<275r> | |
Ene oeffenynge in der gheboerte vnses | |
leuen heren ihesu cristi. | |
Jck grote di van al myne(n) herte(n) o ewige | |
godlike word godes sone (christ)i ih(es)u. al de | |
krachten myner zeilen verurouwe(n) sick | |
dyner begherliken toku(m)pst dyner leif- | |
liken ieghenwordicheit alz du vns er- | |
schenen bist in vnser steltnisse al der | |
werlde to vrouden vn(de) to enen speghele | |
erer salicheit. Welker al byn ick ee(n) cle- | |
ne deel vn(de) een arm wormeke(n). vn(de) hop- | |
pe nochta(n) dusser dyner grote(n) ghena- | |
de ock vor mijn deel to gheneten. so mo- | |
ten di wilkome heiten alle myne lede | |
krachte. synne. herte vn(de) tunge vn(de) al- | |
let des ick van dyner ghenade mech- | |
tich byn. Laet di dan van alle dessen | |
dusentfolt bedancket wesen dyner gro- | |
ten leue vns up desse tijd bewiset. alz | |
dattu ghebore(n) in ewicheit uth den herte(n) | |
des vaderlike(n) godlike(n) wesens woldest | |
vertyen ene wyle der hoghe(n) werdicheit | |
vn(de) godlike(n) clarheit vn(de) werden deelaf- <275v> | |
tich vnser sterfliken snodicheit vn(de) men- | |
scheliker krancheit. vns to gude vn(de) to | |
troeste vp dat we seghen vn(de) verstonde(n) | |
myt wat leue. myt wat truwe du vns | |
mendest. myt wat vlite du vns sochtest | |
myt wat kost vn(de) arbeide du vns ver- | |
losedest. Och wu gherne wolde ick dat | |
dyner ouerulodigher gru(n)deloser gu- | |
dertijrenheit van myner weghen ghe- | |
boerlike bedancket wer. Mer de groeth(e)it | |
dyner riken ghenade verwy(n)net veer | |
nicht allene myne mer al der werlde | |
dancbarheit. Doch so sal dit mijn troest | |
sijn dat dyne riken gaue so ouerwel- | |
dich synt dat myne v(n)macht de myt | |
werdigher dancbarheit nicht af lan- | |
gen en kan. vn(de) dijn godlike gunste al- | |
like wal dat opene ghekeert heft to | |
my. Vn(de) hijr a(n)ne is dy leue here beka(n)t | |
de begherte mynes herten vn(de) my(n) such | |
ten en is di nicht verholen. De mund | |
myner begherten is to cleyne dy behor- | |
lick lof to sprekene. in dyner macht ist | |
allene den wider to maken ofte vor vul <276r> | |
to neme(n). So wil ick doch dyne rike(n) gud- | |
heit myt vrouden ke(n)nen dar ick nicht | |
uth gescheiden en byn. vn(de) mijn vntbre- | |
ken myt hertlike(n) leetwesen liden daer | |
ick mede belaten byn. O ouerulodighe | |
gudheit wu myldelike heuestu geulo- | |
ten to vnser behouicheit. O du godlike | |
vuricheit welke vuncken hefstu schine(n) | |
vn(de) sprynge(n) laten to verwecken vnse | |
koeltheit. O afgru(n)dighe ewighe wijs- | |
heit welke vunde heuestu bedacht. wel- | |
ke rede heuestu gheuu(n)den to holpe to ko- | |
men vnser krancke(n) vnwettenheit. Be- | |
nedide godes sone na den du dan to ra- | |
de worden bist vnsen rock an to tene | |
vn(de) di to cledene mytter nature(n) vnser | |
menscheit up dattu also ene sake hed- | |
dest vns ewich gud to done wan wi di | |
so na to ghedaen vn(de) so na beurendet we- | |
ren so laet voert an dyne gudheit vle- | |
ten. dyne vuricheit berne(n). dyne wijsh(ei)t | |
hent to den ende reken. Vn(de) veruolghe | |
io an my arme(n) creatuer de ghenade der | |
ghemeyne(n) salicheit. vn(de) en laet der io <276v> | |
an my nicht vntbreken der al de werld | |
ghenoechlike mach gheneten. Dyne me(n)- | |
scheit vermydz welker du my nu gelijck | |
gheworden bist ghift my een betruwen | |
di an to spreken alz myne(n) broder vn(de) se- | |
mentlike myt di to houeden an dynen | |
hemelsche(n) vader vn(de) bidde dat he my | |
ke(n)ne(n) wille vor dyne(n) mede erfghename(n) | |
vn(de) vor een kynd syner verkorenheit. O | |
edele pant god vn(de) mensche dat marie(n) | |
to huden ghedaen is. dat vermydz den | |
heerdeke(n) vn(de) konynge(n) to bethlehem in | |
der cribbe(n) gheuu(n)den is. wantet myt vor- | |
sate also ghehud was dat ment vyn- | |
den solde al der werlde to gude. De(n) vro- | |
liken vunde to leue vn(de) to loue waert | |
billike van vrouden lude gherope(n) vn(de) | |
myt engelschen vn(de) menschlike(n) tunge(n) | |
y(n)nichlike sproken vn(de) vrolike sungen | |
Glorie vn(de) eer sy gode in den hogheste(n) | |
de vns vermydz syne(n) sone heft geǔa(n)- | |
det in den sydesten vp dat he vns myt | |
sick mochte brenge(n) to den ouersten. | |
want dar v(m)me bistu enyghe sone dy- <277r> | |
nes vaders mensche gheworden vp | |
dattu vele broders kreghest vn(de) dynen | |
hemelsche(n) vader myt arme(n) kynderen | |
rike makedest. vn(de) heft macht gegheue(n) | |
allen de di vntfange(n) to werden kynder | |
godes in den dat dijn gheest in em ghe- | |
uu(n)den wert de se regeer vn(de) leide in dy- | |
nen weghe na dyne(n) exempele(n) vn(de) lery(n)- | |
gen. Desses hillighe(n) gheestes ghenade | |
der du vul ghewesen heuest deele ock | |
myt my de my dryue vn(de) ingheue vn(de) | |
leer den willen dynes hemelsche(n) vaders <in HS: s übergesetzt ergänzt> | |
to volghen. ghelijck to werden vn(de) ghe- | |
noech to wesen. vn(de) gheue my ock een | |
jnwendich ghetuich. een gheestlick be- | |
truwe(n). een troestlick touerlaet dat ick | |
ock sunder twyuel sy een kynd godes | |
want dit versta ick dat sy de grote ghe- | |
nade dyner gheboerte der sick al de wi- | |
de werld vrouwet. dat we wil moghe | |
myt di up et nyge uth gode gheboren | |
werden. een kynd godes heiten. vn(de) also | |
myt di ene(n) hemelsche(n) vader krighen. | |
Dat my desse ghenade to deele werde <277v> | |
dat mote verdeyne(n) desse vrolike hochti- | |
delike iaertijd dyner gheboert de nicht | |
to vermoden en is dat se sunder vrucht | |
ouer al de wide werld so hochtidelike | |
werde begaen. | |
Ey(n) Jnnige clage to gode | |
O ewighe god wat bitterheit vole | |
ick in myner consciencie(n). wat sche- | |
mede lide ick in myner reden. wat ban- | |
gicheit dreghe ick in myner memorien | |
want ick ouerdencke wu rechte vntruwe | |
vn(de) vnholt ick dy wesen hebbe. du heddest | |
my lijf vn(de) zeile gegheue(n) des ick di to da(n)c- | |
ke nouwe kant en hebbe. du haddest my | |
kracht vn(de) macht gegheue(n) in den licha- | |
me. sy(n)ne vn(de) witte. verstant vn(de) v(er)nuft | |
in der zeile. dar ick dy nicht mede gedey(n)t | |
en hebbe mer leder versmaet vn(de) dynen | |
wedersake(n) ghedeynt. du heddest my to | |
denste gheschapen vn(de) gheue(n) desse werlt | |
myt allen dat dar y(n)ne is dat ick der cre- | |
ature(n) bruke(n) solde di to loue vn(de) to eren | |
my to denste. tor noet. vn(de) to temeliker | |
kuscher ghenoechte. Mer leder wat heb- | |
be ick ghedaen ick hebbe dyne gaue ghe- <278r> | |
nome(n) vn(de) cleyne vp dy achtet vn(de) hebbe | |
my der vnderwu(n)den nicht to nuttene | |
mer to brukene. vn(de) hebbe dyne godlike(n) | |
jnsettinge verkeert. bi welker du ghesa- | |
tet vn(de) beuolen hefst dyne(n) ghetruwe(n) de | |
creature(n) vn(de) dyne gaue to nuttene mer | |
dyner to ghebrukene vnde alle dynck | |
tho dy to schicken in dy alleyne to roste | |
ne Myn(n) luste vnde leyfte in dy to setten | |
O myn god vnde here. myn schepper vn(de) | |
vorloeser Jck byn dy gantz vntruwe gewe- | |
sen. Hebbe dy nicht ernstliken gevruchtet. | |
nicht hertliken leyff gehadt. nicht recht | |
erkant. nicht vlytich gedeynt als ick schul- | |
dich byn. eth ys myn schult. Jck bekenne | |
myne mannychuoldigen ouertredinge. | |
vnde mach my wall vntsein vor dy tho | |
erschinen. meer warhen sal ick van dy | |
vlein. de du allerwegen Jegenwordich | |
byst welkers ogen alle dynge bloeth sy(n)t | |
vnde openbaer. De du vndersokest de her- | |
ten vnde niren Byn dar vme billick | |
beanxtiget vnde vorslagen Meer o he- | |
re dyne barmherticheyt. genade vnde <278v> | |
gudertyrenheit. de du so menigen su(n)- | |
der vaderliken hebbest bewesen: gyff | |
my hapen. trost. vnde touersicht du | |
werdes dy myner dyn arme creatur | |
ock vntbarmen. my gnedich syn vn(de) | |
vaderliken annemen. Jck kome to dy | |
o vader der barmherticheit. vnde god | |
alles trostes. vnde bidde oitmodeliken | |
wes genedich my armen sunderschen | |
vorgyff my myne mysdaet vnde man- | |
nichuoldigen ouertredinge Erbarme | |
dy myner. vnde vorlene my o my(n) here | |
vnde god dat ick warafftlike(n) moge | |
erkennen. alle myne(n) hapen vnde trost | |
in dy setten: dy gruntlike. vnde hertlike | |
leyffhebben vth all myne(n) herten: van | |
all myne(n) gedachten. vnde vth all my- | |
nen krefften. dyner stedes gedencken. vn(de) | |
vor ogen hebben Myn lyff vnde zeile | |
to dyner eren vnde walgeuallen gebru- | |
ken. dy in dem geyste vnde warheith | |
dyne(n) Myne(n) lycham dy dar geuen. to(n) | |
leuendigen. hilligen. dy walgeuallende(n) | |
offer. my nicht gelickmake desser boeser <279r> | |
ideler werlt. mer stetliken vornyet werde(n) | |
in de(n) geyste mynes gemotes Alle myne | |
lytmaten moete begeuen to deynen der | |
gerechticheit. to hilginge. dat de bose lust | |
vnde begerte der sunden. ghyne herschop | |
pie noch ouerhant en hebbe in myne(n) | |
sterfliken lycham tho volgen ere lust. | |
vnde bosen begerte. sunder my gensli- | |
ken dyn myne(n) gode ouergeue. als de vth | |
dem dode leuendich gemaket sy. vn(n)d wil | |
doch sterken vnde vormere(n) den rechten | |
leuendigen gelouen. de dorch de leyffte | |
deydich sy in my. vp dat my de sunde. | |
doet. duuoel vnde helle. nicht en vorschric | |
ke. mer dat ick vast gegrundet sy vpp | |
Jesum Christu(m) mynen heren vnde ghe- | |
suntmaker. dat my syne leyfte dorch de(n) | |
gelouen so ingebeldet werde. dat ick my | |
synes leuens. synes lydens vnde vorde(n)- | |
stes so to herten vnde sy(n)ne neme. dat | |
ick my des in myne(n) leuen nu(m)mer vn- | |
dancber en bewyse Noch vorgette so | |
groter gnade dorch christu(m) geschencket | |
Dat myn herte dorch dat bloet christi <279v> | |
so bekreffteget werde. dat ick alle wedder- | |
werdicheit. druck. vnde lyden geduldich | |
moete annemen vnde dregen. synes ly- | |
dens gedechtich wesende. Geringe vn(de) | |
kleyn moete achten des genen my be- | |
yegent. Vorlene my o gudertyrneste he- | |
re all my(n) syn(n) vornufft. vn(de) vorstant | |
so du my gegeuen na dyne(n) willen vn(de) | |
walgeuallen to gebruken dy to laue. | |
mynen euenen menschen to nutte vn(de) | |
walfart den getruweliken in allerleyf | |
modicheit to deynen. Nicht dat myne | |
sokende. sunder mynes neisten beste | |
vnde salicheit/ den myt worden vnde | |
exempelen to dyne(n) leuen willen vnde | |
walgeuallen vorderende vnde em in my- | |
ner wanderinge eyn gud vorbelde mo- | |
ge geuen. myt worden. myt werken. y(n) | |
der leyften. in gelouen. in vntholdi(n)ge. | |
vnde allen guden seden Beware my my(n) | |
here vnde god vor aller argernisse vnde | |
orsaken alles quaden. dar myt ick iuome(n)- | |
de quade vororsaken mochte Offte ock to | |
sundigen solues vororsaket werden O <280r> | |
her vn(de) scheppper aller dingen vorlene my ge- | |
nadeliken. dat ick desse vthwendigen vnde | |
tydliken dinge also mote handelen vnde ge- | |
bruken dat dar dorch myn herte van dy | |
nicht vorrucket en werde. men in allen | |
dingen myn herte vnde zeile vntbeuolecket | |
mote waren/ de dynge de hyr boue(n) synt | |
erst vn(de) meest sokende. vnde dat ick myn | |
herte vnde syn nicht ensette in enygen | |
geschapenen creaturen. den anthoha(n)ge(n) | |
offt darinne myt <in HS: t übergesetzt ergänzt> begerten to rusten. sǔn- | |
der allene der na dyne(n) willen to nuotte- | |
ne. Dy den almechtigen schepper dorch | |
de geschapen dynge gruntlike(n) to erke(n)ne(n) | |
dy in de(n) alle to dancken vnde to louen. to | |
prysen vnde to v(er)wu(n)dere(n). dyne almechtige | |
mogenheit in erer scheppinge. dyne wysz- | |
heit in erer regeringe dyne gudicheit in | |
erer bewaringe. vnde vnderholdinge. my | |
erer nicht wyders dan na dyne(n) willenn | |
antonemen. my der alle to dyner erkent- | |
nisse vn(de) leyfften. myt danckberheit to ge | |
bruken O here de du my geschapen hefst. <280v> | |
regere du my in alle myne(n) wegen na dy- | |
ne(n) wille(n). Leyde my vp dyne(n) wege. dat ick | |
moge hen jngaen in dyner warheit. my(n) | |
herte erfrauwe sick dyne(n) namen to vruch- | |
ten Vnde bestedige dorch de krafft des hil- | |
ligen geystes. myn idel vnstedige herte | |
vnde gemote. in dyn walgevallen. trec- | |
ket to dyner leyften Jck byn gans dyn. | |
ouermyddes der scheppinge. Vorlene | |
dat ick ock gensliken dyn syn moge o- | |
uermiddes der leyften Seyt o here myn | |
herte ys vordy wolde gerne dyne(n) wille(n) | |
vullenbrengen. vormach ouer nicht dat | |
eth gerne wolde Laet my doch tho in de | |
slaepkamer dyner leyften. dat ick dar mo- | |
ge smaken dorch de leifte. dat ick vole dorch | |
de bekentnisse Entfenge in my dat vǔr | |
dyner gotlyken leyfte. dat ick alle dy(n)ghe | |
moge ouergeuoen vnde in allen gelaten | |
staen. My hertlike(n) myt dy vorenige(n). dy | |
behagen. eyn geyst myt dy werden. my(n) | |
herte to dy negen. Jn dyner gnaden myt | |
ruostiger conscientien soetlike rusten. be- <281r> | |
stendich my to dy holden. in leuen vnde | |
steruen. vnde na dussem leue(n) in ewicheit | |
van dy nicht gescheiden werden. Dorch | |
vnsen heren Jesum christu(m) dyne(n) leuen | |
so(n)ne vnsen vorsoner vnde heren. de myt | |
dy leuet vnde regneret in ewicheit des | |
soluen hilligen geystes in ewicheit der | |
ewicheit Amen |