1 | Wi bisscop Conrat van Osenbruche Greue Otto van Rauensb(er)ghe prouest Lodewich van Rauensb(er)ghe · vnde here Rolf de edele man <in HS: interlinear nachgetragen> van Defhol |
2 | the wi cundichet alle(n) den de dessen bref horet vnde set · dat en sone vordeghedinchet is tusschen heren stacius van sutholte vnde de(n) van varendorpe |
3 | vnde allen heren helperen vp ene sith · vnde heren hugen den beren vnde de stat van Osenbrughe · vnde allen eren helperen vp ander sith · mit alsu |
4 | liken vnderschede also hir inden breue stet · Dat · her justacius vnde sin wif vor vredike sun comen vor mi den bisscop van Osenbrughe · vnde vortyen vp also |
5 | dan varende got · also he ansprac van sines wives wegene dat heren Johannes des Baren gewesen hadde, hir to sal her justacius vnde sin wif vortyen vp dat |
6 | got to Gretezsche vnde wat dar to hort · hir to sun se vortyen vpe den tenden to hederbeke · went her Lutbert van Linghe · vnde Nicolaus de Eyfel(er)e dat spra |
7 | ken bi er ere dat se dar <gestr: k> nin recht to ne hedde(n) vortmer vmme de vanghenisse de her Euert van varendorpe vnde sine brodere hadden gevanghen h(er)manne |
8 | van Monstere , h(er)manne den Baren, Conrade van Linche dat svon se laten to den bisscope van Monst(er)e to den bisscope van Osenbruche vnde to den greuen |
9 | van Rauensb(er)ghe vnde er ieweder to twen sinen vruonden dar to wat se en dar vmme don heten dat se dat don hir vp sun se goder vruont wesen |
10 | vortmer vmme den knapen amelunche de dar dot blef · dar heft van ene sone · herman van Monstere, Conrat van herne vnde alle <in HS: interlinear nachgetragen, evtl. von anderer Hand> de mit in weren · van amelunche(s) |
11 | broderen · vnde van den van varendorpe . vnde van allen eren machen · de vor se don vnde laten willen · Hir weder sun hebben de van varendorpe ene sone van here(n) |
12 | hugen van wede · vnde allen sinen vrenden · vnde de <in HS: interlinear nachgetragen> knechte der van varendorpe · Hir to sal aflechen her stacius van Sutholte alden scaden de angensit des witten |
13 | veldes gheschen is in dessen orloghe · van heren hvgen den baren · der stat van Osenbruge vnde allen eren helperen an minnen oft an rechte wer we de des |
14 | nicht nemen wolde to der tyt · so salt her stacius echt don wan it her hughe de bare vnde de stat van Osenbrughe van ime hebben wil · vppe de stat |
15 | dar he velich sy vortmer sal her stacius vnde herman van Elmelo den greuen van tekeneborch of lechen de scvolt de he eme gaf <gestr.: er> deme orloche |
16 | an minnen oft an rechte. Hir mede sun hebben · her hvge de bare · de stat van Osenbrughe vnde ere helpere hebben ene sone van greuen · van |
17 | sterrenberche wert dat he der sone nicht holden ne wolde so solde de biscop van Osenbrughe vnde de greue van Rauensberche · help(er)e wesen heren hu |
18 | gen des baren der stat van Osenbrughe vnde erre helpere · dat sulue sun her huge vnde de stat van Osenbrughe vnde er helpere en weder |
19 | don vmme de sake · vortmer wanne de van sterrenberche dat tuget an sinen openen <in HS: ope[de] - nen angehängt> breue · dat he de sone stede holde so sin de heren des |
20 | des <sic> lenedes quit an beden syden · vortmer vmme dat hus vorden walde to yborch dar svn her Euert van varendorpe vnde her Rolf van Langhen vrvont vm |
21 | me wesen · were dat also dat her Euert van varendorpe des nicht enberen enwolde hene wolde heren Rolue scult geuen · so solden se comen vor den greuen van |
22 | benthem · hedde her Rolf heren Euerde vnrecht gedan dat solde he weder don · en hedde he em nin vnrecht ghedan so solde he en vnbedegedinghet laten vm |
23 | me de sake hir mede heuet Euert van wischginge ene sone van heren berende van varendorpe, vortmer sone sal her stacius van Sutholte vppe heren hughen den |
24 | baren noch vppe de stat van Osenbrughe · vnde ere helpere nimanne holden · ofte helpen to vnrechte · hir mede sun alle vanghenen quit wesen an beden siden vnde |
25 | al dinghetale de er den vrede nicht vt comen was, ane de in en andere hant gewiset was · hir mede sal Lodewich van Kogelenberge van heren stacius vnde allen sine(n) |
26 | vrenden ene gance sone hebben vortmer sal sich her hvge genuchen laten in achte borchen ridere vnde knechte ane heren · Vnde dat kvndiche we her hv |
27 | ghe de bare · de schepenenn <sic> van Osenbrughe vnde vnse vrvont · allen den de <in HS: interlinear nachgetragen> dessen bref horen vnde sen · dat wi dat an trvwen ghelouet hebbet · dat desse sone |
28 | de hir bescreuen is vort gan sal vnde dar gheue vnse ingesegel up · dat dit stede bliue Dit is gheschen to der koldenbeken des dunredaches en aue(n)t |
29 | na vnser vrowen dache der lateren |