| Jch sweder de gogreue en knape, to der tyd en holtgreue over de marke to ostbeueren van gerlages wegene van beueren, vnde en gesworen richtere | |
| vnde en beseten richtere, vnde en geheget richtere, to ostbeueren, vnde wi schultete van den osthove, schultete van den lohove, schultete van den verenlo, | |
| schultete van den oldenhove to mersbeke, iohan van den wischus, vnde herman wikbrachtinch, schareman, in der marke to ostbeueren, de vm | |
| me de marke gesworen hebbet, betuget in dessen breue bi vnsen eden de wi gesworen hebbet, vmme dat olde recht, vnde vmme den olden | |
| wilkore, vnde vmme dat beste der marke to ostbeueren, vnde wi gemenen markenoten to ostbeueren, betuget vnde bekennet in dessen yegenwor, | |
| digen breue, dat dat olde recht vnde de olde wilkore van der marke to ostbeueren solik is also in dessen breue gescreuen steit, vnde mit ordele vn, | |
| de mit rechte gewunnen is, <1> welik markenote de in der marke sit vnde ware beseten hevet, de mach howen to sinen tymmere vnde to sinen to, | |
| we over der . A . sine nottrocht in eken vnde in boken der he to siner tymmeringhe behouet, des te heth binnen der marke slite vnde dat it bin, | |
| nen der marke bliue, <2> vordmer is dat vnse olde recht vnde vnse olde wilkore, dat en markenote of dessit der . A . nen eken ofte boken holt ho | |
| wen ne mot, dat also grone is, dat en havich sin as dar vnder eten mach to middensomere, howet en markenote of dessit der . A . anders | |
| dan hir gescreuen steit de breket twe schillinge, io vor den stam Vordmer howet he vppe genesit der . A . eken ofte boken to siner voringhe | |
| dat also grone is dat en hauich sin as dar vnder eten mach to middensomere, dar sal he vore beteren mit sinen gelde vnde mit sinen rech, | |
| te, <3> vordmer de kotere en hebbet nen recht in eken ofte in boken se ene kvnnen dat gebidden weder den holtgreuen vnde weder de | |
| schareman vnde weder de markenoten, howet se anders eken ofte boken dat si ligghene ofte stane dar moten se vif schillinge vo, | |
| re gelden, svnderlike also manigen stam also se maket, also manige vif schillinge hebbet se gebroken, <4> vordmer is dat olde recht vnde olde | |
| wilkore der markenoten vnde aller der de in der marke sittet vnde in de marke horeth dat se nenerhande holt solen en wechgeuen eder vor, | |
| kopen vter marke, dat si berachtich holt ofte wek holt ofte wat hande holte dat et si we dat dede markenote ofte kotere, de sal dat beteren | |
| deme holtgreuen vnde deme kerspele wo dat he gedinghen kan, <5> vordmer is dat vnse olde recht vnde vnse olde wilkore, wat holte kvmt | |
| van der marke vnde komen is, dat si an tymmere ofte in weliken stukken dat si, dat en sal men vter marke nicht keren, men dat sal | |
| binnen der marke bliuen, vnde dat sal men binnen der marke sliten, <6> vordmer is dat vnse olde recht vnde vnse olde wilkore, dat men | |
| nene kolen bernen en sal in der marke vnde dat men nene tegen hebben en mot in der marke, <7> vordmer is dat vnse olde recht vnde | |
| vnse olde wilkore, welik man in der marke sit vnde sine ware beseten heuet, oft en mast queme van ekerne ofte van boke de mach | |
| driven sine egenen swin de he gevoth heuet binnen der marke, ofte de he gecoft heuet er svnte iacopes dage <25. Juli> der si luttik eder vele, <8> vord | |
| mer de kotere ene mogen nicht driuen men en swin vor eren koten, vnde eres heren schultswin, anders en hebbet se nen recht mer to der | |
| drift, driuet se mer hir en boven wan dat ekeren vnde bok vorboden werd, wat se driuet, dar se schaden mede don mogen dar solen se vore | |
| beteren Wo dat de holtgreue vnde schareman vnde radman de beteringe settet, <9> vordmer is vnse olde recht vnde vnse olde wilkore, were dat, dat de | |
| markenoten ofte de kotere vromede swin to sich in nemen de nene ware en hedden ofte de gekoft weren na svnte iacopes dage also de olde kore steit de | |
| weren to voren vorloren, <10> vordmer were dat, dat we ekeren lese, den men dar mede besete, de hedde dat ekeren to voren vorloren vnde solde den | |
| schaden beteren also de holtgreue vnde schareman vnde radman den setten, <11> vordmer is dat vnse olde recht vnde vnse olde wilkore, were dat | |
| dat en markenote nene egene swin en hedde vnde sine ware nicht bedriuen ene mochte, so mach he vorkopen to ses swinen vor de wa | |
| re, men were dat, dat en kotere sine ware nicht bedriuen ene kvnde de mach vorkopen to enen swine vor sinen koten vnde nicht mer, <12> vord | |
| mer is dat des holtgreuen recht dat he vorkopen mach to dertich swinen vnde to enen bere, <13> vordmer is dat vnse olde recht vnde vnse olde wilko | |
| re dat en schareman de vmme de marke gesworen hevet mach vorkopen twigher swine ekern, <14> vordmer is dat vnse olde recht vnde vnse olde | |
| wilkore, were dat, dat de schareman enen vunden mit vnrechten howe eder mit vorkope eder mit gifte eder mit ekeren lesene eder mit yenigen stuk | |
| ken dat der marke schade were dat solen se vorebringhen vnde solen dat penden vnde solen dat pand bringhen in den nyghenhof to beueren, wat | |
| se dan segghet bi eren ede dat en geschadet hebbe, dar en mach nen ander nen recht vore don, <15> vordmer is dat vnse olde recht vnde vnse olde wilkore, we | |
| liken markenoten den de schareman tospreket de solen mit en riden vnde gan vnde helpen en penden vnde helpen en de marke waren vnde welik markeno | |
| te des weygerde den mach men vordrinken vppe ses penninge, <16> vordmer wanne de schareman vnde markenoten hebbet vte wesen so mach erlik drinken | |
| enen beker vnde dat geld sal men gelden van den holtdinges gelde, <17> vordmer is dat vnse olde recht vnd vnse olde wilkore dat nen vthman howen ene | |
| mach in der marke noch driuen mit sinen swinen in de mast es engunne em de holtgreue vnde schareman vnde de gemenen markenoten mit willen <18> | |
| vordmer de markenoten vnde alle de in der marke sittet vnde in de marke horet, de mogen howen wek holt to erer voringe also is elsen vnde berken | |
| hageboken widen vnde aller hande wek holt ane eken vnde boken, <19> vordmer is dat vnse olde recht vnde vnse olde wilkore welik man de ene hove heuet | |
| de warachtich is in der marke vnde de seluen vnder hevet vnde seluen besit in der marke de mach howen vnde driuen also en ander markenote <20> | |
| vordmer is vnse olde recht vnd vnse olde wilkore, dat nen man howen noch driuen ene mach in de marke he ene si en markenote vnde si in der mar | |
| ke wonachtich vnde beseten vnde dat et in der marke bliue, <21> vordmer were yement de breke an dessen dinghen de hir vorlovet vnde vorkoren sin des | |
| sal de holtgreue hebben den derden del wat vellet van der marke vnde van den broke, vnde dat kerspel de twe del, <22> vordmer is dat vnse olde recht | |
| vnd vnse olde wilkore, wes de holtgreue vnde de twe del van den markenoten overdreget, dat se wenet dat der marke beste si, des sal de derde del | |
| mit en volgachtig wesen, vnde ich sweder de gogreue vorgesproken to der [tid] en holtgreue, vnde en erfexe van den hvs to bokhorne vnde van der | |
| hove in deme dorpe, to enen orkunde dat alle dink de in dessen breue stat war sint, vnde dat de vorgenomden schareman vnde markenoten de vor mi | |
| betuget hebbet an gerichte, so heb ich min ingesegele an dessen bref gehanghen, vnde wi, her berend van der stege to der tid en kerkhere to ostbeue, | |
| ren, en markenote vnde en erf exe van der kerken to ostbeueren, vnde ich iohan van der horst en knape, en erf exe van den hvs to richterink | |
| in orkunde vnde betuginghe alle der dink de in dessen breue stat, so hebbe wi ok vnse ingesegele an dessen bref gehanghen, Desse bref | |
| is gescreuen vnde geven na der bord vnses heren godes, do men scref, dusent iar, drehundert iar, vnde negene en dertich, in deme | |
| hilgen dage svnte lucien ener hilgen Jvnchvrowen, |