| 1 | Kundich zi alden ghinen dey dissen breyf zeyt vn(de) horet lesen , dat godert van borbeyn myd |
| 2 | willen zins wyues elzeben , vn(de) zir kindere , danyeles , wilhelms , goderdes , frederykes , Jden vn(de) |
| 3 | meychildes , zyn gud to madewygh gheleghen , dat van my to leyne gheyt , dat heuet hey vor eghen |
| 4 | verkoyft redeliken vn(de) reychtliken vmme eyne zu(m)me gheldes dey em betalt is eweliken to besittene |
| 5 | der ebbedissen vn(de) dem conuente to der hymelporten myd willen myns wiues stephanien vn(de) myr |
| 6 | zouyne iohans vn(de) hermans vn(de) al myr reychten eruen myd irme rade vn(de) vuolbort , myd ir wyscap |
| 7 | vn(de) myd irme willen vortmer myd willen myr zoyne vorghenomd vn(de) al myr reychten eruen so gheue |
| 8 | ich vmme godes willen der ebbedissen vn(de) irme conuente den eeghendoeym <in HS: Lesung der Diakritika unsicher> des vorbenomden gudes ewe |
| 9 | liken vn(de) vmmermer to behaldene , vn(de) vmme godes willen , al dat reyght dat ich vn(de) myn eruen an |
| 10 | dem gude hadden dat dreghe wy oyp der ebbedissen : vn(de) irme styghte vn(de) vor tiget <in HS: unsicher, evtl. auch ver tiget> des Jn dir gyghe |
| 11 | werdighen scryft , vn(de) to eynem tughe disser dynk so is myn zighel vn(de) der stades zighel van werle |
| 12 | to eyner merer zykerygheyt an dissen breyff ghehangen , hir was oyuer vn(de) an her herman van Werle |
| 13 | ridder , hinrich van berdinc , flore van vflen , gherwin van engere , gerwin van tuonen , ghameryc <in HS: unsicher, evtl. auch ghameryt> |
| 14 | tonyus Sluyk , brun van werle , iohan van buderike , kostentyn van budrike <sic; siehe vorherige Schreibung: buderike> , herman van borsyt |
| 15 | diderich van hoyginge , godert van der mulen , iohan van hoyginge hinrich van dem hamme wilhem |
| 16 | goswin vn(de) herman burgh(er)mest(er)e actu(m) (et) datu(m) a(n)no d(omi)ni M°c°c° nonag(esimo) q(ua)rto d(omi)nica esto michi |