em des hoeden sal |
| Dus zo schiede de tale al |
| Mit den hadde de koninck gegeten |
| Vnde zegede ton hertzogen gij zolt weten |
| Wij gaen ton vrouwen vnde to ygerne |
| 7630 | De hertzoge zegede here gerne |
| ¶ Dus zin ze in der kamer gegaen |
| Ygerne heuet wal vorstaen |
| Dat vter pandragoen aldaer |
| Dor nyeman en quam dan dorch er |
| 7635 | Tot der nacht heuoet ziet geherd |
| Do gingen ze to der herbergen wert |
| Vnde to eirst dat ze to der herbergen qua(m) |
| Do wart ze vtermaten gram |
| Vnde als de hertzoge er is na komen |
| 7640 | Heuet he ze harde serich vernomen |
| Als he dat sach wart he in vare |
| Vnde vragede wat er were |
| Mynnentlike nam he ze in zijn arme |
| Se zegede weer ick doet ich arme |
| 7645 | Em wonderdes vnde zegede we |
| Jck en heles iv nicht zegede ze |
| My mynt myn here de koninck |
| Vnde ick mynne iv zo vor alle dinck |
| Vnde alle dit hoff dat gij hijr ziet |
| 7650 | Js dor my vnde dor anders niet |
| Omb dat gij my hijr zolt doen komen |
| Dit heb ick ander werff vernomen |
| Dar to biedet he my groet goet |
| Tote nv heb ick my gehoet |
| 7655 | Sinen Cop nam ick ouer luet |
| Vnde gij hiet dar mm drinken vet |
| Hijr ombe wil ick den doet ontfaen |
| Kegen em mach ick nicht gestaen |
| Noch kegen vlfijn zinen raet <48rb> |
| 7660 | Nu weet ick wal dat hijr off quaet |
| Comen zal omb dat gij dat weten |
| Een strijt zal dar aff komen meden |
| Hijr ombe voert my to tintaniel |
| Bliue ick hijr dat is myn geen hel |
| 7665 | ¶ Recht do dit de vrouwe clagede |
| Den hertzogen dat zere wanhagede |
| Vnde wart gram omb dat quaet |
| Vnde ontboet zine ritters ombe raet |
| Se quemen ze en weren nicht verre |
| 7670 | Se merkeden wal dat he was erre |
| He zegede laet ons henen tijden |
| Dat nyeman wete dat wij en wech rijden |
| Eer ick dat iv zegge en vraget my niet |
| Se zegeden neen wij wat des geschiet |
| 7675 | He zegede vare wij onser verde |
| Sonder wapene vnde perde |
| Al late wij hijr onse harnasch |
| Dat zal ons morgen volgen rasch |
| Jck en wil nicht dat de koninck weet |
| 7680 | Men dede zinen wille gereet |
| De hertzoge dede em lenen rossiden |
| Dar he vnde de vrouwe op zolden rijden |
| ¶ Dus schieden ze henen alte hant |
| Vnde voren in ores zelues lant |
| 7685 | Des morgens begonde de stat verroren |
| Van den luden de myt em voren |
| Vnde den koninge quam de mere |
| Dat de hertzoge henen were |
| Vter pandragoen hadde rouwe |
| 7690 | Dat aldus enwech was de vrouwe |
| Sine barone riep he to handen |
| Vnde beclagede em der schanden |
| De em de hertzoge hadde gedaen |
| Em hadde des wonder zonder waen |
| 7695 | Dat em de dulheit was geschiet |
| He ne mochte lichte gebeteren niet |
| Dat zegeden den dat onkondich was |
| De koninck zegede wat donket iv das |
| Wo he zal beteren do zegeden ze al |
| 7700 | Dat iv dar an best donken zal |
| Dat wille wij gerne myt iv doen |
| Do sprack vter pandragoen <48va> |
| Gij segen wat eren ick em dede |
| Meer dan ieman in der stede |
| 7705 | Dat dede gij vnde al by sonder |
| Des heuet ons de mere wonder |
| Wo em dit is geschiet |
| De koninck sprack· gij heren ziet |
| Jck ontbiede em ist iv raet |
| 7710 | Dat he betere desse mysdaet |
| De he mysdaen heuet kegen my |
| Vnde he weder kome recht als he |
| Hene voer nv ziner strate |
| Se zegeden dat en is geen ommate |
| 7715 | Sulke bodescap als gij hijr hoert |
| So ontboet de koninck voert |
| Bij twen ritteren den hertzogen |
| Se voren dal vnde berge hogen |
| Eer ze to tintaniel quemen |
| 7720 | Dar ze den hertzogen vornemen |
| Se zegeden em dat men em hiet |
| Alze de hertzoge dat gesiet |
| Dat he moet keren als he vor dane |
| Pynsede he in zinen wane |
| 7725 | Dat zijn wijff moste weder keren |
| Do antworde he den heren |
| Jck en kome nembermeer in sinen hoff |
| De koninck dede my zulken onloff |
| Jck en mach em nembermeer gelouoen |
| 7730 | Mit em ne wil ick nember houoen |
| Dit antworde de hertzoge ten stonden |
| Vnde gode neme ick des in orkonden |
| He dede my zulke zake bekennen |
| Dat ick ene nember mach mynnen |
| 7735 | ¶ Aldus schieden de boden van dan |
| want ze en vonden dar anders nicht an |
| De hertzoge ontboet van staden to stade |
| Sine lude al to rade |
| Vnde zegede wo he van Caredol schiet |
| 7740 | Vnde dat de koninck anders niet |
| En zochte dan dat he ygerne |
| To zinen willen hadde gerne |
| Des wonderde den luden sere |
| Off god wil dat en wirt nembermere |
| 7745 | Antworden em de heren dan <48vb> |
| De dit wil doen sinen mane <in HS: e übergesetzt ergänzt> |
| Mit rechte so geschiet em quaet |
| De hertzoge zegede na den dat staet |
| So bidde ick iv gij zijd myne manne |
| 7750 | Dat gij my staet in staden danne |
| Off my de koninck wil orlogen |
| Se zegeden wij zolen gedogen |
| Mit iv gewin vnde verloes |
| Dus was de raet zijd zeker des |
| 7755 | ¶ Hijr na quemen de boden gerede |
| Tote Caredol binnen der stede |
| Dat ze vter pandragoene |
| Vonden vnde zine barone |
| Do zegeden ze des hertzogen antworde |
| 7760 | Do zegede manich de dat hoerde |
| Dat em des wonderde in sinen moet |
| Se hilden den hertzogen zo vroet |
| Do bat de koninck sinen mannen |
| Dat ze de herevarde zolden bannen |
| 7765 | Vnde helpen zinen laster wreken |
| Se zegeden wij en konnens ontbreken |
| Mer wij bidden iv ouoer luet |
| Dat gij iv to eirst sine manscap wt |
| Vnde gij ene in veirtich dagen ontbiet |
| 7770 | De koninck sprak ick en late des niet |
| ¶ Vnde vter pandragoen ontboet |
| Mit haesten vtermaten groet |
| Den hertzogen binnen viertich dagen |
| Bij em de zine bodescap dragen |
| 7775 | Eer he ene ontkeert vnde verschiet |
| Als de hertzoge dat vorsiet |
| He zegede ick sal na myner macht |
| My weren dach vnde nacht |
| De hertzoge ontboet zine man |
| 7780 | Vnde zegede em al de woert voert an |
| Wo ene de koninck hadde verladen |
| Vnde bat dat ze em staen in staden |
| Se zegeden geerne do nam he raet |
| Nu merket zegede he wo et my staet |
| 7785 | Mer twe Castele zo heb ick |
| De men holden moge een stick |
| Ne man tware gene twe |
| En wint de koninck nemberme |
| Jck late myn wijff to tintaniele <49ra> |
| 7790 | Vnde tijn ritter op den Castele |
| Want men mach ze nicht gewinnen |
| De in der stede wonen binnen |
| Holden dat wal kegen al onvrede |
| Dus visiert he dat vnde dede mede |
| 7795 | To eyner andern borch vor de hertzoge |
| He sach wal dat em nicht en doge |
| Te holden zijn ander lant |
| De boden quemen dar to hant |
| Den konjnge dat ze zegeden bolde |
| 7800 | Dat em de hertzoge weren wolde |
| Hijr ombe wart de koninck erre |
| Vnde ontboet na vnde verre |
| Dat ze quemen alto hant |
| To em in des hertzogen lant |
| 7805 | Jn enen mersch op een riuoiere |
| Dar quam manich ritter fire |
| De koninck clagede al den lande |
| De ouerdaet vnde de schande |
| De em de hertzoge dede ten tijde |
| 7810 | Vnde wo dat he zinen hoff ontvrijde |
| Se zegeden dat is recht dat hees ontgelt |
| Do reden se henen myt gewelt |
| Vnde vter pandragoen he vant |
| Castele dorpe steden vnde lant |
| 7815 | Dat vant he al idelre hant |
| Do hoerde he zeggen in dat lant |
| Dat de hertzoge lege op enen Castele |
| Vnde de vrouwe to tintaniele |
| ¶ De koninck vragede do omb raet |
| 7820 | Welke borch he best bestaet |
| De heren zegeden zonder zage |
| Dat he den hertzogen belage |
| Wonne he den heren he hadde al dat lant |
| De koninck louoede dat al te hant |
| 7825 | Vnde he dede kreyeren hoge |
| Dat men belege den hertoge |
| ¶ Do ze vor der borch lagen |
| Begonde de koninck zere clagen |
| Vlfijn sinen groten rouwe |
| 7830 | Den he dogede ombe de vrouwe |
| VJfijn sprack men moet zwijgen |
| Van des men nicht mach krijgen <49rb> |
| Gij moten pinen ombe den hertzoge |
| Dat men em gewinnen moge |
| 7835 | Do sprack vlfijn vor den luden |
| De gene de iv dit rieden |
| De rieden iv dat alre beste |
| Lege gij vor der vrouwen veste |
| So weer iv dinck openbaer |
| 7840 | Aldus zo bleeff de koninck dar |
| Manich man was dar nv fel |
| Vnde de hertzoge werde em wel |
| ¶ Vter pandragoen de lach |
| Vor der borch manigen dach |
| 7845 | Dat he ze gewinnen nicht en konde |
| He droech in den herten zware wonde |
| Gij weten wal wo he dat mende |
| So dat he eynwerff weende |
| Dar he genck in zijn pauoluon |
| 7850 | Vnde zijn volck sach em dit doen |
| Vnde lieten ene do dar alleyne |
| Do vlfijn wiste van den weyne |
| Quam he to em vnde sach al toe |
| Vnde zegede wat is dit nv· als hoe |
| 7855 | So moge gij dus wenen· vnde wete gij al |
| Sprak de koninck mijn ongeval |
| Ombe ygernen doge ick de noet |
| Dat ick wene bliuen doet |
| Want dat drinken vnde dat eten |
| 7860 | Vnde alre blitscap heb ick vorgeten |
| Dus moet omber mijn steruen wesen |
| Jck en mach des nicht gewesen <sic - Schreibfehler genesen?> |
| ¶ Vlfijn sprack des hebbet ondanck |
| Dat gij van herten zijt dus kranck |
| 7865 | Dat gij dus iv leuoen gelaet |
| Jck sal iv geuen goeden raet |
| De koninck zegede wat is dat |
| Vlfijn zegede ontbiet merlijn ter stat |
| He geuoet iv raet lude vnde stille |
| 7870 | Nu doet al gader sinen wille |
| Jck dede dor em al dat ick mochte |
| Merlijn weet al gader mijn gedochte |
| Vlfijn zegede heuet he des de stade |
| He sal komen to uwen rade |
| 7875 | ¶ Aldus troeste vlfijn zinen here |
| Vnde bat dat he em voert mere |
| Mit sinen luden makede vroe <49va> |
| He sal des al gader vorgeten alzo |
| De koninck sprack dat do ick gerne |
| 7880 | Mer mijn herte heuoet ygerne |
| Doch getroeste he em eyn deil |
| Vnde genck vechten op den Casteil |
| Mer he en mochte des gewinnen niet |
| Schire dar na zo is dat geschiet |
| 7885 | Dat vlfijn omb dat her reet |
| Vnde siet waer eyn olt man steet |
| He en kende des nicht· de man zegede |
| Dor dinen willen ick ontbeide |
| Vlfijn sprack ick gere dij |
| 7890 | Vten her schieden do ze |
| Vlfijn reet vnde de man genck |
| Vnde vlfijn sprack desse dinck |
| We bistu zegede he myt der tale |
| Eyn olt man bin ick ze gij wale |
| 7895 | Do ick was ionck hiet men my vroet |
| Men zeget vele vnde ock doet |
| Dat ick nicht vertellen mach |
| Noch ock doen moge gewach |
| Des en is leden ock nicht lanck |
| 7900 | Dat ick to tintaniel zat vnde dranck |
| Vnde sat kegen eynen man in sprake |
| De my zegede vromde zake |
| Dat de koninck myt der hertzogynnen |
| Vnde he dar by dit lant wil winnen |
| 7905 | Ombe dat ze de hertzoge ontfoerde |
| Mer wolde <gestr.: my> de koninck sonder boerde |
| Gueden loen my geuoen dan |
| Jck zolde em wijsen zolken man |
| De em doet spreken zijn touoerlaet |
| 7910 | Vnde geuoen em to ziner mynne raet |
| ¶ Vlfijn hadde des groet wonder |
| Do he em dit zegede bysonder |
| Vnde zegede wete gij zulken man |
| De den koninge geraden kan |
| 7915 | Ja ick sprack he <gestr.: do do> de olde |
| Mer ick bin de weten wolde |
| Wat em de koninck wolde zinden |
| Vlfijn sprak waer mach ich dij vinden |
| Als ick gesproken hebbe mynen heer |
| 7920 | Morgen als ick weder keer <49vb> |
| Gij vint my tuschen hijr vnde den her |
| Off mynen bode heb gij des ger |
| Vlfijn he beual ene gode |
| Vnde segede he zolde wesen bode |
| 7925 | Des em zijn here kan verblijden |
| He quam ten koninge in korten tijden |
| Vnde zo he alre eirst mochte |
| Mit der mere de he brochte |
| Bij uwer truwen sprak de koninck |
| 7930 | Vnde lachgede omb desse dinck |
| Kende gij ene iet deet iv zegede |
| Vlfijn sprak na myner waerheide |
| He was olt vnde kranck zere |
| De koninck sprak wetestu wanneer |
| 7935 | Dat he weder dar zal zijn |
| Vlfijn zegede here morgijn |
| He zegede dat gij my zeggen zolden |
| Wat gij den genen geuen wolden |
| De iv geriede to uwen dingen |
| 7940 | De koninck zegede gij zolt my bringen |
| Dar he uwer zal ontbieden |
| Gerne here sprak he ten tijden |
| ¶ De koninck sprack off ick dar nicht en bin |
| Sinen wille zo biedet em |
| 7945 | Duos bleff dat to den morgen tijde |
| Vnde de koninck he was blijde |
| Mer dan he was to voren |
| Des morgens ginck he mysse horen |
| Vnde do em dat tijt duchte zijn |
| 7950 | Reet he en wech· vnde vlfijn |
| Al bij den her dar vlfijn wolde |
| Al dar he ene vinden zolde |
| Segen ze eynen Cropel ten tijden |
| Dar ze bij em zolden rijden |
| 7955 | Mochten ze ene kuome geseen |
| Vnde de Cropel riep myt dien |
| Her koninck dat god alle smerte |
| Driuen mote iv vt den herte |
| De gij nicht en konnen vergeten |
| 7960 | Geuoet mij des ick iv danck mach weten |
| De koninck sprak do vnde lachgede doch |
| Vlfijn du zoldes gerne genoech <50ra> |
| Dor my doen vnde dor mijn goet |
| Dat du moges genesen mynen moet |
| 7965 | Vlfijn zegede ick en zegge iv niet |
| So gerne dat iv wille geschiet |
| Jck zoldes meer doen dor iv |
| Dan dor ieman de leuoet <in HS: zweites e übergesetzt ergänzt> nv |
| Hore den Cropel sprack de koninck |
| 7970 | De my vermaent der leuester dinck |
| De nv in deser werlt zij |
| Nu ganck henen vnde zitte em bij |
| Sech dat du em gegeuen zijst |
| Vnde dat he zij to voren wijs |
| 7975 | Dat in der werlt en is hauoe |
| Noch zake de ik em noder geue |
| Dan iv weert dat ik dat dorste laten |
| Vlfijn de reet zine straten |
| Sonder tale vnde zonder woert |
| 7980 | Vnde gaff em den Cropele voert |
| Vnde genck em zitten harde naer |
| Do ene de Cropel zach daer |
| Do vragede he wat he wolde |
| Vlfijn sprack de koninck milde |
| 7985 | Heuet my gegeuen iv |
| De cropel sprak he kent my nv |
| Vnde weet bet we ik bin dan gij |
| Nu hoert wes bode ick sij |
| ¶ Comen bin ik als dat got wolde |
| 7990 | Vnde heuet my gesent de olde |
| De gisteren sprak tote dij |
| Jck weet wal dat he zegede my |
| Mer zech den koninge ik hebbe verstaen |
| Dat em zolde ane gaen |
| 7995 | Omb to hebben dat he begert |
| Vnde des he saen wirt gewert |
| Em sal bet zijn in korten dagen |
| Vlfijn sprak dorste ik dij vragen |
| We du bist· he sprak vrages uwen heer |
| 8000 | He zalt iv zeggen myn noch meer |
| Vlfijn voer na al dat he mach |
| Als ene de koninck komen sach |
| Leyde he ene buten vnde vragede |
| Wat he so zere jagede <50rb> |
| 8005 | Vnde wat is dij geseget nv |
| Here de Cropel ontbiedet iv |
| Dat gij ene hadden bekent schijr |
| Vnde gij my zegget zine manier |
| Jck en mach des anders nicht weten al |
| 8010 | De koninck zegede ik weet wal |
| Vnde zegede kennestu icht den man |
| Den du gistern sprekest an |
| Dat is de Cropel de dar sat |
| Vlfijn zegede wo mochte zijn dat |
| 8015 | Mach een verkeren zine gelijke |
| Ja sprack de koninck rijke |
| Dat is merlijn de em tot ons doet |
| He toent em als em dat donket goet |
| ¶ Dus lieten ze de tale staen |
| 8020 | Vnde voren tot <gestr.: em> den her <in HS: den her am Ende der Zeile nachgetragen> saen |
| Vnde merlijn quam al openbaer |
| Jn des koninges her· men wart des en waer |
| Men vragede em off he bodescap brochte |
| Off wat doene he dar zochte |
| 8025 | Dar na en heuet he nicht gehoert |
| He haeste em vnde genck voert |
| De koninck zegede men sal zeen schijr |
| Dat merlijn sal komen al hijr |
| Dat wirt sprak vlfijn geopenbaert |
| 8030 | Of gij eneger dinck zijd weert |
| Nu doet al dat merlijn wille |
| Beide lude vnde stille |
| Jv ne mach helpen to uwer mynnen |
| Nyeman zo wal wil gij dat kennen |
| 8035 | Do zegede vter pandragoen |
| Jck wille al zinen willen doen |
| ¶ Dus voren ze sprekende ten stonden |
| To der steden dar ze merline vonden |
| To eirst dat ene de koninck sach |
| 8040 | So riep he ene al dat he mach |
| Vnde zegede wal mote gij zijn komen |
| Vnde heuet ene in zinen arm genomen |
| Wat sal ick clagen zegede de koninck |
| Alzo wal wete gij myne dinck |
| 8045 | Als ick seluen van ygerne |
| Nye en sach ick man zo gerne <50va> |
| Vnde bidde iv dor den rijken gode |
| Dat gij my helpen vt der node |
| Dar ik ombe lijde dit vordriet |
| 8050 | Merlijn zegede ick en zegge iv niet |
| Vlfijn iv raet en zij dar mede |
| Men riep vlfine dar ter stede |
| Do sprak to merline vlfijn |
| Dat gij de olde zolt hebben gesijn |
| 8055 | Den ik gistern sprak ter stat |
| Vnde de cropel de dar zat |
| Merlijn zegede dat is waer |
| To eirst dat he iv sende dar |
| So wiste ik wal dat he my kende |
| 8060 | Vlfijn zegede nv maket een ende |
| Vnde spreket omb iv saken |
| Gij en moget geen lanck beiden maken |
| Dar wij nv hijr zin alleyne |
| De koninck zegede groet noch cleyne |
| 8065 | En weet ik wat ik bidden mochte |
| Merlijn weet al mijn gedochte |
| He wiste wal loge ick em een woert |
| Vnde ik bidde em nv voert |
| Dat he my helpe ombe ygerne |
| Jck do al de zaken gerne |
| 8070 | De to doene noch zijn gebleuoen |
| Merlijn sprak wil gij my geuen |
| Dat ik iv bidde ik dede saen |
| Dat gij bij er zolt slapen gaen |
| 8075 | Al naket vnde meer dat genoech |
| Vlfijn hoerdet vnde he lagede doch |
| Vnde zegede laet zeen wat herte heb gij |
| De koninck zegede gij ne moget my |
| Nicht gebieden groet vnde smal |
| 8080 | Jck en salt gerne iv geuoen al |
| Merlijn zegede doet my des zeker genoech |
| Jck do sprak he al iv gevoech |
| ¶ Merlijn zegede zo zwert my dan |
| Vnde vlfijn iv getruwe man |
| 8085 | Dat ick sal hebben dat ik beger |
| Alze gij geweset hebbet myt er |
| De koninck zegede gerne ick do |
| Merlijn vragede vlfine dar to |
| Off he dat myt em zweren wolde |
| 8090 | Ja ik zeqede he harde bolde <50vb> |
| ¶ Echt sprak merlijn vnde he lachgede doch |
| Weert gezworen dat weer genoech |
| Wo de zake zolden wesen |
| De koninck dede brengen na desen |
| 8095 | Dat meeste heilichdom dat men vant |
| Vnde de koninck zwoer to hant |
| Dat he dat zolde holden waer |
| Dar na zwoer vlfijn dar naer |
| Alze merlijn hadde de ede ontfaen |
| 8100 | Segede de koninck haestet iv saen |
| Doet mynen wille myt der vart |
| Als eynen de dat zere begert |
| Merlijn zegede zeet dat gij iv doet |
| Jv wal to gerake de vrouwe is vroet |
| 8105 | Vnde getruwe harde zeer |
| Kegen gode vnde eren heer |
| ¶ Nu moge gij mynen zin verstaen |
| Jck sal iv maken alzo gedaen |
| Alze de hertoge is in korter tijt |
| 8110 | Dat men sal menen dat heet zijd |
| De hertoge heuet ritter twe |
| De em zin heymelick vnde ne(m)mee |
| De ene is bretel· de ander jordaen |
| Alze bretel sal ick zijn gedaen |
| 8115 | Vnde vlfijn zal zijn gelijck jordaen |
| Noch myn noch meer in zijn gedaen |
| Dus zole wij varen alzo een deel |
| Alle drie tot tintaniel |
| Jck zal ons wal dar in geleiden |
| 8120 | Mer wij moten vro en wech scheiden |
| Dar zal zijn mere van vromden doene |
| Beset iv ritter vnde iv barone |
| Verbiedet dat men nicht en strijd |
| Eer gij weder komen zijt |
| 8125 | Vnde zegget nyeman waer gij gaet |
| De koninck zegede ick do uwen raet |
| Seet dat gereet zin onse zaken |
| Merlijn zegede ik zal iv maken |
| De gedane maket iv ter straten |
| 8130 | De koninck haestede em vtermaten |
| Ombe to done dat merlijn hiet |
| Alzet gedaen was lette he niet |
| He ne quam to merlijn saen |
| Vnde zegede ik hebbet al gedaen <51ra> |
| 8135 | Denket ombe mijn doen· merlijn segede |
| Vare wij nv op gene heide |
| Do voren ze en wech· vnde reden eyn deel |
| Tot dat ze quemen to tintaniel |
| Do sprak merlijn to den koninge |
| 8140 | Bliuet ik ga omb uwe dinge |
| To eirst dat he ze hadde vorscheden |
| Do schiet merlijn van em beden |
| Vnde beiagede zine dinck |
| Vnde quam weder tot den koninck |
| 8145 | Eyn Crudelijn hadde he gelesen |
| Wriuoet iv hande sprak he myt desen |
| Vnde iv vote· vnde iv ansichte |
| Dat dede he· vnde alzo lichte |
| Hadde he des hertogen gedane |
| 8150 | Dat nyeman twiuelen mochte dar ane |
| ¶ Do gaf he vlfine· jordaens gelijke |
| Vnde leyde ene ten koninge Cortelike <sic> |
| He zegende em do he ene sach |
| O got zegede he dat men mach |
| 8155 | Aldus verwandelen eynen man |
| De koninck zegede kennes du my dan |
| Ja ik vor den hertzoge |
| Jck en weet wo dit wesen moge |
| Sprak de koninck· du bist jordaen |
| 8160 | Vnde merlijn makede em zeluen saen |
| Noch myn noch meer dan bretel |
| Do voren ze to tintaniel |
| ¶ Fause couerturen drie |
| Hadden ze dat zecht men mije |
| 8165 | Spade quemen se to tintaniel |
| Merlijn de wal scheen bretel |
| Riep to der poerten laet ons in |
| Se gingen voert meer noch myn |
| Duchte em de koninck wesen er heer |
| 8170 | Laet in riepen ze do zeer |
| Hijr is de hertzoge sonder waen |
| Vnde bretel· vnde jordaen |
| Alze ze in waren quam bretel voert |
| Vnde hiet dat men in de poert |
| 8175 | Nicht en zegede dat de hertoge dar weer |
| Vnde men dat der vrouwen dede openbar |
| Vnde als he ten palase quam <51rb> |
| Bette de koninck· vnde merlijn nam |
| Den koninck vte do wal gereet |
| 8180 | Dat dar neman aff en weet |
| To der kameren quemen ze alle drie |
| Dar was de scone ygerne· de |
| To eren bedde was gegaen |
| Se ontschoede den koninck saen |
| 8185 | Vnde he genck liggen bij der vrouwen |
| Dar wan he des moge gij my getrouwen |
| Den edelen koninck artuor |
| Dar men aff zecht menige auoentuor |
| De vrouwe was vro myt den koninck |
| 8190 | Alze de mende in ware dinck |
| Mit or hebben oren heer |
| Den ze mynde harde zeer |
| ¶ To samene legen ze tot den dage |
| So dat in de poerte quam zage |
| 8195 | Dat de drossate weer gevaen |
| Vnde de hertzoge doet sonder waen |
| De ander twe hebben dat verhoert |
| Vnde ze zin komen voert |
| Tot den koninge dar he lach |
| 8200 | Staet op zegeden ze dat is dach |
| Jv volc heuet nyemeer groet |
| Vnde alle de poerte dat gij zijt doet |
| He zegede my ne wonderdes niet |
| Als ick vter poerten schiet |
| 8205 | En zegede ik dat knechte noch manne |
| Do he hadde zine cleder anne |
| Do nam he harde saen orloff |
| An alle de weren in den hoff |
| Do Custe <sic> he ze an oren mont |
| 8210 | Vnde zegede goet lieff bliuet gesont |
| ¶ Do rumeden ze tintaniel |
| Onbekant· do sprak bretel |
| To eirst dat ze vter poerten waren |
| Wo donket iv wij zin ontfaren |
| 8215 | Her koninck gij hebbet dat gij wolden |
| Nu siet dat gij my wal holden |
| Myn geloff· de koninck zegede |
| Gij hebbet ter stede dat is waerhede |
| Mij gedaen de hogeste bede |
| 8220 | De ie een man den andern dede <51va> |
| Merlijn zegede ik wil gij dat bekent |
| Dat gii gewonnen hebbet een kint |
| An ygernen vnde dat is mijn |
| Dat en mach nicht wesen dijn |
| 8225 | Vnde dat moestu my gerne gegeuoen |
| Jck wil ock dat zij bescreuoen |
| De nacht dar dat op gewonnen was |
| Du machst wal zeker wesen das |
| Jck holdes omber mynen eet |
| 8230 | Jck geue dij dat kint gereet |
| ¶ Dus quemen ze wal schire |
| Geuoaren op een riuere |
| Dar nemen ze weder er gedane |
| Mit der haest voren ze dane |
| 8235 | To eirst dat ze quemen na dat her |
| Quam dat volck myt groter ger |
| Dar vragede he zulken genoet |
| Wo de hertoge was bleuoen doet |
| Vnde ze antworden em saen |
| 8240 | Dat de hertzoge sonder waen |
| Op de morgen stonde twaren |
| Dat he en wech was gevaren |
| So lach dat her stille alte male |
| Vnde de hertzoge vernam de tale |
| 8245 | Dat gij hijr nicht en weret |
| Vnde he wapende em ter vart |
| Vnde sloech uwer lude vele |
| Eer ze gewapent worden wale |
| Do dat wij hoerden dat gekrij |
| 8250 | Mit groter haesten zo queme wij |
| Vnde iageden ze ter veste weder |
| De hertzoge hras geuelt dar neder |
| Dar versloge wij ene god weet |
| De koninck zegede dat is my leet |
| 8255 | Dat de hertzoge dus doet bleff |
| De rouwe was grot den he dar ombe dreff |
| <XXIV.> Wo de koninch vter versoende··· |
| Vnde ygeernen to eynen wiue nam··· |
| NV is doet de hertoge van tintaniel |
| Vnde verloren zijn Casteel |
| Des hadde de koninck rouwe g(ro)t |
| 8260 | Vnde zegede en wils nicht hebben doet <51vb> |
| Al was dat ik op em street |
| Dat geschiet is dat is my leet |
| Vlfijn nam vte de baroene |
| Vnde zegede em van dessen doene |
| 8265 | Segget my heren off gij dat wet |
| Wo de koninck best gebetert dit |
| Want he zoket des an iv raet |
| Gij motet doen alzet nv staet |
| Juwen heer van gerechter scult |
| 8270 | Se zegeden alle zijn beholt |
| Sie wij gerne zonder beraet |
| Dat des de koninck nicht aff ne gaet |
| Vnde he dan do ons ordeel |
| Want gij zijd zijn vrent een deel |
| 8275 | Vlfijn zegede off ik alzo wal dan |
| Mit em bin alzo ieman |
| Mende gij dan ick hijr raden wolde |
| Dat ik vor em lochenen zolde |
| So hette ik myt rechte eyn verrader |
| 8280 | Vnde lege de zake op my alle gader |
| Jck wene ik zulke dinck wal riede |
| Dat gij nicht en denket gij lude |
| Se zegeden dat wete wij wal |
| Dat hijr neman en is al |
| 8285 | De alzo getrouwe is alze gij |
| Vnde dar ombe bidde wij |
| Dat gij ons geuet den besten raet |
| Dar zine ere meest an staet |
| Want de dinck is openbaer |
| 8290 | Vlfijn zegede nv hoert her naer |
| Verstaet al myne woert |
| De beter weet he brenget voert |
| My donket goet dat de koninck ontbiede |
| Des hertzogen mage de edelen lude |
| 8295 | To tintaniel in eynen dage |
| Vnde dar to der vrouwen mage |
| Vnde zegede dat he dat beteren zolde |
| Weert dat men dat nicht en wolde |
| Men zolde ze holden vor onvroet |
| 8300 | Vnde den koninck vor goet |
| Vnde alle de gene diet em rieden |
| Solden geprijset zijn myt den luden <52ra> |
| Jn den rade en was neman doe |
| He en radet gerne dar toe |
| 8305 | Vnde zegeden dat weer wal gezecht |
| Tot den koninge gengen ze echt |
| Vnde rieden em dat al gemeyne |
| Mer ze en zegeden groet noch cleyne |
| Dat vlfijn hadde beraden dat |
| 8310 | Omb dat he em des to voren bat |
| To eirst dat de koninck dit verstoet |
| Segede he dat dochte em wesen goet |
| Wolden ze to Caredol komen |
| He wil dat beteren to oren vromen |
| 8315 | ¶ De koninck voer to hant en wech |
| Merlijn zegede· koninck nv zech |
| Wetestu waer bij ze dit rieden |
| Dat du dit zoldes ontbieden |
| Neen ik zegede he meer noch myn |
| 8320 | Dan vt orre alre zin |
| Merlijn zegede anders niet |
| Mer de getruwe vlfijn riet |
| Vnde heuet den vrede vorgedacht al |
| Alzo als he wesen sal |
| 8325 | Dit ne weet neman dan vlfijn |
| De koninck zegede wo zalt dan zijn |
| Vnde merlijn zegede em dat alto male |
| Alze hijr na komet de tale |
| De koninck was wal to gemake |
| 8330 | Vnde zegede he louoede wal de zake |
| Merlijn zegede na den dat staet |
| So ne weet ik genen beteren raet |
| Dus machstu dijns herten wille gewinnen |
| Vnde dar to loen van diner mynnen |
| 8335 | ¶ Nu wil ik henen maken my |
| Mer ik wil eer spreken vor dij |
| Vlfine· als ik henen bin |
| Vrage omb desse zaken em |
| De koninck sprak ik en late des niet |
| 8340 | Mit den men vlfine komen ziet |
| Vnde merlijn zegede dar ze to horen |
| Gij hebbet beide dat gezworen |
| Dat gij my des kindes wal gonnen <in HS: korrigiert aus gonte?> |
| Coninck dat gij latest wonnen <in HS: korrigiert aus wonte?> <52rb> |
| 8345 | Dat en mach uwe nicht bliuen |
| Want gij hebbet doen bescriuen |
| Welke tijt dat et was gewonnen |
| Got he zoldes mij wanconnen |
| En helpe ik em nicht vro vnde spade |
| 8350 | Want gij wonnen ene bij mynen rade |
| Kindescheit is van manigen keer |
| Vnde de moder mochte des hebben onneer |
| Weert dat ze et alleyne voede |
| Vnde de vrouwen zin van kranker hoede |
| 8355 | Dicke wile in er sneuen |
| Ock wil ick dat vlfijn hebbe bescreuen |
| De nacht dat et was gewonnen |
| Gij ne zolt my nicht gespreken konnen |
| Recht eer eynen dach to voren |
| 8360 | Dat iv kint zal zijn geboren |
| Gelouet vlfine vorwert meer |
| Des bid ick iv ombe onsen heer |
| Van al dat he iv brenget to voren |
| He heuet iv lieff vnde verkoren |
| 8365 | He ne radet iv zake myn noch meer |
| Dat en zij iv goet vnde ok iv eer |
| Jck en spreke iv nicht vor mynen termyne |
| Mer ik sal spreken vlfine |
| Dat ik iv by em ontbiede dat doet |
| 8370 | Off gij van my wilt zijn behoet |
| Vnde off gij wilt dat iv voert meer |
| Guet gesche vnde ok eer |
| ¶ Dus bleff vlfine de tijt bescreuen |
| Do merlijn dus stont beneuen |
| 8375 | Den koninge· vter pandragoene |
| Segede he en zijt nicht so koene |
| Dat ygerne wete openbaer |
| Dat gij een kint wonnen an er |
| Noch scult hadden van eren liuoe |
| 8380 | Want gij zulen ze nemen to wiuoe |
| Hijr mede zolet gij ze dwingen |
| Vraget er in waren dingen |
| Bij wen dat ze draget dat kint |
| Jck wene ze den vader nicht en vint |
| 8385 | Se sal er schamen der onneren |
| Dit is de sake dat dar gij my mere <52va> |
| Mede mogen helpen dat ment my geuoet |
| Mit den merlijn orloff heuoet |
| Genomen an den koninck vnde an vlfine |
| 8390 | De koninck voer myt den Carine |
| Tote Caredol myt der vart |
| Vnde merlijn to blasijse wart |
| Vnde zegede em dit vnde ander saken |
| Eyn boeck dede he dar aff maken |
| 8395 | Vnde bij em zo wete wij dat noch |
| ¶ De koninck quam to Cardol doch |
| Vnde onboet de(n) wijsesten luden |
| Vnde vragede wat ze ten vrede rieden |
| Em allen duchte guet de vrede |
| 8400 | Vnde dat men vrede makede mede |
| Kegen de vrouwe vnde de mage |
| Do nam he in eynen dage |
| Boden den he dit dede verstaen |
| Vnde zende ze tote tintaniel saen |
| 8405 | Vnde vragede der hertzogynnen |
| Of ze den vrede icht mochte mynnen |
| Vnde dat ander volck ock mede |
| Se mynden alle sere den vrede |
| Lanck perlement is dicke quaet |
| 8410 | ¶ De koninck zende sinen raet |
| Tote tintaniel in eynen dage |
| Tot der vrouwen/ vnde mage |
| De koninck bleff to Caredol binnen |
| Tot dat he de waerheit wolde kennen |
| 8415 | Do sprak vlfijn to den koninge |
| Donket iv goet al desse dinge |
| He zegede em duchte goet de vrede |
| Vnde du heuest zegede he ock mede |
| Den vrede gevisiert dar to |
| 8420 | Vnde ik weet zeluen ock wal wo |
| Wete gij dat wal sprak vlfijn |
| So wete gij offtet iv goet donket zijn |
| De koninck zegede ick en lasters niet |
| Jck wilt alzo nv weert gescheet |
| 8425 | Vlfijn sprak nv achtes cleyne |
| Jck sal doen vrede maken alleyne |
| De koninck bat em dat he dat dede |
| Aldus gengen ze van den rade <52vb> |
| Vnde de boden quemen ten stonden |
| 8430 | To tintaniel dar ze vonden |
| De vrouwe vnde ock er mage |
| Vnde togeden des koninges clage |
| Dat em leet weer er schade |
| Vnde de hertzoge bij quaden rade |
| 8435 | Vnde bij ouoerdade de he dede |
| Sijn lijff verloren hadde ock mede |
| Dat weer leet vter pandragoene |
| Vnde wolde maken eyne zoene |
| Se zegeden ze wolen des em beraden |
| 8440 | Jn eyne Camer ze em daden |
| Beide vrouwen vnde heren |
| Se zegeden ze en wistent wo bet bekeren |
| Dan ze vrede maken vnde holden |
| De hertzoge starff bij zinen scolden |
| 8445 | Vnde de koninck is ons to mogende |
| Se wij off dat ons is dogende |
| Dat gebot dat men ons biet |
| Dat mach zulck zijn wij en latent niet |
| Van twen quaden sal men dat beste kiesen |
| 8450 | Dat is beter dan wij verliesen |
| ¶ Do antworde de scone vrouwe |
| Mijn heer de was my so getrouwe |
| Dat ik my nicht van iv ne kere |
| Want ik getruwe iv wal myner ere |
| 8455 | Do schiede de raet ter steden |
| Eynen wijsen man hebben ze gebeden |
| Dat he des koninges boden spreke |
| Vnde der mage tale na de sake |
| Gij heren zegede he myn vrouwe de hijr staet |
| 8460 | Vnde de gene den dat an gaet |
| Se wisten gerne wat men em biet |
| Al vor er grote verdriet |
| De boden zegeden lude noch stille |
| En wete wij nicht wat de konink wille |
| 8465 | Al zin wij alle zine man |
| Noch wat he wille vangen an |
| Dat zegge wij al vorwaer |
| De ander antworde dar naer |
| So ne wille gij ons nicht bieden |
| 8470 | Gij gelijket zo gueden luden <53ra> |
| Gij zolen dat beteren na uwer macht |
| Se nemen verste veerteynacht |
| Dan zolden ze komen echt |
| Alle tot den koninge recht |
| 8475 | Ombe to hoedene zine woert |
| Brachte de koninck ock icht voert |
| Dat den magen nicht en dochte |
| So wolden ze dat men ze brochte |
| Weder tote tintaniel |
| 8480 | Des hadden ze borgen eyn deil |
| ¶ Aldus was de verste genomen |
| Vnde de boden zin weder komen |
| Vnde zegeden den koninge de waerheide |
| Want de raet tot em zeide |
| 8485 | De koninck he zwoer vaste geleide |
| To varne vnde to komene beide |
| Dar lach de koninck veerteynacht |
| To Caredole myt ziner krafft |
| De koninck vnde vlfijn dicke spraken |
| 8490 | Van manigerhande vroemde saken |
| Als de veertenacht weren gedaen |
| Sende de koninck ritter saen |
| De de vrouwe vnde de mage |
| Geleiden zolden tot den dage |
| 8495 | Vnde do de ritter dar quemen |
| Dede de koninck zine man to samen |
| Vnde he dede schire vragen |
| Der vrouwen vnde den magen |
| Off ze wolden eyschen zoene |
| 8500 | Do zegede een der baroene |
| Omb eyschen en kome wij niet |
| Mer ombe to weten wat men ons biet |
| Off dat ons icht mach genogen |
| Do zegeden de· de tale drogen |
| 8505 | Den koninge de antworde |
| Als de koninck dit hoerde |
| Hilt he ze vor vroet/ zine baroene |
| Nam he to rade van dessen doene |
| Vnde vragede wat ze em rieden |
| 8510 | Do sprak een van sinen luden |
| Dit ne mach neman weten bet |
| Dan gij seluen dar dat al an let <53rb> |
| De koninck zegede ick sal iv saen |
| Al mynen willen doen verstaen |
| 8515 | Nu sin gij hijr al mijn raet |
| Vnde dar mijn troest nv al an staet |
| Hoedet iv dat uwer geen ne zegge |
| Dar mijn laster an ligge |
| Se zegeden wij ne doen anders nicht al |
| 8520 | Mer wij ne doren anders nicht wal |
| Dit wijsen zegeden de baroene |
| Gij ne ziet onsen willen to doene |
| Vlfijn zegede do· zin gij nicht wijs |
| En gelouoet gij em nicht des |
| 8525 | Dat he iv recht sal doen |
| Ja wij zegede do elck baroen |
| Wij denken dat in onsen moet |
| Dat gij myt ons zijt gij zijt vroet |
| Vnde dat gij ons dat weten laet |
| 8530 | Juwen alre besten raet |
| Vnde gij ons laten verstaen |
| Wat iv best denket gedaen |
| ¶ Do de woert vor den koninck quemen |
| Dat ze vlfine gerne nemen |
| 8535 | Liet he of he des blijde weer |
| Vnde zege vlfijn komet her |
| Vnde raet em dat beste dat gij moget |
| Dar gij mijn herte mede verhoget |
| Jck sal em <gestr.: d> na dat gij dat hiet |
| 8540 | Vnde ick wjlle here dat gij dat weet |
| Dat ik doen zal al uwe hulde |
| Vlfijn genck dar de koninck wolde |
| Do vermaent weren de lude |
| Vrageden ze wat vlfijn riede |
| 8545 | Vlfijn sprak gij hebbet verstaen |
| Dat des de koninck <gestr.: an> iv wil an gaen |
| Ga wij to den magen vnde to der vrouwen |
| Seen off ze des ons willen betrouwen |
| Se zegeden dat do wij gerne |
| 8550 | Se quemen al· dar was ygerne |
| Dar vortelde men manige dinck |
| Dat was de sone de dat al bevinck |
| Vnde dat de koninck van alre dinck |
| Aldus op sine man ginck <53va> |
| 8555 | Vnde wolde doen dat ze em rieden |
| Hijr ombe weren ze to em luden |
| Comen ombe dat ze weten wolden |
| Off ze dat an em keren zolden |
| Se zegeden wij willen ons des beraden |
| 8560 | Do sprak dar myt goeden staden |
| Eyn dar de raet al an droech |
| Dat de koninck em bede genoech |
| ¶ O we we drouich was de vrouwe |
| Nochtan was ze zeer getrouwe |
| 8565 | Dat ze an ores mannes mage |
| Er hilt van orre clage |
| Dus quemen ze an des koninges man |
| Vnde ze berieden em do dan |
| Vnde elc vragede wat em goet dochte |
| 8570 | Dat elc dat zine dar voert brochte |
| Onder zochten ze vlfijns moet |
| Vlfijn zegede my dochte goet |
| Vnde dar wal zeggen ouoer al |
| Dat dit grote ongeval |
| 8575 | Bij den koninge alle is volgaen |
| Wat de hertzoge hadde mysdaen |
| He en hadde genen doet verdient |
| Gij zijt alle mynes heren vrent |
| Jck zegget de vrouwe myt kinde gaet |
| 8580 | Mijn here heuoet dat is ouerdaet |
| Er lant verwoestet vnde verbrant |
| Dar en is ok beter vrouwe in dat lant |
| Noch bet geraket an den dage |
| Gij weten wal dat des hertogen mage |
| 8585 | Verloren hebbet vele an siner doet |
| Des moet he beteringe doen groet |
| Ombe to hebben er hulde |
| Vnde to beterne er sculde |
| ¶ Echt wete gij wal dat he |
| 8590 | Geen wijff en heuet· vnde dar bij |
| So mach he dit sonen de bat |
| Vnde wat wijsen he sal doen dat |
| He neme de vrouwe nv to wiue |
| Dat de vrede gestedich bliue |
| 8595 | Vnde ock dor ziner bede wille |
| Men zalt em prijsen lude vnde stille <53vb> |
| Vnde als he dit gelouoet heuoet |
| Wijse wij voert an dat he geuoet |
| Eynen man der oldesten dochter |
| 8600 | Dat des den magen zij de sochter |
| Dat sal zijn van orcanie |
| Loth de koninck· de here vrije |
| Den andern do he ock zolc ere |
| Dat ze ene hieten getruwe here |
| 8605 | Nu hebbe gij mynen raet verstaen |
| Seet wat iv donket best gedaen |
| ¶ Do zegeden ze dar alto male |
| Dat weer de alre beste tale |
| Vnde de hogeste raet dar mede |
| 8610 | Den ieman gaff to ieniger stede |
| Dore gij dit vor den koninck spreken |
| Vnde he dat nicht en wil breken |
| Dit donket ons allen wesen genoech |
| Vlfijn sprak dit is geen ongevoech |
| 8615 | Mer louedet al ick sal des lijen |
| Hijr vor den koninge van orcanien |
| De koninck antworde vnde zeget |
| Dor gene dinck de an my leget |
| So ne willick nicht dat dat bliuen sal |
| 8620 | Do zegeden ze wij louoen dat al |
| ¶ Prijse gij dat alle sprak vlfijn |
| So donket my dat beste zijn |
| Dat wij alle gaen to houoe |
| Vnde spreken de vrouwe van louoe |
| 8625 | Vnde al oren raet myt er |
| Do ze dar quemen zeten ze neder |
| Al sonder vlfijn alleyne |
| He stont vnde sprack de redene reyne |
| Alzo als gij hebbet gehoert |
| 8630 | Alzo vulzecht weren de woert |
| Sochte he gevolch an de baroene |
| Se zegeden <in HS: korrigiert aus zegen - de übergesetzt ergänzt> wij volgen des in allen doene |
| Do sprack vlfijn an den koninck |
| Wat zegge gij here van desser dinck |
| 8635 | Louoe gij dit dat uwe manne wijsen |
| Ja ick zegede he ick wilt prijsen |
| Genoget aldus den magen <54ra> |
| Vnde des de vrouwe ouer een wil dragen |
| Vnde de koninck loth dor myne bede |
| 8640 | De joncfrouwe wille nemen mede |
| ¶ Here sprack de koninck loth |
| Altoes wil ick uwe geboth |
| Do iv mede gereet zijn to doene |
| Vnde ock mede dor de zoene |
| 8545 | Vlfijn sprack to den tale man |
| Louoe gij dit ock mede dan |
| Ja zegede he wo zo dat gaet |
| Do sprack de vrouwe vnde er raet <in HS: erraet - Trennung durch Schrägstrich> |
| Vnde weren zo blijde dat em de trane |
| 8650 | Vt den ogen begonden to gane |
| Vnde weren des alle in hogen |
| Vnde zegeden dat men nye so hogen |
| Soene· eynen koninge doen dede |
| De mage prijseden dat alle mede |
| 8655 | ¶ Quijt scolt men des hertogen doet |
| De vrouwe vnde er genoet |
| Louoeden alle dat men dat dede |
| De koninck is zo vroet ock mede |
| Vnde zo goet sonder waen |
| 8660 | Dat wij des gerne op em gaen |
| Van allen dingen· dus was de sprake |
| Dar geendet myt desser sake |
| Vnde de koninck trouwede ygerne· |
| Dat dede he vtermaten gerne |
| 8665 | Vnde van Orcanie de koninck loth· |
| Nam dor des koninges geboth |
| Sine stiefdochter des koninges· feeste |
| Was· bescriuoet ons de <in HS: getilgter Punkt> jeeste |
| Twintich dage na den dach |
| 8670 | Dat he myt er to tintaniel lach |
| Van den koninge lot· wetet des· |
| Was geboren mordres· |
| Guoheries· vnde garies· |
| Vnde Gawin zijd seker des· |
| 8675 | Vnde acgraweyn· mere vnde mynder |
| Dit weren ygernen dochter kinder |
| Ock wan he eyn dochter bastarde |
| Organie de hilt he werde |
| Bij sinen rade vnde der mage mede <54rb> |
| 8680 | Vnde wij lesende dat he ze dede |
| Jn eyn hues van religione |
| De wonder dede van menigen doene |
| Astronomie hiet men de aert |
| Dar ze ombe gehieten wart |
| 8685 | Morgam lifeie in elke stede |
| Want ze wonder dede dar mede |
| Vnde de koninck brachte de kinder |
| Alle to manne merre vnde mynder |
| Vnde eerde alle de mage |
| 8690 | So dat he verwan al er clage |
| <XXV.> Wo artur/ do he geboren wart·· |
| Merlijne gegeuen was· |
| Vnde van keyen·· |
| NV geuel dat de vrouwe |
| Omb dat ze kint droech hadde rowe |
| Vnde zere dar ombe drouoen began |
| Eyns nachtes lach ze bij oren man |
| 8695 | Vnde he zegede bij wen drage gij dit kint |
| Want gij en mochten nicht sint |
| Sint ick iv nam dus groet gaen |
| Want de nachte bescreuen staen |
| So wete gij wal de waerheit das |
| 8700 | Dat de hertoge nicht en was |
| Mit iv in langen tijden to voren |
| Eer he zijn lijff hadde verloren |
| Dus en zin gij njcht bezweert |
| Bij em vnde ze wart verveert |
| 8705 | Vnde ze wart do bedrouet zeer |
| Se sprack omb dat et iv kondich is heer |
| So ne mach lck iv nicht liegen |
| Vnde en wil iv nicht bedriegen |
| Mer dorch god hebbet myns genaden |
| 8710 | Jck sal iv wonder tellen bij staden |
| Sekert dat gij my nicht en laet |
| Neen ick zegede he wo zo dat gaet |
| Rede zegede ze sal ick spreken |
| Vnde wal wonderlike treken |
| 8715 | Eyn man quam in der gebare |
| To myner kameren openbare <54va> |
| Als de hertoge in der gedane |
| He brachte myt em jordane |
| Vnde bretel off er gelijke |
| 8720 | Vnde gengen in stoltelijke |
| Dar dat al dat gesinne sach |
| De nacht he bij my lach |
| Do wiste ik wal dat he een kint gewan |
| Jck wene dat hadde gewesen mijn man |
| 8725 | Dit was de nacht rechte alzo |
| Do mijn here starff des morgens vro |
| Vnde in de borch quam de nyge meer |
| Dat mijn heer verslagen weer |
| Do dede he my verstaen twaren |
| 8730 | Dat he den luden weer ontfaren |
| Heymelike vte den Castele |
| Do voer he enwech na den nouoele |
| ¶ De koninck zegede do vrouwe mijn |
| Siet dat desse dinge verholen zin |
| 8735 | Want iv en queme dar nember meer |
| Guet ok aff noch ok eer |
| Jck wille dat gij des zeker zijt |
| Alze komet de selue tijt |
| Dat dat kint wirt geboren |
| 8740 | So en mach dat iv noch my to horen |
| Mer alzet geboren is zul gij dat stille |
| Geuoen den genen den ick wille |
| So dat wij des bliuen zonder scande |
| Se legede to samen er hande |
| 8745 | Here zegede ze nv doet myt mij |
| Al gader dat iv wille sij |
| De koninck zegede do vlfine |
| Der vrouwen tale vnde de sine |
| Vnde zegede merket an myne vrouwe |
| 8750 | Dat ze is goet vnde getrouwe |
| Dat ze van dus groten saken |
| En gene logene wolde maken |
| ¶ Vlfijn sprak do sonder waen |
| Merlijns bodescap is wal gedaen |
| 8755 | Anders en mochte he nicht myt mynnen |
| Dat kint eniger wijs gewinnen |
| Jn den seluen tijden twaren |
| Dat merlijn em solde openbaren <54vb> |
| So quam he tote vlfine |
| 8760 | Vnde zegede em den willen sine |
| Do ze dus spreken in den tijden |
| Deden ze den koninck ontbieden |
| Do spreken ze onder em dren |
| Van vele stucken vnde myt den |
| 8765 | Segede em de koninck de saken |
| Wo vlfijn den vrede dede maken |
| Vnde wat he zegede tot der vrouwen |
| Vlfijn zegede merlijn en trouwen |
| De sonde de gij dor des koninges mynne |
| 8770 | Deden an de koninginne |
| Hebbe gij gebetert een goet stick |
| Mer en trouwen noch bin ick |
| Jn den sonden de my rouwen |
| Van den koninge vnde myner vrouwen |
| 8775 | Sie en weet nicht we ze heuet bezweert |
| De koninck zegede zijt onverveert |
| Gij zijt zo vroet gij konet des wal off |
| Merlijn zegede gij hebbet des onloff |
| Helpe gij my nicht dar gij dat mogen doen |
| 8780 | Jck sal gerne sprak vter pandragoen |
| Vnde doet my geuoen in mijn hant |
| Jck sal sprak de koninck to hant |
| ¶ Solck man is vroet na dat he hoert |
| Eyn man wonet in desse poert |
| 8785 | De beste van den koninckrijke |
| Vnde zijn wijff ock sekerlike |
| Js de beste de ik vinde |
| Vnde ze licht ock nv van kinde |
| Desse <in HS: korrigiert aus Des ze> en sin ock nicht rijke |
| 8790 | Ontbiedet den man haestelike |
| Vnde geuoet em goet dat ze verteren |
| Jn den dat ze willen zweren |
| Dat ze een kint zolen voeden |
| Als men em dat brenget· vnde wal hoeden |
| 8795 | Vnde de vrouwe salt zelue sogen |
| Ores selues kint sal ze gedogen |
| Dat dat eyne amme sogen sal |
| Hijr to zolen ze zweren al |
| Dat ze dat zolen in der gebeer |
| 8800 | Hoeden off dat ors selues weer <55ra> |
| ¶ Do sprak vter pandragoen |
| Dat gij wilt dat sal ick doen |
| Vnde merlijn nam to hant orloff |
| Vnde ruomede des koninges hoff |
| 8805 | De koninck dede den man ontbieden |
| Vnde eerde ene vor anderen luden |
| De man hadde wonder groet |
| War ombe ene de koninck de ere boet |
| Lieue vrent sprack de koninck |
| 8810 | Jck sal iv ondecken een dinck |
| Want gij van lene zijt mijn man |
| Eyn wonder is my komen an |
| Vnde ick bidde iv op trouwe groet |
| Dat gij my helpen vt der noet |
| 8815 | Vnde helet nv al mijn doen |
| ¶ Jck sal sprack he heer pandragoen |
| Doen al dat ik mach volbrengen |
| Vnde helen in allen dingen |
| De ick volbrengen mach gereet |
| 8820 | De koninck zegede· vrent nv seet |
| Eyn wonder groet dar ick sliep |
| My duchte dat my een man riep |
| Dat gij de beste weren van den rijke |
| Vnde he zegede my zekerlike |
| 8825 | Dat iv wijff heuet een kint |
| Jck bidde iv dat gij dat zogen doet zint |
| Eynen wiue to eyner andern stede |
| Vnde ze dat do dor myne bede |
| Jck bidde des er ock seluen stille |
| 8830 | Dat ze dat do dor mynen wille |
| Dat ze soge eyn ander kint |
| Dat er schire wirt gesent |
| ¶ Trouwen here sprak de man |
| Grote dinck soeke gij my an |
| 8835 | Dat gij biddet dat men mijn kint |
| To eyner andern ammen brenge sint |
| Vnde ick mijn kint dar onnature |
| Al soldet my werden een deel to sure |
| Jck wene ick des myne(n) wiue best vrage |
| 8840 | Segget here zegede he op wat dage |
| Dat men ons dat kint sal bringen |
| Jck en weet zegede he in waren dingen |
| De goede man sprack to den koninge <55rb> |
| Dat en zin in desser werlt gene dinge |
| 8845 | Jck en wil ze gerne dor iv doen |
| Do gaff em vter pandragoen |
| So vele goedes dat he ene verwan |
| Als he to hues quam· he began |
| Sinen wiue zeggen des koninges noet |
| 8850 | Dat duchte er wesen harde goet |
| Vnde zegede wo mochte ick gedogen |
| Dat ick ieman anders zolde sogen |
| De man sprak do desse dinck |
| Mote wij doen dor den koninck |
| 8855 | Want he is onse gerechte heer |
| Vnde heuet ons gedaen zulck eer |
| Vnde gelouet· vnde ock gegeuen |
| Wij moten na siner hulde weuoen |
| Jck wil dat gij doet desse bede |
| 8860 | De vrouwe sprack· ick vnde dat kint mede |
| Wij sint uwe beide gader |
| Doet uwe wille dar mede alle gader |
| Want ick dar kegen nicht en strijde |
| De man was do harde blijde |
| 8865 | Do zie dat wolde laten gescheen |
| Ombe eyne amme dede he sien |
| De wal zogen solde zijn kint |
| Aldus zo is dat en wech gesint |
| ¶ De koninck prouede der vrouwen manieren |
| 8870 | Dat ze geliggen zolde schiere |
| Merlijn quam vor dar eynen dach |
| To houoe eer de vrouwe gelach |
| Vnde zegede vlfine in stiller wer |
| Jck beloue mij openbaer |
| 8875 | Van den koninge dat he dat |
| So wal dede dat he em bat |
| Segget em dat he zegge der vrouwen |
| Dat ze sal bij goeder trouwen |
| Morgen na <in HS: übergesetzt ergänzt> myddage hebben eyn kint |
| 8880 | Vnde den eirsten man den men vint |
| To eirst dat men komet vt der salen |
| Den salment geuen in stilre halen |
| Vlfijn sprack en zult gij nicht eer |
| Spreken kegen mynen heer <55va> |
| 8885 | Neen ick nicht zegede do merlijn |
| To den koninge genck do vlfijn |
| Vnde zegede dat em merlijn hiet |
| De koninck zegede· en sal he niet |
| Mij spreken eer he en wech geet |
| 8890 | Neen he mer doet dat he gebiet |
| ¶ Do vlfijn em hadde geseget dit |
| Genck de koninck al dar nv sid |
| De koninginne· vnde zegede er |
| Vrouwe ick zegge iv nye meer |
| 8895 | Gelouoet er my gerne here ick do |
| So wat zo gij my zegget to |
| Vnde ick do al dat gij my gebiet |
| De koninck zegede en twiuelt niet |
| Morgen na myddach heb ick geacht |
| 8900 | Sole gij genesen van uwer dracht |
| Dar gij mede zijt gebonden |
| Vnde ick bidde iv to den stonden |
| To eirst als dat kint geboren sij |
| Beuoelet er de iv is bij |
| 8905 | Dat ze heymelike dat kint |
| Den eirsten geuoe den ze vint |
| Dar buten staende an den sale |
| Vnde ze des en make gene tale |
| Dor gene sake de men vinde |
| 8910 | Dat gij genesen zijd van kinde |
| Want wij zolden des hebben laster |
| Men solde zeggen hijr achter |
| Dat dat nicht en mochte zijn |
| Dat dat kint mit rechte were mijn |
| 8915 | Noch des hertogen mochtet nicht wesen |
| ¶ De vrouwe antworde myt desen |
| Here al waer zegge gij dar an |
| Jck en weet we dat kint an mij wan |
| Jck do al dat iv is geneme |
| 8920 | Recht als een de my schame |
| Van mynen groten ongevalle |
| Mer wonder heb ick wo so ick kalle |
| Wo gij geweten mynen termijn |
| De koninck zegede nv laet dit zijn |
| 8925 | Vnde doet hier mede al mijn gebot |
| Jck sal here zo helpe my god <55vb> |
| ¶ Aldus bleef ore twiger raet |
| Ygerne beide na den dat et myt er staet |
| Went dat de tijt quam dat god wolde |
| 8930 | Dat ze van kinde genesen solde |
| Na vesper tijt quam er gereit |
| Des andern dages de arbeit |
| Vnde duorde tot na mydder nacht |
| Got verlozede ze van der dracht |
| 8935 | Vnde gaff er eyn kindelijn |
| To eirst dat er tijt duochte zijn |
| Riep ze to hant eyne joncfrouwe |
| De ze dicke vant getrouwe |
| Lieuoe zegede ze nemet dit kint |
| 8940 | Geuoet dat den eirsten den gij vint |
| Die iv dat to eyschet buten den sale |
| Vnde den man merket wale <in HS: e übergesetzt ergänzt> |
| Se dedet do winden alto hant |
| Jn de beste cleider de men vant |
| 8945 | De bant dat to harde wal ter kor |
| Vnde droget buten de dor |
| Dar vant ze eynen olden man staen |
| Cranck vnde bleeck· vnde zere <gestr.: mysdaen> ondaen |
| Vnde zegede vrent wat ist dat du iagest |
| 8950 | ¶ He zegede ick soke dat du drages |
| ¶ We bistu dan bij diner trouwen |
| Wat wil ick zeggen myner vrouwen |
| He zegede ick en zegge dij dar aff niet |
| Mer do dat dij dijn vrouwe hiet |
| 8955 | Wat sal ick zeggen wen ick dat gaff |
| Jck en zegge dij dar nicht aff |
| ¶ Mit den gaff ze em dat kint |
| He voer en wech als de wint |
| Se en wiste waer he er ontginck |
| 8960 | De vrouwe weende ombe de dinck |
| Do he dat kint hadde ontfaen |
| Genck he en wech alzo saen |
| Al dar he auotore vint |
| Vnde gaff em do dat kint |
| 8965 | He vant Auctore op der vart <in HS: korrigiert aus vairt> |
| Gaende to der kerken wart |
| Als eyn olt man was he gedaen <56ra> |
| He riep ene tot em alzo saen |
| Vnde zegede· ick spreke iv weert dat ik mochte |
| 8970 | Auctor sach ombe vnde dochte |
| Dat he scheen een goet man |
| Vnde he zegede nv spreket dan |
| De olde zegede ick brenge iv |
| Eyn kint dat zule gij nemen nv |
| 8975 | Vnde holdet wal al openbaer |
| Als off dat uwes selues waer |
| Wetet dat wal is dat gij dat doet |
| Jv sal dar aff komen ere vnde goet |
| Vnde uwen kinderen hijr naer |
| 8980 | Gelouoe my des al openbaer |
| ¶ Bin ick des seker sprak Auctoer |
| Dat dit dat kint is dar ik ombe swoer |
| Vnde dat de koninck omber wolde |
| Dat mijn wijff sogen solde |
| 8985 | Vnde mijn kint anders waer besteden |
| Jaet zegede he bij mijnre waerheiden |
| Elck goet man· vnde de koninck mede |
| Solden dar ombe doen bede |
| Vnde ick biddes iv oeck harde seer |
| 8990 | Vnde dat wete wal lieuoe heer |
| Dat iv myne bede alzo vele doech |
| Alze zulck man de riker is genoech |
| Auctor nam dat kint dat scone was |
| Vnde vragede den olden das |
| 8995 | Off dat kristen weer gedaen |
| He zegede neen dat sonder waen |
| Mer duet dat nv ter kerken dragen |
| Auctor zegede ick moet iv vragen |
| Wo dat kint sal sijn genant |
| 9000 | De olde antworde to hant |
| Wiltu des na mynen willen sijn |
| Artur sal ment doen kerstijn |
| En hebbe hijr mede to doene niet |
| Jck ga en wech wiltu anders ieet |
| 9005 | Bij een dinck machstu vor seen |
| Dat dij goet dar aff sal geschien |
| Want des dar ik my harde wal vermeten |
| Dat gij my nicht en zolet weten |
| Welck van em twen gij meest mynt <56rb> |
| 9010 | So dit so uwes selues kint/ |
| ¶ Wat sal ick zeggen zegede auctoer |
| To den koninge de my bezwoer |
| We dat my dit kint gaff |
| He zegede ick en zegge dij nicht dar aff |
| 9015 | De olde zegede gij en weten van my |
| Nember meer we dat ick sy |
| ¶ Aldus is he en wech gelopen |
| Auctor dede dat kint dopen |
| Vnde brachte dat sinen wiuoe saen |
| 9020 | Artur zo was dat kersten gedaen |
| He zegede vrouwe ick brenge ter steden |
| Dat kint dar ick ombe hebbe gebeden |
| Se zegede wilkome mote dat zijn |
| Mynne is dat kint gedaen kristijn |
| 9025 | Ja sprack he dat heitet artuor |
| Dat kint wirt harde dicke suoer |
| Want ze sogede dat vnde helt |
| Vnde eres selues kint dede ze ombe gelt |
| Eynen anderen doen holden vnde sogen |
| 9030 | Al dede ze dat node ze moste dat gedogen |
| <XXVI.> Van den sennen· vnde van des koninch |
| Vter pandragoens doet·· |
| DE koninck vter pandragoen |
| Dat scriuet robrecht van barioen |
| He hilt hijr dat koninckrijke lange |
| So dat he myt zueke bedwange |
| 9035 | Mit droepe wart bevaen onsoete |
| Beide an hande vnde an voete |
| Do de sennes dat vernamen |
| Deden se er her to samen |
| Vnde quemen ombe zijn lant to verstoren |
| 9040 | Vnde deden em dicke groten toren |
| So lange dat vter pandragoen |
| Ontboet al zine baroen |
| Do rieden ze em dat he vochte |
| Vnde he em wreke off he mochte |
| 9045 | He zegede gij zolet dat doen dor goede |
| Vnde versamelen dat her dor myne gebode |
| Vnde vechten dan vor uwen heer |
| Jck en mach orlogen nember meer <56va> |
| De heren weren des to hant beraden |
| 9050 | Vnde segeden dat ze dat gerne deden |
| ¶ Dus treckeden ze op de viande |
| De heidenen hadden van den lande |
| To den tijden een groet deel beiaget |
| De kristenen quemen onversaget |
| 9055 | Vnde vochten myt groten prijge |
| Sonder here tot den wijge |
| Mer ze verloren dat velt |
| Dat volck was ongetelt |
| Dat de kristenen dar verloren |
| 9060 | De mere quam de <sic - fehlender Nasalstrich?> koninge to voren |
| Dat de kristenen weren gesconfiert |
| Des wart he sere to barentiert |
| Want de dar leuoendich waren |
| Segeden em wo dar was gevaren |
| 9065 | Do de heidenen den zege |
| Do voren ze achter wege |
| Vnde dwongen dar man vnde wiuoe |
| De sennes de to voren keytiuoe |
| Vnde in den lande weren gevaen |
| 9070 | De sint alle an em gegaen |
| ¶ Dus worden ze mechtich in den lande |
| Merlijn de dit al bekande |
| Quam tote vter pandragoene |
| De drouoich was· vnde sine baroene |
| 9075 | De koninck was verkranket seer |
| Van jaren vnde van ouoele meer |
| Vnde was so komen to sinen iaren |
| Dat he seer kranck was twaren |
| Vnde do de koninck hadde vernomen |
| 9080 | Dat merlijn tot em was komen |
| Was he vtermaten blijde |
| Vnde dachte dat he in korten tijde |
| Getroestet zolde sijn van sinen heer |
| Alze merlijn quam vor den heer |
| 9085 | Was de koninck ziner wal vro |
| He zegede koninck is dat alzo |
| My dunket gij zijt sere gekranket |
| Dat bin ick zegede he got zij des gedanket |
| Vnde myne lude dat is iv kond |
| 9090 | Sint harde zere som gewont |
| Vnde dar ick des my op nicht bewande <56vb> |
| Hebben my gedaen groet ande |
| Dit is de dinck de my doet drouoen |
| Merlijn segede gij moget prouen |
| 9095 | Dat volck dat is sonder heer |
| En doech noch myn noch meer |
| ¶ De koninck bat dat he em riede |
| Wat he dar best to dede |
| Merlijn zegede in hemelichede |
| 9100 | Wil ick iv zeggen waer gij mede |
| Sult mogen staen to der wer |
| Duet to gader al iv her |
| Vnde als ze alle zint komen dar |
| So doet maken een orsbaer |
| 9105 | Vnde doet iv in dat her dragen |
| Dus zole gij uwe viande veriagen |
| Wetet wal dat gij zolt vechten zege |
| Vnde als gij ze hebbet geiaget en wege |
| So prouet wal dat qemeyne diet |
| 9110 | Sonder here en doech niet |
| To eirst dat du gedaen heuoest dat |
| Gijff dor god dan dinen schat |
| Verlichte dine sele mede dat dij is bleuoen |
| Du en zalt nicht lange leuoen |
| 9115 | De rijcheit en is nicht er |
| De nicht en geuoen openbaer |
| Vnde hijr dan al moten laten |
| Dit zin duuels de ons haten |
| Nu prouet vnde verstaet dat |
| 9120 | Du de dus groten scat |
| Jn desser werlt heuest gehat |
| Vorwaer zegge ik iv dat |
| Gij moten ene al dor gode geuoen |
| Vnde prouoen ombe dat lange leuoen |
| 9125 | Dat weer beter den riken man |
| De em dat goet trecket an |
| Dat em een oert nicht en bleuoe |
| Dan he dor got nicht en geuoe |
| Desser werlde rijchede |
| 9130 | Vnde dat dar to behoert mede |
| Want al sy ieman achter dij bleuoen |
| He zal des dor got luttel geuoen |
| Dit is der sielen verlues al |
| Men do dar mede als men sal <57ra> |
| 9135 | Vnde du weest dat du zalt steruoen |
| Du moest ombe dat lange leuoen weruoen |
| Vnde dijn goet dor god gegeuoen |
| Dat duo machst hebben dat lange leuoen |
| ¶ Echter prouoe in dinen moet |
| 9140 | Dat desse werlt nicht en is goet |
| Men mach gene werlt leiden |
| Se en mote myt rouwen scheiden |
| Almosse en argert nicht eyn wint |
| De men to voren en wech zind |
| 9145 | Want guet god den menschen geuoet |
| Alzo lange als he leuoet |
| Dat guet geuoe gerne weder |
| De wijle dat du zijst hijr neder |
| De nicht en wille wesen zod |
| 9150 | Geuoe weder dat em gaff god |
| Eer he hijr nv steruet |
| Vnde dat he ginder nicht bederuoet |
| De nicht en staet na dit gewin |
| Nember meer komet he dar in |
| 9155 | Hijr ombe zo zegge ick dij dat |
| Dat du dor gode geuoest dinen scat |
| Du machst dij seluen best beraden |
| Vnde meest vromen· vnde meest scaden |
| ¶ Du en zalt nicht lange leuoen |
| 9160 | Na dessen zege den du zalt plegen |
| Nu verstant wal dit sermoen |
| En gene dinck en machstu doen |
| De dij helpet ten rechten leuoene |
| Als een goet eynde alleyne |
| 9165 | Al haddes du gedaen al de doget |
| Dar al de werlt bij verhoget |
| Vnde bleuestu sonder een goet ende |
| Du zoldes to langer myssewende |
| Al haddes du alzo vele mysdaen |
| 9170 | Als alle de hebben ontfaen |
| Lijff in desser werlde nv |
| Ouer waer zo segge ick iv |
| Vnde mochte gij ten goeden ende komen |
| De waerheit hebbe ick al vernomen |
| 9175 | De mysdaet de weer al vergeuoen |
| Vnde ze sin vonden in een goet leuoen <57rb> |
| Vnde steruen ze· se steruoen wal |
| Du ne salt henen voren nicht al |
| Dan waldaet vnde ock eer |
| 9180 | Vnde waldaet de en mach nembermeer |
| Sonder de ere nicht wesen |
| Jck hebbe dij vortellet van desen |
| Wo dane wijs du zolt wesen |
| Du bist sonder wijff bleuoen |
| 9185 | Men seget ygernen doet dine vrouwen |
| Vnde du en machst geen ander trouwen |
| Dus bliuet dijn lant sonder heer |
| Des moestu pinen de meer |
| Wo du mogest goeden eynde ontfaen |
| 9190 | Jck wil my hene maken saen |
| Du en heuest nember to doene myt my |
| Du zoldes vlfine zeggen dat hij |
| Geloffte dij do bij sinen monde |
| Omb dat he sy myne orkonde |
| 9195 | Van dat he sculdich is te sine |
| ¶ De koninck zegede tot merlijne |
| Hoge dinge doestu my bekennen |
| Dat ick myne viande sal verwinnen |
| Al liggende op eyne orsbaer |
| 9200 | Wo mochte ick doen van vaer |
| God sy gedanket al zines goedes |
| Merlijn zegede du behoedes |
| Dij van zonden diet genende |
| Dus moestu komen ten goeden ende |
| 9205 | Jck bidde dij want ick wil en wech |
| Dat du dij holdes an dessen zech |
| Vnde an de woert de ick dij hebbe geseit |
| ¶ De koninck zegede· sech my gereit |
| Van mynen kinde wo dat vart |
| 9210 | Merlijn zegede em ter vart |
| Du en heuest des nicht to doene ter stont |
| Mer ick wille dat et dij wese kond |
| Dat schone zij vnde wal gevoed |
| Vnde dar to vromich vnde vroet |
| 9215 | Vter pandragoen sprack myd den |
| Merlijn sal ick dij nember seen |
| Ja gij zegede he koninck heer |
| Noch eynewerff vnde nicht meer |
| ¶ Dus was dar onder em dat geschiet <57va> |
| 9220 | De koninck ontboet sijn volck gereet |
| Sine viande dede he bestaen |
| Eyne orsbaer dede he maken saen |
| Vnde dede em voren vor sine lude |
| Na sines selues herten bedude |
| 9225 | Scharde men de lude to wijge |
| Se vochten myt groten prijge |
| Alzo als de koninck hiet |
| So dat he dat quade diet |
| Versloech vnde iagede en wege |
| 9230 | Aldus wonnen se den sege |
| Vnde veriageden de viande |
| Alto male vt oren lande |
| ¶ Fineren moet he de sculdich es |
| De koninck gedachte nv des |
| 9235 | Dat em merlijn hadde gesecht |
| En wolde he vorgeten nicht |
| He voer to lonnen in de stat |
| Vnde ontboet dar al sinen scad |
| Vnde dede ontbieden cortelijke |
| 9240 | Al de armen van sinen rijke |
| Den he scone alemossen gaff |
| Vnde dat em bleeff dar dede he aff |
| Alzo als em de papen rieden |
| So vele gaff he den armen luden |
| 9245 | Bij merlijns rade bij onsen heer |
| Dat em en bleeff myn noch meer |
| Al dar he dat weten mochte |
| Seer oetmodich was sijn gedochte |
| To godewert vnde to sinen luden |
| 9250 | Alzo alze merlijn wolde beduden |
| ¶ Guede wile he dit haerde |
| Alzo dat em zijn ouoel zwaerde |
| Do sine lude dat vernemen |
| To logres se alle gader quemen |
| 9255 | De sere ontseggen des koninges lijff |
| Doch segen ze wal sonder blijff |
| Dat he nicht en mochte genesen |
| So sere krankede he my <sic> desen |
| Dat he lach dre dage sonder sprake |
| 9260 | Vnde merlijn wiste al de sake |
| Vnde quam to hant in gene stad <57vb> |
| Do de heren wisten dat |
| Ontboden ze ene· vnde elck genoet |
| Segeden de koninck he is doet |
| 9265 | Den gij sere hebbet gemynt |
| He zegede dat en is nicht een twinck |
| Jck wene he goeden wandel doet |
| De sinen eynde heuet dus goet |
| Vnde he en is noch nicht verscheden |
| 9270 | He is zegeden ze· wij zolen iv dar leden |
| Jn drien dagen en sprak he woert |
| Noch nember meer ne doet voert |
| Off god wil sprak merlijn he sal |
| Nu komet gij moget dat hoeren al |
| 9275 | Se zegeden dat weer wonder groet |
| Want he leget vor doet |
| ¶ De koninck vter pandragoen |
| De vinster dede merlijn ontdoen |
| Se zegeden siet hijr merlijn heer |
| 9280 | De iv mynde also seer |
| De koninck keerde em darwert |
| Vnde siet op em vnde gebeert |
| Offte he ene kende· do zegede merlijn |
| Tot den heren de dar sin |
| 9285 | Nu swiget alle vnde hoert |
| Des koninges alre leste woert |
| Vnde staet bet herwert nv |
| Se zegeden alle wo meynestuo |
| Den koninck nv spreken doen |
| 9290 | Dat mach horen elck baroen |
| Sprack merlijn to den tijden |
| Vnde ginck staen an de ander sijden |
| Vnde segede em in sijn ore dit |
| Dijn eynde is scone als dat wal zit |
| 9295 | Js dijn herte al sulck binnen |
| Als du ons hijr doest bekennen |
| Artur dijn sone sal crone dragen <in HS: r nachträglich hinzugefügt> |
| Ten eynde van dinen leuedagen |
| Vnde al myt den wille onses heren |
| 9300 | So sal he myt groten eren |
| Vervollen der tafelronden stede |
| De ick dij seluen maken dede <58ra> |
| Alze dit de koninck heuet verstaen |
| Keerde he em ombe saen |
| 9305 | Vnde segede biddet alle merlijne dit |
| Dat he gode vor my bid |
| Vnde merlijn he segede do voert |
| Dit is dat alre leste woert |
| Dat de koninck sal spreken meer |
| 9310 | Al en wolde gij des nicht gelouoen eer |
| ¶ Merlijn schiede do van den koninck |
| Den heren wonderde do desser dinck |
| Dat he den koninck spreken dede |
| Mer neman en was dar to der stede |
| 9315 | Sonder merlijn de dat bekende |
| op de nacht so eynde |
| De koninck vter pandragoen |
| Des koninges prinsen vnde sine baroen |
| Vnde ock manich gewijet heer |
| 9320 | Deden den koninge groet eer |
| Vnde grouoen ene na koninges recht |
| Dus bleeff dat lant onteruoet echt |
| Dar was vergaddert manich prelaet |
| Vnde nemen alle to samen raet |
| 9325 | Wo men dat lant berichten mochte |
| Mer dar ne was neman de brochte |
| Raet de em dochte gauoe |
| Do zegeden se wij zullen hier auoe |
| An merline soeken raet |
| 9330 | He is vroder dan al dat hier staet |
| He sal ons den besten raet geuoen |
| Alle zin se des dar an gebleuoen |
| Vnde deden prouoen waer he weer |
| Do he dat wiste quam he daer |
| 9335 | ¶ Se segeden merlijn siet wat gij doet |
| Wij weten wal dat gij sint vroet |
| Vnde weten meer dan ieman al |
| Nu is dit lant dat se gij wal |
| Sonder heer vnde al verstoruoen |
| 9340 | Sulck een lant is schier verdoruoen |
| Dorch god bidde wij iv dan |
| Dat gij ons helpet kiesen eynen man |
| De dat lant berichte tot onsen bederuoe |
| So dat de kerke nicht en verderuoe <58rb> |
| 9345 | Vnde de lude de dar inne sin |
| Jck en bin nicht zulck man zegede merlijn |
| Dat my een heer to kiesene staet |
| Mer wil gij doen al mynen raet |
| Jck solde iv raden harde wale <in HS: e übergesetzt ergänzt>· |
| 9350 | Vnde holden des nember ander tale |
| Ouoer een vorwert nember meer |
| He segede got geuoe dat wij sijn eer |
| Vnde ock tot onser alre vromen |
| Ouer een moten des komen |
| 9355 | ¶ Merlijn segede ick hebbe dit rijke |
| Seer gemynt sekerlike |
| Ock de lude van den lande |
| Cor ick eynen koninck se hadden des scande |
| Jck en dede em to weten echt |
| 9360 | Dat myn sake were gerecht |
| Mer nv is al en wete gij des niet |
| Schone auenture my geschiet |
| De koninck starff des zijt bedacht |
| Na sancte mertijns misse vierteenacht |
| 9365 | Vnde hier is de kerst auoent bij |
| Vnde is dat gij des gelouoet my |
| Jck sal iv raden guet vnde ere |
| Beide to der werlt vnde to onsen here |
| Do segeden se alle de baroen |
| 9370 | Juwen raet wille wij doen |
| ¶ Jck wille dat gij des seker sijd |
| Sprack merlijn hier komet de tijt |
| Dat geboren was der maget Marien soene |
| Jhesus Cristus dat was de gene |
| 9375 | De here van allen dogeden is |
| Jck wil sijn iv borge des |
| Js dat gij doet ontbieden |
| Achter lande uwen luden |
| Dat se des bidden onsen here |
| 9380 | Dat he uwen raet ton besten kere |
| Vnde iv eynen gerechten heer vorleene |
| Dor sine doget de nicht is cleene |
| Vnde dor de tijt alze to voren |
| Dar he op wolde sijn geboren |
| 9385 | Coninck bouen allen koningen |
| Vnde heer van allen dingen <58va> |
| Dat he iv zulken heren geuoe |
| De to sinen denste leue |
| Vnde he iv zolck teiken toege |
| 9390 | Dat he wal kent al sit he hoge |
| Ende elck man de em seluen kent |
| Dat he iv zolck teiken sent |
| Dat men seen mach vnde horen |
| Dat he bij em wirt verkoren |
| 9395 | Al sonder eneges menschen raet |
| Js dat gij hijr na alle staet |
| Gij zolt onses heren teiken seen |
| Al dat folck segede mit den |
| Dat dat em de beste raet dochte |
| 9400 | Den men iemermeer vinden mochte |
| Elck de segede volge gij des |
| Se segeden se en weren nember so ries |
| De dit solden weder ropen |
| Do beden se alle den bisscopen |
| 9405 | Vnde dar to allen den clerken |
| Dat se deden achter kerken |
| Den volke bidden algemeyne |
| Beide de grote vnde de cleyne |
| Dat ze des nicht en gengen auoe |
| 9410 | Van den teikene dat em god gauoe |
| Aldus deden se merlijns raet |
| Merlijn nam orloff vnde gaet |
| Se beden em dat he dar solde sijn |
| Alze got geuoe sijn teiken |
| 9415 | To kerstes auende off dat so geschiede |
| He segede twaren gij gueden lude |
| Gij biddet des ick nicht mach wilkoren |
| Jck en kome nicht vor gij hebbet gekoren |
| <XXVII.> Van den steyne dar dat zweert ynne stack |
| Vnde wo de koninch artur to koninge |
| Wart gekoren·· |
| NV kiesen ze dat se willen/ merlin gaet |
| 9420 | Tote blasise sinen raet |
| Vnde segede wat dar solde gevallen |
| Blasijs makede dat kond ons allen |
| Vnde to den hoechgetijde gemeyne |
| Ontboet men groet vnde cleyne |
| 9425 | To logres in kerst dage to wesen |
| Dus was dat al geendet bij desen <58vb> |
| Vnde Auctor de dat kint hadde gevodet |
| So dat dat starck was vnde vroet |
| So getruwelike hilt he dat twaren |
| 9430 | Tote sinen sesteen iaren |
| Dat dat anders neman ne soech |
| Dan sijn wijff vnde ock doch |
| En weet he wen he meer mynt |
| So artur so keyen sijn kint |
| 9435 | Lieue kint hiet he dat vnde nicht al |
| Vnde he mende dat ock wesen wal |
| Vor kerstes auent in alre hilgen dage· |
| So makede auctor sonder sage |
| Ritter keyen sinen soene |
| 9440 | Tote logres quam de gene |
| Mit ritteren de voren ginder |
| Vnde brachte mit em sine kinder |
| Op de vigilie weren gemeenlike |
| Alle de clerke van den rijke |
| 9445 | Vnde ock alle de baroene |
| De weren van enegen doene |
| Vnde deden alle alze merlijn segede |
| Vnde weren in groter simpelheide |
| Vnde leuoeden dat hillichlijke |
| 9450 | To der vesper quemen arm vnde rijke |
| Gode beden ze dat he em geuoe |
| Sulck teiken dar se mede |
| Gesterket weren in de wet |
| To mettene quemen se noch bet |
| 9455 | To der eirsten myssen vnde ter anderen |
| Begonden de heren wanderen |
| Ombe dat se mysse wolden hoeren |
| Nu weren dar sulke doren |
| De segeden dat se weren sot |
| 9460 | De beiden na dat em god |
| Vertogen solde enige dinck |
| To kiesene dar bij eynen koninck |
| Mit dat se dat spreken myt enen monde |
| Gevellet dat men mysse begonde |
| 9465 | Vnde gengen in den monster to samen |
| Do se alle dar in quemen |
| So was dar een hillich man |
| De de misse dar began |
| ¶ Mer eirst quam he ton luden voert <59ra> |
| 9470 | Vnde segede em allen desse woert |
| Lieuen lude gij zint hier komen |
| Ombe drierhande vromen |
| Welck se sin moge gij hoeren |
| Ombe uwe siele als to voren |
| 9475 | Vnde ock ombe des dages eer |
| Vnde ombe miracule de onse heer |
| Hier sal doen to der stede |
| Vnde ombe eynen koninck mede |
| De man sal sijn der heilgen kerken |
| 9480 | De se berichten sal vnde sterken |
| Wij bidden gode de <in HS: am Ende der Zeile nachgetragen> dat al bekent |
| Dat is ihesus cristus onse koninck |
| Dat he ons waer lijckteiken sende |
| Ombe to doene sonder missewende |
| 9485 | Dat sijn lieueste wille sy |
| Alzo gewaerlike als he |
| Des seluen dages was geboren |
| Vnde gij alle de dit horen |
| Sult uwe pater noster spreken |
| 9490 | Se segeden alle wij en willens nicht breken |
| ¶ Alto hant genck men singen |
| Doch dat se dat so vere bringen |
| To der missen dat men offeren began |
| Ock weren dar sulke man |
| 9495 | De vte gingen na desser tijt |
| Dar se vonden eyne plaetse wijt |
| Vnde do se dar binnen weren |
| Segen se den dach verbaren |
| Jn de plaetse dar se do vonden |
| 9500 | Eynen steen ten seluen stonden |
| Se en wisten nicht welker tieren |
| He do was na den manieren |
| Eyn marber segeden se dat dat weer |
| Se vonden do al openbaer |
| 9505 | Eyns votes breet een anebelt |
| Dat een sweert wal vaste helt |
| Dat stack dar inne tot den steyne |
| Do se dat segen al gemeyne |
| De eirst vt den monster gingen |
| 9510 | Wonderde em van dessen dingen |
| Se segedent vnde en lietens niet |
| Den biscope de brixis hiet <59rb> |
| Alze he dat hoerde de de misse sanck |
| Nam he wywater eer ieet lanck |
| 5915 | Vnde genck vor de andren naer |
| Leeke clerke volgeden dar |
| To der stede dar de steen lach |
| Den do manich man sach |
| Vnde do se segen dat anebelt |
| 9520 | Dat dat zweert so vaste helt |
| Riepen se alle sancte pater |
| Vnde worpen dar op dat wijwater |
| De biscop neech ter eerden |
| Vnde sach in de middewerden |
| 9525 | Guldene boecstauoe· de segeden dat |
| De dat zweert treckede vt der stad |
| He solde by den wille onses heren |
| Coninck sijn myt groter eren |
| ¶ Mit den dede he den steen behoeden |
| 9530 | Tijn goeden mannen vnde vroeden |
| Vijff leken· vnde vijff clerken |
| Vnde gengen weder in de kerken |
| Vnde segeden god heuoet ons gedaen |
| Eyn scone teiken sonder waen |
| 9535 | Te deum laudam(us) songen se claer |
| Als de man quam to den altaer |
| Heuet he em to den luden gekeert |
| Vnde segede prouet vnde leert |
| Dat ieman onder ons is goet |
| 9540 | Want god dor onsen wille doet |
| Sulck teiken als gij seen moget |
| Jck bidde iv dor onses heren doget |
| Dat ne geen man dor edeldoem |
| Noch dor generhande roem |
| 9545 | De to dessen liue behoert |
| Kegen dit teiken segge een woert |
| Want de dat teiken sende stille |
| Sal wal togen sinen wille |
| ¶ Men dede voert den denst onses heren |
| 9550 | Vnde alze se vol songen was myt eren |
| Gengen se tot den stene wanderen |
| Elck he vragede dar den anderen |
| We dar eirst trecken wolde |
| Do segede dar elck dat men solde |
| 9555 | Den biscop ontbieden lude vnde stille <59va> |
| Vnde horen wat he seggen wille |
| Dar was lange groet strijt |
| Vnde sulck de wolde eer tijt |
| We dat macht hadde in de poert |
| 9560 | Wolde prouoen omber voert |
| Dar was tale vnde geschal |
| Des men hier nicht vertellen sal |
| ¶ De biscop he sprack voren |
| Dar se alle to horen |
| 9565 | Gij ne sijd nicht zegede he twaren |
| Alzo vroet als my lieff weer |
| Dat moge gij merken gereet |
| Dat god de alle saken weet |
| Hier heuet verkoren eynen man |
| 9570 | Vnde wij ne weten wen nochtan |
| Vnde dat segge ick iv ock mede |
| Dat edelheit noch rijcheide |
| De sal hier liggen stille |
| Sonder al onses heren wille |
| 9575 | Vnde ick weet wal to voren |
| Al ne weer he noch nicht geboren |
| De dat zweert dragen sal |
| Al hadde wij dat gesworen al |
| Dat men dat gewonne myt gener sake |
| 9580 | Vnde neman ock vt ne trake |
| ¶ Nu drogen se ouer een dar |
| Dat de biscop segede waer |
| Do berieden em de baroene |
| Vnde drogen ouer een van dessen doene |
| 9585 | Dat se hilden des biscopes woert |
| Vnde segeden dar dat volck to hoert |
| Wo wal dat de biscopes woert |
| Mit desser groten otmodichede |
| He segede dat kornet van onsen heer |
| 9590 | Vnde en do noch myn noch meer |
| Anders dar to ombe geen verdriet |
| Dan al <in HS: übergesetzt ergänzt> dat onse heer gebiet |
| Vnde der Cristenheit betame |
| Vnde dat ick des ne gene scame |
| 9595 | Ne hebbe· vor misse was dit gedinge |
| Se segeden alle sonderlinge |
| To den biscope· vnde he nam respijt |
| Tote na de hogemistijt <59vb> |
| To eirst dat de misse was gedaen |
| 9600 | Sprack de biscop also saen |
| Merket alle desse miracule |
| De god in dessen tabernacule |
| Dor uwen wille heuet gedaen |
| Hier moge gij alle bij verstaen |
| 9605 | We des koninrikes <sic - Verschreibung> is weert |
| Jv bedudet dit goede zweert |
| Dat gerichte dat men holt |
| Mit gode vnde myt gewolt |
| Aldus wirt onse koninck gekoren |
| 9610 | Jck weet wal dat god to voren |
| Visiert we dat lant sal berichten |
| De rike en doruen dar nicht ombe vechten |
| Ombe to prouen eirstwerff |
| Want houerdie nicht en bedarff |
| 9615 | De armen wesen sonder toren |
| Al gaen hier de rijken voren |
| Want dat is gewoente vnde sede |
| De hier heuet de hogeste stede |
| Dat se eirst prouen gaen |
| 9620 | Want hier is neman sonder waen |
| De eynen koninck maken wolde |
| Dat de den dullesten kiesen solde |
| ¶ Dus deden se des biscopes raet |
| Sonder ienich ander quaet |
| 9625 | So we so best dochte weert |
| Solde eirst prouen an dat zweert |
| Dar to zworen alle de heren |
| Dat se den genen solden eren |
| Vnde den vor koninck bekennen |
| 9630 | De dat zweert wt konde gewinnen |
| ¶ He nam er vt anderhalff hondert |
| Der hogesten wen des wondert |
| Vnde dede se alle an dat zweert |
| Proeuen vnde gereet ter veert |
| 9635 | Do hiet he den anderen saen |
| An dat zweert prouen gaen |
| Alle de wolden ouerluet |
| Neman en mochte dat getrecken vt |
| Tijn man hoeden den steen |
| 9640 | Alle de wolden ouoer een <60ra> |
| Solden prouoen an de sake |
| Off dat zweert ieman vt trake |
| ¶ Ock was aldus seget de auentur |
| Achte dage geprouet al dur |
| 9645 | Dat se alle treckeden an dat zweert |
| Tote dat jaers dach quam voert |
| Do hoerden echt de baroene |
| Misse na oren doene |
| Dat de biscop hadde gevest |
| 9650 | Dat em dochte wesen best |
| Do segede he em desse saken |
| Ja en machmen nicht geraken |
| Noch eynen koninck nicht myt der vart |
| Gaet vnde prouet an dat zweert |
| 9655 | Nu moge gij alle bekennen |
| Dat dat neman mach gewinnen |
| Sonder den god gebiet |
| Se segeden wij en schieden niet |
| Vt der stat eer wij dat seen |
| 9660 | Wen dat dat sal gescheen |
| ¶ Do de denst was gedaen |
| Gengen se to der herbergen saen |
| Na etene gengen se als men plach |
| To doene op eynen hogen dach |
| 9665 | To josteerne op een velt |
| De tijne de myt gewelt |
| Hadden to wachtene nv dat zweert |
| Voren alle nv derwert |
| Ombe to siene dat boert |
| 9670 | Ock wart dar sulck gevoert |
| Dat he to hues bet weer bleuen |
| Mit den is de strijt begeuoen |
| Vnde geuoen de scilde eren knechten |
| De do alle gengen vechten |
| 9675 | Vnde se streden lange tijt |
| So dat dar wos een strijt |
| Dat alle de lude van der stad |
| Derwert liepen ombe dat |
| Some gewapent some naket |
| 9680 | Auctor hadde keyen gemaket |
| Ritter als ick sprak to voren |
| Als he den strijt begonde horen <60rb> |
| Hiet he den broder myt der vart |
| To hues riden ombe <gestr.: dat> zijn zweert |
| 9685 | ¶ Artur de was harde snel |
| Vnde segede dat do ick wal |
| Dat pert he myt den sporen nam |
| Vnde reet dat he ter herbergen quam |
| Keyen zweert sochte he dar inne |
| 9690 | Mer he en vant des nicht· de weerdinne |
| Hadde dat in der kameren besloten |
| Vnde was gegaen myt den roten |
| Mit den vrouwen vnde myt den kinden |
| Vnde do he dat nicht en konde vinden |
| 9695 | Weende he vnde wart harde gram |
| Mjt den he vor den monster quam |
| Dar de steen lach vnde dat zwert dar in |
| Dat he en prouede ne meer noch myn |
| He dachte mochte ick dat getrecken auoe |
| 9700 | Dat he dat den broder gerne gauoe |
| He reet dar to onverveert |
| Vnde nam myt der hant dat zweert |
| Vnde heuoet dat onder sijn cleet gedecket |
| Keye was do voert getrecket |
| 9705 | Vnde sach komen vt der poert |
| Sinen broder vnde treckede voert |
| Vnde vragede off he dat zweert brochte |
| Artur segede he ne mochte |
| Van hues brengen ne geen |
| 9710 | Mer doch brenge ick iv een |
| Do treckede he dat vt sinen clede |
| Vnde gaff dat den broder gerede |
| He nam dat vnde was wal seker das |
| Dat dat zweert vt den steyne was |
| 9715 | He dachte he solde koninck wesen |
| De vader sochte he na desen |
| Do he en vant he segede vader |
| Jck weerde heer al to euoen gader |
| Siet hier dat zweert dat ick track |
| 9720 | Vt den steyne dar dat ynne stack |
| ¶ Van groten geruchte was keye seer |
| To eirst dat dit sach sijn heer |
| Wonderde em wannen dat quam <60va> |
| Jn den steyne segede he dat ick dat nam |
| 9725 | De vader gelouede des nicht een haer |
| Vnde segede du en seggest nicht waer |
| To der kerken gengen se onder em dren |
| Alzo auctor heuet den steen vorseen |
| Vnde he dat zweert dar inne nicht en vant |
| 9730 | Do zegede he keye lieue kint |
| Sech my wannen quam dat dij |
| Jck salt wal weten legestu my |
| Liegestu ick en mynne dij nember meer |
| He scaemde em do harde seer |
| 9735 | Jck en lege iv nicht wo dat sy |
| Artur myn broder brachtet my |
| Do he dat myne nicht en vant |
| Jck en weet wo em dat quam tor hant |
| Giff my dat zweert segede auctor echt |
| 9740 | Du en heuoest dar an kruom noch recht |
| Jck wil dij prouen war bij dat sy |
| Do sach he artur staen dar bij |
| Vnde segede lieuoe kint kom her |
| Do my dit zweert hijr in openbaer |
| 9745 | Als dat was alze gij dat eirst helt |
| Artur sloech dat in dat anebelt |
| Dar dat stont als dat to voren dede |
| Keyen riep he dar to der stede |
| Vnde hiet em trecken an dat zweert |
| 9750 | He stack de hande derwert |
| Mer he en konde dat nicht gewinnen |
| Do genck he tor kerken binnen |
| Vnde riep se in de kerke bede |
| Vnde segede <in HS: de übergesetzt ergänzt> ia wistick dat gerede |
| 9755 | Dat keye dat zweert nicht en wan |
| ¶ Do so nam de goede man |
| Artur in de arme sine |
| Vnde zegede lieue sone myn |
| Off ick dat mochte beiagen |
| 9760 | Dat ick iv dede krone dragen |
| Wat solde mijn loen sijn |
| He segede lieue vader mijn |
| Had ick dat goet off ander eer |
| Gij zolden dar aff zijn heer <60vb> |
| 9765 | Auctor antworde em scire |
| Jv vader bin ick in ener maniere |
| Mer ick en wan iv nicht nochtan |
| Vnde ick en weet we iv wan |
| ¶ Alze artur hoerde dat auctor |
| 9770 | Sijns loechgende vnde vorswoer |
| Wenede he sere vnde iamerlike |
| Vnde segede got here van hemelrike |
| Wannen komet my dit to voren |
| Dat ick mynen vader hebbe verloren |
| 9775 | Auctor sprak enen vader hadde gij |
| Ach lieue kint nv zegget my |
| Off ick iv do dragen krone |
| Wat sal ick hebben to loene |
| Artur segede al dat gij wilt |
| 9780 | Do segede em auctor wo he ene hielt |
| Vnde wo ene sijn wijf sogede |
| Vnde wo he dor em gedogede |
| Dat keyen zogede een ander wijff |
| He moste em des danken sonder blijff |
| 9785 | Want nye en was gevoed |
| Eyn kint noch zo wal behoet |
| Off ick iv dat rijke mach beiagen |
| Wat lone sal keye dragen |
| ¶ Artur segede ick bidde iv altoes |
| 9790 | Dat gij my nicht en maket vaderloes |
| Jck en wiste my waer bekeren |
| Mer helpet my to desser eren |
| Vnde off god wil dat et geschiet |
| Gij en konnen gedenken niet |
| 9795 | Jck en salt iv geuen to hant |
| Auctor segede do iv lant |
| Ne willick nicht ontbidden iv |
| Mer des beger ich hier nv |
| Als gij sijt koninck· doet dat dor my |
| 9800 | Dat keye mijn sone iv drossate sy |
| Vnde dat he dor misdaet in generhande |
| De he doet in uwen lande |
| Sine drossatescap nicht en verlieset |
| Dat he dus bewilen dweset |
| 9805 | Dat zol gij wal gedogen |
| Want ick ene anders dede sogen <61ra> |
| Vnde gij sijn goede soch soget |
| Hier bij is dat recht dat gij gedoget |
| Sine ommatelike seden |
| 9810 | Artur segede ick bins gebeden |
| Vnde zwoer em dat op den altaer |
| Do gengen se vt den monster dar |
| Do quam al dat volck van den strijde |
| To hueswert to vesper tijde |
| 9815 | ¶ Man wijff kinder vnde knechte |
| Quemen alle van den gevechte |
| Auctor myt sinen magen do genck |
| To den biscope/ vnde zegede em de dinck |
| Heer dit is mijn kint dat nicht ritter is |
| 9820 | Nu bid ick iv here nv prouet des |
| He solde prouen gerne an dat zweert |
| Leidet de baroene derwert |
| De biscop hiet ock den heren |
| Dat ze alle ter kerken keren |
| 9825 | ¶ Auctor zegede nim dat zwert mijn kint |
| Vnde siet dat gij dat den biscop gehint |
| Vnde artur treckede vt dat zweert |
| Vnde boet dat den biscope ter vart |
| De biscop nam ene eer ieet lanck |
| 9830 | Jn sinen arm vnde sanck |
| Te deum laudamus mit den clerken |
| Vnde drogene dar in de kerken |
| De baroene segen al to |
| Vnde en wisten geberen wo |
| 9835 | Vnde se segeden in genen keer |
| En lieten ze kint wesen heer |
| Den biscop deden ze ver irren |
| He segede god kent bet van verren |
| De lude dan gij nv doet |
| 9840 | Auctor de ritter goet |
| Vnde al dat gemeyne diet |
| En schieden dar van artur niet |
| ¶ De baroene ontsegeden de sake |
| De biscop zegede in hoger sprake |
| 9845 | Vnde segede al hadden ziet alle gesworen |
| De nv in ertrike sin geboren |
| Vnde wil dat got et moste wesen <61rb> |
| Lieue artur sprak he na desen |
| Doet dat zweert in dat anebelt |
| 9850 | Gij heren trecket de dat trecken wilt |
| Se treckeden alle vnde ombe niet |
| Want dat van em nicht en diet |
| Se segeden wij ne doen nicht een twint |
| Mer dat nv solde zijn een kint |
| 9855 | Coninck ouer ons heuet ons wonder |
| God doet dat segede he al bij sonder |
| ¶ De baroene beden saen |
| Dat men dat zweert liete staen |
| Tote onser vrouwen dage doch |
| 9860 | Vnde heten dar an prouen noch |
| De biscop hoerde de clage |
| Vnde liet dat zweert staen tot den dage |
| Hier binnen prouede em manich man |
| De dat nochtan nicht gewan |
| 9865 | Do sprack de biscop tote artur |
| Gan iv god der auentuer |
| So gaet vnde nemet dat zweert |
| Artur dede dat mit der vart |
| Do dat volck dat gesach |
| 9870 | Weende dar manich op den dach |
| Van vrouoden· men vragede openbaer |
| Off dar ieman kegen weer |
| De hogen lude segeden heer |
| Laet tot paeschen vnde nicht meer |
| 9875 | Trecket dat neman vt binnen desen |
| Wij zolen des omber mit iv wesen |
| So do gij dit dan dar sonder strijden |
| Off wij tote paeschen ontbieden |
| Se segeden ia wij sonder waen |
| 9880 | Vnde laten dat rike in sinen handen staen |
| ¶ De biscop zegede artur doet dat zweert |
| Jn dat anebelt mit der veert |
| Gij zolt hebben dat got gebiet |
| Artur dede dat men em hiet |
| 9885 | Do nam dat volck tijne de se wolden |
| De dat zweert hoeden solden |
| ¶ Rechte aldus ontbeiden ze das <61va> |
| Alto den dat paeschen was |
| Vnde hier en binnen leerde dat kennen |
| 9890 | De biscop de dat kint sere mynnen |
| He segede dit lant komet iv an |
| Denket ombe to wesene goet man |
| Kieset de gij wilt dat ze iv <in HS: korrigiert aus w> raet |
| Vnde iv ammet nv bestaet |
| 9895 | Gelijck off gij een koninck weert |
| Dat is uwe sijd onverveert |
| Artur antworde· ick sette dat an gode |
| Al gader vnde an sine gebode |
| Kieset de gij wilt heer |
| 9900 | De godes wille doet vnde myne eer |
| Vraget mynen heer offt em donket goet |
| De getruwe biscop he doet |
| Auctor komen sinen vader |
| Vnde segede wat artur zecht al gader |
| 9905 | Se geuen em raet de gude lude |
| Vnde bij des biscopes gebiede |
| Waert dar keye drossate saen |
| De andern ammete het men staen |
| Tote paeschen vnde to den tijden |
| 9910 | Quam dat volck al to lonne wijde vnde siden |
| ¶ De biscop dede doen halen |
| Alle de baroene binnen der salen |
| Jn paesche auende· vnde segede aldus |
| Jck hope dat wille ihesus |
| 9915 | Dat dit kint onse koninck bliue |
| Jck hebbe ock in sinen liue |
| Manege doget an em verstaen |
| De heren antworden saen |
| Wij ne sin nicht dar kegen dan |
| 9920 | Mer ons wondert dat dus jonc een man |
| Dus ongeboren sal zijn <gestr.: os> onse heer |
| De biscop zegede zegge gij ombermeer |
| Kegen dat recht dat god gebied |
| So en sin gij recht kristen niet |
| 9925 | Se segeden wij ne sin nicht kegen gode |
| Doet al gader uwe gebode |
| Gij hebbet ene lange bekent |
| Vnde wij ne kennens nicht een twint <61vb> |
| Wij bidden iv doch eyner saken |
| 9930 | Eer wij ene noch koninck maken |
| Laet ons an em prouen stille |
| Wat manne dat he wesen wille |
| Hier is sulck de dat wesen sal schire |
| Als he weet sine maniere |
| 9935 | ¶ He segede gij donket my begeren |
| Dat men lette sijn sacreren |
| Ja wij segeden se tote morgen dach |
| Js he dan sulck dat he dat sijn mach |
| So kiese wij ene dan sonder sage |
| 9940 | Vnde wijget ene in pinxster dage |
| Dat bidde wij iv here dat gij doet |
| De <gestr.: s> bisscop segede dat donket my goet |
| ¶ Schire was desse raet ge ent |
| Des morgens brachte men int perlement |
| 9945 | Artur want man ene kiesen solde |
| He treckede dat zweert vt als men wolde |
| Vor koninck hebben ze ene gekoren |
| Se beden dat he se zolde horen |
| Vnde he dat zweert dede in dat anebelt |
| 9950 | He segede ick do al dat gij wilt |
| To der kerken leiden se ene schier |
| Ombe to wetene sine manier |
| Wij seen wal seggen ze dat wille god |
| Dat wij doen al dijn geboet |
| 9955 | Des holde wij iv vor heer |
| Artur nv vorwert meer |
| Vnde ontfaen iv sonder perlement |
| Laet tot pinxsten iv sacrament |
| Nochtan ne weset nicht here de myn |
| 9960 | Nu segget uwes selues sin |
| Sonder ander mannes raet |
| Artur segede dar dat al an staet |
| Wil gij my manschap doen ontfaen |
| Dat en weer geen recht sonder waen |
| 9965 | Jck en mach iv geen gewelt geuoen |
| Eer ick koninck bin verheuoen |
| Vnde gewijget na koninges recht |
| Vnde dat gij my biddet echt |
| Heer to sine van den lande |
| 9970 | Dat ne mochte nicht sijn sonder scande <62ra> |
| Eer ick myn recht hebbe ontfaen |
| Dat qij my biddet to latene staen |
| Mijn wijgen dor uwen wille |
| Dat late ick gerne staen al stille |
| 9975 | Want ick ne mach hier na noch nv |
| Gene ere hebben sonder iv |
| ¶ Do duchte elken in sinen moet |
| Dat dat kint were vroet |
| Se segeden dat em wal behaget |
| 9980 | Dat he to pinxsten krone draget |
| Vnde deden em cleynhede bringen |
| Vnde ock ander duere dingen |
| To siene off he ghirich weer |
| Do vragede he elken her vnde der |
| 9985 | Wat elke sake gelden mochte |
| Na den dat em dat volck dochte |
| Gaff he weder duer vnde vnduer |
| Dus was he weder quite schier |
| Vnde ritter de he hoer <sic> prijsen |
| 9990 | Gaff he orsse· vnde den jolijsen |
| Vnde den mynden gaff he golt |
| Vnde clenoden manichfolt |
| Weren se ock vnechte |
| He gaff em schoenhede na rechte |
| 9995 | Dar bij proueden de vroede |
| Dat zijn sin nicht en stont na guede |
| So we so ock wal wolde |
| Prouoede wal dat he was mylde |
| Ock segeden al dar de vroede |
| 10000 | Dat he was van hogen moede |
| En gene vracheit vant men dar an |
| Want alzo als he dat gewan |
| Gaf he dat dar dat was bestadet |
| Dus ne vonden se ene nicht quaet |
| 10005 | To pinxsten hebben se gebeit |
| To lonne quemen se gereit |
| Vnde prouede(n) dat zweert dart stack inden steen |
| Lonne vnde logres is al een |
| Alze my donkent in dat romans |
| 10010 | Sij dat de redene sy gans |
| Mer dat was ombe nicht dat ze traken |
| De biscop he hadde doen maken <62rb> |
| Eynen septer vnde eyne krone |
| Jn pinxst auoende was dat scone |
| 10015 | De bisscop dede to vesper tijde |
| Artur ritter maken· dar manich blijde |
| Ritter mede was vnde ock clerke |
| Des nachtes wakede he in der kerke |
| Des morgens quemen de baroene |
| 10020 | De bisscop sprack na sinen doene |
| Vnde segede nv moge wij sien vnde horen |
| Den man den god heuet verkoren |
| Siet hier sine konincklike gewaden |
| Wille ieman dar kegen raden |
| 10025 | Se segeden ze louoeden dat alle |
| Vnde off ze icht myt ongevalle |
| Kegen em hadden gedaen |
| Dat he em dat vergeuoe saen |
| Genade beden se op oren kneen |
| 10030 | Artur weende myt den |
| Vnde kneelde vor em myt naten ogen |
| He vorgaff dat nederen vnde hogen |
| Vnde bat em dat ze gode beden |
| Bij siner groter ontfarnicheden |
| 10035 | Dar em de ere quam auoe |
| Dat he em dat allen vergeuoe |
| ¶ Mit den nemen ze ene vnde leden |
| Tote sinen koninckliken cleden |
| Als he do was gecleed |
| 10040 | Was de biscop wal gereet |
| Ombe dat he solde mysse singen |
| Al dar se eme artur bringen |
| De biscop sprack to artur to hant |
| Want gij here zijt ouoer dat lant |
| 10045 | Artur gaet vnde haelt iv zweert |
| Dus sprack de biscop to em weert |
| Al de processie genck myt em to den steyne |
| Vnde do se dar weren algemeyne |
| Sprack de bisscop off du an gode |
| 10050 | Gelouoest vnde an sine gebode |
| Vnde an sine moder santa marien |
| Vnde an sante peter den vrijen |
| Vnde an alle santen vnde santtinnen <62va> |
| Vnde de de hilge kerke mynnen |
| 10055 | Vnde holden in goeden vrede |
| Vnde de onberadenen troesten mede |
| Vnde gerechte willest holden onverveert |
| So ganck to vnde nym dat zweert |
| Dar dy god mede heuet verkoren |
| 10060 | ¶ Artur de stont ginder voren |
| Sine ogen de weren em nat |
| Manich man weende ombe dat |
| He segede alzo gewaerlike |
| Alze got van hemelrijke |
| 10065 | Bouoen alle dinck heuet macht |
| So mote he my geuen de krafft |
| To doene dat ick hebbe mysdaen |
| Mit den kneelde he saen |
| Vnde nam dat tusschen knoep vnde hilte |
| 10070 | Vnde treckede dat vt den anebelte |
| Do legede he dat op dat altaer |
| Gesacreert wart he aldar |
| Als men eynen koninck solde |
| Na mysse als de bisscop wolde |
| 10075 | Gengen ze vt der kerken saen |
| Vnde quemen tot der plaetsen gegaen |
| Dar de steen hadde gelegen |
| De do en wech was gedregen |
| Se ne wisten wo he was verloren |
| 10080 | ¶ Dus was artur koninck gekoren |
| De dat lant van logres vnde de steden |
| Lange hilt myt groten onvreden |
| Als gij horen zult hier naer |
| Want nv irst ginck an al dar |
| 10085 | De hate vnde dat strijden |
| Dat lange duorde op em in nijden |
| Van den baroenen wijde vnde sijde |
| De he al verwan myt strijde |
| Hier endet dat kronement ter vre |
| 10090 | Van den koninge arture |
| Nu zult gij voert horen de strijde |
| De em geschieden in sinen tijde |