Zweites Verzeichnis der Vasallen und Lehen der Herren von Lüdinghausen - ca. 1339-1347

	<Hand 1>
	Dit sint Hermannes man van Ludinchusen unde hebbet dit ghut von eme
	ontfanchen dat hir na screven steet: Berend van der Heyde hevet
	Stourinches hus tho Tullinchouen in den Kerspele tho Ludinchusen.
	Vortmer Engelbert van Meglen hevet den tenden tho Teerns in den
	kerspele to Zelem. Onde Herman van Sendene dat hus thon Vorwerke
	in den Kerspele van Ludinchuse onde half dat hus thon Rodden in den
	Kerspele van Zeelem. Onde her Crampe dat neste hus der Kerken tho
	Veleren. Vortmer Morriken heuet Gruben hus in den Kerspele van
	Seperrode. Item Gobelen hus van Weeischere in dem Kerspele tho
	Nortkerken, unde Johannes hus des Svanen unde Bramkampes hus;
	desse hus lighet bede in den Kerspele van Olflen, unde Gherdes
	hus tho Reckelshem, dat hadde hort in den hof tor Horst.
	Item Ghert Roye de heuet den hof tor Horst unde Gobelen houe,
	disse bede sint beleghen in der Kerspele van Olflen. Item Gripse
	heuet de Espenhoue in den Kerspele tho Othmersbocholte.
	Item Maghorius van Stockhowe heuet des Swickers hus onn
	Bakemannes hus tho Loschede in der burscap in den Kerspele
	tho Dulmene. Item Johan Maleman Debeltes hus tho Hasle in den
	Kerspele tho Boregh. Item hern Goderde Bischopinc, eynen
	borghere tho Munstere, dat hus tho Kelinctorpe in den Kerspele
	tho Bosenzele unde dat Venehus in den Kerspele tho Sendene.
	Item Herman Honiken unde sin sonne Lodewich den houf tho
	Bocholte unde de Offere unde Borensteninch in den Kerspele
	tho Bossenzele, dusse dre sol men hebben van den biscope van
	Munstere. Vorthmer hebbet se de Echenhoue. Item Lubbert van
	Sendene heft de huve tho Ostendarpe unde luttiken Broken beleghen
	in den Kerspele van Sendene. Item Budden dochter de Goswin de
	Schutere heuet, de heft eynen tenden tho Berinctorpe, de is
	beleghen bi Dulmene. Item Buckestorp heuet dat hus tho bussen
	Buckestorpe dat beleghen is den Kerspele tho Notlon. Item Herman
	van Wullen heft dat Oninchus dat sin wonenghe is beleghen in den
	Kerspele tho Bilrebeke. Item Alf Crampe heft den tenden tho
	Winhem leghen in den Kerkspele tho Olflen, onde eynen tenden
	thor Nortkerken. Item Scillinc-Morrian heft den houf tho
	Bertelswic gheleghen in den Kerspele van Ludinchusen, vorthmer
	dat hus thor Beke en Sudinctorpe de beleghen sin in den Kerspele
	tho Seperrode. Item Hinrich van Munstere heuet Hickebedorpe
	beleghen in den Kerspele tho Othmersbocholte. <gestr.: Item
	Johan Prambalch heft dat Beckehus beleghen in den Kerspele tho
	Veleren.> Item Trauelman heft dat hus dat hetet Grotenbroken
	beleghen in den Kerspele van Sendene. Item [...] [...] Kerspele
	tho Ludinchusen. Item Albert de Drotzete heft dat Holthus tho
	Oldendarpe beleghen in den Kerspele tho Seperode. Item Tiderik
	Ryman heft dat luttike hus thon Ryre onde dat luttike hus thor
	Dauart. Item Conrat van den Grotenhus heft heft <sic> dat hus
	thon Twenhusen in den Kerspele thor Sutkerken de helfte. Berend
	van Bulleren heft dat Wostehus onde dat lutike Hulsowe de lighet
	in den Kerspele tho Bulleren. Item Williken van Bulleren heft
	Wuninch onde Nyberdinch beleghen in den Kerspele tho Dulmene.
	Item Tideric van den Mesikenwerke heft dat luttike hus tho
	Honesthinc in den Kerspele tho Greuele. Item Godike van Heerde
	dat hus thon Vechtlo in den Kerspele tho Oswinkele. <in HS übergeschrieben:
	Dat gut hevet Bertold de Heert ton B ... otfangen.> Item Johan
	Hughe heft dat ghud dat rovet se van den hove tho Bellinc.
	Item Herman van Ermene onde sin sone hebbet dat gud tho Ermene.
	Item her Bramhorn <in HS übergeschrieben: de here van Stenvorde> heft dat
	hus thon Stroden. [...] Item Berend van Erlinchen onn Marcquart
	hebbet dat hus thor Beke onn Penctorpe, Scolbrokes hus in den
	Vorste beleghen in den Kerspele tho Ludinchusen, onn eyn ander
	hus in den Kerspele tho Othmersbocholte. Brun van den Verenhove
	[...] Lambert van der Ryre [...] Godike Rost heuet veer
	schellinche gheldes ut den Ebelinchoue. her Herman Bramhohen
	dat hus thon Straden. Bernt Stenbicke dat hus Bekehus in den
	Kerspele to Veleren.
	<Hand 2 - mit anderer Tinte>
	Ludike Hake hevet Balghes hus to Bentlaghe in der burscap to
	Bentlaghe in den Kerspele to Reyne. Godike van Herde dat hus
	to Vechtlo in den Kerspele to Hoswinkele [...]
	<Hand 3 - Nachtrag in eine Lücke>
	Alf de Loueyer dey Meygerinchof, dat Holthus, dat hus to
	Willingen desse sind belegen in den Kerspele van Raisvelde.
	<Hand 2 - Fortsetzung nach der Lücke>
	Her Godert van Lembeke de hevet van ons to lene, [...] dat
	hevet Ludeke van Andorpe leen. Heydenrich Pykenbroec dat hus
	to Brochtorpe in den Kerspele to Ludinchusen weder enen tenden
	de beleghen is in den Kerspele to Dulmene by Zeperrode.