Westfälischer Totentanz - Fragment (Berlin mgf 735) - Editionen Seelmann 1885 und Rosenfeld ²1968

	de dot
	arbeyder de in groter pyne
	hebbet geleuet yuwe tijd
	[hebbet nu an de]se stunde be[y ]de to syne
	to steruenne dar gy yuwes lones seker syt
5	volghet nu sunder beyden
	gy moten steruen van stunt
	den rechten wech wech <sic> wyl ik yu leyden
	wente he is [my wol kunt]
	de greuer
	den dot hebbe yk wunschet vele
10	wente [ek] wolde gherne [der] werlde entflen
	ghet [et] hir nu vth dem spele
	wer kraff[t] eder macht by my kan steyn
	nemant kan mi helpen in dessen saken
	de dot heuet my gegrepen
15	her got wat schal yk maken
	he wyl myt my henne [slepen].
	de dot
	komet here vrischer junchere
	de van elken danse wet de keere
	den spe[eer] dreghet gy nummer me[re]
20	van hijr scheyde[n] dat dot swere
	sprinck hijr an dessen dans
	gy motten steruen wnde vorlaten al
	de werlde spel vroude al gans
	alle dynck [eynen ende] hebben schal
	junchere
25	ach lat wat schal ik nu maken
	de dot heuet my vangen vast
	dat yk den dot mot smaken
	dat ys mynem herten sware last
	bedenket de zele de wyle gy leuet
30	vp den licham nummer mere
	de licham wert da[t] he wezen heuet
	de zele eyn steruet nummer mere.