| De modo (et) forma eligendi Consulatu(m) <Überschrift von anderer Hand nachgetragen> | |
| Vmme vrede vmme Ere vmme gheruchte vmme nut | |
| vn(de) vmme bederf vnser Stad to Osemb(rugge) . Sin wi ·· Schepenen · de | |
| in deme Jare do men scref na Godes ghebort dusent · drehundert | |
| Jar . Jn deme achte vn(de) vertighesten Jare · den Raeth der selue(n) Stad | |
| to Osemb(rugge) besethen · Des to rade worden vn(de) hebb(et) ghesatet i(n) ewiger | |
| sathe mit Rade der wysheyt vn(de) mit wulbort vnser menheyt | |
| Dat eyn Jewelik vnser buorgh(er)e de eghene(n) rok heuet . binnen | |
| Osemb(rugge) . ane de ghene de in dem rade ghe sethen hebb(et) · scuon alle | |
| Jar des neysten daghes na nyen Jare gaen vp dat hus dar men | |
| de ·· Schepenen kesen sal wanne men de clocken lut we des nicht | |
| ne dede , den sal men penden vor dre schillinghe ·· Os(embruggesch) alse des stades | |
| olde recht ghewezen heft . vn(de) so scuon de Sesteyn schepene(n) · de dat | |
| Jar den Raed be sethen hebb(et) · gaen vp dat hus vor de menheyt . | |
| vn(de) dobelen dar , mit dren stenen , eynes worpes , vn(de) · de lyken . i(n) den | |
| worpe scuon sich liken , also langhe dat it kome · vp eyne(n) den meysten | |
| vn(de) eynen den minnesten in den worpe De twe scuon dan sweren · in | |
| den hiligen . Dat se kesen na yren besten wane , Ses teyn man . alse | |
| veere van der nyen stad veere in su(n)te Joh(ann)is lescap · veere bute(n)borch · | |
| Twe binne(n) borch , vn(de) Twe in der Haze letscap vn(de) de Eyd sal aldus | |
| wezen , dat se de kesen , ane vore sa the · vn(de) su(n)der voresprake · vn(de) | |
| dat se dat ne doen noch laten . vmme .. lef vmme leyd . noch v(m)me | |
| Jeniger leye ding · dat de rechticheyt hind(er)en moghe . se ne ke | |
| sen de ghene de se wene(n) bi yren besten . wane . de to den kore · | |
| vn(de) der stad nutte sin De sesteyne de de Twe dan keset · de | |
| scuon sweren in den hiligen , dat se kesen veere vpper nyen stad . | |
| veere in su(n)te Joh(ann)is letscap . veere buten borch Twe binne(n) borch | |
| vn(de) twe in der Haze letscap . De de Schepene(n) vort kesen . vn(de) de | |
| Eyd sal al dus staen Dat se de kesen · ane voresathe · v(nde) su(n)der | |
| vore sprake · vn(de) dat se dat ne doen eder ne laten vmme leyf | |
| vmme leyd · eder vmme Jenigher leye ding . dat de rechticheyt | |
| hind(er)en moghe · se ne kesen de ghene · de . se wene(n) bi yren besten | |
| wane . de to den kore vn(de) yrer stad nutte sin · Alse se den eyd | |
| ghe sworn hebb(et) , so scuon se alle Sesteyne gaen in de eyne letscap | |
| vore , vn(de) in de and(er)en na . vn(de) kesen dar vth alse hir . vore gescreue(n) <Seitenwechsel> | |
| steyt . W(er)e dat se des kores nicht endrechtich werden ne . kuonden | |
| so sal men den <in HS: getilgtes er-Kürzel? über den> mereren hope volghen ·· De sesteyne de dan | |
| dar to ghekoren werdet . dat se de Schepenen kesen scuon . de | |
| scuon sweren in den hilighen , dat se kesen sesteyn Schepene(n) · veere | |
| van der nyen stad . veere in su(n)te Joh(ann)is letscap . veere bute(n) borch | |
| Twe binne(n) borch , vn(de) twe in der hazeletscap . vn(de) de Eyd sal wesen | |
| in der wize . alse des Sesteyne vore ghesworn hebb(et) . W(er)e dat se | |
| des kores nicht endrechtich ne worden · so sal men den meysten | |
| hope volghen . Ok ne scal men nine beruchtede lude · Eder nine(n) | |
| man de seluen in siner p(er)sone(n) wanbordich si . vn(de) ninen man de sich | |
| seluen vriy ghekoft heft . in den Raed des stades to osemb(rugge) kesen · | |
| W(er)e dat . soliker lude · als hir Jotto <sic> vth ghesproken sin , witlike | |
| oder vnwitlike in den Raed ghekorn worde , Jenich man , so wanne | |
| dat gheeschet · vn(de) be wunden worde , so scuon de ghene de de ·· sche- | |
| pene(n) ghekoren hebb(et) , weder to gadd(er)e gaen , vn(de) kesen and(er)e sche | |
| penen in yre stede . vn(de) de scuon vth den rade gaen . vort mer | |
| ne scal der stades boden , nyn , lenger bode bliuen , to eyner tyd | |
| dan Twe Jar . Men dar na ouer eyn Jar . mach men ene weder | |
| nemen , oft dat den .. Schepene(n) de dan sin , nutte du(n)ket · | |
| Desse sate , vn(de) dessen wilkore , hebbe wi wunden , vmme endrech- | |
| ticheyt vn(de) vmme bederf , vnser Stad , mit rade der wisheyt | |
| vn(de) mit wlbort der menheyt , alse hir vore ghescreue(n) steyt · | |
| W(er)e dat Jenman van den vnsen bewunden worde , mit der | |
| warheyt , de hir weder dede . den solde men vor deruen in | |
| liue vn(de) in guode . |