Lucia-Legende (HS A4 - Landeskirchenamt Bielefeld)

	<2r>
	[D]E hillige junckfrouwe
	sunte lucia versmade
	ock eren brudegam Dorch de
	leue de ze hadde to vnseme le
	uen heren Jhesu cristo Sunte
	lucia was gelouet eyne(n) hey
	den vnde do wart ere moder
	seeck de brachte sunte lucia
	vor dat graff Su(n)te Agaten
	vnde bat Su(n)te Agaten dat
	se erer moder to hulpe queme
	yn erer suke Do qua(m) Su(n)te
	agatha to sunte lucien yn
	deme slape vnde sprack to er
	Suster myn lucia Dar du
	my v(m)me bedest dat machstu <2v>
	suluen wal dyner moder ge
	uen Dyn moder ys al rede
	sunt geworden dorch dynes ge
	louen wyllen Do entwakede
	sunte lucia vnde sprack to der
	moder Moder nu bystu gesu(n)t
	geworden Ick bydde dy dorch
	eren wyllen de dy gesunt he
	uet gemaket dat du my nu(m)mer
	mer man geuest vnde dat
	du my mede woldest geuen to
	ma(n)ne dat gyff armen luden
	Do sprack de moder bede(n)cke
	ersten myn leuent vnde do
	dar na myt deme gude wat
	du wult Do sprack Sunthe
	lucia wat du geuest wan du <3r>
	steruest dat geuestu dar v(m)me
	dat du des nycht myt dy ne
	me(n) en machst Gyff nu de
	wyle dat du leuest zo wert
	dy loen van gode Do leyt de
	moder lucien raden vnde
	lucia vorkoffte allent dat dar
	was vnde gaff dat gelt ar
	men luden Dat wart erem
	brudegame to wetende dat se
	dat guet vorkoffte Do vrage
	de he erer a(m)men hemelyken
	war dat guet he(n)ne queme Do
	sprack de amme Se wyl an
	der guet weder kopen dat vele
	beter ys vnde he mende dat ze
	erdesch guet mende vnde halp <3v>
	er dar to dat dat guet vorkofft
	wart vnde lucia gaff alle dat
	gelt dorch got Do eme dat
	to wetende wart do voerde he
	ze vor den Rychter Pascasius
	vnde clagede ouer ze dat ze
	cristen were geworden Do
	boet he er dat se den goden offe
	ren scholde Do sprack se godes
	offer ys dat Dat me troste sey
	ken vnde armen lude yn eren
	noden Nu ick nycht mer
	hebbe to offerende Dar v(m)me
	zo byn yck rede my suluen
	to offerende gode myne(n) here(n)
	Do drouwede he er dat he se
	wolde myt gewalt laten to <4r>
	vnkuescheyt bryngen Do sp(ra)ck
	ze lestu my gewalt doen weder
	mynen wyllen So wert my(n)
	loen tweualt vnde dar to de
	ewyge crone wente de lycham
	mach nycht to sunde(n) komen
	ane vulbort der zeyle Du
	machst doen myt gewalt wat
	du wult auer myne zele kan
	stu dar nycht to brynge(n) dat
	ze vulboert dar to schole geue(n)
	Do boet he dat me ze teyn
	scholde yn dat gemeyne hues
	Do quam de hyllige geyst
	vnde halp er dat se zo vaste
	stont alzo eyne sule dat se ne
	ment van der stede konde bry(n)gen <4v>
	Do leyt men ossen to gaen
	de se teyn scholden vth der
	stede vnde dat en halp nycht
	Do gyngen to er wal dusent
	man vnde dusent par ossen
	de en konden ze nycht eyne(n)
	vyngerbreyt vth der stede teyn
	Do sprack de Rychter to er
	wat touerye kanstu dat dy
	nement van der stede kan
	bryngen Do sprack lucia Id
	en ys neyn touerye yd yz go
	des krafft Were yd alzo dat
	du noch teyn dusent par ossen
	letest hyr an gaen du en kon
	dest my nycht van der stede
	bryngen Do leyt he ey(n) groet <5r>
	vur maken v(m)me er vnde dat
	en hynderde er nycht vnde do
	leyt he ze begeten myt heyten
	peke vnde myt harte vnde myt
	olye vnde dat en hynderde er
	ock nycht Do sprack Sunte
	lucia Ick hebbe gebeden got
	dat he my gegeuen heuet
	dre dage vryst vp dat yck
	de crysten lude lere dat se den
	doet nycht en vruchten Do
	dat des Rychters vrunt horde(n)
	do lepen se to vnde steken er
	eyn swert dorch eren hals
	Nochtent verloes se erer spra
	ke nycht Men do qua(m) de prester
	vnde gaff er dat hylge sacra
	ment alzo gaff ze eren geyst <5v>
	vp Alzus zo heuet Su(n)te Lucia
	vorsmaet alle man vp dat ze
	worde eyn bruet vnses leue(n) here(n)
	Jh(es)u (christ)i dat ze behelt eren
	magethdoem vnde junferschop
	So scholen ock gude nu(n)nen
	vnde bagynen doen vp dat
	ze mogen entfangen dat ewy
	ge loen Amen