| 1 | Wi Heirich <sic> . die borchgreue van stromb(er)ge vnde heirich <sic> vnse sone herman vnde ludolf vnse kindere wnschet allen die de- |
| 2 | sen bref sehet vnde horet vroide mit vnsen heren gode , vnde kundiget dat vmbe die vancnisse die vns die greve va Ra- |
| 3 | uensb(er)ge gevancgen hadde dat wi eine sone daraf gedegedincget hebbet na rade vnser vrinde also dat wi eme gevet der- |
| 4 | dehalf hundert mark , Osenbrucgescher pe(n)nincge , vor die derdehalf hundert mark hebbe wi gegeuen deme greven van |
| 5 | Rauensb(er)ge vnde sinen rechten eruen dat guot to buorninchusen dat hus ton vorde vnde dat hus to wetere , vnde , lude . man . |
| 6 | vnde dinestman , vnde wat to deme guode hort mit allerhande sclachten nuot vor recht eigen mit willen vnses wiues vn- |
| 7 | de vnser rechten eruen , Vortmer so kvndige wi dat dat guot to buorninchusen to wedde steit , den van bornhem . bruone |
| 8 | vnde bernharde , vor twintich marke min dan twe hundert dat hebbe wi den vorgenuomeden greuen bewiset , dat he |
| 9 | dat guot dar lose . Were dat also dat die van bornhem dat guot deme greven nicht enwolden laten to losende , so solde wi |
| 10 | eme dat guot losen , mit sinen pennincgen , sunder arge list . Vortmer so hebbe wi deme greven eine rechte orueide |
| 11 | vnde eine kuste sone also dese bref sprecht , vnde sinen vrinden , vnde hern ludincgere van bardeliue vnde sineme so- |
| 12 | ne en truwen gelouet , vnde vp den heiligen gesworen Vortmer kvndige wi , dat wi hei(n)rike boten den dincgre- |
| 13 | uen , des greuen van Rauensb(er)ge mit willen koren to eime richtere , vnde vor eme vnde vor den vrien die |
| 14 | mit eme weren to elmenhorst dat eigen vp laten Ouer desen vorgescreuenen dincgen vnde auer deser sone heb(-) |
| 15 | bet gewesen greve Conrad van deme Ritb(er)ge , her herman van houele her herman van beueren , her ricwin |
| 16 | van ostenuelde , her Rother van senden , her Rolf van der lippe , her werner van Odeslo , her Conrad van |
| 17 | auenstrot , vnde sine twe sone , herman van meruelde , vnde heinrich sin broder , alf vnde iohan van ostenuel(-) |
| 18 | de , herman hundert mark . ecbrecht van batenhorst , lutfert van steinbeke , Johan frambalch , iohan crede |
| 19 | her timme van honrode , godeuart van Rodenberge , her ludolf nagel . her echard van hurne . her |
| 20 | albrecht vincke , her lippolt van dranthem , her dithart leydebur , her herman van glosinchem her rolf |
| 21 | van harne . her echard van lodere her albrecht buoch , iohan van kersenbrucke vnde bernhard valke |
| 22 | vnde ander vele guder luode . Jn ein tucnisse <sic> vnde in eine orkvnde , so hebbe wi desen bref beingesegelen mit |
| 23 | vnsen ingesegele , vnde greuen Conrades van deme Ritberge , vnde der gemeinen borchmanne van |
| 24 | stromberge . vnde godeuarde <evtl . auch: godenarde> van Rodenb(er)ge , Dese bref wart gegeuen to elmenhorst vnder Ra- |
| 25 | uensb(er)ge na vnses heren godes bort , dusent iar , twe hundert iar vnde twe vnde negentich iar |
| 26 | in deme heiligen dage sunte mauricius vnde siner selleschaft |