| 1 | Jch Herman van neyem duon kundich all den ghinen dey dissen breyf zeyt vnde horet lesen · dat godert van |
| 2 | borbeyn mid willen zines wyues Elzeben vnde zir kindere danieles · wilhelms · goderdes · frederykes · Jden vn(de) |
| 3 | mehchildes · zyn gud tho madewygh · dat van my to · leyne gheyt dat heuet hey vor eghen vor koyft rede |
| 4 | liken vnde reychtliken vmme eyne zu(m)me gheldes dey betalt is eweliken to besittene · der Ebbedissen |
| 5 | vnde dem Conue(n)te tho der hymelporten · mid myme guden willen · vn(de) myns wyues stephanien · vnde myr |
| 6 | zoyne · Johans vn(de) Hermans vn(de) al myr reychten eruen · myd irme rade · vnde vulbort myd ir wiscap vnde |
| 7 | myd irme willen vortmer mid wllen <sic> myr zoyne vorghenomd vnde al myr reychten erue(n) so geue ich Her |
| 8 | man van neyem vor genomd vmme godes willen der Ebbedissen vn(de) irme Conue(n)te den eyghendoym des |
| 9 | vorbenondem <sic> gudes eweliken vn(de) vmmermer tho behaldene · vnde vmme godes willen · al dat reyght dat |
| 10 | ich vn(de) myn eruen an dem gude hadden dat dreghe wy oyp der Ebbedissen vn(de) irme styghte vnde vor |
| 11 | tyghet des in dir gyghenwordyghen scryft vnde to eynem thughe disser dynk so is myn zighel vn(de) der |
| 12 | stades zighel wan <sic> werle to eyner merer zikerghet <sic> an dissen breyf ghe hanghen ·· Hir was oyuer |
| 13 | gerwin van thuone(n) , gamerit . tonyus sluyk , brun van werle , Johan van boderike , kostemyn <sic> van bu |
| 14 | derike Herma(n) van borsyt Dyderich van Hoyginge godert van der molen <in HS: Diakritikum über o, evtl. v oder e> , Johan van hoyginge hin |
| 15 | rich van dem hamme Wilhemgoystwin vn(de) Herman burghmest(er)e . Datu(m) (et) actu(m) anno d(omi)ni M° c° c° nonag(esim)° |
| 16 | q(ua)rto d(omi)nica esto michi Datu(m) p(er) copiam |